ఆం.ప్ర ఖజానాలో కేవలం 100 కోట్లు

నిన్న ఒక వార్త చూశాం. ఆం.ప్ర ఖజానాలో కేవలం 100 కోట్లే ఉన్నాయంటూ.

ఈ పత్రిక ఎన్నికల ముందు ఏంచేసిందీ? ఎన్నికల ముందు ఈ నిజాన్ని ప్రచురించి ఉండచ్చుగా?

భలేవాడివే! ఎన్నికల ముందు 100 కోట్లకు పైగా ఉంది ఖజానా అని అనొచ్చు.

ఈ పత్రిక నిజంగా ప్రజా పక్షాన ఉంటే, వీళ్ళ జర్నలిజంలో నిజమైన విలువలే ఉంటే

ఎన్నికల ముందు ఇంత, అయ్యాక ఇంత, కొత్త ప్రభుత్వం వచ్చేనాటికి ఇంత అనే లెక్కలు ప్రచురించుంటే నా జీవితంతం వీరి పత్రికకి సబ్స్క్రైబ్ చేస్కోనుండేవాడ్ని

మీడియా కుక్క తోక

గత వారం పది రోజులుగా జరిగిన రాజకీయ పరిణామాలు. ఇక జరగబోయే రాజకీయ తంతు. బాగా దగ్గరుండి ఇవాళ్టి  రాజకీయాలను గమనించాల్సిన సమయం.
ఈ గందరగోళంలో గమనించాల్సింది మీడియా పోకడని
మింగలేక కక్కలేక
జగన్ అనలేక అనకుండా ఉండలేకా
తెగ బాధపడిపోవటం.

ఒబామా మొదటిదఫా పాలన సగానపడేలోపు నేను న్యూయార్క్ నుంచి కేన్సాసుకి వెళ్ళిపోవాల్సి వచ్చింది. అప్పట్లో KMBZ అనే రేడియో వింటం జరిగింది. దాంట్లో మధ్యాహ్నం రెండు మూడు గంటలపాటు Rush Limbaugh అనేతని టక్ షో వచ్చేది. దాన్ని రిపబ్లికనులు అదొక మహత్తర కావ్యంలా ఇతిహాస పురాణాలకన్నా దేవుని వాక్యంలా చెవులు రిక్కించి మరీ వినేవారు.
ఇతను ఎంత గొప్ప వ్యక్తి అంటే బారాక్ హుస్సేన్ ఒబామా అని ఉచ్ఛరించటనికి ఇష్టపడేవాడు కాదు, ఉచ్ఛరించే పాపం చేసేవాడు కాదు. రిపబ్లికనులు ఆ పేరు వినేప్పుడు ఎంతో పాపం చేసినవారిలా ఊగిపోయేవారు. బాధపడేవారు. చర్చీలకి వెళ్ళి నాలికని నేలకేసి రాసుకునేవారు. Rush Limbaugh బారాక్ హుస్సేన్ ఒబామా అనాల్సి వచ్చినప్పుడు బారాక్ ఆఆఆ  ఒబామా అనేవాడు.

ఒక వ్యక్తిని వ్యతిరేకించవచ్చు
ఒక వ్యక్తిని ద్వేషించవచ్చు
కానీ ఈస్థాయికి ద్వేషించటం వాళ్ళ విచక్షణకి తార్కాణం
మానసిక స్థితికి నిలువెత్తు అద్దం

అదేస్థాయికి ఇవ్వాళ్ళ మీడియా దిగజారింది. నిన్నటిదాకా విషప్రచారం చేసింది. A1 అంటూ జైలు పక్షి అంటూ ఎన్ని విధాలుగా దిగజారాలో అన్ని విధాలుగా పాకుడు మెట్ల మీదనే నిల్చుంది.

చివరికి తాము ఎవ్వరి గెలుపుకోసం పాటుపడుతున్నాము అని భ్రమించాయో, ఆ సంకల్పాన్నే పాకుడురాళ్ళ మీద నిలబెట్టి అధోపాతాళానికి నెట్టి తామూ అధోపాతాళానికి జారిపోయాయి.


