అన్నయ్యకు అభినందనలు.

ఒకానొక రోజున 2012లో మా అమ్మకి రొమ్ము క్యాన్సర్ అనే ఓ స్థితి కలిగింది. ఆమె చాలా భయపడింది. మేము ఇక్కడ తను ఒక్కతే అక్కడ. మాకు బాగా కావాల్సిన ఓ వ్యక్తి మా అమ్మగారిని ఒక సర్జికల్ ఆంకాలజిస్ట్ దగ్గరకి తీసుకువెళ్ళారు. సదరు డాక్టరు ఎంతో అమర్యాదగా ప్రవర్తించాడు. నీడిల్ టెస్ట్ చేయించుకుని రిపోర్ట్ తేండి అన్నాడు. మా అమ్మ ఏదో ప్రశ్న అడగబోతే గెట్ ఔట్ అన్నట్లుగా ప్రవర్తించాడు. కసురుకున్నాడు. విసుక్కున్నాడు.
మా అమ్మ పాపం బిక్కచచ్చిపోయింది. ఇంటికొచ్చి చేలా బాధపడింది. వైద్యో నారాయణో హరిః అన్నది మన సంస్కృతి. మా మాతామహులు ఆయుర్వేద భిషక్.

నేటి డాక్టర్లు ఇలా తయ్యారయ్యారు. రోగికి మనోధైర్యం ఇవ్వాల్సిన వైద్యుడు రోగిని మానసికంగా హత్య చేస్తున్నాడని గమనించటం లేదు.
నేను ఫోన్లో మాట్లాడినప్పుడు ఇలా చెప్పుకొచ్చింది.
నా మిత్రుడికి కాల్ చేసి అతని అన్నగారితో మాట్లాడాను. ఆయన యండి రేడియాలజి చేసి ప్రభుత్వాసుపత్రిలో పనిచేస్తున్నట్టు నాకు జ్ఞాపకం. నాకు గుర్తున్నంతవరకు గుంటూరులో పోస్టింగు. వాడికి ఫోణ్ చేసి ఇదిరా పరీస్థితి అని వివరించాను. వాడు అన్నయ్యతో మాట్లాడి ఆయన నెంబరు నాకిచ్చి మాట్లాడమన్నాడు.
ఆయన నన్ను వెంటనే రిసీవ్ చేస్కుని ఏ ఆసుపత్రీ? ఎవరా డాక్టర్ అని అడిగారు.
పలానా అని చెప్పాను.
అరేయ్ అతను నాకు బాగా తెలుసు, నేను చూసుకుంటాని భరోసా ఇచ్చాడు.
అన్నట్టుగానే మా అమ్మకి ఫోన్ చేసి మాట్లాడి, తన కారులో మా అమ్మని తీసుకుని సదరు డాక్టర్ దగ్గరకి తీసుకెళ్తే అతను అప్పుడు, ఈయన మీకు ఏవైతాడూ ఇంతక ముందు చెప్పలేదే అని చేతిలో చేయివేసి లోపలకి తీసుకెళ్ళి నీడిల్ పరీక్షలు గట్రా చేసి ఏవీ లేదని మొత్తానికి నిర్ణయించి పంపించాడు ఇంటికి క్షేమంగా.

ఈరోజున అన్నయ్య HOD అవ్వటం గొప్ప విషయం.

ఈయన నన్ను సొంత తమ్ముడిలా ఆదరించాడు. ఈయనే కాదు వీళ్ళ కుటుంబం మొత్తం నన్ను కుటుంబంలోని వ్యక్తిగా చూసుకున్నారు.
అన్నయ్యకు కృతజ్ఞతాభినందనలు.

బీసీలపై దాడి

తప్పుచేస్తే వారెంటుతో ఎవర్నైనా అరెస్ట్ చేయచ్చని నాకున్న చిన్న పరిజ్ఞానం చెబుతున్నది.

అచ్చెన్న అవినీతికి పాల్పడ్డాడని అభియోగం.

అది నిజమా కాదా తేల్చాసింది చట్ట వ్యవస్థ.

మా నాయకుడిని అరెస్ట్ చేశారు. అతను అమాయకుడు. మేం ఒప్పుకోం. ఏదోకటి చేస్తాం!

మంచిది! చేయండి! 

కానీ ఇదేంటిదీ? బీసీల మీద దాడి అనటం? 

జగన్ని 18 నెలలపాటు జైల్లో పెట్టారు. 

దానికి ఏంచెప్పాలి?

ఇవన్నీ పక్కనపెడితే -

రాయలసీమలో రెడ్లు బీసీలని ఎక్కడో విన్నట్టు గుర్తు!

Anyone know that point? Please share more details.

శివానంద లహరి

శివానంద లహరి

శివానంద లహరి అంటే శివానంద మహా ప్రవాహం అని.

తన్మయత్వంలో మునిగితేలిన ఆయన అంశ ఆయనతో రమిస్తూ స్రవించిన మహాప్రవాహం శివానంద లహరి. ఆ అంశ శ్రీ ఆదిశంకరాచార్య.

కలాభ్యాం చూడాలంకృత-శశి కలాభ్యాం నిజ తపః-

ఫలాభ్యాం భక్తేశు ప్రకటిత-ఫలాభ్యాం భవతు మే |

శివాభ్యాం-అస్తోక-త్రిభువన శివాభ్యాం హృది పునర్-

భవాభ్యాం ఆనంద స్ఫుర-దనుభవాభ్యాం నతిరియమ్

కలాభ్యాం = (సకల) కళలయొక్క స్వరూపము తామే అయిన వారు (అగు పార్వతీ పరమేశ్వరులు ఇరువురికీ)

చూడాలంకృత శశికలాభ్యాం = శిరస్సుపై చంద్రరేఖను అలంకరించుకున్నవారు

నిజతపః ఫలాభ్యాం = పరస్పరము ఒకరి తపస్సునకు మరియొకరు ఫలముగా లభించినవారు

భక్తేషు ప్రకటిత ఫలాభ్యాం = భక్తులకు విశేషముగా వరములను ప్రసాదించువారు

శివాభ్యాం = పరమ మంగళ స్వరూపులు

అస్తోక త్రిభువన శివాభ్యాం = మూడు భువనములకును విశేషముగా శుభములను కలుగజేయువారు

హృది పునర్భవాభ్యాం = (నా) హృదయమునందు మరలా మరలా దర్శనమిచ్చువారు

ఆనన్ద స్ఫురదనుభవాభ్యాం = ఉప్పొంగుతున్న ఆనంద స్థితిని అనుభవించువారు (అయిన పార్వతీపరమేశ్వరులకు)

మే నతిరియమ్ = ఇవియే నా నమస్కారములు

భవతు = అగుగాక

సకల కళలయొక్క స్వరూపము తామే అయినవారు, శిరస్సున చంద్రరేఖను ధరించినవారు, పరస్పరము ఒకరి తపస్సునకు మరియొకరు ఫలముగా లభించినవారు, భక్తులకు విశేషముగా వరములను ప్రసాదించువారు, పరమ మంగళ స్వరూపులు, త్రిభువనములకును విశేషముగా శుభములను కలుగజేయువారు, నా హృదయమునందు మరలా మరలా దర్శనమిచ్చువారు, నిరంతరమూ ఉప్పొంగుతున్న ఆనంద స్థితిని అనుభవించువారు అయిన పార్వతీ పరమేశ్వరులకు ఇవియే నా నమస్కారములగుగాక.

సినిమా ప్రపంచంలోకి వస్తే -

అతనొక *జగదేకవీరుడు*. అతనికి సవాళ్ళంటే మహా ప్రీతి. అతని జీవిత ప్రవాహంలో ఓ మలుపులో ఒక సవాల్ - 

మహావీరా - అల్లదిగో కనిపించే ఆ జంత్రములను ఏకకాలమున మేళవించి నీ గానామృతముతో ఈ శిలని కరిగించు, నాకు ముక్తిని ప్రసాదించు

సవాల్ స్వీకరిస్తాడు మహావీరుడు. 

  

 -

శివశంకరీ

శివానందలహరి శివశంకరీ

చంద్రకళాధరి ఈశ్వరీ...

కరుణామృతమును కురియుజేయుమా

మనసు కరుగదా మహిమ జూపవా

దీనపాలనము చేయవే

శివశంకరీ

శ్రీ పింగళి నాగేంద్రరావు గారి మహాద్భుత రచన

ఈ రచనకు గాత్రాన్ని ఇచ్చి ప్రాణం పోసింది మాత్రం శ్రీ ఘంటసాల.

ఈ పాటని చూసే జనాలు చూస్తారు, NTR ని జగదేక వీరునిగా ఊహించుకుంటారు. ఆయనకి ఓటేస్తారు గెలిపిస్తారు, ముఖ్యంత్రిగా చేస్తారు. ఆయన కొడుకుని నెత్తిన పెట్టుకుంటారు. ఆ కొడుకు కొడుకుని పెట్టుకుంటారు. రాబోయే తరాల్లో ఆ కొడుకుల కొడుకుల్నీ పెట్టుకుంటారు.

కానీ ఎందరు పింగళిని గుర్తుతెచ్చుకుంటారూ? ఎందరు పాటగాడిని స్మరిస్తారూ?

అది పక్కన పెడితే తెలుగు సినీ సాహిత్యంలో సాంప్రదాయ సంగీత వాసనలతో వచ్చిన పాటలు తక్కువ. అందులో ఎన్నతగ్గ పాట ఇది.

ఇలాంటి పాటని శ్రీ బాలయ్య బాబు గారు ఖూనీ చేయకుండా ఉండాల్సిందని నా అభిప్రాయం.

వాళ్ళ నాయనగారూ స్క్రీన్ మీద అభినయించారేగానీ గాత్రదానం చేయలేదు. అలాంటప్పుడు ఈయన ఈపాటని ఆయనగారి పుట్టినరోజు కానుక అని పాడటం ఏంటో అర్థంకాదు.

ఏ దానవీరసూర కర్ణలోని డైలాగుల్నో బహుమతిగా ఇచ్చుంటే ఇంతగా బాధపడాల్సిన పని లేదు.

పాటని చూస్తే ఒక్క గమకం లేదు. గొంతులో మృదుత్వంలేదు. పాటతో రాళ్ళని కరిగించాలనే ఆర్తి లేదు.

శంకరాభరణం శంకరశాస్త్రి గారి అద్భుతమైన మాటలు ఒక్కసారి స్మరిస్తూ -

"ఆకలేసిన బాబు అమ్మా అని ఒకలా అంటాడు

ఎదురుదెబ్బ తగిలిన బిడ్డ అమ్మా అని మరోలా అంటాడు

నిద్రలో ఉలిక్కిపడి లేచిన పాపడు అమ్మా అని మరొకవిధంగా అంటాడు. 

ఒక్కొక్క అనుభూతికి ఒక్కో నిర్దిష్టమైన నాదం ఉంది, శృతి వుంది, స్వరం ఉంది.

ఆ కీర్తనలోని ప్రతీ అక్షరం వెనక ఆర్ద్రత నిండి ఉంది దాసూ. 

తాదాత్మ్యం చెందిన ఒక మహామనిషి గుండె లోతుల్లోంచి తనకు తానే గంగాజలంలా పెల్లుబికిన గీతమది. రాగమది. మిడిమిడి జ్ఞానంతో ప్రయోగాల పేరిట అమృతతుల్యమైన సంగీతాన్ని అపవిత్రం చేయకయ్యా. మన జాతి గర్వించదగ్గ ఉత్తమోత్తమమైన సంగీతాన్ని అపభ్రంశం చెయ్యకు"

వ్యవస్థ ఇలా కాలేదు - ఇలా తయారు చేయబడింది.

వ్యవస్థ ఇలా కాలేదు - ఇలా తయారు చేయబడింది అంటూ ఒకామె ప్లకార్డ్ పట్టుకున్న టిట్టర్ నన్ను ఆపేసింది.

A protester holds a sign outside the U.S. Capitol. It reads, “The system is not broken. It was built this way. #BlackLivesMatter.” pic.twitter.com/Wba3hxvQX4

— Shomari Stone (@shomaristone) June 8, 2020

వ్యవస్థని ఇలా చెక్కారు పెద్దలు. ఏదేశం వేళ్ళినా ఇందులో పెద్ద మార్పు ఉండదు. బలవంతుడిదే రాజ్యం. రక్షకుడే భక్షించటానికి వత్తాసు. కంచే చేనును మేసేందుకు ప్రోత్సాహం. ఈ దేశం నలుమూలలా గోలలు సమ్మెలు హర్తాళ్లు నడుస్తున్నాయి. దేశాధ్యక్షుడు ఫిడేలు వాయించటం మాత్రం ఆపటంలేదు. సింపుల్ - ఆందోళనకారుల్లారా, ఏంకావాలీ? ఓహ్! అవునా "పరిశీలిస్తాం" అని కేవలం ఒక్క మాట అంటానికి నోరు రావట్లేదు. ఇదేవన్నా Anti CAA ప్రొటెస్టా? కాదు. పోనీ ఇదేవన్నా Anti NRC ప్రొటెస్టా? కాదు. అసలే కోవిడ్‌తో లక్షమందిని పొట్టనబెట్టుకున్న వ్యాపారకాంక్ష. దీనికి అంతం? ఎలక్షన్లా?

ఏడాదిలో 13 లక్షల టన్నుల ఇసుక మాయం

జగ 'మేత ' గజ 'మేత ' ఏడాదిలో 13 లక్షల టన్నుల ఇసుక మాయం చేశారట. బాబు గారి ట్వీటు. మాంచి సినిమా రచయితని ట్విట్టర్ మీదకి వదిలనట్టున్నారు బాబు గారు. ప్రాసలు అనుప్రాసలు అంత్యప్రాసలు అల్లాడిస్తున్నారు ఎవరోగాని. విషయానికొస్తే - నిన్నటిదాకా ఇసుక రీచిల్లో ఇసుక లేదన్నారు. ఇప్పుడేమో తూకం పట్టి కొలిచినట్టుగా అక్షరాలా 13 లక్షలా 36 వేల 860 టన్నులా 13 గ్రాముల ఇసుక మాయం అంటున్నారు. ఏవైయుండాలి? ఇసుక తినేది కాదు. కట్టడాలకే వాడాలి. లేదా సముద్రంలోనన్నా కలపాలి. జగన్ ఇంట్లో దాచేసుకుని ఉంటాడేమో అని నా అనుమానం.

