ఇయర్ బడ్స్

సూరిగాడు వాడి పడేసిన ఇయర్ బుడ్స్ వాట్టం మొదలెట్టాను నావి పక్కన పడేసి. హంగులు ఆర్భాటాలు పక్కన పెడితే ఇవి పెట్టుకుంటే చెవిటోడితో సమానం. పక్కన *బం* పడ్నా తెలియదు.

ఇంతలో కొత్త సమస్య -
ఎడమ చెవిది వినబడును
కుడిచెవిది వినబడదు

ఎన్నోరకాలుగా *ఎక్కడా ఇక్కడా నొక్కినా* పనిజేయటంలేదు
వాడినే అడిగా ఏరా అని
హా అవి ఔట్ ఆఫ్ సింక్ అన్నాడు
భలే భలే మరి సింక్ చేయటం ఎలా అడిగాను
నాకు హోంవర్క్ ఉందని వెలుగులోకి జారుకున్నాడు నన్ను చీకట్లోకి నెట్టి

అలా కుస్తీ సిగపట్లు పడుతుండగా ఏకళనుందో కుడిది పనిచేయటం మొదలెట్టింది

అనూహ్యంగా ఎడమది పనిచేయటంలేదు

ఈ సమస్యని పూరించిన వారికి నా రెండు ఇయర్ బడ్స్ నుంచి ఒకదాన్ని నిట్ట నిలువునా చీల్చేసి బహుమతిగా ఇస్తానని వాక్దానం చేస్తూ నా రాజ్యంలో చాటింపు వేయిస్తున్నా