ఇవ్వాళ్ళ కొదరు పచ్చలయ్యలు "వార్తా సమీక్ష" లకు జగన్ పార్టీ నుంచి ఎవ్వరూ రాకుండానే చర్చిస్తున్నారు.
ప్రజలచేత ప్రజలకొరకు ప్రజలే ఎన్నుకున్న ప్రభుత్వం ఏర్పాటు అయే సందర్భంలో, 50% మెజారిటీ సాధించుకున్న పార్టీ నుంచి ఒక్క ప్రతినిధి కూడా లేకుండా గెలుపోటముల చర్చలు *తల లేని మొండెం*లా అనిపిస్తున్నాయి.

ఇక భజన పత్రికలు తమ భక్తిని ఇలా చాటుకున్నాయి -
ఎవరన్నా ఫలితాలు రాసేప్పుడు క్రొనొలోజికల్ ఆర్డర్లో రాస్తారు. ఎక్కువ సీట్ల నుంచి తక్కువ సీట్లు వచ్చిన ఆర్డరులో లేక ఆల్ఫాబెటికల్ ఆర్డరులో.
కానీ రామోజీ తాత
TDP           23
YSCRCP 151
JSP              1

అంటూ లిస్టింగ్ ఇచ్చాడు.

మీడియా కుక్క తోక వంకర అని నిరూపించాడు

కీర్తి

ఈప్రపంచంలో ప్రతోడు నీతిమంతుడే - బయట ప్రపంచానికి.
కొత్త తరంలో ప్రపంచం కళ్ళు తనమీదపడాలనీ ప్రతోడి ఆరాటం. కళ్ళు తనమీద పడాలంటే సుళువైన మార్గం ఒకటుందని కాకిరిగుమ్మ గగ్గరనుండి సందులో పనికిరాని *నటుడి* దాకా ప్రతోడు కనుక్కున్నాడు.
ఈ మార్గం చాలా సులభమైనది. ఆట్టే కష్టపడాల్సిన పనిలేదు.
ఈమార్గాన్ని ఆలింగనం చేస్కోవాలంటే మాత్రం కొన్ని మౌళిక సూతాలున్నాయి. వాటిల్లో కొన్ని
సిగ్గు లజ్జ మానం అభిమానం ఇత్యాదివి వదిలేయాలి.
కులదూషణ తారాస్తాయికి చేయాలి.
పక్క కులాన్ని ద్వేషించాలి.
ద్వేషించటనికి భయమైతే కనీసం బ్రాహ్మణ ద్వేషం ఉండలి, మాటల మధ్యలో బ్రాహ్మణికల్ యాటిట్యూడ్ అంటూ పదజాలాన్ని వాడగలగాలి.
ఫేసుబుక్కు/బ్లాగుల నిండా/ట్విట్టరు నిండా సూక్తులను కుమ్మరించాలి.
బ్లాంకెట్ స్టేట్మెంట్స్ ఇవ్వాలి.
జెనరలీజేషన్స్ చెయ్యాలి.
తాను తప్ప మిగతా సమాజం అంతా తాలు సరుకు అని డప్పా కొట్టాలి, సొంత బాకా ఊదుకోవాలి.
పొద్దున్నే సూక్తులు - సాయంత్రం వ్యభిచారం చేయగలగాలి.
రాజ్యాంగం/హక్కులు అంటూ మాట్లాడాలి (లీగల్ గా కేక గురూ అనిపించుకోవాలి).
పాకిస్థాన్ భజన చేయాలి.
వ్యక్తిపూజని వ్యతిరేకిస్తూ సాయంత్రానికి సొంతపూజ చేస్కోవాలి.
అందరూ తనను పూజించాలని కలలు గనాలి.
వాటిని పక్కనోడిమీద రుద్దాలి.
నా మీద కుట్ర జరుగుతుంది అంటూ కనిపించిన చోటల్లా వాపోవాలి అవసరం ఉన్నా లేకున్నా.

ఇవన్నీ ఒక ఎత్తైతే
ముఖ్యంగా చేయాల్సినవి మాత్రం ఇవి
కనిపించిన పోష్టరు మీదల్లా బురద పేడ కొట్టాలి అనగా - మోడి మీద, అమిత్ షా మీద లేక తన దగ్గర్లో ఉన్న కొండకచో సెలబ్రిటీస్ మీద అనగా ఉదాహరణకి - సే - పవన్ కళ్యాన్ మీద, కె విశ్వనాథ్ మీద, నాగబాబు మీద, నానీ మీద, సే జగన్ మీద, షర్మిల మీద, కెసీఆర్ మీద ఇలా.
ప్రధాని దొంగ అనటం.
మతాన్ని ద్వేషించటం.
మతాన్ని దూషించటం.
హిందూ తీవ్రవాదం అనటం.
మత పెద్దల్ని దూషించాలి.


