ఏడుపుల సంత

పోయినేడాది అనుకుంటా, జీ టీవీలో సరెగమప లిటిల్ ఛాంప్స్ ఛాలెంజ్ వచ్చింది. దాంట్లో అభిగ్యాన్ దాస్ అని ఒకడు పాల్గొన్నాడు. ఆ పిల్లాడి తల్లితండ్రులు బలే విచిత్రంగా అనిపించారు. ఆమాటకొస్తే ఆ ప్రోగ్రాంలో పాల్గొన్న ప్రతీ ఒక్క పిల్ల/పిల్లాడి తల్లితండ్రులూ అలానే అనిపించారనుకోండి. ఇక ఈ పిల్లాడు, అంతకు ముందే సరెగమప బాంగ్ల లో గెలిచి వైల్డ్ కార్డ్ ద్వారా వచ్చాడు. వీడు మొత్తానికి పై దాకా వచ్చి ఆరోవాడిగా నిలిచాడనుకోండి. వాడి తల్లి తండ్రులకి తపన తగ్గలా. ఈ పిల్లాడికి మల్లే వాడి తమ్ముడు శ్యామంతన్ దాస్ని లైంలైట్లోకి తెచ్చి వండివారిద్దామనుకున్నారు. స్టార్ టీవీ వాడి ఛోటే ఉస్తాద్ అనే కార్యక్రమంలోకి తెచ్చారు వాడ్ని. మొట్టమొదటి ఎపిసోడ్ లో శ్యామంతన్ దాస్ పాడినాక వాడి తల్లితండ్రుల్ని అడిగారు ఎలా పాడేడు మీ అబ్బాయి అని. సోను నిగం మరియూ రాహత్ ఫతే ఆలీ ఖాన్ జడ్జీలు. అభిగ్యాన్ దాస్ పాల్గొన్నప్పుడు సోను నిగం జడ్జ్ ఆ ప్రోగ్రాంలో. అభిగ్యాన్ తల్లితండ్రులతో కనీసం పది ఎపిసోడ్ల ఇంటరేక్షన్ ఉండింది. ఇప్పుడు, ఎలా పాడేడు మీవాడు అంటే వాళ్ళు ఎంతో ఆనందంగా ఉంది మా వాడు ఇలా స్టేజీఎక్కి పాట్టం అని కంటినీరు పెట్టుకు చెప్పారు. జడ్జీలు జాలిగా చూసారు. ఎవరూ ఏం మాట్లాళ్ళేదు. మీరు పలానా అని. సరే అది బిజినెస్ అని కనీస వీక్షకుడికి అర్ధం అయ్యింది. నాకైతే ఏంటీ గోల అనిపించింది.
చక్కగా చదుకుంటూ ఆడుకుంటూ పాడుకునే పిల్లల్ని ఇలా దేశస్థాయి స్టేజీమీదకి లాక్కొచ్చి, ఏం సాధిద్దామనీ అనిపించింది.
సరే అదోఎత్తైతే -
పై ప్రోగ్రాముల్లాంటి వాటికి జరిగే ఆడిషన్స్. వార్నాయనో కోపంతో భగ భగ లాడాను.
పదిహేనేళ్ళ లోపు పిల్లలు పాట్టానికొచ్చి, సరిగ్గా పాళ్ళేక, లేక సెలక్షన్ కమిటీ బిజినెస్ రూల్స్ ఫెయిల్ అయి బయటకొచ్చి, వెక్కి వెక్కి ఏడవటం. ఏట్రా అంటే మానాన్న అమ్మాల కన్న కలలను వమ్ము చేసానని ఒకడు. మా నాన్నాఅమ్మా ల కోరిక తీర్చలేపోయా అని ఇంకొకడు. ఇలా.
ఏం నాన్నా అమ్మలు వీళ్ళూ? నాకర్థంకాలా.
ఏందుకీ గుర్తింపు కోసం పాకులాట?
ఎందుకీ పరుగు?
ఏం సాధిద్దామనీ?
ఇలా తమ పిల్లలను వేధిస్తున్న తల్లితండ్రులపై ఎవ్వరూ ఏ రకంగానూ చర్య తీస్కోకపోవడం ఆశ్చర్యంగా ఉంది.
ఇక పెద్ద పిల్లలను తీస్కుంటే [అప్పర్ టీనేజ్ లేక అడల్ట్స్] - ఇలాంటి రియాలిటీ షోలలో వచ్చే పెద్ద పిల్లకాయలు కూడా భోరున ఏడవటం నాకు ఆశ్చర్యంగానే కాదు అసహ్యంగా కూడా ఉంది.
ప్రతీ చిన్నవాటికి భోరున ఏడవటం అనేది బహుశా సింపతీకోసం అయిఉండొచ్చు, కానీ దానికీ మరో కోణం ఉందా అనిపించింది.
నా చిన్న తనంలో మానాయన ఎంత ఛండాశాసనుడైనా నాకొక మిత్రుడిలా ఉండేవాడు. అన్చెప్పి ప్రతీ అడ్డమైన ఆలోచన్నీ పంచుకునే వాణ్ణి కాకపోయినా, మానాయన అనే ఓ భావన ఉండేది మనస్సులో. అలానే ఆయనకూడా తనకి ఉన్న చిన్న ప్రపంచంలో కుటుంబానికీ, కుటుంబ అవసరాలకీ వీటికే తన జీవితాన్ని ధారపోసాడు. దానివల్ల ఓ ఫ్యామిలీ, బాండేజ్ గట్రా, ఏర్పడ్డాయి. ఇలాంటివాటి వల్ల ఓ సెక్యూర్ ఫీలింగ్ కలిగినట్టే అని అప్పట్లో అర్థంకాకపోయినా ఇప్పుడు తెలుస్తోంది. అంతేకాక అప్పటి సామాజిక ఆర్ధిక పరీస్థితులు కూడా మరీ ఇప్పటంతటి హైప్ తో కూడుకున్నవి కావు. అందువల్ల *ఓ గుర్తింపు* అని వెంపర్లాడేవాళ్ళు కాదు జనాలు. ఒకవేళ వెంపర్లాడినా ఉట్టికెగరినిచ్చేవాళ్ళే కానీ ఆకాశానికి ఎగరనిచ్చేవాళ్ళు కాదు, అలా ఎగరాల్సిన అవసరం కూడా లేదు ఆ నాడు. దాంతో, మానసికంగా గట్టిగా అయినట్టే అని ఇప్పుడర్ధం అవుతోంది నాకు. నా చిన్నప్పుడు తాలూకా స్థాయి కాదు మా ఊరి స్థాయిలో జరిగిన పోటీలే అతితక్కువ. అవీ స్పోర్ట్స్ లో మాత్రమే లేక క్విజ్లో లేక వకృత్వ పోటీలో. అవీ పది పన్నెండేళ్ళ లోపునవారికి కాదు. కొంచెం పెద్ద పిల్లలకే. తొమ్మిదో పదో చదివేవాళ్ళకి. నాకు గుర్తుండి, మా బళ్ళో జిల్లాస్థాయి ఆటల పోటీలు, అంతర్జిల్లా ఆటల పోటీలు జరిగాయి. కడప జిల్లానుండి ఓ టీం హాకీ ఆడారు గుంటూరు జిల్లా తో.

