గ్రామములలోఁ గోటలుగలవు

పల్నాటిలోని మాచెర్ల, గురిజాల, తుమృకోట, జిట్టగామాలపాడు, కారెంపూడి గ్రామములలోఁ గోటలుగలవు
- ఓ పెద్దాయన, ప్రపంచకం ఎరగనాయన ఓ బొక్కులో రాసాడు.

పాపం, ఆయనకేం తెలుసుద్ది, ఇయ్యాల్రేపు జనాలు ఏంజేస్తన్నారో, ఊహించగలగినాడా ఏందీ?

ఇప్పుడు కనీసం ఆ కోటల రాళ్ళు కూడా లేవు.

ఏవయ్యాయీ?

జనాలు మింగేసారు
ఆటితో ఇండ్లు కట్టుకున్నారు
దొంగలు దోసేసారు
ప్రభుత్వాలు మింగేసాయి
సున్నంరాయి మిల్లులు లేసాయి
కోరీలు తవ్వేసాయి
టిప్పర్లు తొక్కేసాయి
ట్రక్కులు దుమ్ములేపేసాయి

మరి ఏమి మిగిలింది?

భలేవాడివేనే?
ఏం మిగులుద్దీ?
తెల్లని బూడిద
పొద్దున పొద్దున్నే
సెట్టూ పుట్టా మీన
గొడ్డుగోదా మీన
ఇంటి కప్పు మీన
మంచంమీన
నీ దుప్పటిమీన
నీ మొకం మీన