ఇలా చెప్పుకుంటూ పోతే బ్లాగు చాలదు!

అన్నీ బాగనే ఉన్నాయోయ్ కానీ ఇలా ఎవరు చేస్తున్నారో ఉదాహరణకు మచ్చుకి నాలుగుగైదారేడెంది పేర్లు చెప్పు అనడగొచ్చు -
ప్రకాశ్ రాజ్ చేయట్లేదా?
హీరో సిద్ధార్థ్ చేయటంలేదా?

మత్తి కహేశ్ చేయట్లేదా?
లోకేశ్ చేయట్లేదా?
శ్రీబెడ్డి చేయట్లేదా?
ఆమాటకొస్తే తన స్థాయిలో మీకాహిరా చేయట్లేదా?

ప్రతోడు కోర్తికోసం ఖ్యాతి కోసం పాకులాడేవాడే/దే

వార్తా పుత్రికల పైత్యంపై ఓ వ్యాసం

ఈరోజు సాక్షిలో ఈ రచన నన్నాకట్టుకుంది

శ్రీ నారా లోకేశ్

ఆకలేసి అన్నమడిగితే -

కొత్తగా ఏర్పడ్డ రాష్ట్రం.
ఎటు చూసినా చిక్కులే.
ఎటు చూసినా సమస్యలే.
పిరికిటి నిండా చిల్లర లేదు.
జేబుల నిండా నోట్లు లేవు.
ఇంతలోనే అహంకారం
ఇంతలోనే అతివాద ప్రకోపం.
ప్రపంచాన్ని తలదన్నే రాజధాని నిర్మిస్తాం అని ఎవరెస్టు శిఖరానికి దారం వేయటం

ఒక కొత్త ఊరికి బదిలీ కాబడ్డ బడుగు ఉపాధ్యాయుడిలా ఉన్న ప్రభుత్వం. చిన్న గది తీసుకుని సంసారాన్ని కుదుట పరిచి, తననితాను సంభాళించుకుని కాలూచేయీ తీసుకుని అడుగు ముందుకేద్దామనే మధ్యతరగతి ఆలోచన చేయని ఆలోచనరాని ఆలోచన రానివ్వని ఆ మనిషి

రోజులు దొర్లాయి.
సామాన్యుడి జీవితంలో మార్పు లేదు.
అదిగో నవలోకం అంటూ గోడమీద "రేపు" అని రాసి ఊరిస్తూ వంచిస్తూ

ఒకవైపు ఏడాదికి నాలుగు పంటలు పండే బంగారు డెల్టాని సిమెంటూవనంలా మారుస్తూ

వెరసి రైతుల కష్టాలు కన్నీళ్ళు

ఇలాంటి సందర్భంలో చినరాజావారు శ్రీశ్రీశ్రీ నారా లోకేశ్

జాలితో
దయతో
కరిగిపోయి
కన్నీరులో కన్నీరై
మున్నీరులో మున్నీరై
యావత్ జాతిని మేల్కొల్పేలా
జనాలకోసమే
తానంటూ
ముందుకొచ్చాడు

గొప్ప నేత. దూరదృష్టి. తెలివి. ఆలోచన. సేవ.
ఇన్ని గుణాలు కలపోసి పోతపోసిన మనిషి లోకేశ్.

సాధారణ స్థాయిలో మనిషి ఇలాంటప్పుడు రైతులకు సరసమైన్ ధరలు ఇద్దాం ఏవోకొన్ని సబ్సీడీలు ఇద్దాం ఋణం ఇద్దాం పోనీ ఉన్నదాన్ని మరికొంత మాఫీ చేద్దాం అని అనుకుంటాడు

కానీ లోకేశ్ అలా ఆలోచించలేడు.
గొప్ప మహానుభావుడికి మాత్రమే మార్గదర్శకుడికి మాత్రమే ఇంద్రుడికి మాత్రమే చంద్రుడికి మాత్రమే వచ్చే ఆలోచన చేశాదు.

ఆకలేసి వచ్చిన రైతుకోసం
5000 వేల కోట్లతో ఫైబర్ కేబుల్ వెయించి
అందరికీ ఉచితంగా స్మార్ట్ ఫోణులు ఇప్పించి
అందులో
కే.యఫ్.సి అప్లికేషనో
మ్యాక్.డోనాల్డ్ అప్లికేషనో వేసి
ఫోను ద్వారా ఆర్డర్ చేస్కునేలా ఏర్పాటూ చేశాడు.