ఇప్పుడు తల్లితండ్రులూ ఏడుస్తున్నారు ప్రతీదానికి, పిల్లలూ ఏడుస్తున్నారు ప్రతీ చిన్నదానికి. అలానే ఉన్నపళంగా ఆకాశానికి ఎగరాలనుకుంటున్నారు, ఎగరమంటున్నారు తల్లితండ్రులు, మా దగ్గరకు రండి ఆకాశానికి నిచ్చెనలు వేస్తున్నాం మేమే ఎగిరిస్తాం మీ పిల్లలను అంటున్నాయి టీవీ చానల్స్.
ఇది ఎంతవరకూ సమంజసం. ఒకటి నుండి పదో మెట్టుకి ఒకేసారి దూకించటం ఎంతవరకూ ఆరోగ్యకరం? సో కాల్డ్ మానవహక్కులు గట్రా వీటిని ఖండించవేం.

పోయినవారం ఈ శ్యామంతన్ దాస్ గాడు ఎలిమినేట్ అయ్యాడు. పీడా పోయింది. వాళ్ళ అమ్మ, ఆమె ముఖం చూస్తే నాకు వాంతి వచ్చింది. ఆమె ఒరేయ్ సన్నాసి నీమీద ఎన్నో ఆశలు పెట్టుకున్నా కదరా, రేపొద్దున్న నువ్వు లచ్చలకు లచ్చలు తెచ్చి కుమ్మరిస్తావని కలలు కన్నా కదరా ఎదవా అన్నట్టు ముఖంపెట్టి వలవలా ఏడ్చింది.