ఏడాదిలోనే "జగమేత" ఈ స్థాయిలో ఉంటే రాబోయే కాలంలో "గజమేత" ఇంకెలా ఉంటుందో..? ఈ దోపిడీని ప్రజలే అడ్డుకోవాలి. ఈ పోరాటంలో ప్రజలకు తెలుగుదేశం ఎప్పుడూ అండగా ఉంటుంది(6/6)#Jagan420Batch#1YearOfMassDestruction

— N Chandrababu Naidu #StayHomeSaveLives (@ncbn) June 7, 2020

ప్రతిపక్షం నేత హుందాగా వ్యవహరించాలి. ప్రపంచంలోనే సీనియర్ నేత ఇలా నీచస్థాయిలో పాలకపక్షం మీద ఇంటార్నెట్లో దాడికి దిగటం ఆయన పెద్దరికానికే వదిలేద్దాం. దీనిమీద సమగ్ర చర్చ గరుగుతుందా ట్విట్టర్లో అంటే అదీ ఉండదు. జై జై అంటూ జేకొట్టే జనాలు తప్ప

సూరిగాడు ఇన్ సమ్మర్

సూరిగాడి కోతిమూక టు ది రూఫ్ ఎంజాయ్ చేస్తున్నారు

బంగాళ దుంప

మొట్టమొదటి సారి బంగాళదుంపని పండించటం అనిర్వచనీయ ఆనందం

అభిమానమా రాక్షస్త్వమా?

అప్పట్లో ఓ పేద్ద హీరో కొడుకు  గారు తన ఫ్యాన్స్‌తో ఏవన్నారో చూశాం.

ముద్దన్నా పెట్టాలి లేకపోతే కడుపన్నా చేశాయాలి అంటూ కొంతకాలం క్రితం -

అలా ఆయన పిలుపు ఇచ్చినందుకు ఎందరికి కడుపులయ్యాయో తెలియదు కానీ ఆ పిలుపుకి స్పందించిన వాళ్ళు ఉండే ఉంటారు.

ఇప్పుడు అతని  అన్నగారి కుమారుడి ఫ్యాన్స్ వంతు. ఆమెవరో ఓ హీరోయిన్. ఆమెకు ఒపీనియన్స్ ని నిర్భయంగా చెప్పునుకునేందుకు కక్కునేందుకు ట్విట్టర్ అనే బక్కెట్టు ఉంది.

అందులో నిర్భయంగా ఆమె అనుకోళ్లను నిర్భీతిగా వెళ్లగక్కే హక్కు ఆమెకి ట్విట్టర్ ఇచ్చింది.

ఆమేమీ కశ్మీర్ లో కాల్చివేయబడ్డ తీవ్రవాదులు దేశభక్తులనో లేక లోకేశ్ బాబు దేనికీ పనికిరాడానో అనలేదు.

కేవలం "పలానీ హీరో గురించి తెలియదు, అతని అభిమానిని కాదు" అన్నది. 

@ysjagan @tanetivanita ive been abused of gangrape, acidattack, abused, cyberbullied and slutshamed by your state. @hydcitypolice has filed an fir and i hope for the safety of women this will investigated thoroughly pic.twitter.com/X05z46VrHK

— meera chopra (@MeerraChopra) June 4, 2020

@hydcitypolice @CyberCrimeshyd i would like to report all these accounts. They are talking abt gang banging, are abusive and death threatning. Unfortunately they are all @tarak9999 fanclubs. @Twitter i would request you to look into it and suspend these accounts. pic.twitter.com/7bBEz2fZHh

— meera chopra (@MeerraChopra) June 2, 2020

ఈంటీ ఈ పైత్యం?

ఒకడేమో ఆడది కనిపిస్తే కడుపు చేయమంటాడు. ఒకడి ఫ్యాణ్సేమో నిన్ను గ్యాంగ్ రేప్ చేస్తాం అంటారు.

ప్రజలు వీళ్ళని గెలిపించి మంత్రులుగా యంపీలగా ముఖ్యమంత్రులుగా చేస్తారు.

ఇది వేలంవెఱ్ఱి అభిమానమా? రాక్షసతవపు అభిమానమా?

నాకు జుగుప్స కలిగించింది వీళ్ళ నేర/కుట్రపూరిత ఆలోచనా ధోరణి.

రేప్ చేస్తారా? గ్యాంగ్ రేప్ చేస్తారా? ముఖం మీద యాసిడ్ పోస్తారా?

వీళ్ళ ఆలోచనాధోరణిని కఠినంగా శిక్షించాలని చట్టాన్ని న్యాయాధికారుల్నీ ప్రార్థిస్తున్నా

Watch Strap

Watch Strap

Samsung Galaxy S3 Frontier అనే వాచ్ కొన్నా ఆ మధ్యలో. దానికి కంపెనీ వాడు ప్లాస్టిక్ స్ట్రాప్ ఇచ్చాడు. అది పెట్టుకుంటే చర్మం పాచిపోయినట్టుగా అయ్యింది. ఓ రోజు తొక్క లేచింది కూడా. కాస్త మంచిది కొందాం అని వెతికాను. etsy.com అనేదాంట్లో ఒకటి కనిపించింది.

https://www.etsy.com/listing/671151452/samsung-galaxy-watch-band-gear-s3?ga_order=most_relevantga_search_type=allga_view_type=galleryga_search_query=gear+s3+paracordref=sr_gallery-1-1frs=1

వీడి బొంద $45 అన్నాడు.

మనమే ఒకటి చేసుకుంటే పోలా అనుకున్నా.

Samsung Galaxy S3 frontier pin size 22mm. అమెజాన్‌లో తెప్పించాను. నా దగ్గర paracord ఉంది నల్ల రంగుది. ఇంకా కావాల్సింది buckle. అదీ అమెజాన్‌లో తెప్పించాను.

వాచ్ కి రెండువైపులా ఎంత పొడుగు కావాలో సైజు చూసి అల్లాను.

నవమి చిలుక

నీ జడకుచ్చులు నా మెడకుచ్చులు కనుక

నీ వెనుక నా నడక నీ కెందుకులే కినుక

ఓ..నవమి చిలుక.. నగవు చిలుక.. తగదు అలుక.. తగవు పడక

వేటూరి మాయాజాలం!
వేటూరి సరళమైన పదాలతో అల్లిన అల్లిక ఈ పాట

నీ జడ కుచ్చులు - నా మెడకి ఉచ్చులు

కాబట్టి చచ్చినట్టు నీ వెనుకనే నా నడక

తప్పదు

ఓ నవమి చిలుక

నగవు చిలుక - నగవు చిలుకించకు (మజ్జిగలో కవ్వం వేసి చిలికే చులుకు)

నగవు చిలుక అంటే ముసి ముసి నవ్వులు చిమ్మటం

తగదు అలుక.. తగవు పడక

కవి భావం ఏంటంటే - పోట్లాటలు తన్నుకోటాలు గుద్దుకోటాలు  అలకలు లేకుండా (తగవు పడక) ముసిముసిగా నవ్వొచ్చుగ్గా  అందంగా కొబ్బరినూనె ముఖందానా అని.

ఈ సినిమాలో సుహాసిని అలానే ఉంటుంది, జిడ్డు ముఖం.

సమస్యల్లా నవమి చిలుక దగ్గరే.

నవమి చిలుక అంటే ఏవిట్టా?

దేవుడి మాన్యం

కొన్ని వేల సంవత్సరాలుగా ప్రభువులు బ్రాహ్మణికల్ యాటిట్యూడ్‌లో తడిసి ముద్దై గుళ్ళు, గుడి వ్యవస్థ, స్వయం ప్రతిపత్తి కోసం మాన్యం, గుడికొక అర్చకుడు అనే వ్యవస్థని ఏర్పాటు చేశారు.

కొన్ని శతాబ్దాలో దశాబ్దాలో నడిచాక పరాయి పాలకులు దేశాన్ని గుళ్ళను గుడి సంపదను దోచుకోగా మిగిలిన టాంజిబుల్ ప్రాపర్టీలని తమతో తీసుకెళ్ళలేక పాపం డీలాపడి, సదరు భూముల్ని ఎలా దోచుకోవాలా అని బాధపడ్డారు.

శతాబ్దాలు దశాబ్దాలు గడచాక నల్లదొరల పాలనలో దోచేవాడే పాలకుడు అయ్యాడు రాజకీయ వేత్త అయ్యాడు కాబట్టి దోపిడికి అడ్డు అదుపూ లేకుండా పోయింది.

దోచుకున్నోడికి దోచుకున్నంత అయ్యింది.

ఈ రాపిడిలో దోపిడిలో ఒరిపిడిలో ఎండ్లకాలం అమెరికన్ అమ్మాయి డ్రస్సు లాగా వేల ఎకరాలున్న దేవుడి మాన్యం కాస్త కురచై కురచై జానెడుకొచ్చింది.

ఇందులో తిలా పాపం తలా పిరికెడు.

చివరికి 2020వ సంవత్సరం ఓ పెద్దాయన -

ఆ ఫైలు ఇలా తే! స్వామి వారికి ఎక్కడెక్కడ ఎంతెంత భూమి ఎవరెవరు ధారాదత్తం చేశారో చూద్దాం అన్నాడు.

ముందరి ప్రభుత్వ హయాంలో ఏసీ గదుల్లో కూర్చునే కొందరు బడాబాబులు "అబ్బే! వేస్ట్ భూమి. ఎందుకూ పనికిరాదు. అక్కడెక్కడో, మనకి దూరం గురూ కనీసం వెళ్ళి చూడను కూడా లేము, ఏ పాతిక సెంట్లో ఉంటే ఎవడు కాపాడతాట్టా" అన్నారు.

వాళ్ళని తప్పు పట్టలేం.

ఒకరకంగా చెబితే - భక్తులు ఇచ్చే భూమిని ట్రాక్ చేయటమూ కష్టమే, దాంట్లో అసాంఘీక కార్యకలాపాలు జరక్కుండా కాపు కాయటమూ కష్టమే.

ఇంతలో కొందరు మేధావులు - ఈ చిన్న చిన్న ముక్కలని అక్కడి ప్రభుత్వాలతో మాట్లాడి, ఎక్స్ఛేంఝ్ ఆఫర్ కింద కన్సాలిడేటెడ్ గా ఓ పెద్ద ముక్క పొందవచ్చు కదా?

ఎగ్రీడ్. మంచి ఆలోచనే. అయినా కష్టమే.

సరే! ఏతావాతా - దేవుడికి భక్తులిచ్చిన భూమిని వదిలించుకోవటం అనకుండా - దాన్ని ఏదోరకంగా ప్రజలకే ఇస్తే అటు ప్రజలకూ ఉపయోగం. ఇటు కనిపించని ఆ దేవుడికి ఆనందం.

అయితే సమస్య - దీన్ని గురించిన రాజకీయం.

అమ్ముదాం అన్నది ఎవరూ?

ఇంతక ముంది ఎన్ని సార్లు అమ్మారు?

ఇప్పుడు అమ్మటానికి ప్రాతిపదిక ఎప్పటిదీ?

ఈ ప్రశ్నలు అడిగితే - మీరు సమస్యని డైల్యూట్ చేస్తున్నారు, జనాల వేడి మీద నీళ్ళు పోస్తున్నారు అంటున్నారు.

అడక్క పోతే - తిరుపతి కొండనే అమ్మేస్తారు దగుల్బాజీలు అంటున్నారు

దీనికి పరాకాష్ఠ - గుంటూరు రైల్వేస్టేషన్ని, గాంధీ పార్కునీ, దానిముందున్న కూరగాయల మార్కెట్టుని అమ్మేస్తున్నారట అని ప్రచారం.

ఎంతకి దిగజారిపోతున్నారో రాజకీయ నికృష్ఠులు అనిపించింది.

Beets

ఆ మధ్య బీట్స్ నాటినాను.
అవి ఇంతింతై అన్న చందంగా
మొత్తానికి ఇంత అయినయి

బీట్రూట్ కూర వీటితో చేసింది చాలా బాగుంది.

హిందూ దుకాణాలల్లో ఏమీ కొనొద్దు

ఇదెంతవరుకూ నిజమో తెలియదు.

బెంగుళూరులో హిందూ దుకాణాలల్లో ఏమీ కొనొద్దు అంటూ ఫత్వా జారీ అంటూ, కొందరు టపోరి ఉర్దూలో షాపింగ్ చేస్తున్న ముస్లిం ఆడవాళ్ళని అరవటం, మీకెన్నిసార్లు చెప్పాలీ అంటూ ఏదో అరుస్తున్న కొన్ని వీడియాలు సోకాల్డ్ మాధ్యమాలల్లో చక్కర్లు కొడుతున్నాయి.

ఇది నిజమా? నాకు తెలియదు. కానీ, నిజమైతే?

ఒక్క సలహా -

ముస్లిం దుకాణాలల్లో కొనటాన్ని త్యజించటమో

హిందూ దుకాణాలల్లో కొనటాన్ని త్యజించటమో కాదు

మేడ్ ఇన్ చైనాని త్యజించండి

విదేశి వస్త్రాన్ని త్యజించండి

విదేశీ ఆలోచనల్ని త్యజించండి

కనీసం మన ఆర్థిక వ్యవస్థన్నా బాగుపడుతుంది.

హిందూ దుకాణంలో కొనకుండా ఎంతకాలం జరుగుతుందీ? ముస్లిం దుకాణానికి వెళ్ళకుండా ఎలా ఈడుస్తారూ?

మీనింగ్‌లెస్ కథ

బ్రాహ్మణికల్ యాటిట్యూడ్

పొరపాటున చేయి తగిలి మత్తి కహేశ్ గారి బ్లాగుకి వెళ్ళబడ్డాను.
ఈయన బ్లాగంతా బ్రాహ్మణికల్ యాటిట్యూడ్ తో పొంగి పొర్లుతుంటుంది.

నాదృష్టిలో బ్రాహ్మణికల్ యాటిట్యూడ్ అని ఇత్తు కత్తిరించాటానికి వచ్చినోణ్ణి కరిచే పందిలా గుణుస్తూ అరుస్తున్నోడికున్నంత బ్రాహ్మణికల్ యాటిట్యూడ్ ఈ ప్రపంచంలో ఎవ్వరికీ ఉండదు.

వెయ్యి ఏళ్ళ పరాయి పాలనలో వెన్ను విరిగిన విరచబడిన భారతదేశంలో బ్రాహ్మణికల్ యాటిట్యూడ్ అంటూ డైపర్లో పెంటికలు ఏరుకునే వారికి మాత్రమే కనిపిస్తుంది సదరు యాటిట్యూడ్.

ఛాలంజ్ అనే సినిమాలో రాం మోహన్ రావ్ గాంధీని "నీలాంటి దరిద్రులు" అని "అదేం తిట్టుకాదబ్బాయ్, నీలాంటి డబ్బులేని వాళ్ళని పిలిచే బిరుదు" అంటాడు. అలా మత్తి కహేశ్ లాంటోళ్ళు లుంగీ కీలయ్య లాంటి భావాలకి దాసులై మెళితిజాన్ని మత్తుగా తాగి టాస్ చేసిన పదమే బ్రాహ్మణికల్ యాటిట్యూడ్. అదేం తిట్టు కాదు అని బురిడి కొట్టించ బోతాడు మేతావి. అదేం కులానికి సంబంధించిన పదం అనుకుంటున్నావా వెర్రివాడా అని బెదిరిస్తాడూ. అసలు నీకు చరిత్ర తెలుసా అంటాడు.
పార్టీషన్ ఆఫ్ ఇండియా గురించి తెలుసా అంటాడు.