దార్శనికతకు నిలువెత్తు ఉదాహరణ.

అందుకే మందలగిరికి పంపించారు జనాలు గౌరవంగా

చింతమనేని ప్రభాకర్

ఒక దుర్మార్గుడు దగ్గరుండి తన మనుషుల చేత యధేచ్ఛగా పట్టపగలు మిట్టమధ్యానం అందినకాడికి అందరూ చూస్తుండగా నిర్లజ్జగా నిర్భీతిగా వ్యవస్థని నిర్వీర్యం చేస్తూ చట్టాన్ని కుళ్ళబొడుస్తూ న్యాయాన్ని కాలరాస్తూ దేశ సహజ సంపదని దోచుకుంటున్నాడు.
అతను ఓ రాజికీయ అతివాది. రాజకీయ మితవాదుల కాలం నుంచి దేశం పరిణితి చెందుతూ ఈనాటికి రాజకీయ అతివాదుల చేతిలోకి పోబడిందని వేరే చెప్పక్కర్లేదు. రోజుకి కొన్ని వందల సంఘటనల్లో చూస్తూనే ఉన్నాం, ఆట్టే వెతుక్కోవాల్సిన పనికూడా లేదు.
ఇతను ఆంధ్రప్రదేశ్ అనే దేశాన్నికి పేరు ప్రఖ్యాతులతో పాటు అనితరసాధ్యంకాని అనుభవపాటవాలతో పరిపాలిస్తున్న రాజువద్ద ఓ పేద్ద అమాత్యుడు.
దోపిడీలు చేయించటం, సహజ సంపదలని దగ్గరుండి దోపిడీ చేయించటంలో సిద్ధహస్తుడు.
కనిపించిన వారిని అమ్మనానబూతులు తిట్టిటం అతనికి వెన్నతో పెట్టిన విద్య.

ఆరోజు ఆ మధ్యాహ్నం అలా దోపిడీ ఛెస్తుండగా తన జీవితంలో చేయకూడని తప్పు చేస్తున్నాను అని తెలియని ఓ ప్రభుత్వ ఉద్యోగిని అటుగా వెళ్ళటం తారసిల్లింది. ఆమె తెలిసే వెళ్ళిందో లేక విధి ఆమెతో ఆడించిన వింత నాటకమో - ఆమె అటుగా వెళ్ళటం దోపిడీ అంతా ఆమెకు అవగతం కావటం క్షణంలో జరిగిపోయాయి.
విధి బలీయం ఆమె సదరు ఆమాత్యుడిని నిలదీయటం చకచకా జరిగిపోయాయి. ఆమె అధికార్ణిగా అతన్ని ప్రశ్నించింది.
ఏవిటి జరుగుతోందీ? ఏవిటీ ఈ దోపిడీ? పట్టపగలు మిట్ట మధ్యాహ్నం ప్రముఖ అమాత్యుడి కనుసన్నల్లో ఇలా దోపిడీ చేయటానికి సిగ్గుగా లేదా అని ఆక్రోసించింది.

సదరు అమాత్యుడు జూలు విదిలించి తాన ధికార దర్పాన్ని ఆసాంతం ప్రోగుచేసి ఆమెని కాల రాసే ప్రయత్నంలో ఆమెని ఘాట్టిగా ఒక్కటి పీకనే పీకాడు.

ఈ సంఘటనని సిగ్గున్న సమాజం ఏంచేయాలీ? గర్హించాలి.
ఒక పోలీసుమీద డ్యూటీలో ఉండగా చేయిచేసుకుంటే ఓ పేద్ద నేరం అవుతుంది
ఓ ప్రభుత్వోద్యోగిని డ్యూటీలో ఉండాగా చేయి చేసుకుంటే అంతే పెద్ద నేరం అవుతుందా కాదా?
ఇలాంటి సమయంలో సదరు ప్రభుత్వం తన ఉనికిని ప్రజలవద్ద కాపాడుకునేందుకూ కనీస ధర్మంగా ఏంచేయాలీ?