పాటల పోటీలు - అర్థం లేని కథ

జీటీవీ వారి అత్యంత ప్రజాదరణ పొందిన కార్యక్రమాల్లో మొదటివరసలోని కార్యక్రమం సరెగమప.
సోనూ నిగం నిర్వహణలో మే ౧, ౧౯౯౫ లో మొట్టమొదటి ప్రసారం జరిగింది. అప్పట్లో ఈ కార్యక్రమంపేరు సరెగమ. ఇప్పుడు సరెగమప.
అప్పటి నుండి ఇప్పటివరకు చాలా మంది నేపథ్యకాయకులని దేశానికి పరిచయం చేసిందీ కార్యక్రమం.
శ్రెయ ఘోషాల్, శేఖర్, పార్థీవ్ గోహిల్, మొహమ్మద్ వకీల్, అవధూత్ గుప్తె, ఆర్తి కక్కర్, హిమనీ కపూర్, కునాల్ గన్జావాలా లాంటి ఎందరో నేపథ్యగాయకులు ఈ ప్రదర్శన ద్వారా ప్రపంచానికి పరిచయంకబడ్డారు.
బాగుంది.
ఐతే గత నాలుగేళ్ళుగా వింతపోకడలు పోతోందీ కార్యక్రమం. దీన్ని కాపీకొడుతున్నాయి మిగతా ఛానల్స్.
౨౦౦౬/౨౦౦౭ అనుకుంటా ఆదిత్య నారాయణ్ నిర్వహణలో సరెగమప ఛాలెంజ్ వచ్చింది. దాంట్లో మధ్యప్రాచ్యం నుండి కొందరు, పాకిస్తాన్ నుండి కొందరు వచ్చారు పోటీకి. ఆ మధ్యప్రాచ్యం నుండి వచ్చినవాళ్ళు కూడ తర్వాత పాకిస్తాన్ వారే అని తేలింది. అమానత్ ఆలి ఫైనల్ దాకా వచ్చాడు.
ఇప్పుడు స్టార్ వాడి చోటే ఉస్తాద్ అని ఒక కార్యక్రమం. సగంమంది దేశీయులు మిగతా సగం పాకిస్తానీయులు. జెడ్జులు సోనూ నిగం మరియూ రాహత్ ఫతే ఆలీ ఖాన్.
ఇక ఈ పాకిస్థానీ పిల్లలు పాడితే రాహత్ పాట లేక మౌలా మెరె మౌలా. నాకేం అభ్యంతరం లేదు వాళ్ళేం పాడితే. కానీ! పాటలపోటీల్లో పాల్గొనేందుకు వందకోట్ల జనాభా ఉన్న మనదేశంలో ఎవరూ దొరకటంలేదా? ఇదేం కర్మం వేరే దేశం వాళ్ళను తెచ్చి మన నెత్తిన రుద్దటం? నాకు మింగుడు పట్టంలేదు.
నాకైతే పాకిస్థానీయుల పాటలు నేనెందుకు వినాలీ అనిపిస్తుంది. రాహత్ ఫతే ఆలీఖాన్ కావచ్చు లేక అద్నాన్ సమి కావొచ్చు లేక ఇంకెవరైనా కావచ్చు. సరే ఒకజమానా జనాభా బ్రిట్ ఇండియా అవిభక్త భారతం అందరం కల్సి ఉండేటోళ్ళం వాళ్ళకి మనకి రూట్స్ ఒకటే. గులాం అలి ఖాన్, బడే గులాం అలి ఖాన్, నుస్రత్ ఫతే ఆలీఖాన్ సాబ్ యాట యాట యాట. ఆ జమానా ఐపోయింది. ఇప్పటి ప్రపంచంలో ఇదేం గోలయ్యా. మన దేశంలో పోటీదారులు కరవైయ్యారా అంటే అదీలేదు. అసలు ఇట్టాంటి అంతర్‌రాష్ట్ర కార్యక్రమాల్లో కేవలం ఉత్తారిది వాళ్ళనే తీస్కుంటున్నారు.
దక్షిణాది జనాభాని తొక్కుతారు పైకి రానీకుండా ఇట్టాంటి కార్యక్రమాల్లో. కొందరు నా ఈ మాటను వ్యతిరేకించవచ్చు. కానీ ఇది నిజం. ఎలా అంటారా?
ఈ కార్యక్రమాలకి జరిగే ఆడిషన్స్ చూస్తే తెలుస్తుంది ఎవరికైనా. దహేలి, ముంబై, కలకత్తా, కాన్పూర్, ఇండోర్, అహమ్మదాబాదు, అల్లహాబాదు, వాడిబొందబాదు, వాడిబోలెబాదుల్లో జరిగాయి కానీ చెన్నపట్నం, హైదరబాదు, బంగళూరు లేక తిరువనంతవురం లాంటి దక్షిణభారత నగరాల్లో/పట్టణాల్లో జరిగిన దాఖలాలు ఉంటే నాకు చెప్పండి.
ఏం పాకిస్థానీయులు పాడినంత సమ్మగా మా ఊరోళ్ళు పాడలేరా? అసలు రానిస్తేగా తెలిసేది పాడగల్రో లేదో.
సరే నా ఊరోళ్ళని రానివ్వకపోయినా పర్లేదు. పాకిస్థానోళ్ళనేందయ్యా నెత్తికెత్తుకునేదీ అంట. మొన్నామధ్యటి ఎపిసోడ్ ఆగస్టు పధ్నాలుగు. దేశభక్తి గుర్తుకొచ్చి ఆ పాటలు పాడారు. ఏంపాడాలి? రెండు శత్రుదేశాలు ఒకే వేదిక మీద తమ తమ దేశభక్తి గీతాలను పాడితే, నాకైతే రాళ్ళేయాలనిపించింది పాక్తిస్తానీయులపై. నా రక్తం మరిగింది. మరగటానికి కారణాలు లేవంటారా?
టీవీ యాజమాన్యాలకు కావాల్సింది టీఆర్పీ రేటింగ్స్. రెండు దేశాల మధ్య నిజంగా సత్‌సంబాధాలను ఏర్పరుచుదామనే ఈ కార్యక్రమాల రూపకల్పన చేస్తారంటారా?
ఇప్పటి సరెగపపా కార్యక్రమంలో కూడా కుర్రం అని ఒక పాకిస్తానీ ఉన్నాడు. వీళ్ళు ఎలా రాగలుగుతున్నారో అసలు దేశంలోకి?