ఇవన్ని కథలు. మేతావి తనాన్ని కుమ్మరించే ప్రయత్నాలు.
ఇంట్లో ఇద్దరుంటే ఒకడు చేసింది ఇంకోడు తప్పంటాడు.


ఇది కేవలం భావజాలానికి బానిసత్వమే.


By the way - I dont want to discover  what is such attitude. I will leave it to Matti Piggesh kind of intellectuals to define as there is no formal definition for such combo words

కళ

Artist @ work

బాబు విచిత్ర ధోరణి

బాబు విచిత్ర ధోరణి

అచ్చెన్నాయుడూ

ఏంటయ్యా ఇదీ? కనీస నాలెడ్జ్ ఉండొద్దా?

1."ప్రమాదఘటనకు దారి తీసిన కారణాలను నిజాలను నిగ్గుతేల్చేందుకు కేంద్రప్రభుత్వం విచారణ బృందం ఏర్పాటు చేయాలి."
బాగుంది.
ఎందుకుటా?
"రాష్ట్రప్రభుత్వం, సీయం జగన్ పట్ల మాకు, ప్రజలకూ నమ్మకం లేదు."
ఇదేవన్నా బాబు మిద దాడా లేక నీమీదనా?
ఏంటి గురూ నువ్వు మాట్టాడేదీ?
2. "ఎల్జీ పాలిమర్స్ లో తయ్యారయ్యే ముడి సరుకు ప్రభుత్వానికి సంబంధించిన కొందరు ముఖ్యులకు వెళ్తోంది"
గురూ. ఏం మాట్టాడుతున్నావ్? ఇదేవన్నా బంగారమా లేక తినేదా? అది స్టెరైన్. ఇంట్లో అంట్లు తోంకోటానికో లేక కూరల్లో వేస్కోటానికో లేక సారాయిలో కలపటానికో వాడరు.

రాజకీయం చేయి. వద్దనట్లేదు
నీ అస్థిత్వాన్ని చాటుకో. అదీ వద్దనటం లేదు.
సిల్లీగా స్టేట్మెంట్స్ ఇచ్చి నిన్ను నువ్వే పాతాళానికి నెట్టుకోకు. చంద్రబాబు కూడా నిన్ను కాపాడలేడు.

విశాఖ మిత్రులు

విశాఖలోని నా బ్లాగు చదివే మిత్రులు, 

యావన్మందీ మేలుతలుస్తా

#mahoorparvez

ఈమె ట్వీట్ ఎంత నిజమో నాకు తెలియదు. ఈమె నిజమైన వ్యక్తో లేక ఈమె ట్విటర్ హ్యాండిల్ ఒక బోట్ మేనేజ్ చేస్తుందో కూడా నాకు తెలియదు.

కశ్మీర్ భారత్ అంతర్భాగం. కాదనటానికి ఎవరికీ హక్కు లేదు, ఒమర్ అబ్దుల్లా/రాహు గాంధీతో సహా.

అక్కడ హింస సాగుతున్నది.
అయుండచ్చు.

ఉత్తి పుణ్యానికి ముస్లిములని ఊచకోత కోస్తున్నారు.
కొంత నిజం కూడా అయుండచ్చు.

వేర్పాటూ వాదానికి కొమ్ముకాస్తున్నవాళ్ళతో పాటు కొందరు పోతారు.
అది తప్పదు.

దేశాన్ని రక్షించే రక్షకభటులు కశ్మీరునీ రక్షించాలి.
వాళ్ళ ధర్మం అది.

కశ్మీరుని కాయటానికి చైనావాళ్ళని పెట్టలేం కదా?

బై ద వే - చైనా వాళ్ళూ ఏం గొప్పవాళ్ళు కాదు ఆమాటకొస్తే! లెఫ్టిస్టిక్ పార్టీలన్నీ ఓ చైనా అని రొమ్ములు బాదుకుంటారు. చైనీయులు టిబెట్ వేర్పాటువాదుల్ని ఎలా అణగతొక్కిందో వెతికితే దొరుకుతాయి.

కశ్మీర్ సమస్యని పరిష్కరించుకోవాలంటే అనేక మార్గాలు ఉండచ్చు.
పోరాటం చేయొచ్చు.

కానీ ఇండియన్ ఆర్మీని తెగచంపటమే కాకుండా ఇలాంటి దగుల్బాజీ స్టేట్మెంట్స్ ఇవ్వటం దిగజారుడుతనం.

ఇలాంటివాళ్ళని ఏమి చెయ్యాలీ?

వదిలేయాలా?

వీళ్ళకి ఇలాంటివి చెబుతున్న వాళ్ళని పట్టుకుని శిక్షించాలా?

ఎంత కాలం ఇలా?

ఇవన్ని పక్కనపెడితే - అసలు వీళ్ళకేంకావాలీ?

కశ్మీర్ ని పాకిస్థాన్ లో కలపాలా?

కశ్మీర్ దేశం కావాలా?

కశ్మీర్ ని చైనాలో కలపాలా లేక కశ్మీర్ ని ఆఫ్ఘనిస్థాన్ లో కలపాలా?

చెప్పుడు మాటలు విని జీవితాలని నాశనం చేసుకునేవాళ్ళు కొందరు.

జనాల అమాయకత్వాన్ని రెచ్చగొట్టి రాజకీయం చేసేవాళ్ళు కొందరు.

గోడకి అటువైపు ఇంద్రలోకం నవలోకం అని నమ్మే గొఱ్ఱెలు

దౌర్భాగ్యం

అంతులేని కథ....

వదంతులు

గత కొన్ని నెలలుగా భారతదేశం ఎన్నో సమస్యల్ని ఎదుర్కుంది. వాటిల్లో ప్రధానమైనవి - ఆర్టికల్ 370/ సిఏఏ/ యన్.ఆర్.సి లపై హింసాయుత అల్లర్లు/ విముఖత.

ఒక సాధారణ పౌరుడికి ఇవి ఎంత వరకూ అర్థమయ్యాయో నాకు తెలియదు. ఒక సాధారణ పౌరుడికి వీటిని అర్థమయ్యే విధంగా ప్రభుత్వాలు ఏంచేశాయో తెలియదు. వీటిని విడమరచి చెప్పే ప్రయత్నం ఎవరైనా చేశారో లేదో కూడా తెలియదు.

ప్రతీ వార్తా ఛానెల్లో పొద్దుటి నుంచి అర్థరాత్రి దాకా జరిగిన అర్థంలేని వేడి వేడి చర్చల్లో కొట్టుకోవటం పరస్పర నింద, ప్రభుత్వాన్ని విమర్శించటం ఒక వర్గాన్ని రెచ్చగొట్టటం లాంటి - వ్యూవర్షిప్ ని పెంచుకునే కార్యక్రమాలే తప్ప ఒక్కటంటే ఒక్కటి నిజాన్ని మాట్లాడిన చర్చాలేదు వార్తా ఛానలూ లేదు.

రాష్ట్ర పాలకులకే వీటిమీద సరైన అవగాహన లేదు. ఇంక సాధారణ పౌరులకి ఏం అవగహాన?

కోవిడ్ మొదలుతున్న రోజుల్లో ఇంట్లో ఏసి పని చేయటం మానేసంది. అమ్మా! ఎలాగూ ఇంకో 15 రోజుల్లో ప్రయాణం ఉందిగా అమెరికాకి. తిరిగి వెళ్ళినప్పుడు చూపిద్దువులే అన్నాను.
అలసత్వం మనిషికి మంచిది కాదని అప్పుడు అర్థం కాలేదు. ఇప్పుడు చేయాల్సిన పనిని ఇప్పుడే చేయాలి, వాయిదా వేయటం మంచిది కాదని అనేక దృష్యాంతరాలున్నాయి మన పురాణ ఐతిహాసాల్లో.
మనం వినం కదా! మనుషులం కదా!

పాపం అమ్మ సరే అన్నది. ఇంతలో కోవిడ్ విజృంభణ, విమానాలు ఇంటికి వెళ్ళిపోవటం లాక్‌డౌన్ గట్రా అన్నీ కళ్ళు మూసి తెరిచేలోగా జరిగిపోయాయి.
నిన్న ఒకతను మొత్తానికి ఏసీ బాగుచేయటానికి వచ్చాడు.
మాటల్లో - ముస్లిములందరినీ భారత్ దేశం నుంచి పంపించేసి హిందూదేశంగా భారతదేశాన్ని మార్చాలని మోడి ప్రయత్నిస్తున్నాట్ట అండీ అంటాడు.

అమ్మ నాతో ఈ విషయం ప్రస్థావించినప్పుడు నాకు ఒక్క నిమిషం పాటు ఏం చెప్పాలో పాలుపోలేదు.

మూలాల్ని కలుషితం చేసే దౌర్భాగ్యులు తయ్యారైయ్యారు దేశంలో.

ఏంచెయ్యాలీ? ఏంచెప్పాలీ? ఎవర్ని మార్చాలి. ఎవరు మార్చాలి? ఎలా మార్చాలీ?

ఆందోళనకు గురి అయ్యాను.

వదంతులు వ్యాప్తి చేయకండి. మీకు అర్థమైతే విడమర్చి చెప్పండి. లేక పోతే అరవకుండా కూర్చోండి. తెలిసీ తెలియకుండా దేశాన్ని కలుషితం చేయకండి.

వాట్స్ యాప్‌లలో ఫేసుబుక్‌లలో చెత్త ఫార్వర్డ్ చేయకండి.

చూసిందంతా నిజం కాదు.

విన్నదంతా నిజం కాదు.

చెత్తని మోయకండి.

మీ చెత్త అభిప్రాయాల్ని పక్కన వాళ్ళ మీద రుద్ది వాళ్ళ జీవితాల్ని కడతేర్చకండి.

చెలియలి కట్ట నాటకం

ఆకాశవాణిలో చెలియలి కట్ట నాటికి వస్తున్నది

విశ్వనాథ రచన
వినదల్చుకున్నవాళ్ళు వినచ్చు


ఈ నవలకి ఒక నేపథ్యం ఉంది
తెవికి -
విశ్వనాథ సత్యనారాయణ 1935లో వ్రాసిన నవల. చలం వ్రాసిన మైదానం నవలను ఖండిస్తూ రాసిన నవలగా ఇది తెలుగు సాహిత్యంలో ప్రసిద్ధి చెందింది. మొట్టమొదట ఇది ఆంధ్రపత్రికలో ధారావాహికగా వెలువడింది. ఆపైన దాదాపుగా 12 ముద్రణలు పొంది ప్రాచుర్యమైనది.

https://te.m.wikipedia.org/వికి/చెలియలి_కట్ట

ఈమాటలో ఓ వ్యాసం
http://eemaata.com/em/issues/199907/1107.html

By the way - ఈ నాటకాన్ని ఇక్కడ వినచ్చు
https://archive.org/details/CheliyalikattaViswanathaSathyanarayana

ఈనాడు పేపర్ - ఇక లైఫ్ టైం బ్యాన్

ఈనాడు చదవటం మానేశాను. అప్పుడప్పుడూ చూస్తుంటాను. కొన్ని కారణాలున్నాయి. ఒక వార్త సాక్షిలో ఎలా రాస్తాడు అదే వార్తని ఈనాడు ఎలా రాస్తాడు అని ఒక కోణం.
అనేక సందర్భాలల్లో రెండూ ఆపోజిట్ గారాస్తాయి. అంతకన్నా నేనేం ఆశించటం లేదు కూడా.
ఈనాడు తెదేపా భజన, చంద్రబాబుని నెత్తిన మొయ్యటం కూడా ఓ పెద్ద విషయం కాదు.
కానీ అప్పుడప్పుడూ శృతి మించి రాగాన పడుతుంటుంది పల్లకీ మోత.
అసహ్యం కలుగు తుంటుంది. అసహనానికి గురిచేస్తుంటుంది.

జర్నలిజం విలువలు అని దంచికొడతారు వేదికల మీద. ఇంటికెళ్ళి పల్లకీల మోత సేవ చేస్తుంటారు.

ఋషికపూర్ కాలం చేశాడు.
ఎవరెవరు సంతాపం తెలియజేశారో ఈనాడు లిస్ట్ వేశాడు
మొదట - ప్రధాని నరేంద్ర మోడి అన్నాడు.
రెండోది - తెదేపా అధినేత చంద్రబాబు నాయుడు అన్నాడు

ఆ విండోని క్లోజ్ చేశాను.
ఈనాడుని నేను ఎందుకు చదవాలీ? జవాబు దొరకలేదు.

వై.యస్.ఆర్.సి.పి వల్లనే కరోనా ఉధృతం

బాబు గారు ఎప్పుడూ అంతే. నిప్పులు తొక్కుతుంటారు అదేఅదే చెరుగుతుంటారు.
కరోన తీవ్రతను ముందుగానే ఎలా గుర్తించారటా? ఎంత ముందుగా గుర్తించారటా?
నేను వై.యస్.ఆర్.సి.పి పార్టీకి చెందినవాణ్ణి కాదు. కానీ, ఎందుకో బాబు చెప్పేదాంట్లో ఏడుపు తప్ప ఏమీ ఉండదని ఎప్పుడూ అనిపిస్తుంటుంది.

దక్షిణభారతదేశంలోనే ఆంధ్రరాష్ట్రం నెంబర్ వన్ స్థానంలో ఉందనటం బాబుకే చెల్లు. 

అయ్యా ప్రకాశ్ రాజ్ గారూ! ఎక్కడా తమరూ?

డియర్ మిస్టర్ ప్రకాశ్ రాజ్!

2019 జనరల్ ఎలక్షన్లప్పుడు ప్రతీరోజు టీట్లు వడ్దించావు.

ప్రధాని నరేంద్రమోడీ మీద గుట్కా తిని ఉమ్మాలని ప్రయత్నించావు. యాంటీ హిందుత్వా అన్నావు. నరేంద్ర మోడీ అసలు చదువుకున్నాడా నిశానీనా అన్నావు.