ప్రభుత్వం ఆట్టే పెద్దగా ఉలిక్కి పడలేదు. నెగడు వద్ద కూర్చుని బీడీ వెలిగుంచుకునే తరహాలో ముట్టీ ముట్టనట్టుగా ఉంటమే కాకుండా
ఆమెని ప్రశించింది. అసలు పట్టపగలు మిట్టమధ్యాహ్నం నువ్వు అటు ఎందుకెళ్ళావని ఆమె అవాక్కైయ్యేలా ప్రశ్నించింది.

ఆమె తన సరిహద్దులు దాటి వెళ్ళిందని ఆరోపణ
సదరు అమాత్యుడు సరైన తీరులోనే ప్రవర్తించాడని అతనికి మెడలోంచి హారం తీసి మరీ బహుకరణ

అమాత్యుడు - చింతమనేని ప్రభాకర్
ప్రభుత్వోద్యోగి - వనజాక్షి
ప్రభువు - శ్రీ నారా చంద్రబాబు

no one respects women more than me అన్నాడు Donald Trump. అనీఅనగానే నిండు సభలో Hillary Clinton ని Nasty Woman అన్నాడు. ప్రజలు అతనికి పట్టం కట్టారు.

చింతమనేని ప్రభాకర్ ఆగడాలను వెనుకేసుకొచ్చిన చంద్రబాబుని ఇంటిముఖం పట్టించారు ఓటరులు.
చింతమనేని ప్రభాకరుని దారుణంగా ఓడగొట్టారు.

రేపొద్దున Donald Trump కైనా ఇదేగతి.
ఆమె ఆడది కావచ్చు మగాడు కావచ్చు. ప్రభుత్వ ఉద్యోగికి ఆమాటకొస్తే మనిషికి విలువ ఇవ్వగలిగేది కేవలం మనిషి మాత్రమే

లంకా దినకర్

ఈనాడు పత్రికని వార్తల్నీ బ్యాన్ చేసి చాలా కాలం అయ్యింది. ఆంధ్రజ్యోతి చూసే అలవాటు ఎప్పుడూ లేదు. ఆర్కె తో ముఖాముఖీ లాంటివి అసలు పడవు. ఇలాంటి ప్రజాస్వామ్య వ్యతిరేక అలవాట్లు ఉన్ననాకు వార్తల్ల్ని వండి వార్చే పుత్రికలు రెండే మిగిలాయి. ఒకటి టీవి 5 రెండు సాక్షి.
టీవి 5 లో పొద్దున్నే వార్తల సమీక్షని చూట్టం అవసరం అయ్యింది. ఒక కారణం రావిపాటి విజయ్.
ఇతను కొంత పరిణితితో ఈ కార్యక్రమాన్ని నిర్వహిస్తుంటాడాని నా అభిప్రాయం. కానీ ఇతనికీ పచ్చ కామెర్ల వ్యాధి ఉందని అప్పుడప్పుడు అనిపిస్తుంటుంది. జగన్ పార్టీని హేళాన చేస్తూ మాట్టాడటం భాజపాని చులకన చేస్తూ మాట్టాడటం గమనించినా అంతగా నేను పట్టించుకోలేదు. ఓరోజు పచ్చకామెర్లు ముదరటం - జగన్ పార్టీ టీవి5 ని వెలివేయటం జరగనే జరిగింది.
ఇక టీవి5 ని తగ్గించేశను. వార్తావిశ్లేషణ సాక్షీలో చూట్టానికి అలవాటు పడ్డాను.
మధ్యలో ఓ రోజు టీవి5 పెట్టాను. లంకా దినకర్ అనే అతివ్యాధిగ్రస్తుడు ఆరోజు వార్తా విశ్లేషణకి వచ్చాడు. విశ్లేషణో లేక ఏడుపో లేక ఆర్తనాదమో మొదలైంది. లంకా దినకర్ గారి వితండవాదం జోరుగా కొనసాగుతున్నది. అంశం - ఈవీయం ట్యాంపరింగ్.

లంకా దినకర్ గారి ఉధృత ప్రవాహం కొనసాగింపులో ఆంధ్రప్రదేశ్ ఎన్నికల కమీషనర్ శ్రీ గోపాలకృష్ణ ద్వివేది గురించి ఒక వింత స్టేట్మెంట్ పలికాడు.

గోపాలకృష్ణ ద్వివేది ఆర్.యస్.యస్ భావజాలం కల వ్యక్తి అని. అదేదో దేశ ద్రోహం అయినట్టు.