రన్జీత్ రాజ్వడ

ఈ వారాంతపు జీటీవి వారి సరిగమప సూపర్ సింగర్ కార్యక్రమంలో రన్జీత్ రాజ్వడ అనే ఓ కొఱ్ఱాడు ఈ పాట పాడాడు.

कल चौदहवीं की रात थी
शब भर रहा चर्चा तेरा
कुछ ने कहा ये चाँद है
कुछ ने कहा चेहरा तेरा

१) हम भी वहीं मौजूद थे
हम से भी सब पूछा कि ये
हम हंस दिये हम चुप रहे
मंज़ूर था परदा तेरा, कल ...

२) इस शहर में किस से मिलें
हम से तो छूटी महफ़िलें
हर शख्स तेरा नाम ले
हर शख्स दीवाना तेरा, कल ...

३) कूचे को तेरे छोड़कर
जोगी ही बन जाएं मगर
जंगल तेरे पर्वत तेरे
बस्ती तेरी सेहरा तेरा, कल ...

४) बेदर्द सुननी हो तो चल
कहता है क्या अच्छी गज़ल
आशिक़ तेरा रुसवा तेरा
शायर तेरा इन्शा तेरा, कल ...

అత్భుతంగా పాడాడు, అత్భుతమైన ఘజల్.
రన్జీత్ పాటని అత్భుతంగా పాట్టమే కాకుండా హార్మోనియాన్ని అత్భుతంగా వాయించాడు.
ఇక్కడ చూడండి వీడియో...

ఈ పిల్లాడు ఇంతక మునుపటి ఎపిసోడ్లలో కూడా అత్భుతమైన పాటలు ఆలపించాడు
నన్నాకట్టుకున్న ఆ ఘజల్ -

चुपके चुपके रात दिन आँसू बहाना याद है
हम को अब तक आशिक़ी का वो ज़माना याद है

खींच लेना वो मेरा पदर्ए का कोना बफ़-अ-तन
और दुपट्टे में वो तेरा मुँह छुपाना याद है

बेरुखी के साथ सुनना ददर्-ए-दिल की दासताँ
वो कलाई में तेरा कंगन घुमाना याद है

वक़्त-ए-रुख्सत अलविदा का लफ़्ज़ कहने के लिये
वो तेरे सूखे लबों का थर-थराना याद है

चोरी चोरी हम से तुम आकर मिले थे जिस जगह
मुद्दतें गुज़रीं पर अब तक वो ठिकाना याद है

दोपहर की धूप में मेरे बुलाने के लिये
वो छज्जे पर तेरा नंगे पाँव आना याद है

तुझसे मिलते ही वो बेबाक़ हो जाना मेरा
और तेरा दाँतों में वो उंगली दबाना याद है

तुझ को जब तंहा कभी पाना तो अज़्राहे-लिहाज़
हाल-ए-दिल बातों ही बातों में जताना याद है

आ गया अगर वस्ल की शब भी कहिन ज़िक़्र-ए-फ़िरक़
वो तेरा रो रो के भी मुझको रुलाना याद है