"ఎవరైతే సీఏఏ సర్టిఫికేట్లు అడుగుతున్నారో.. వాళ్లు డిగ్రీ సర్టిఫికేట్లు కూడా లేవు. పైగా పరీక్షా పే చర్చా కార్యక్రమాన్ని నిర్వహిస్తున్నారు. పొలిటికల్ సైన్స్‌లో ఆయనకు డిగ్రీలు ఉండే ఉంటాయి కానీ చూపించడం లేదు. ప్రధాని ఇప్పుడు చూడు.. ప్రజలే నీకు పొలిటికల్ సైన్స్ నేర్పించి నిన్ను సాగనంపుతారు"

“”When you can FAKE your degree and become a SUPREME LEADER.. why are you in a library..””.. is this why you are HITTING STUDENTS OF THIS COUNTRY ???  .... SHAME ON YOU #JustAsking అన్నావు.

దేశానికి ఇప్పుడు కావాల్సింది ఎన్నార్సీ కాదు , దేశంలో నిరుద్యుగులు ఎంత మంది ఉన్నారో తెలిపే నిరుద్యోగుల రిజిస్టర్.


BY ELECTION RESULTS
congratulations KARNATAKA
BACK STABBERS back in action.
HOPE it doesn’t BACKFIRE ..ಅನರ್ಹರಿಗೆ ಮಣೆ ಹಾಕಿದ್ದೀರಿ...ಒಳಿತಾಗಲಿ...””ಮಾಡಿದ್ದುಣ್ಣೊ ಮಾರಾಯ””ಈ ಮಾತು ಯಾರಿಗೆ ಅನ್ವಯಿಸುತ್ತೊ ಕಾದು ನೊಡೋಣ ..#JustAsking

మనం గెలిస్తే గొప్ప అంటావు. మనం ఓడితే ఊరు దిబ్బ అంటావు.

వీటినన్నిటినీ నేను గుర్తించను. నీ పొలిటికల్ వ్యూస్ నాకెందుకూ.

కానీ నీ పొలిటికల్ మైలేజ్ కోసం ఏంచేస్తున్నావూ?

గౌరీ లంకేష్ అనే ఆమెని ఎవరో హత్య చేశారు. ఆ హత్య ఎవరు చేశారూ? ఆమెనే ఎందుకు చంపారూ? ఇవి అంత ఈజీ ప్రశ్నలు కాదు.

ఆమె హత్యకి దారితీసిన పరీస్థితులు మాత్రం ఆమె ధోరణి అని కొందరు చెప్పుకున్నారు.

ఆమె లెఫ్టిస్ట్.

ఆమె నీ మిత్రురాలు అని చెప్పుకునే ప్రయత్నం చేస్తే మైలేజ్ పెరుగుతుంది నీకు.

కాంట్రవర్సియల్ జనాలతో ట్యాగ్ చేస్కుకుంటే పొలిటికల్ మైలేజ్ పెరుగుతుంది.

నీ అద్భుతమైన ఆలోచన బాగనే పనిచేస్తుందనుకున్నావు.

ఎలక్షనలో నీ పరీస్థితి ఏవైందో చెప్పాల్సిన పనిలేదు.

సరే ఇప్పుడు నిన్ను గుర్తుతెచ్చుకోవాల్సిన కర్మ ఎందుకంటే -
మొన్న మహారాష్ట్రలో ఇద్దరు స్వామీజీలను వాళ్ళ డ్రైవర్ని వెంటాడి తల పగలగొట్టి మరీ చంపారు.
ఎక్కడా నువ్వూ?
ఒక్క మాట లేదేం?
నోరు పెగలటం లేదా?
మాట పడిపోయిందా?
బొంగులే వాళ్ళు హిందువులు అంటావా?
భోషాణం గాళ్ళు సాధువులు కషాయం కట్టుకున్నారు అంటావా?

సన్నాస్లుని చంపితే ఏందీ చంపకపోతే ఏందీ అంటా?

సన్నాస్లుని చంపారని అరిస్తే పొలిటికల్ మైలేజ్ ఏవొస్తుందీ అంటావా?

ఎక్కడున్నావ్ ప్రకాశ్ రాజ్?

నీకో దండం అమ్మో!

ఆర్ణబ్ గోస్వామి

భారతీయ వార్తా మాధ్యమ జగత్తులో ఓ కొత్త ఒరవడి సృష్టించింది ప్రణయ్ రాయ్. అందులో ఎటువంటి సందేహమూ లేదు. ౧౯౮౦ చివరి దశలో వర్ల్డ్ దిస్ వీక్ అంటూ ముప్పావుగంట ప్రోగ్రామ్ ద్వారా ఆ ఒరవడికి పదును పెట్టాడు రాయ్. కొంతకాలానికి యన్.డి.టి.వి ని తెరమీదకు తెచ్చాడు. యన్.డి.టీ.వి మొట్టమొదటి *నిరంతర వార్తా స్రవంతి*. సదరు స్రవంతిలో మొట్టమొదటి/రెండో తరం వార్తాహరులు వార్తా పాఠకులలో పేరు తెచ్చుకున్నవాళ్ళలో శ్రీనివాసన్ జైన్/ బర్ఖా (క్షమించాలి) దత్/ రాజ్ దీప్ సర్దేశాయ్/ ఆర్ణబ్ గోస్వామి లాంటి వాళ్ళు అనేకులు. బర్ఖా/శ్రీనివాసన్ జైన్ లాంటివాళ్ళు ఇంక అందులోనే ఉన్నారు. రాజ్ దీప్ సర్దేశాయి బయటకి వెళ్ళిపోయాడు.

ఆర్ణబ్ గోస్వామి యన్.డి.టి.వి లో ఉన్నంత కాలం ఉన్మాదాన్ని ప్రధానంగా నమ్ముకున్నాడు. అతను ఏరోజు శాంతంగా మాట్టాడిన సందర్భం నాకు కనిపించలేదు యన్.డి.టి.వి లో ఉన్నన్ని రోజులు. ప్రతీ ప్రశ్నని ఉన్మాదిలా అడిగేవాడు. ఇండియా వాంట్స్ టు నో అంటూ గొంతు చించుకునేవాడు.

మొన్నీమధ్య ఒక దృశ్యమాలిక సామాజిక మాధ్యమాలలో చక్కర్లు కొట్టింది. ఆర్ణబ్ ఓ విమానంలో ప్రయణిస్తుండగా కునాల్ కర్మ (క్షమించాలి. ఇతనికీ ప్రవీణ్ కర్మకీ స్నేహితం ఉందా అనడిగితే కాకిరిగుమ్మ గుఱ్ఱపు బండిలో తీసుకెళ్ళి వదిలేసి రాబడును, గుఱ్ఱానికి గుగ్గుళ్ళు మీఖర్చే) అనే ఓ దౌర్భాగ్యుడు వ్యక్తిగత స్థాయికన్నా దగ్గరగా వీడియో తీయటం మొదలెట్టాడు. అతను ముఖమ్లో ముఖం పెట్టి అతన్నే వీడియో తీయటం. ఒకరకంగా ఇది వ్యక్తి స్వేచ్ఛను కాలరాయటం. మానవత్వాన్ని మర్చిపోవటం. ఇదీ వ్యక్తిగత స్థాయిలో హింస. వ్యక్తి సహనాన్ని పరీక్శించటం. సరే వీడియోని ట్విట్టర్లో పోస్ట్ చేయటం. దీన్ని అద్భుతమైన కార్యంలా పొగిడిన నట్*యిజనులూ ఉన్నారు. తిట్టిన నెటిజనులూ ఉన్నారు.

ఈ మొత్తం కాండలో ఆర్ణబ్ గోస్వామి ఎంతో హుందాగా శాంతగా తన ఉన్మాద నైజాన్ని దాదాపుగా అధిగమించేసి ఒక అడుగు పైకే వేశాడు. సదరు కర్మకి అది చెంపపెట్టు.

అదే రాజ్ దీప్ సర్దేశాయ్ ఎలా పబ్లిక్ మీద ఉన్మాదాన్ని ప్రదర్శించాడో చెప్పాల్సిన పనిలేదు. ఆ వీడియో కూడా సామాజిక మాధ్యమాలలో తిరిగింది. వేరే కథ.

కలక్రమంలో ఆర్ణబ్ రిపబ్లిక్ టివి అనే ఓ వార్తా ఛానల్లో మేనేజింగ్ డైరెక్టర్ గా వెళ్ళటం జరిగింది. ఈ మధ్య సదరు వార్తా ఛానల్ని చూట్టం జరిగింది కూడా. ఆర్ణబ్ తన స్వభావాన్ని ఏంచేతనో మెరుగుపరుచుకున్నాడాని చెప్పక తప్పదు. దురుసుతనాన్ని ఉన్మాదాన్ని వదిలేసినట్టుగా అనిపించింది.

నిన్నటి ఓ వార్త - ఆర్ణబ్ లేట్ నైట్ కొలువు ముగించుకుని భార్యతో కలిసి ఇంటికి వస్తుండగా కొందరు వారి కరోలా కారుని వెంబడించటం, దురుసుగా కారు పక్కగా వచ్చి కారుని ఆపే ప్రయత్నం చేయటం, అద్దాల్ని పగలగొట్టి గంగాజల్ పొయ్యటానికి ప్రయత్నించటం అంతలో ఆర్ణబ్ ఇంటి సెక్యూరిటి సిబ్బంది చూట్టం పరుగెత్తుకుంటూ రావటం దాడి చేస్తున్న దుండగుల్ని అడ్డుకోవటం జరిగాయి. ఆర్ణబ్ అతని భార్యతో క్షేమంగా ఇంటికి చేరుకోటం సీక్వెన్షియల్ ఈవెంట్స్ జరిగిపోయాయి.

సదరు దుండగులు యూత్ కాంగ్రేస్ అని తేలటం. ఈ దాడి జరిగిన కొద్ది సేపటికే కాంగ్రేస్ నేతలు సెలబ్రేట్ (అల్క లాంబా) చేసుకోటం - రాజకీయ కోణాన్ని ఆవిష్కరించాయి.

ఇలాంటివి కొత్తేంకాదు భారత ఆమాటకొస్తే ప్రపంచానికి. ఎన్ని చూడలేదూ?

౨౧వ శతాబ్దంలో కూడా ఇలాంటివి జరుగుతున్నాయంటే మన రాజకీయ వ్యవస్థ ఏస్థాయికి వెళ్ళిపోయిందో అర్థం చేస్కోవచ్చు.
ఏవైనా ఈదాడిని అన్ని వర్గాలవారూ ఖండించాలి.

తప్పు ఎవరిదైనా కావచ్చు - జర్నలిస్టుల మీద దాడి చేయకూడదు.
కాంగ్రేస్ పార్టీ అధ్యక్షురాలు సోనియా గాంధీ.

మహారాష్ట్రలో కాంగ్రేస్ కొయిలేషన్ పాలన నడుస్తున్నది. (సోనియా గాంధీ కనుసనల్లో)

రెండ్రోజుల క్రితం ముగ్గురు వ్యక్తుల్ని దారుణంగా చంపిన రక్త చరిత్ర కళ్ళ ముందే తిరుగాడుతున్నది.

రక్తం మరిగిన ఒక జర్నలిస్టుగా ఆర్ణబ్ గోస్వామి సోనియా గాంధీని సూటిగా ప్రశ్నించాడు.


"పులీస్ వాలోంనె సంతోంకో భీడ్ కో సీంపాఁ. క్యా ఉన్‌పర్ రాజనీతిక్ దబావ్ థా?"
"సంతోఁ కె శరీర్ పర్ గెరువా కపడే థే, ఇసీలియే ఉన్‌కీ హత్యా కీ గయీ?"
"ఇంసాఫ్ కె సవాల్ పర్ అపరాధియోంకా ధర్మ్ క్యోం మతారహా హై మహారాష్ట్ర సర్కార్?"
"సోనియా గంధీ సే సవాల్ పూఛ్‌నా అపరాధ్ కబ్‌సే హో గయా?"
"సోనియాగాంధీ! దో సంతోఁ కో మార్ డాలా ఆప్ కి పోలీస్ నే ఆప్‌కో యే సాంప్రదాయక్ ఘటనా క్యోం నహీ కహా థా?"

पुलिस वालों ने संतों को भीड़ के सामने खड़ा कर दिया, क्या उन पर कोई राजनीतिक दबाव था? देखिए 'पूछता है भारत' अर्नब के साथ रिपब्लिक भारत पर LIVE: https://t.co/G945HvRmSx pic.twitter.com/CXIpVYPW7H

— रिपब्लिक.भारत (@Republic_Bharat) April 22, 2020

 
ఇవి తప్పు ప్రశ్నలు అని నేననుకోటంలేదు. ఆమాటకొస్తే అడిగే హక్కు ఎవరికైనా ఉంది.


చివరగా ఈ దాడి కాంగ్రేస్ ధోరణిని మళ్ళీ తెరమీదకు తెచ్చింది. గాంధీల భజన. సోనియా గాంధీ త్యాగమూర్తి అనీ, ఆమె భారత్ మాత అని ప్రొజెక్ట్ చేయటం దౌర్భాగ్యం.

వార్తాపుత్రికల పైత్యం

ప్రపంచం అంతా ఓవైపు గడగడ లాందుతోంది. 200 పైగా దేశాల్లో కరోన జనాలని చంపుతోంది. వణికిస్తోంది. భారతదేశంలో సమర్థవంతమైన  నాయకత్వం కరోన ప్రబలకుండా కట్టుదిట్టమైన చర్యలు చేపట్టింది/పడుతోంది - అంతే కట్టుదిట్టంగా అమలుచేయటానికి ప్రయత్నిస్తోంది కూడా.

బాగుంది. మోడిని మోసే పత్రికలు మోయచ్చు. మోడీని వ్యతిరేకించేవి మోడీ ఏ బ్రాండు కడ్రాయరు వేస్కున్నాట్టా ఈ నిర్ణయం తీసుకున్నప్పుడూ అని రాస్కోవచ్చు.

తప్పులేదు.

లోకల్ వార్తాపుత్రికలు తమ రంగుల్నీ వ్యక్తపరచుకోవచ్చు. జగన్ దొంగ అని లేక చంద్రబాబు కరోనాకన్నా డేంజరస్ అనీ.

తప్పులేదు.

కానీ వార్తాపుత్రికల దిక్కుమాలిన దౌర్భాగ్యానికి పరాకాష్ట -
అమెరికాలో శవాలు గుట్టలు గుట్టలుగా పోసారటా
ట్రంపుకి శవాలని ఏంచేయాలో తెలియట్లేదటా
గంటకి వందమంది పోతున్నారటా
టెక్సాసులో కూడా కరోనా వచ్చిందటా
పక్కనున్న న్యూ మెక్సికోలో కూడా కరోణా వచ్చిందటా
ట్రంపుకి వ్యాపారమే ముఖ్యంటా
జనాలు బిక్కుబిక్కుమంటున్నారటా

ఇలాంటి వార్తలు అక్కడున్న పెద్దవాళ్ళలో ఎలాంటి భయాందోళల్ని కలిగిస్తాయి గురిచేస్తాయి.