ఇది ఎంత వరకూ సమజంసం


లంకా దినకర్ గారు గ్రామసింహంవలే ఎలా వాక్ప్రవాహాన్ని స్రవింపచేస్తారో. అనేక ఉదాహరణలు. ఒక చిన్న ఉదాహరణ ఈ వీడియో

బలవంతపు గాంధీఇజం

గాంధీ గొప్పవాడు అయుండచ్చు. గాంధీఇజాన్ని కాంగ్రేస్ జనాల నరనరాల్లోకి ఇంకింపజేసి ఉండచ్చు.
ఎక్కడో ఓ మూల ఎవడోకడు దాన్ని వ్యతిరేకించే తిరుగుబాటు చేసే ఇజంతో ఉండడా?

గాంధీ అనే ఓ మనిషి తీసుకున్న కొన్ని నిర్ణయాలు సదరు విప్లవకారుడికి నచ్చలేదు. అతను గాంధీని అంతం చేశాడు.

గాంధీని హత్య చేయడం నేరం. నేరానికి ఖచ్చితంగా శిక్ష వేసింది న్యాయస్థానం. కాటాలో నేరమూ-శిక్ష సమం అయ్యింది వ్యవస్థకి.

అయితే గాంధీ అనే వ్యక్తిని హతమార్చటం దేశద్రోహమా? దేశవ్యతిరేకమా?

అభివృద్ధి పేరుతో దేశాన్ని అమ్ముకుంటున్న ఈతరం రాజకీయనాయకులు దేశభక్తులా?

ఎక్కువ కాలం ఆరోగ్యంగా బతకటం ఎలా

బ్రౌజర్లలో ఒక ఫీచర్ ఏవిటంటే - బ్రౌజింగ్ హిస్టరీని బట్టి *రెకమెండేషన్స్* ఇవ్వటం.
అలాంటి ఒక రికమెండెడ్ లింక్ ఒకటి *ఎక్కువ కాలం ఆరోగ్యంగా బతకటం ఎలా* అని
లింకులోకెళితే - ఎక్కువకాలం ఆరోఘ్యంగా బతకటనికి 8 చిన్న చిన్న అడుగులు అంటూ ఏదోరాసుకొచ్చాడు
1. లే! పదా!
2. నిజమైన ఆహారం తిను
3. నీ మిత్రుల్ని పిలువ్
4. సప్లిమెంట్స్ ఆపు
5. 8 గంటలు నిద్రపో
6. ప్రకృతితో ప్రకృతిలో ప్రకృతిగా - ప్రకృతికి దగ్గరగా బతుకు
7. బీడి తాగటం మానేయ్
8. అతిగా తాగిన మగాడు అస్సలు తాగని ఏనుగు బాగుపడ్డట్టు చరిత్రలోనే లేదు

ఈ 8 పాయొంట్లూ ఆలోచింపజేసేవిలాగనే ఉన్నాయి.
లే పదా! స్థబ్దత నుంచి మేలుకో. కూర్చుంటె పొట్ట పెరగటం తప్ప ఏమీ కాదు. రోజుకో గంట నడవటం గొప్ప కాదు. గంటగంటకోసారి లేవటం పది నిమిషాలు తిరగటం గొప్ప.
నిజమైన ఆహారం తిను అన్నాడు. నిజవే! చిప్స్ గడ్డి కంప తినే సంస్కృతి నుండి బయటపడు. భారతీయ భోజనం భేషైన భోజనం అని గుర్తించాలి.
ఇక సంఘ జీవితం. ఈరోజు రేపట్లో ఫేసుబుక్కో ఫేసుబుక్కో ఫేసుబుక్కో. ఎంతసేపూ అదేగోల. ఏందయ్యా అంటే సామాజిక మాధ్యమాలు. కేవలం మిధ్య. నిజమైన మితృడు ఒక్కడు - సాయంత్రం పూట అలా కూర్చుని కబుర్లతో మునిగిపోయి. నిజమైన మితృలు ఎందరు?
సప్లిమెంట్స్ ఆపేయంటాడు. బహుశా నిజమే. ఏడాదికి రమారమి 30 బిలియన్ డాలర్లు సప్లిమెంట్స్ మీద ఖర్చుపెడతారట.
ఈ దౌభాగ్యానికి కారణం?
గూగుల్
కానీ 8 గంటల నిద్ర మాత్రం కష్టం అనిపిస్తుంది.

