బాలసుబ్రహ్మణ్యం కంట నీరు

ఈపూట ఈనాడు-టీవీ వారి పాడుతా తీయగాలో ఓ పిల్లకాయ ఈ క్రిందిపాట పాడాడు.


ఎడారిలో కోయిలా తెల్లారనీ రేయిలా
ఎడారిలో కోయిలా తెల్లారనీ రేయిలా

పూదారులన్ని గోదారికాగా
పూదారులన్నీ గోదారికాగా
పాడింది కన్నీటి పాటా
ఎడారిలో కోయిలా తెల్లారనీ రేయిలా

పల్లవించు ప్రతిపాటా బ్రతుకు వంటిదే..రాగమొకటి లేక తెగిన తీగవంటిదే

ఎద వీణపై అనురాగమై తలవాల్చి నిదురించు నా దేవతా
కల ఆయితే శిల అయితే మిగిలింది ఈ గుండెకోతా
నా కోసమే విరబూసినా మనసున్న మనసైన మరుమల్లికా
ఆమనులే వేసవులై రగిలింది ఈ రాలుపూతరగిలింది ఈ రాలుపూతా
విధిరాతచేతా
నా స్వర్ణసీతా
ఎడారిలో కోయిలా తెల్లారనీ రేయిలా

కొన్ని పాటలింతే..గుండెకోతలోనే చిగురిస్తాయ్ ! కొన్ని బ్రతుకులంతే..వెన్నెలతో చితి రగిలిస్తాయ్ !!

ఆ రూపమే నా దీపమై వెలిగింది మూణ్ణాళ్ళు నూరేళ్ళుగా
వేదనలో వెన్నెలగా వెలిగించి తన కంటిపాపా
చలిమంటలే చితిమంటలై చెలరేగె చెలిలేని నా కౌగిటా
బ్రతుకంటే మృతికంటే చేదైన ఒక తీపి పాటచేదైన ఒక తీపి పాటా
చెలిలేని పాటా
ఒక చేదుపాటా
ఎడారిలో కోయిలా తెల్లారనీ రేయిలా

పూదారులన్ని గోదారికాగా
పూదారులన్నీ గోదారికాగా
పాడింది కన్నీటి పాటా
ఎడారిలో కోయిలా తెల్లారనీ రేయిలా

పాట రాసిది వేటూరి గారు
సగీతం రాజన్-నాగేంద్ర

ఇవ్వాల్టి ఈ కార్యక్రమానికి ముఖ్య అతిధిగా రాజన్ గారు వచ్చారు. ఆయన్తో బాలసుబ్రహ్మణ్యం, కళ్ళు ఒత్తుకుంటూ, ఇలా అన్నారు "ఈ పాట వింటే నాకు దఃఖం ఆగదు, ఇలాంటి పాటలు నాతో పాడించినందుకు కన్నీటీతో మీకు పాదాభివందనం చేస్తున్నా".

ఇదే కార్యక్రమంలో ఒక పిల్లకాయ ఈ పాట పాడుతున్నాడు
నీలి మేఘమాలవో నీలాల తారవో
ఈ పాటని శ్రీ ప్రతివాది భయంకర శ్రీనివాస్ గారు పాడారు. ఇది హిందీలో కీ।శే॥ రఫీ గారు పాడారు.
చౌదవీం కా చాఁద్ హొ, యా ఆఫతాబ్ హొ
జొ భీ హొ తుమ్ ఖుదా కి కసమ్, లాజవాబ్ హొ

ఏంపాటలు గురూ!! రాజన్ నాగేంద్ర గార్లకు ఓ సారి జైహో