ఇవన్నీ ఒక ఎత్తైతే  మా అమ్మ పొద్దున ఇలా అడిగింది -
అమెరికాలో కుక్కలు కూడ బిక్కుబిక్కుమంటున్నాయటగా అని

రాస్కోండయ్యా! లోకేశ్ గురించో బాబు గురించో జగన్ గురించో. వడ్డించండి కరోనా వార్తల్ని ప్రాసలతోటి. ఎవడొద్దన్నాడూ?
కానీ కుక్కలు బిక్కుబిక్కు మనటం ఏంటీ? దరిద్రుల్లారా!
జర్నలిజమా మీ పైత్యమా?

సామాజిక మాధ్యమాలు/నెటిజనులు

సామాజిక మాధ్యమాలు అనేవి గొప్ప పాత్ర పోషించవచ్చు నేటి సమాజంలో. వాటి పాత్ర constructive side of the world అనేదాంట్లో ఎంత ఉందీ అనేది పక్కన పెడితే, destructive side ఎంతా అనేది ఒకసారి చూద్దాం.
అయితే ముందస్తు మీమాంశ
తప్పు తుపాకీదా? కాల్చేవాడిదా?
తప్పు Technology దా దాన్ని వాడేవాడిదా?
తప్పు కారుదా దాన్ని తోలేవాదిదా?
ఇలాంటి వాటికి సమాధానం వెతకటం కంటే బొంత ఊతకటం ఎలా అనే వీడియో చూట్టం ఉత్తమం.

ఈమధ్యకాలంలో వార్తాపుత్రికలు - వైరల్ అనే పదానికి ఎంత ప్రాముఖ్యతని ఇస్తున్నాయో మనం చూడొచ్చు.
అలాంటివాటిల్లో నన్ను తీవ్రంగా ఉద్రేకపరచినవి, నన్ను కుదిపివేసినవి, బాధపెట్టినవి, అసహనానికి గురిచేసినవి కొన్ని వీడియోలో సదరు సామాజిక మాధ్యమాలల్లో విరివిగా చక్కర్లు కొట్టాయి.

1. covid 19 policing పోలీసుల మీద జనాల దాడి.
2. shaheenbag విషయంలో జరిగిన దాడులు
3. కశ్మీర్ లో జరిగిన దాడులు
Example

A group of five men accused of molesting a young girl, who are currently out on bail, attacked the victim's mother after she refused to withdraw the case in Kanpur. The mother succumbed to injuries at the hospital. @myogiadityanath where is law and order in the state. @Uppolice pic.twitter.com/9FVO7TvCMX

— Saurabh Trivedi (@saurabh3vedi) January 17, 2020

ఈ వీడియోలను చూస్తే ఎంద ఘోరంగా ఉన్నాయో అనే విషయాన్ని పక్కనపెడితే - ఇవి ఎలాంటి అడుగు వేయటానికి దారిచూపుతున్నాయి అనేది ముఖ్యమైన మౌళికమైన ప్రశ్నగా నాకనిపిస్తుంది.

దేశాన్ని మతపరంగా ముక్కలు చేయటనికి ఈ విడియోలు ఎంతగా ప్రోద్బలాన్ని ఇస్తున్నాయో చెప్పాల్సిన పని లెదు.

నా దృష్టిలో అలజడులు జరిగేప్పుడు ఇంటర్నెట్ ని ఆపేయటం గొప్ప ఆలోచన. article 370 revoke సమయంలో మోడి కశ్మీరులో ఇంటర్నెట్ సేవలు నిలిపివేయతం గొప్ప దార్శనికతకు నిదర్శనం అని నా అభిప్రాయం.

ఎందుకంటే - వదంతులు అగ్గిలాగా వ్యాపిస్తాయి. అవి నిజాలని మోయవు. వదంతులు కేవలం రెచ్చగొట్టేవే కానీ నిజాలు కావు.

ట్విట్టర్ లో టపాలు కూడా అధికశాతం - opinions మాత్రమే.
సాక్షి కానీ ఈనాడు కానీ ఆమాటకొస్తే ఏవార్తపుత్రికైన opinions ని జానాలమీద ఎందుకు రుద్దాలి?
opinions ని జనాలు ఎందుకు మోయాలి? opinion is not truth. జర్నలిజంలో ఇది నేర్పరా?

Trump లాంటి వాళ్ళు ట్విట్టర్ ని అధికార ప్రకటనల కోసం వాట్టం కేవలం దౌర్భాగ్యం.

ఆంగ్లమాధ్యమం గొడవ

కొన్ని ముందస్తు ప్రశ్నలు

1. ఎందరు ప్రభుత్వ ఉపాధ్యాయులు తమ పిల్లల్ని తాము పని చేస్తున్న పాఠశాలలోనే చదివిస్తున్నారు?

2. ఎందరు ప్రభుత్వ ఉపాధ్యాయులు తమ పిల్లల్ని ప్రభుత్వ పాఠశాలకి పంపిస్తున్నారూ?

3. ఎందరు ప్రభుత్వ ఉద్యోగులు తమ పిల్లల్ని ప్రభుత్వ పాఠశాలకి పంపిస్తున్నారూ?

4. ఎందరు ప్రభుత్వ పాలకులు తమ పిల్లల్ని ప్రభుత్వ పాఠశాలకి పంపిస్తున్నారూ?

5. మీలో ఎందమంది మీ పిల్లల్ని ప్రభుత్వ పాఠశలకి పంపిస్తున్నారూ?

6. మీలో ఎందరు పపిద్దాం అనుకుంటున్నారూ?

అనుబంధ ప్రశ్నలు:

ప్రభుత్వ పాఠశాలకి పంపిద్దాం అనుకుంటే - ఎందుకు అనుకునే దగ్గరే ఆగిపోయారూ?
పంపించమూ అంటే - పంపించకపోటానికి ప్రతిబంధకాలు ఏవిటీ?

ఇవే ప్రశ్నలు నన్ను అడిగితే - నా సమాధానాలు/ఆలోచనలు -

నేను జిల్లాపరిషత్ ప్రధమికోన్నత పాఠశాలలో ప్రాథమిక విద్య అయ్యాక జిల్లాపరిషత్ ఉన్నత పాఠశలలో ఉన్నత విద్యాభ్యాసం పూర్తిచేస్కున్నాను.

మా నాన్న పని చేసిన స్కూల్లో చదువుకునే అవకాశం కలిగింది. లెక్కలకు ఆంగ్లానికి మా నాన్నే వచ్చేవారు.

అయితే ఇప్పుడు, ఒకవేళ నేను భారతదేశంలో ఉండి ఉంటే మా పిల్లల్ని జిల్లా పరిషత్ పాఠశాలకి పంపించుండేవాడినా అని అడిగితే పంపించుండేవాడ్ని కాదేమో.

ఎందుకుటా అంటే మాధ్యమాం అని చెప్పక తప్పదు.

నావరకు నాకు కేవలం మాధ్యమం అనేదే ప్రతిబంధకం.

ప్రభుత్వపాఠశాలల్లో క్వాలిఫైడ్ ఉపాధ్యాయులు ఉంటారు. క్వాలిఫైడ్ విద్యావిధానం ఉంటుంది. వ్యక్తిత్వ వికాశం ఉంటుంది. ఆట స్థలం ఉంటుంది. డ్రిల్ మాష్టారు ఉంటారు.

ప్రైవేటు విద్యాసంస్థల్లో కుక్కి కూర్చోబెడతారు. వ్యక్తిత్వ వికాశం ఉండదు. మార్కులే గీటురాళ్ళు. ఆట స్థలం మృగ్యం. ఉపాధ్యాయులు క్వాలిఫైడ్ అవునా కాదా చెప్పలేం. విద్యావిధానం ఎవరు నిర్ణయిస్తారో తెలియదు.

బాడ్ యాపిల్స్ ఎక్కడైనా ఉంటాయి. వాటిని పక్కన పెడితే, నాణ్యమైన విద్య అనేది ప్రభుత్వ పాఠశలల్లోనే అని నా ప్రగాఢ విశ్వాసం. ఇది నేను ఒక జిల్లాపరిషత్ పాఠశాలలో పని చేసిన ఒక ఉపాధ్యాయుడి కొడుకుగా చెబుతున్నా.

ఇప్పట్లోకి వస్తే - నా పిల్లల్ని తెలుగు మీడియంకి పంపలేను. ప్రభుత్వ పాఠశలలో ఆంగ్ల మీడియం ఉంటే పంపించటానికి నాకేమాత్రం సంశయం లేదు.

అమెరికా లాంటి దేశాలల్లో ప్రభుత్వ పాఠశాలకి వెళ్ళే వారి సంఖ్య ప్రైవేటు పాఠశాలకి వెళ్ళే వారి సంఖ్యతో పోలిస్తే పదిరెట్లకన్న ఎక్కువ.

అమెరికాలో 46 మిలియన్ పిల్లలు పబ్లిక్ విద్యావిధానంలో ఉండగా 4 మిలియన్ విద్యార్థులు మాత్రమే ప్రైవేటు విద్యావిధానంలో ఉన్నారు

భారత దేశంలో ప్రైవేటు పాఠశాలలకి వెళ్ళే వాళ్ళ సంఖ్య పెరుగుతున్నదని నా అభిప్రాయం.

మౌళిక ప్రశ్న ఈ విషయానికి సంబంధించి -
ప్రభుత్వ పాఠశలలని పునరుద్ధరించాలంటే ప్రభుతం ఏం చేయాలీ?
ప్రజలు ఏంచేయాలీ?

ప్రభుత్వం పాఠశాల వ్యవస్థని పునరుద్ధరించాలి. గట్టి చేయాలి. జెడ్.పి.టి.సి లాంటి రాజకీయ వ్యవస్థని పాఠశల నుంచి వేరు చేయాలి. ఉపాధ్యాయులని ప్రేరేపించాలి. జవజీవాల్ని నింపాలి.

ప్రభుత్వం ఆంగ్ల మాధ్యమం మత్రమే అనే నిర్ణయం సరైంది కాకపోవచ్చు కానీ ఆంగ్ల మాధ్యమం అనేది తప్పుకాదు.

వ్యవస్థని ప్రక్షాళన చేయకుండా వ్యవస్థని పునర్మించకుండా గుడ్డిగా ఆంగ్లమాధ్యమం అనటం సరైంది కాదని న అభిప్రాయం.

ప్రభుత్వం ఇలాంటి నిర్ణయాలు తీసుకునేప్పుడు ఉపాధ్యాయ సంఘాలతో కూడా కూలంకుషంగా చర్చించి నిర్ణయం తీసుకోవాలని నా అభిప్రాయం

చుక్కలు తెమ్మన్నా తెంచుకు రానా

నాకు నచ్చిన పాట వినటం ఒక ఎత్తు
వాడికిష్టమైన పాటలు randam గా వేయటం ఒక రకం
కథలోకి వెళితే -
పని నుంచి ఇంటికొచ్చాను భారంగా
బాగా వాన కురిసినట్టుగా ఉంది
అంతా చిత్తడి చిత్తడి
అలా కొట్టుకెళ్ళి ద్రాక్షారసం తెచ్చుకుని కూసింత గొంతులోకి ఒంపుకుని
ఆశ్వాదిస్తూ
అనుభవిస్తూ
టీవీ పెట్టాను
ఆపాత మధురాలంటు మధువొలకబోస్తున్నాడో చానల్ వాడు

విజయశాంతి నాగార్జునల రసమయగీతం
నా గొంతు శృతిలోనా నా గుండె లయలోన
ఆడవే పాడవే కోయిల
పాడుతూ పరవశించు జన్మ జన్మల
నా గొంతు శృతిలోనా నా గుండె లయలోన
ఆడవే పాడవే కోయిల
పాడుతూ పరవశించు జన్మ జన్మల
ఆ నా గొంతు శృతిలోనా
ఆ నా గుండె లయలోన

ఎంచేతనో  predictable stereotype పాట వ్రాశాడు ఆత్రేయ

తర్వాతి పాట
బాలయ్య రజని నటించిన సీతారాముల కళ్యాణం అనే సినిమా నుంచి

అనుకున్నా కొన్నాళ్ళ వనవాసము
మునుముందు కావాలి మధుమాసము

మన ప్రేమ తుది లేని ఆకాశము
ప్రతి రోజు పూర్ణిమా శ్రావణము

మరులెల్ల మరుమల్లె విరిమాలగా
మురిపాల ముత్యాలె తలంబ్రాలుగా

హృదయాల నామాలె వేదాలుగా
మన అంతరంగాలే వేదికగా

వలచాము నిలిచాము ఒక దీక్షగా
మనసైన మనసొకటే సాక్షిగా

గెలిచాము కలిశాము దివిమెచ్చగా
కలకాలముందాము నులివెచ్చగా

శ్రీ సీతారాముల కళ్యాణమే
మన మాంగళ్యధారణ శుభలగ్నమే
కళ్యాణ వైభోగమే

ఇదికూడా predictable కాని పదాల అల్లిక బాగుంది. ఈపాటని రసమయ కావ్యంలా అనుకున్నా బాలయ్య అతి ఎబ్బెట్టుగా ఉంటుంది ఎప్పటిలాగానే

తర్వాతి పాట
ప్రేమాభిషేకం ప్రేమకు పట్టాభిషేకం
దాసరి పైత్యం కష్టం
ఈపాటల క్యాసెట్టు ఉండేది అప్పట్లో

తర్వాతి పాట

ఏప్రిల్ ఒకటి విడుదల నుంచి

చుక్కలు తెమ్మన్నా తెంచుకు రానా
చూస్తావా నా మైనా .. చేస్తానే ఏమైనా

చుక్కలు తెమ్మన్నా తెంచుకు రానా
చూస్తావా నా మైనా.. చేస్తానే ఏమైనా
నిన్నే మెప్పిస్తాను.. నన్నే అర్పిస్తాను..
వస్తానమ్మా ఎట్టాగైనా

చుక్కలు తెమ్మన్నా తెంచుకు రానా
చూస్తావా నా మైనా.. చేస్తానే ఏమైనా

షోలే ఉందా ?
ఇదిగో ఇందా ....
చాల్లే ఇది జ్వాల కాదా..
తెలుగులో తీశారే బాలా..

ఖైదీ ఉందా?
ఇదిగో ఇందా..
ఖైదీ కన్నయ్య కాదే..
వీడికి అన్నయ్య వాడే..

జగదేకవీరుడి కథా.. ఇది పాత పిక్చర్ కదా
అతిలోక సుందరి తల.. అతికించి ఇస్తా పదా
ఏ మాయ చేసైనా ఒప్పించే తీరాలి...