దాడి చేసింది ఎప్పట్నుంచో అక్కడ స్థిరపడిపోయిన కాశ్మీరీ

వార్తా విశ్లేషకులు, సామాజిక శాస్త్రవేత్తలు, సామాన్యులు, ఇరువర్గాలలోని మేధావులు,  ఒప్ప్రెస్డ్ పిపుల్, బాధలు అనుభవించినవారు, బాధలుపడ్డవారు - నానాజాతులు ఉగ్రదాడిపై వివిధరకాలుగా స్పందించవచ్చు.
తప్పులేదు.
కానీ ప్రజలమీద ఆధారపడి, మెక్కుతూ, బొక్కుతూ, కన్నూ మిన్నూ కానక, బలుపుతో రాజకీఈయనాయకులు విసిరే ఖండనలు స్టేట్మెంటులు వాళ్ళ భజనపరులకు కమ్మగా ఉంటాయేమోగానీ - మిగతావారి సహనాన్ని మాత్రం తప్పక పరీక్షిస్తాయి.
ఉదాహరణకు - ఒమర్ అబ్దుల్లా
దాడి చేసింది ఎప్పట్నుంచో అక్కడ స్థిరపడిపోయిన కాశ్మీరీట.

వీడి ఘోష అర్థమైంది. కానీ సహనాన్ని పరీక్షించేది - ఎప్పట్నుంచో ఇక్కడున్న అనేవాడి ధోరణి.
నిజమా?
ఎప్పట్నుంచున్నాట్టా జవానులన మీదకి వెళ్ళిన సదరు వీరుడు?
ఒమర్ అబ్దుల్లా దృష్టిలో - తరతరాలుగా ఉన్నాట్ట.
ఎన్నితరాలుగాట?
జనాలల్లో ఐక్యత పాలకుల రాజకీయ పరిధిలో ఉంటుంది. పాలకులు జనాలని ఐక్యం చేయగలరు, విడదీసి పాలించి పబ్బం గడుపుకోగలరు.
ఒమర్ అబ్దుల్లా లాంటివారి వల్ల ఐక్యత అసంభవం!

bye bye g+

కొన్ని ఏళ్ళ క్రితం గూగులుడు బజ్ అని మొదలెట్టినప్పుటి ఉత్సాహం సందోహం కళ్ళముందు తళ్ళుక్కున మెరిసేంతలో బజ్ కాస్తా ప్లస్ గా అవతరించటం కొస మెరుపు. ఎన్ని పోస్టులు, ఎన్ని లైకులు, ఎన్ని ప్రొఫైల్ వ్యూస్ వెరసి ఒక గొప్ప అనుభవం. 2018 చివరాకరికి గూగులుడు తేల్చిందేవిటంటే - ఏ సర్వీసూ శాశ్వతం కాదని. గూగులుడు ఎన్నో సర్వీసులను కడతేర్చాడు. ఇప్పుడు ప్లస్. పెద్ద విషయం ఏంకాదు వాడికి. గూగులుకి అలవాటైనవాడు కొంచెంసేపు విలవిల లాడినా ఇంకో కొత్త మత్తుని వెతుక్కుని అలవాటు చేసుకుని బానిస అవుతాడు.

ఏవైనా! నా గూగుల్ ప్లస్ ప్రొఫైలుని తీసేస్తున్నాను.

నా ఫేసుబుక్కు ప్రొఫైలుని తీసేసాను

bye bye g+

నిందితుడి జేబులో తొమ్మిది పేజీల ఉత్తరం

నిందితుడి జేబులో తొమ్మిది పేజీల ఉత్తరం పెట్టుకుని తిరుగుతున్నాడు. పైజేబులోనా కింద జేబులోనా? కట్రాయరులోనా? ఎవడికీ తెలియదు.
పోలీసు రాజులు దాన్ని వార్తల్లో చూపించారు వార్తా పుత్రికలకు
బాగుంది
ఉత్తరం ఎక్కడా మడిచినట్టుగానీ చుట్టినట్టుగానీ లేదు
అప్పుడే నోటుబుక్కులోంచి చింపినట్టు థళథళ లాడుతూ మిలమిల లాడుతూ ఉందా ఉత్తరం లెటర్

నాన్న ఏడీ

Daniele బడి నుంచి ఇంటికొచ్చింది.

