శ్రీమచ్ఛంకరాచార్యకృత శ్రీకృష్ణాష్టకం

అధౌ దేవకీదేవి గర్భజననం గోపీ గృహే వర్ధనం మాయా పూతన జీవితాపహరణం గోవర్ధనోద్ధారణం |
కంసచ్ఛేదనకౌరవాదిహననం కుంతీసుతాః పాలనం ఏతద్భాగవతం పురాణకథితం శ్రీకృష్ణలీలామృతం ||
యవత్ హైందవజనులకు శ్రీ కృష్ణాష్టమి శుభాకాంక్షలు.

 

శ్రీమచ్ఛంకరాచార్యకృత శ్రీకృష్ణాష్టకం

 

భజే వ్రజైకమణ్డనం సమస్తపాపఖణ్డనం

స్వభక్తచిత్తరంజనం సదైవ నన్దనన్దనమ్‍ |

సుపిచ్ఛగుచ్ఛమస్తకం సునాదవేణుహస్తకం

అనంగరంగసాగరం నమామి కృష్ణనాగరమ్‍ || ౧||

 

మనోజగర్వమొచనం విశాలలోలలోచనం

విధూతగోపశోచనం నమామి పద్మలోచనమ్ |

కరారవిన్దభూధరం స్మితావలోకసున్దరం

మహేన్ద్రమానదారణం నమామి కృష్ణావారణమ్ || ౨||

 

కదమ్బసూనకుణ్డలం సుచారుగణ్డమణ్డలం

వ్రజాంగనైకవల్లభం నమామి కృష్ణదుర్లభమ్ |

యశోదయా సమోదయా సగోపయా సనన్దయా

యుతం సుఖైకదాయకం నమామి గోపనాయకమ్ || ౩||

 

సదైవ పాదపంకజం మదీయ మానసే నిజం

దధానముక్తమాలకం నమామి నన్దబాలకమ్ |

సమస్తదోషశోషణం సమస్తలోకపోషణం

సమస్తగోపమానసం నమామి నన్దలాలసమ్ || ౪||

 

భువో భరావతారకం భవాబ్ధికర్ణధారకం

యశోమతీకిశోరకం నమామి చిత్తచోరకమ్ |

దృగన్తకాన్తభంగినం సదా సదాలిసంగినం

దినే దినే నవం నవం నమామి నన్దసమ్భవమ్ || ౫||

 

గుణాకరం సుఖాకరం కృపాకరం కృపాపరం

సురద్విషన్నికన్దనం నమామి గోపనన్దనమ్ |

నవీనగోపనాగరం నవీనకేలిలమ్పటం

నమామి మేఘసున్దరం తడిత్ప్రభాలసత్పటమ్ || ౬||

 

సమస్తగోపనన్దనం హృదమ్బుజైకమోదనం

నమామి కుంజమధ్యగం ప్రసన్నభానుశోభనమ్ |

నికామకామదాయకం దృగన్తచారుసాయకం

రసాలవేణుగాయకం నమామి కుంజనాయకమ్ || ౭||

 

విదగ్ధగొపికామనోమనోజ్ఞతల్పశాయినం

నమామి కుంజకాననే ప్రవ్రద్ధవన్హిపాయినమ్ |

కిశోరకాన్తిరంజితం దృగంజనం సుశోభితం

గజేన్ద్రమోక్షకారిణం నమామి శ్రీవిహారిణమ్ || ౮||

 

యదా తదా యథా తథా తథైవ కృష్ణసత్కథా

మయా సదైవ గీయతాం తథా కృపా విధీయతామ్ |

ప్రమాణికాష్టకద్వయం జపత్యధీత్య యః పుమాన

భవేత్స నన్దనన్దనే భవే భవే సుభక్తిమానమ్ || ౯||

 

ఇతి శ్రీమచ్ఛంకరాచార్యకృతం శ్రీకృష్ణాష్టకం సమ్పూర్ణమ్ ||

 

శ్రీ కృష్ణార్పణమస్తు ||