చుక్కలు తెమ్మన్నా తెంచుకు రానా
చూస్తావా నా మైనా.. చేస్తానే ఏమైనా

ఒకటా రెండా.. పదులా వందా
బాకీ ఎగవేయకుండా.. బదులే తీర్చేది ఉందా
మెదడే ఉందా.. మతి పోయిందా
చాల్లే మీ కాకి గోలా.. వేళా పాళంటూ లేదా

ఏవైంది భాగ్యం కథా? కదిలిందా లేదా కథా?
వ్రతమేదో చేస్తోందటా.. అందాక ఆగాలటా
లౌక్యంగా బ్రతకాలీ.. సౌఖ్యాలే పొందాలి...

చుక్కలు తెమ్మన్నా తెంచుకు రానా
చూస్తావా నా మైనా.. చేస్తానే ఏమైనా
నిన్నే మెప్పిస్తాను.. నన్నే అర్పిస్తాను..
వస్తానమ్మా ఎట్టాగైనా

చుక్కలు తెమ్మన్నా తెంచుకు రానా
చూస్తావా నా మైనా.. చేస్తానే ఏమైనా

At a glance ఇది వేటూరి సాహిత్యంలా అనిపిస్తుంది
చిన్న చిన్న పదాలు సరళమైన భాష
సరదా ప్రాస
వంశీ మార్కు పైత్యం
ఇళయరాజా మాయాజాలం
కానీ ఇది సిరివెన్నెల పదం

ఏవైంది భాగ్యం కథ అని చిన్నారవ్ అడగటం
ఓ సాగా

భర్తకు శతృవు

భర్తకు శతృవు - భార్య అందం
భార్య రూపవతీ శతృ
భార్యకు శాపం - భర్త వ్యసనం
ఆడదానికి శతృవు - ఆడదే

విలువలు లేని వెధవలు

విలువలు లేని వెధవలు
డాలరు వలువలు వొలిచి
తొక్కిపట్టి బొక్కసంలో బంధిస్తుంటే
ఇంకా పనిముంగిట్లో
నిండా మునిగి
తలుపుతట్టే అవకాశాలని చేజార్చుకుని
ముందరితరాలకు ఏవిద్దామని
నీ ఆలోచన ఓనేస్తం
(స్వగతం)

మనిషి ఆలోచన

అంతఃస్వభావం
బాహ్య స్వభావం
రెండూ మనిషిని లొంగదీసుకుంటాయి
రెండూ మనిషిని నడిపిస్తాయి
దేని ప్రభావానికి మనిషి బానిసో
కాలం నిర్ణయిస్తుంది
ఎప్పట్లాగానే మనిషి ఆలోచన
కాలానికి బానిస
(కాలం = situation)

నిరాశావాది స్వగతం

నా కలలు
నా ఊహలు
నా ఆశలు
నా ఆలోచనలు
నీ చుట్టూ కోటలు
నీ చుట్టూ తోటలు
నీ చుట్టూ పాటలు
నీ చుట్టూ ఊహలు
నా కలలు
గాలికి కొట్టుకుపోయే ఈకలు
నా ఊహలు
నీటిపై కరిగిపోయే రాతలు
నా ఆశలు
మట్టిలో కలిసిపోయే ఆకులు
- నిరాశావాది స్వగతం

నా గ్రంథాలన్నీ నీ కథలే

నా గ్రంథాలన్నీ నీ కథలే
నా గంథాలన్ని  నీ సువాసనలే
నా ఆలోచనలంతా నీ ఊసులే

ఇక్కడ చదివానో ఎక్కడ విన్నానో జ్ఞాపకం రావట్లేదు.

సుదతి

అనురాగ వీణపై.. మనసేమో నాదమై..
తీయ తీయగా మ్రోయగా పదములాడగా
సుదతి తనువే.. మదన ధనువై
అదను గని పదును పదును మరుల విరులు కురియగ
కవ్వించే కళ్ళల్లో కలలేవో ఏవో ఏవో కదలాడే ఈవేళా
- సినారె

కొంచెం విచిత్రమైన ఆలోచన ఇది. సాధారణంగా అతను ఆమె శరీరాకృతినో కురులనో కళ్ళనో లేక చెవులనో పొగుడుతాడు. సదరు విషయాలన్ని శృంగార విశేషాలు. కొందరు చెవి ఝుంకాలను నడుముకున్న ఆభరణాలను చేతికున్న వంకీలను కూడా జత చేస్తారు
కాని ఇక్కడ సినారె సుదతి తనువు మదన ధనువు అంటాడు. ఆమె శరీరం మదనుడి విల్లు అన్నాడు కానీ ముందు సుదతి అని వాడాడు.
సుదతి - చక్కని పలువరుస కలది
అప్పుడే డెంటల్ డాక్ దగ్గరకెళ్ళి డీప్ క్లీనింగ్ చేయించుకొచ్చింది.


దీనికి మూలం బహుశా సంస్కృత సాహిత్యం అయుండచ్చు.

ప్రియే చారుశీలే.. ప్రియే చారుశీలే..
వదసి యది కించిదపి దంత రుచి కౌముది
హరతి దర తిమిరమతిఘోరం

జయదేవ అష్టపది
వదసి
యది
కించిత్
అపి
దంత
రుచి
కౌముది
హరతి
దర
తిమిరం
అతి
ఘోరం

ఎలా అర్థం చేస్కోవాలో - ప్రియా మూతి బిగించుకుని  కూర్చున్నావు, ఒక్క మాట పలకటానికి నోరుతెరువు. తెల్లని నీ పలువరుస నుంచి వచ్చే కాంతి ఈ ఘోర తిమిరాన్ని హరించనీ.

నువ్వు నాతో ఏమన్నావో నేనేం విన్నానో

నువ్వు నాతో ఏమన్నావో నేనేం విన్నానో
బదులేదో ఏం చెప్పావో ఏమనుకున్నానో
భాషంటు లేని భావాలేవో నీ చూపులో చదవనా
స్వరమంటు లేని సంగీతాన్నై నీ మనసునే  తాకనా
ఎటు సాగాలో అడగని ఈ గాలితో
ఎపుడాగాలో తెలియని వేగాలతో
భాషంటు లేని భావాలేవో నీ చూపులో చదవనా
స్వరమంటు లేని సంగీతాన్నై నీ మనసునే తాకనా

చాలా కాలం తర్వాత
ఒక కవి తపన
ఓ గాయకుడు భావగర్భితంగా స్రవించిన ధార

అద్భుతం అనక తప్పదు

ఇయర్ బడ్స్

సూరిగాడు వాడి పడేసిన ఇయర్ బుడ్స్ వాట్టం మొదలెట్టాను నావి పక్కన పడేసి. హంగులు ఆర్భాటాలు పక్కన పెడితే ఇవి పెట్టుకుంటే చెవిటోడితో సమానం. పక్కన *బం* పడ్నా తెలియదు.

ఇంతలో కొత్త సమస్య -
ఎడమ చెవిది వినబడును
కుడిచెవిది వినబడదు

ఎన్నోరకాలుగా *ఎక్కడా ఇక్కడా నొక్కినా* పనిజేయటంలేదు
వాడినే అడిగా ఏరా అని
హా అవి ఔట్ ఆఫ్ సింక్ అన్నాడు
భలే భలే మరి సింక్ చేయటం ఎలా అడిగాను
నాకు హోంవర్క్ ఉందని వెలుగులోకి జారుకున్నాడు నన్ను చీకట్లోకి నెట్టి

అలా కుస్తీ సిగపట్లు పడుతుండగా ఏకళనుందో కుడిది పనిచేయటం మొదలెట్టింది

అనూహ్యంగా ఎడమది పనిచేయటంలేదు

ఈ సమస్యని పూరించిన వారికి నా రెండు ఇయర్ బడ్స్ నుంచి ఒకదాన్ని నిట్ట నిలువునా చీల్చేసి బహుమతిగా ఇస్తానని వాక్దానం చేస్తూ నా రాజ్యంలో చాటింపు వేయిస్తున్నా

నాకం

ఓ మహాత్మా
ఓ మహర్షి

ఏది చీకటి ఏది వెలుతురు
ఏది జీవితమేది మృత్యువు
ఏది పుణ్యం ఏది పాపం
ఏది నరకం ఏది నాకం
ఏది సత్యం ఏదసత్యం
ఏదనిత్యం ఏది నిత్యం
ఏది ఏకం ఏదనేకం
ఏది కారణమేది కార్యం

శ్రీశ్రీ మహాప్రస్థానం
ఆకలిరాజ్యం సినిమాలో ఈ కవితని శ్రీ బాలసుబ్రహ్మణ్యం చాలా భావావేశంతో పాడారు, కమల్ హాసన్ జీవించాడు

శ్రీశ్రీ నవకవితా పితామహుడు ఊరకనే కాలేదు. ఆయన భావాలు గొప్పగా ఉంటం వల్ల అయ్యాడు. ఆయనకి బీజం ఎక్కడ పడిందో తెలియలేదు. ఆయన సాహిత్య స్రవంతికి మూలాలేంటో?
ఆయన పురాణాలు ఉపనిషత్తులు బాగా చదివి ఉంటాడు.

ఉదాహరణకు -
ఏది నరకం ఏది నాకం

నాకం అనే పదం నేను వినలేదు ఈ కవితలో తప్ప.

అకము akamu. [Skt. from ఆ = not & క = happiness.] n. Ache, pain, affliction. Sin. దుఃఖము, పాపము నాకము = న+అకము = heaven, the sinless place.

ఈ పదం ఇక్కడ దొరికింది -
మహానారాయణ ఉపనిషత్

అంభస్యపారే భువనస్య మధ్యే నాకస్య పృష్ఠే మహతో మహీయాన్
అంభః
అపారః
భువనః
అస్య
మధ్యే
*నాకః*
అస్య
పృష్ఠే
మహతో
మహీయాన్

ప్రకాశ్ రాజ్

ప్రముఖ నటుడు ప్రకాశ్‌రాజ్‌కు వింత అనుభవం ఎదురైంది. ఓ మహిళా అభిమాని భర్త ఆయన ముందు దురుసుగా ప్రవర్తించారు. భార్య నటుడితో కలిసి ఫొటో దిగిందని దూషించారు. కశ్మీర్‌లో జరిగిన ఈ సంఘటనను ప్రకాశ్‌ సోషల్‌మీడియా వేదికగా పంచుకున్నారు. ఇది తనను ఎంతో బాధించిందని అన్నారు. ‘మనం ప్రేమించే వారిని ఎందుకు బాధపెడుతారు?, విభిన్న అభిప్రాయాలు ఉన్న వారిని ఎందుకు ద్వేషిస్తారు?’ అని ప్రశ్నించారు.


‘నేను గుల్మార్గ్‌లోని నా హోటల్‌కి నడుచుకుని వెళ్తున్నా. ఓ మహిళ తన అమ్మాయితో కలిసి నా వద్దకు వచ్చారు. సెల్ఫీ కావాలని అడిగారు. నేను  ఇచ్చాను. వాళ్లు చాలా సంతోషించారు. కానీ ఒక్కసారిగా అక్కడికి మహిళ భర్త వచ్చారు. ఆమెను పక్కకు లాగి, దూషించారు. సెల్ఫీ డిలీట్‌ చేయమని అరిచారు. నేను మోదీకి వ్యతిరేకంగా మాట్లాడినందుకు ఆయన ఇలా ప్రవర్తించారు.
- ఓ వార్తా పత్రిక

ఈరోజు రేపట్లో హిందు అనటం ఓ బూతు అనీ

హిందూ తీవ్రవాదం అనీ

*సమాజం నుంచి బయటబడ్డ చేపలు* కొన్ని ప్రబలంగా విశ్వసిస్తున్నాయి. ప్రచారం చేస్తున్నాయి.

తమది కాంగ్రేసో లేక లెఫ్ట్ పార్టీనో అర్థంకాక కొట్టుమిట్టాడుతున్నాడు రాహుల్.

లెఫ్టిస్టిక్ భావాలంటే హిందూయిజాన్ని ద్వేషించటం అని కొందరి అభిప్రాయం. పోనీ ఆ భావజాలాన్ని తీవ్రంగా నమ్ముతామా అంటే నమ్మం. అంత లెఫ్ట్ ఆలోచనలే ఉంటే కమ్యూనిస్ట్ పార్టీ తరపునే పోటీకి దిగచ్చుగా. అబ్బే అలా చేస్తే అస్థిత్వం ఎలా.


ప్రకాశ్ రాజ్ - మోడీని ఎంతలా విమర్శించాడో వార్తా పత్రికలు తిరగేస్తే తెలుస్తుంది.

పెద్ద విషయం కాదు. ఆంధ్రాలో రోడ్డున పోయే ప్రతోడు మోడీని తిట్టాడు ఎలక్షన్ల ముందు.

ఎలక్షన్లయ్యాక ఏవైందో చూశాం.


సమస్య ఏంటంటే -

తను తన నోటికొచ్చినట్టు తిట్టటం ఒక కోణం.

తనని ఎదురు ప్రశ్నించినప్పుడు తన్నుకొచ్చే నీతి విలువలు ఇంకొక కోణం.


ప్రకాశ్ రాజ్ స్టేట్మెంట్ -

‘మనం ప్రేమించే వారిని ఎందుకు బాధపెడుతారు?, విభిన్న అభిప్రాయాలు ఉన్న వారిని ఎందుకు ద్వేషిస్తారు?’


విభిన్న అభిప్రాయాలున్నవారిని ద్వేషించవద్దుట. మరి తను చేసిందేవిటీ?

తనకి వర్తించదా?

తను అతీతుడా?

ఇది హిపోక్రసీ కాదూ?

 

ఈ రోడ్డు నీ బాబుదా

మొన్నీమధ్య ఈ ప్రకటన చూశాను ఎదో టీవీలో
ఏంతో అర్థవంతంగా అనిపించింది.

ఈ యాడ్ చూసినాకైనా సీటు బెల్టు పెట్టుకోకుండా నడపటం క్షేమంకాదని, నడిపేప్పుడు ఫోన్లు గట్రా చూడకూడదని వాహన చోదకులు గ్రహిస్తారని భావిస్తా.

Click it or Ticket

మైలురాళ్ళు

ఈ టపా 2013 సెప్టెంబరు 10 న రాశాను.
ఆనాటికి నా నడక యజ్ఞం వెయ్యి మైళ్ళు చేరుకుంది.

అదొక గర్వించతగ్గ మైలురాయిలా అనిపించింది.

ఆశ్చర్యంగా కాలం తన బాటలో తాను తనమానానతాను నడిచిపోయింది. ఒక్క నిమిషం కాల ప్రవాహంలో ఊపిరి తీసుకోటానికి ఆగి వెనక్కి చూస్కుంటే ఎన్నో నడకానుభూతులు.