మీరూ ఆనందించండి

ప్రదర్శన అంటే ఇదీ

ధర్మేశ్ సారూ, ఇరగదీసిన్రు!! చింపేసిన్రు...
Thats what I call a performance

కృష్ణా నీ బేగనే బారో - అంజనా సౌమ్య

ఈ పాట పాడింది అంజనా సౌమ్య, చాలా బాగా పాడిందనిపించింది. మరి ఏమి రాగమో తాళమో సరిగ్గా సంగతులన్నీ వేసి పాడిందోలేదో కానీ, నన్నైతే రంజింపజేసింది.
రుద్రవీణ సినిమాలో చెప్పినట్టు రంజింపజేసేదే సంగీతం అది బిళహరి ఐతే ఏంటి ఆనందభైరవి ఐతే ఏంటి!!

ఏమంటారూ?

అప్పుడే సమచ్చరం అయ్యిందేం!!

http://ramakantharao.blogspot.com/2008/10/blog-post_10.html
పోయినేడాది, ఇదే రోజున, అనగా ఆశ్వయుజ శుద్ధ దశమి, శ్రవణా నక్షత్రంలో ఈ పిల్ల పుట్టింది. అనఘ అని పేరు పెట్టాం. అనఘ అనగా అనగనగా, దత్తాత్రేయస్వామి వారి సతి, మరియూ *సిన్లెస్* అని అర్ధం. అప్పుడే సంవత్సరం అయింది.
అన్న అన్నా అంటోంది. ఒరేయ్ ఒరేయ్ అంటోంది. బుడిబుడి అడుగులు వేస్తోంది. మమ్మల్ని ఆనందసాగరంలో ముంచెస్తోంది.
విజయదశమి, మాకు జంట ధమాక. అమ్మవారు సకల గుణాలనూ హరించిన వేళ, విజయకేళ!! మరియూ పిల్లపుట్టినరోజు వేడుక.
ఈరోజు పూజలు పునఃస్కారాలు మరియూ పుట్టినరోజు సంబరాలతో తేలియాడుతాం మేము. మీరూ ఈ విజయదశమి అమ్మవారిని పూజించి ఆనందంతోపాటు అమ్మవారి ఆశీస్సులు పొందాలని శ్రీ విజయదుర్గ కృపకు పాతృలౌవ్వాలనీ కోరుకుంటాం -
భాస్కర్, హరిత, సూర్య మరియూ అనఘ.


ఇక మా ఊళ్ళో ఓ పడుచుంది, పాట అంటే ఇష్టమన్నది. నిజం!!
నిన్న మా ఊళ్ళో సునీత, శ్రీకృష్ణల బృందం వారి సంగీత విభావరి జరిగింది. ఈ కార్యక్రమానికి నేనూ ఓ కార్యకర్తను, స్పాన్సర్ని కూడా.
ఆ వివరాలు -
ఆల్బనీలోని హిందూ దేవాలయం వారి హిందూ కల్చెరల్ సెంటర్ నందు, ఆల్బనీ తెలుగు సంఘం వారి ఆధ్వర్యంలో నిన్న (సెప్టెంబర్ 27) శ్రీమతి సునీత గారి "సంగీత విభావరి" వీక్షకులకు సంగీత విందునందించింది.
మహార్ణవమి మధ్యానం 2 గంటలకు మొదలైన కార్యక్రమం 3.30 గంటలపాటు ఆధ్యంతం ఉర్రూతలూగించింది. కేరింతలు కొట్టించింది. పిన్నలనుండి పెద్దలవరకూ అందరిచేతా నాట్యం చేయించింది. కార్యక్రమానికి వేంచేసిన దాదాపు 400 మంది సునీత శ్రీకృష్ణల గానాంమృతపు జడివానలో తడిసిముద్దైయ్యారు.
గణేశస్తుతి తో మొదలైన కార్యక్రమం, సునీత పాడిన సోలోలనుండి, శ్రీకృష్ణతో కలిపిన యుగళాగీతాలు, ఆపాత మధురాలు, కొత్తసింగారాలతో కలిసి, ఈవేళలో నీవు ఏంచేస్తు ఉంటావో నుండి తకిటతధిమి తకిటతధిమి థిల్లానా లను తాకుతూ,
సిరిసిరిమువ్వ లోని ఘుమ్మంది నాదం నుండి సిరివెన్నెలలోని విధాత తలపున వరకూ, నేటి యమదొంగ నుండి జల్సా, మగధీర చిరుతల నుండి గోదావరి, ఆనంద్ ల వరకూ ప్రేక్షకులకు వీనులకు విందు చేసింది.
http://albanyandhra.com/