నడకలో గొప్పతనం ఏంటంటే, నడిచినంతసేపు నీతో నువ్వు నీకై నువ్వు నీలో నువ్వు మాట్టాడుకోవచ్చు చూసుకోవచ్చు రమించుకోవచ్చు

అడిగేవాడుడండు
ఆక్షేపించేవాడుండడు
వేలెత్తి చూపేవాడుండడు

ప్రకృతిలో ప్రకృతితో మమేకం అయి
ప్రతీ చెట్టుని
ప్రతీ పుట్టనీ
గట్టుని
కయ్యల్ని
గడ్డి పరకల్ని
అనుభవిస్తూ
కొండకచో కలలు కంటూ

వెయ్యిమైళ్ళ నడక పక్కన పెడితే మధురాంతకం రాజారాం గారి కథ ఒకటి జ్ఞాపకానికొచ్చింది. ఆ కథని మా మోర్జంపాడులో పనిచేసిన తంతితపాలా బంట్రోతుకి అన్వయిస్తే రోజుకి ఎన్ని మైళ్ళు నడిచుంటాడో సదరు బంట్రోతు. అలా ఎన్ని సంవత్సరాలు పని చేసుంటాడో.

చేతికి పెట్టుకునే పెడోమిటరు లేక చేతికి తగిలించుకునే అలాంకారాలు (wearable) వచ్చాక రోజుకి 10000 అడుగులు అనే లెక్క నిజంగానే ఓ కర్త్వయంలా అయి కూర్చుంది చాలా మందికి నాతోబాటుగా. మా అమ్మకీ ఒక fitbit కొనిచ్చాను. రోజుకి 10000 అడుగులు వేస్తున్నారా అంటుంది అమ్మ.

2013 సెప్టెంబరు 10 న 1000 మైళ్ళు అనే మైలురాయి.
ఈరోఝు నా ఐఫోన్ లోని mapmyrun లో రికార్డు చేయబడ్డ నా నడక నన్ను ఎక్కడిదాకా తీసుకెళ్ళిందో చూశాను.

8,885.72 మైళ్ళు అని అని చూపెట్టింది అప్లికేషన్

ఆం.ప్ర ఖజానాలో కేవలం 100 కోట్లు

నిన్న ఒక వార్త చూశాం. ఆం.ప్ర ఖజానాలో కేవలం 100 కోట్లే ఉన్నాయంటూ.

ఈ పత్రిక ఎన్నికల ముందు ఏంచేసిందీ? ఎన్నికల ముందు ఈ నిజాన్ని ప్రచురించి ఉండచ్చుగా?

భలేవాడివే! ఎన్నికల ముందు 100 కోట్లకు పైగా ఉంది ఖజానా అని అనొచ్చు.

ఈ పత్రిక నిజంగా ప్రజా పక్షాన ఉంటే, వీళ్ళ జర్నలిజంలో నిజమైన విలువలే ఉంటే

ఎన్నికల ముందు ఇంత, అయ్యాక ఇంత, కొత్త ప్రభుత్వం వచ్చేనాటికి ఇంత అనే లెక్కలు ప్రచురించుంటే నా జీవితంతం వీరి పత్రికకి సబ్స్క్రైబ్ చేస్కోనుండేవాడ్ని

మీడియా కుక్క తోక

గత వారం పది రోజులుగా జరిగిన రాజకీయ పరిణామాలు. ఇక జరగబోయే రాజకీయ తంతు. బాగా దగ్గరుండి ఇవాళ్టి  రాజకీయాలను గమనించాల్సిన సమయం.
ఈ గందరగోళంలో గమనించాల్సింది మీడియా పోకడని
మింగలేక కక్కలేక
జగన్ అనలేక అనకుండా ఉండలేకా
తెగ బాధపడిపోవటం.

ఒబామా మొదటిదఫా పాలన సగానపడేలోపు నేను న్యూయార్క్ నుంచి కేన్సాసుకి వెళ్ళిపోవాల్సి వచ్చింది. అప్పట్లో KMBZ అనే రేడియో వింటం జరిగింది. దాంట్లో మధ్యాహ్నం రెండు మూడు గంటలపాటు Rush Limbaugh అనేతని టక్ షో వచ్చేది. దాన్ని రిపబ్లికనులు అదొక మహత్తర కావ్యంలా ఇతిహాస పురాణాలకన్నా దేవుని వాక్యంలా చెవులు రిక్కించి మరీ వినేవారు.
ఇతను ఎంత గొప్ప వ్యక్తి అంటే బారాక్ హుస్సేన్ ఒబామా అని ఉచ్ఛరించటనికి ఇష్టపడేవాడు కాదు, ఉచ్ఛరించే పాపం చేసేవాడు కాదు. రిపబ్లికనులు ఆ పేరు వినేప్పుడు ఎంతో పాపం చేసినవారిలా ఊగిపోయేవారు. బాధపడేవారు. చర్చీలకి వెళ్ళి నాలికని నేలకేసి రాసుకునేవారు. Rush Limbaugh బారాక్ హుస్సేన్ ఒబామా అనాల్సి వచ్చినప్పుడు బారాక్ ఆఆఆ  ఒబామా అనేవాడు.

ఒక వ్యక్తిని వ్యతిరేకించవచ్చు
ఒక వ్యక్తిని ద్వేషించవచ్చు
కానీ ఈస్థాయికి ద్వేషించటం వాళ్ళ విచక్షణకి తార్కాణం
మానసిక స్థితికి నిలువెత్తు అద్దం

అదేస్థాయికి ఇవ్వాళ్ళ మీడియా దిగజారింది. నిన్నటిదాకా విషప్రచారం చేసింది. A1 అంటూ జైలు పక్షి అంటూ ఎన్ని విధాలుగా దిగజారాలో అన్ని విధాలుగా పాకుడు మెట్ల మీదనే నిల్చుంది.

చివరికి తాము ఎవ్వరి గెలుపుకోసం పాటుపడుతున్నాము అని భ్రమించాయో, ఆ సంకల్పాన్నే పాకుడురాళ్ళ మీద నిలబెట్టి అధోపాతాళానికి నెట్టి తామూ అధోపాతాళానికి జారిపోయాయి.


ఇవ్వాళ్ళ కొదరు పచ్చలయ్యలు "వార్తా సమీక్ష" లకు జగన్ పార్టీ నుంచి ఎవ్వరూ రాకుండానే చర్చిస్తున్నారు.
ప్రజలచేత ప్రజలకొరకు ప్రజలే ఎన్నుకున్న ప్రభుత్వం ఏర్పాటు అయే సందర్భంలో, 50% మెజారిటీ సాధించుకున్న పార్టీ నుంచి ఒక్క ప్రతినిధి కూడా లేకుండా గెలుపోటముల చర్చలు *తల లేని మొండెం*లా అనిపిస్తున్నాయి.

ఇక భజన పత్రికలు తమ భక్తిని ఇలా చాటుకున్నాయి -
ఎవరన్నా ఫలితాలు రాసేప్పుడు క్రొనొలోజికల్ ఆర్డర్లో రాస్తారు. ఎక్కువ సీట్ల నుంచి తక్కువ సీట్లు వచ్చిన ఆర్డరులో లేక ఆల్ఫాబెటికల్ ఆర్డరులో.
కానీ రామోజీ తాత
TDP           23
YSCRCP 151
JSP              1

అంటూ లిస్టింగ్ ఇచ్చాడు.

మీడియా కుక్క తోక వంకర అని నిరూపించాడు

కీర్తి

ఈప్రపంచంలో ప్రతోడు నీతిమంతుడే - బయట ప్రపంచానికి.
కొత్త తరంలో ప్రపంచం కళ్ళు తనమీదపడాలనీ ప్రతోడి ఆరాటం. కళ్ళు తనమీద పడాలంటే సుళువైన మార్గం ఒకటుందని కాకిరిగుమ్మ గగ్గరనుండి సందులో పనికిరాని *నటుడి* దాకా ప్రతోడు కనుక్కున్నాడు.
ఈ మార్గం చాలా సులభమైనది. ఆట్టే కష్టపడాల్సిన పనిలేదు.
ఈమార్గాన్ని ఆలింగనం చేస్కోవాలంటే మాత్రం కొన్ని మౌళిక సూతాలున్నాయి. వాటిల్లో కొన్ని
సిగ్గు లజ్జ మానం అభిమానం ఇత్యాదివి వదిలేయాలి.
కులదూషణ తారాస్తాయికి చేయాలి.
పక్క కులాన్ని ద్వేషించాలి.
ద్వేషించటనికి భయమైతే కనీసం బ్రాహ్మణ ద్వేషం ఉండలి, మాటల మధ్యలో బ్రాహ్మణికల్ యాటిట్యూడ్ అంటూ పదజాలాన్ని వాడగలగాలి.
ఫేసుబుక్కు/బ్లాగుల నిండా/ట్విట్టరు నిండా సూక్తులను కుమ్మరించాలి.
బ్లాంకెట్ స్టేట్మెంట్స్ ఇవ్వాలి.
జెనరలీజేషన్స్ చెయ్యాలి.
తాను తప్ప మిగతా సమాజం అంతా తాలు సరుకు అని డప్పా కొట్టాలి, సొంత బాకా ఊదుకోవాలి.
పొద్దున్నే సూక్తులు - సాయంత్రం వ్యభిచారం చేయగలగాలి.
రాజ్యాంగం/హక్కులు అంటూ మాట్లాడాలి (లీగల్ గా కేక గురూ అనిపించుకోవాలి).
పాకిస్థాన్ భజన చేయాలి.
వ్యక్తిపూజని వ్యతిరేకిస్తూ సాయంత్రానికి సొంతపూజ చేస్కోవాలి.
అందరూ తనను పూజించాలని కలలు గనాలి.
వాటిని పక్కనోడిమీద రుద్దాలి.
నా మీద కుట్ర జరుగుతుంది అంటూ కనిపించిన చోటల్లా వాపోవాలి అవసరం ఉన్నా లేకున్నా.

ఇవన్నీ ఒక ఎత్తైతే
ముఖ్యంగా చేయాల్సినవి మాత్రం ఇవి
కనిపించిన పోష్టరు మీదల్లా బురద పేడ కొట్టాలి అనగా - మోడి మీద, అమిత్ షా మీద లేక తన దగ్గర్లో ఉన్న కొండకచో సెలబ్రిటీస్ మీద అనగా ఉదాహరణకి - సే - పవన్ కళ్యాన్ మీద, కె విశ్వనాథ్ మీద, నాగబాబు మీద, నానీ మీద, సే జగన్ మీద, షర్మిల మీద, కెసీఆర్ మీద ఇలా.
ప్రధాని దొంగ అనటం.
మతాన్ని ద్వేషించటం.
మతాన్ని దూషించటం.
హిందూ తీవ్రవాదం అనటం.
మత పెద్దల్ని దూషించాలి.


ఇలా చెప్పుకుంటూ పోతే బ్లాగు చాలదు!

అన్నీ బాగనే ఉన్నాయోయ్ కానీ ఇలా ఎవరు చేస్తున్నారో ఉదాహరణకు మచ్చుకి నాలుగుగైదారేడెంది పేర్లు చెప్పు అనడగొచ్చు -
ప్రకాశ్ రాజ్ చేయట్లేదా?
హీరో సిద్ధార్థ్ చేయటంలేదా?

మత్తి కహేశ్ చేయట్లేదా?
లోకేశ్ చేయట్లేదా?
శ్రీబెడ్డి చేయట్లేదా?
ఆమాటకొస్తే తన స్థాయిలో మీకాహిరా చేయట్లేదా?

ప్రతోడు కోర్తికోసం ఖ్యాతి కోసం పాకులాడేవాడే/దే

వార్తా పుత్రికల పైత్యంపై ఓ వ్యాసం

ఈరోజు సాక్షిలో ఈ రచన నన్నాకట్టుకుంది

శ్రీ నారా లోకేశ్

ఆకలేసి అన్నమడిగితే -

కొత్తగా ఏర్పడ్డ రాష్ట్రం.
ఎటు చూసినా చిక్కులే.
ఎటు చూసినా సమస్యలే.
పిరికిటి నిండా చిల్లర లేదు.
జేబుల నిండా నోట్లు లేవు.
ఇంతలోనే అహంకారం
ఇంతలోనే అతివాద ప్రకోపం.
ప్రపంచాన్ని తలదన్నే రాజధాని నిర్మిస్తాం అని ఎవరెస్టు శిఖరానికి దారం వేయటం

ఒక కొత్త ఊరికి బదిలీ కాబడ్డ బడుగు ఉపాధ్యాయుడిలా ఉన్న ప్రభుత్వం. చిన్న గది తీసుకుని సంసారాన్ని కుదుట పరిచి, తననితాను సంభాళించుకుని కాలూచేయీ తీసుకుని అడుగు ముందుకేద్దామనే మధ్యతరగతి ఆలోచన చేయని ఆలోచనరాని ఆలోచన రానివ్వని ఆ మనిషి

రోజులు దొర్లాయి.
సామాన్యుడి జీవితంలో మార్పు లేదు.
అదిగో నవలోకం అంటూ గోడమీద "రేపు" అని రాసి ఊరిస్తూ వంచిస్తూ

ఒకవైపు ఏడాదికి నాలుగు పంటలు పండే బంగారు డెల్టాని సిమెంటూవనంలా మారుస్తూ

వెరసి రైతుల కష్టాలు కన్నీళ్ళు

ఇలాంటి సందర్భంలో చినరాజావారు శ్రీశ్రీశ్రీ నారా లోకేశ్

జాలితో
దయతో
కరిగిపోయి
కన్నీరులో కన్నీరై
మున్నీరులో మున్నీరై
యావత్ జాతిని మేల్కొల్పేలా
జనాలకోసమే
తానంటూ
ముందుకొచ్చాడు

గొప్ప నేత. దూరదృష్టి. తెలివి. ఆలోచన. సేవ.
ఇన్ని గుణాలు కలపోసి పోతపోసిన మనిషి లోకేశ్.

సాధారణ స్థాయిలో మనిషి ఇలాంటప్పుడు రైతులకు సరసమైన్ ధరలు ఇద్దాం ఏవోకొన్ని సబ్సీడీలు ఇద్దాం ఋణం ఇద్దాం పోనీ ఉన్నదాన్ని మరికొంత మాఫీ చేద్దాం అని అనుకుంటాడు

కానీ లోకేశ్ అలా ఆలోచించలేడు.
గొప్ప మహానుభావుడికి మాత్రమే మార్గదర్శకుడికి మాత్రమే ఇంద్రుడికి మాత్రమే చంద్రుడికి మాత్రమే వచ్చే ఆలోచన చేశాదు.

ఆకలేసి వచ్చిన రైతుకోసం
5000 వేల కోట్లతో ఫైబర్ కేబుల్ వెయించి
అందరికీ ఉచితంగా స్మార్ట్ ఫోణులు ఇప్పించి
అందులో
కే.యఫ్.సి అప్లికేషనో
మ్యాక్.డోనాల్డ్ అప్లికేషనో వేసి
ఫోను ద్వారా ఆర్డర్ చేస్కునేలా ఏర్పాటూ చేశాడు.

దార్శనికతకు నిలువెత్తు ఉదాహరణ.

అందుకే మందలగిరికి పంపించారు జనాలు గౌరవంగా

చింతమనేని ప్రభాకర్

ఒక దుర్మార్గుడు దగ్గరుండి తన మనుషుల చేత యధేచ్ఛగా పట్టపగలు మిట్టమధ్యానం అందినకాడికి అందరూ చూస్తుండగా నిర్లజ్జగా నిర్భీతిగా వ్యవస్థని నిర్వీర్యం చేస్తూ చట్టాన్ని కుళ్ళబొడుస్తూ న్యాయాన్ని కాలరాస్తూ దేశ సహజ సంపదని దోచుకుంటున్నాడు.
అతను ఓ రాజికీయ అతివాది. రాజకీయ మితవాదుల కాలం నుంచి దేశం పరిణితి చెందుతూ ఈనాటికి రాజకీయ అతివాదుల చేతిలోకి పోబడిందని వేరే చెప్పక్కర్లేదు. రోజుకి కొన్ని వందల సంఘటనల్లో చూస్తూనే ఉన్నాం, ఆట్టే వెతుక్కోవాల్సిన పనికూడా లేదు.
ఇతను ఆంధ్రప్రదేశ్ అనే దేశాన్నికి పేరు ప్రఖ్యాతులతో పాటు అనితరసాధ్యంకాని అనుభవపాటవాలతో పరిపాలిస్తున్న రాజువద్ద ఓ పేద్ద అమాత్యుడు.
దోపిడీలు చేయించటం, సహజ సంపదలని దగ్గరుండి దోపిడీ చేయించటంలో సిద్ధహస్తుడు.
కనిపించిన వారిని అమ్మనానబూతులు తిట్టిటం అతనికి వెన్నతో పెట్టిన విద్య.

ఆరోజు ఆ మధ్యాహ్నం అలా దోపిడీ ఛెస్తుండగా తన జీవితంలో చేయకూడని తప్పు చేస్తున్నాను అని తెలియని ఓ ప్రభుత్వ ఉద్యోగిని అటుగా వెళ్ళటం తారసిల్లింది. ఆమె తెలిసే వెళ్ళిందో లేక విధి ఆమెతో ఆడించిన వింత నాటకమో - ఆమె అటుగా వెళ్ళటం దోపిడీ అంతా ఆమెకు అవగతం కావటం క్షణంలో జరిగిపోయాయి.
విధి బలీయం ఆమె సదరు ఆమాత్యుడిని నిలదీయటం చకచకా జరిగిపోయాయి. ఆమె అధికార్ణిగా అతన్ని ప్రశ్నించింది.
ఏవిటి జరుగుతోందీ? ఏవిటీ ఈ దోపిడీ? పట్టపగలు మిట్ట మధ్యాహ్నం ప్రముఖ అమాత్యుడి కనుసన్నల్లో ఇలా దోపిడీ చేయటానికి సిగ్గుగా లేదా అని ఆక్రోసించింది.

సదరు అమాత్యుడు జూలు విదిలించి తాన ధికార దర్పాన్ని ఆసాంతం ప్రోగుచేసి ఆమెని కాల రాసే ప్రయత్నంలో ఆమెని ఘాట్టిగా ఒక్కటి పీకనే పీకాడు.

ఈ సంఘటనని సిగ్గున్న సమాజం ఏంచేయాలీ? గర్హించాలి.
ఒక పోలీసుమీద డ్యూటీలో ఉండగా చేయిచేసుకుంటే ఓ పేద్ద నేరం అవుతుంది
ఓ ప్రభుత్వోద్యోగిని డ్యూటీలో ఉండాగా చేయి చేసుకుంటే అంతే పెద్ద నేరం అవుతుందా కాదా?
ఇలాంటి సమయంలో సదరు ప్రభుత్వం తన ఉనికిని ప్రజలవద్ద కాపాడుకునేందుకూ కనీస ధర్మంగా ఏంచేయాలీ?

ప్రభుత్వం ఆట్టే పెద్దగా ఉలిక్కి పడలేదు. నెగడు వద్ద కూర్చుని బీడీ వెలిగుంచుకునే తరహాలో ముట్టీ ముట్టనట్టుగా ఉంటమే కాకుండా
ఆమెని ప్రశించింది. అసలు పట్టపగలు మిట్టమధ్యాహ్నం నువ్వు అటు ఎందుకెళ్ళావని ఆమె అవాక్కైయ్యేలా ప్రశ్నించింది.

ఆమె తన సరిహద్దులు దాటి వెళ్ళిందని ఆరోపణ
సదరు అమాత్యుడు సరైన తీరులోనే ప్రవర్తించాడని అతనికి మెడలోంచి హారం తీసి మరీ బహుకరణ

అమాత్యుడు - చింతమనేని ప్రభాకర్
ప్రభుత్వోద్యోగి - వనజాక్షి
ప్రభువు - శ్రీ నారా చంద్రబాబు

no one respects women more than me అన్నాడు Donald Trump. అనీఅనగానే నిండు సభలో Hillary Clinton ని Nasty Woman అన్నాడు. ప్రజలు అతనికి పట్టం కట్టారు.

చింతమనేని ప్రభాకర్ ఆగడాలను వెనుకేసుకొచ్చిన చంద్రబాబుని ఇంటిముఖం పట్టించారు ఓటరులు.
చింతమనేని ప్రభాకరుని దారుణంగా ఓడగొట్టారు.

రేపొద్దున Donald Trump కైనా ఇదేగతి.
ఆమె ఆడది కావచ్చు మగాడు కావచ్చు. ప్రభుత్వ ఉద్యోగికి ఆమాటకొస్తే మనిషికి విలువ ఇవ్వగలిగేది కేవలం మనిషి మాత్రమే

లంకా దినకర్

ఈనాడు పత్రికని వార్తల్నీ బ్యాన్ చేసి చాలా కాలం అయ్యింది. ఆంధ్రజ్యోతి చూసే అలవాటు ఎప్పుడూ లేదు. ఆర్కె తో ముఖాముఖీ లాంటివి అసలు పడవు. ఇలాంటి ప్రజాస్వామ్య వ్యతిరేక అలవాట్లు ఉన్ననాకు వార్తల్ల్ని వండి వార్చే పుత్రికలు రెండే మిగిలాయి. ఒకటి టీవి 5 రెండు సాక్షి.
టీవి 5 లో పొద్దున్నే వార్తల సమీక్షని చూట్టం అవసరం అయ్యింది. ఒక కారణం రావిపాటి విజయ్.
ఇతను కొంత పరిణితితో ఈ కార్యక్రమాన్ని నిర్వహిస్తుంటాడాని నా అభిప్రాయం. కానీ ఇతనికీ పచ్చ కామెర్ల వ్యాధి ఉందని అప్పుడప్పుడు అనిపిస్తుంటుంది. జగన్ పార్టీని హేళాన చేస్తూ మాట్టాడటం భాజపాని చులకన చేస్తూ మాట్టాడటం గమనించినా అంతగా నేను పట్టించుకోలేదు. ఓరోజు పచ్చకామెర్లు ముదరటం - జగన్ పార్టీ టీవి5 ని వెలివేయటం జరగనే జరిగింది.
ఇక టీవి5 ని తగ్గించేశను. వార్తావిశ్లేషణ సాక్షీలో చూట్టానికి అలవాటు పడ్డాను.
మధ్యలో ఓ రోజు టీవి5 పెట్టాను. లంకా దినకర్ అనే అతివ్యాధిగ్రస్తుడు ఆరోజు వార్తా విశ్లేషణకి వచ్చాడు. విశ్లేషణో లేక ఏడుపో లేక ఆర్తనాదమో మొదలైంది. లంకా దినకర్ గారి వితండవాదం జోరుగా కొనసాగుతున్నది. అంశం - ఈవీయం ట్యాంపరింగ్.

లంకా దినకర్ గారి ఉధృత ప్రవాహం కొనసాగింపులో ఆంధ్రప్రదేశ్ ఎన్నికల కమీషనర్ శ్రీ గోపాలకృష్ణ ద్వివేది గురించి ఒక వింత స్టేట్మెంట్ పలికాడు.

గోపాలకృష్ణ ద్వివేది ఆర్.యస్.యస్ భావజాలం కల వ్యక్తి అని. అదేదో దేశ ద్రోహం అయినట్టు.

ఇది ఎంత వరకూ సమజంసం


లంకా దినకర్ గారు గ్రామసింహంవలే ఎలా వాక్ప్రవాహాన్ని స్రవింపచేస్తారో. అనేక ఉదాహరణలు. ఒక చిన్న ఉదాహరణ ఈ వీడియో

బలవంతపు గాంధీఇజం

గాంధీ గొప్పవాడు అయుండచ్చు. గాంధీఇజాన్ని కాంగ్రేస్ జనాల నరనరాల్లోకి ఇంకింపజేసి ఉండచ్చు.
ఎక్కడో ఓ మూల ఎవడోకడు దాన్ని వ్యతిరేకించే తిరుగుబాటు చేసే ఇజంతో ఉండడా?

గాంధీ అనే ఓ మనిషి తీసుకున్న కొన్ని నిర్ణయాలు సదరు విప్లవకారుడికి నచ్చలేదు. అతను గాంధీని అంతం చేశాడు.

గాంధీని హత్య చేయడం నేరం. నేరానికి ఖచ్చితంగా శిక్ష వేసింది న్యాయస్థానం. కాటాలో నేరమూ-శిక్ష సమం అయ్యింది వ్యవస్థకి.

అయితే గాంధీ అనే వ్యక్తిని హతమార్చటం దేశద్రోహమా? దేశవ్యతిరేకమా?

అభివృద్ధి పేరుతో దేశాన్ని అమ్ముకుంటున్న ఈతరం రాజకీయనాయకులు దేశభక్తులా?

ఎక్కువ కాలం ఆరోగ్యంగా బతకటం ఎలా

బ్రౌజర్లలో ఒక ఫీచర్ ఏవిటంటే - బ్రౌజింగ్ హిస్టరీని బట్టి *రెకమెండేషన్స్* ఇవ్వటం.
అలాంటి ఒక రికమెండెడ్ లింక్ ఒకటి *ఎక్కువ కాలం ఆరోగ్యంగా బతకటం ఎలా* అని
లింకులోకెళితే - ఎక్కువకాలం ఆరోఘ్యంగా బతకటనికి 8 చిన్న చిన్న అడుగులు అంటూ ఏదోరాసుకొచ్చాడు
1. లే! పదా!
2. నిజమైన ఆహారం తిను
3. నీ మిత్రుల్ని పిలువ్
4. సప్లిమెంట్స్ ఆపు
5. 8 గంటలు నిద్రపో
6. ప్రకృతితో ప్రకృతిలో ప్రకృతిగా - ప్రకృతికి దగ్గరగా బతుకు
7. బీడి తాగటం మానేయ్
8. అతిగా తాగిన మగాడు అస్సలు తాగని ఏనుగు బాగుపడ్డట్టు చరిత్రలోనే లేదు

ఈ 8 పాయొంట్లూ ఆలోచింపజేసేవిలాగనే ఉన్నాయి.
లే పదా! స్థబ్దత నుంచి మేలుకో. కూర్చుంటె పొట్ట పెరగటం తప్ప ఏమీ కాదు. రోజుకో గంట నడవటం గొప్ప కాదు. గంటగంటకోసారి లేవటం పది నిమిషాలు తిరగటం గొప్ప.
నిజమైన ఆహారం తిను అన్నాడు. నిజవే! చిప్స్ గడ్డి కంప తినే సంస్కృతి నుండి బయటపడు. భారతీయ భోజనం భేషైన భోజనం అని గుర్తించాలి.
ఇక సంఘ జీవితం. ఈరోజు రేపట్లో ఫేసుబుక్కో ఫేసుబుక్కో ఫేసుబుక్కో. ఎంతసేపూ అదేగోల. ఏందయ్యా అంటే సామాజిక మాధ్యమాలు. కేవలం మిధ్య. నిజమైన మితృడు ఒక్కడు - సాయంత్రం పూట అలా కూర్చుని కబుర్లతో మునిగిపోయి. నిజమైన మితృలు ఎందరు?
సప్లిమెంట్స్ ఆపేయంటాడు. బహుశా నిజమే. ఏడాదికి రమారమి 30 బిలియన్ డాలర్లు సప్లిమెంట్స్ మీద ఖర్చుపెడతారట.
ఈ దౌభాగ్యానికి కారణం?
గూగుల్
కానీ 8 గంటల నిద్ర మాత్రం కష్టం అనిపిస్తుంది.

దాడి చేసింది ఎప్పట్నుంచో అక్కడ స్థిరపడిపోయిన కాశ్మీరీ

వార్తా విశ్లేషకులు, సామాజిక శాస్త్రవేత్తలు, సామాన్యులు, ఇరువర్గాలలోని మేధావులు,  ఒప్ప్రెస్డ్ పిపుల్, బాధలు అనుభవించినవారు, బాధలుపడ్డవారు - నానాజాతులు ఉగ్రదాడిపై వివిధరకాలుగా స్పందించవచ్చు.
తప్పులేదు.
కానీ ప్రజలమీద ఆధారపడి, మెక్కుతూ, బొక్కుతూ, కన్నూ మిన్నూ కానక, బలుపుతో రాజకీఈయనాయకులు విసిరే ఖండనలు స్టేట్మెంటులు వాళ్ళ భజనపరులకు కమ్మగా ఉంటాయేమోగానీ - మిగతావారి సహనాన్ని మాత్రం తప్పక పరీక్షిస్తాయి.
ఉదాహరణకు - ఒమర్ అబ్దుల్లా
దాడి చేసింది ఎప్పట్నుంచో అక్కడ స్థిరపడిపోయిన కాశ్మీరీట.

వీడి ఘోష అర్థమైంది. కానీ సహనాన్ని పరీక్షించేది - ఎప్పట్నుంచో ఇక్కడున్న అనేవాడి ధోరణి.
నిజమా?
ఎప్పట్నుంచున్నాట్టా జవానులన మీదకి వెళ్ళిన సదరు వీరుడు?
ఒమర్ అబ్దుల్లా దృష్టిలో - తరతరాలుగా ఉన్నాట్ట.
ఎన్నితరాలుగాట?
జనాలల్లో ఐక్యత పాలకుల రాజకీయ పరిధిలో ఉంటుంది. పాలకులు జనాలని ఐక్యం చేయగలరు, విడదీసి పాలించి పబ్బం గడుపుకోగలరు.
ఒమర్ అబ్దుల్లా లాంటివారి వల్ల ఐక్యత అసంభవం!