అమ్మా! నాన్న ఏడీ అని డెవిడ్ కోసం ఇల్లంతా వెతుకుతూ అడిగింది 

నాన్సీ పిల్లకేసి నిర్లక్ష్యంగా చూస్తూ

వచ్చి పాలు తాగు

మీ నాయన ఇంకో ముఫై ఏళ్ళవరకూ రాడు

అంది కసి నిండిన గొంతుకతో

మసిబారిపోయిన ఆలోచనలతో

ఇద్దరు మూడేళ్ళ కవల పిల్లలు తండ్రి మైక్ కోసం తపిస్తూ వెతుకుతున్నారు మూడు గదుల అపార్టుమెంటులో. సదరు తండ్రి యొక్క మారుతల్లి కళ్ళలో నీళ్ళు తుడుచుకుంటూ

మీనాయన ఇంకరాని తీరాలకి వెళ్ళిపోయాడని చెప్పలేక  గొంతు పొడారబోయి

చెప్పినా ఆ చిన్నారులకు అర్థంగాక 

మైక్ ని చంపిన కేసులో డేవిడ్ కి 35 ఏళ్ళ జైలు శిక్ష

చంపినోడికీ పిల్లలున్నారు

చచ్చినోడికీ పిల్లలున్నారు 

First 48 అనే ప్రోగ్రాం చూస్తూ

నా మనసు బాధతో మూలిగింది

విధిచేయు వింతలన్నీ

మతిలేని చేష్టలేనని

అన్న ఓ కవి నా మనసులో మెదిలాడు కవిత సాక్షిగా 

मुसाफ़िर हूँ मैं यारों

मुसाफ़िर हूँ मैं यारों ना घर है ना ठिकाना मुझे चलते जाना है, बस, चलते जाना मुसाफ़िर... एक राह रुक गई, तो और जुड़ गई मैं मुड़ा तो साथ\-साथ, राह मुड़ गई हवा के परों पे, मेरा आशियाना मुसाफ़िर...

మనిషి తన చుట్టూ ఉన్న సమాజం చెక్కిన శిల్పం

పదేళ్ళ క్రితం బ్లాగులు వెలిగిపోతున్న రోజుల్లో విచిత్ర వితండవాదంతో రొటీనుకి భిన్నంగా కిక్కిరిసిన పోయిన సమాజం అనే ఓ మడుగు నుండి తనని తాను బయటకి పడేస్కున్న ఓ చేపలా భావించుకుంటూ కొత్త కొత్త పదజాలాన్ని విరివిగా వాడుతూ కుల దూషణ మత దూషణ చేస్తూ అదేం తిట్టుకాదు, అడగటం తప్పు, రాజ్యాంగం ఇచ్చిన హక్కు అంటూ, సినిమా అనేది అతని సొత్తైనట్టు విర్రవీగుతూ.... నడచిన అతని ప్రస్థానం జారుడు మెట్లనీ, ఎంత తనని తాను సమాజం నుంచి బయటేస్కున్నా సమాజం అనేదాన్ని ఓ గదిలో బంధించలేమనీ, సమాజం అన్నాక దానికి కొన్ని *గుడ్డి* నమ్మకాలుంటాయనీ ఆ గుడ్డి నమ్మకాలు నీకైతే ఒక న్యాయం నాకైతే న్యాయం అనీ నమ్మటం....... వెరసి... ఈరోజు బహిష్కరణ.
ఎక్కడనుంచి? ఈరోజు సిటీ నుంచి మరి రేపు? ఎల్లుండి?

ఎందుకీ వెంపర్లాట? ఎందుకీ విపరిత పైత్యం? గుర్తింపుకోసమేనా? ఎవరిక్కావాలీ గుర్తింపు? ఎంతకావాలి గుర్తింపు? సమాజం మనోభావాలను తన్ని నిద్రలేపటం క్రిటిసిజమా?
ఇలాంటివాళ్ళు అడుగడుగునా ఉంటారు. తమ తమ స్థాయిల్లో వంచన చేస్కుంటూ సమాజం నెత్తిన రాళ్ళు పెట్టటానికి ప్రయత్నిస్తారు.
కులం పేరుతో
మతం పేరుతో
ఇజం పేరుతో
చదువు పేరుతో
మేధావి పేరుతో
విర్రవీగుతూ .... వీళ్ళు పైకి కనిపించేది ఒకటి లోపల ఒకటి.

మనిషి తన చుట్టూ ఉన్న సమాజం చెక్కిన శిల్పం!

గట్టర్

గత ఏడాదిగానో రెండేళ్ళగానో ముందరి గట్టర్లోంచి నీళ్ళు కిందకి రావటంలేదు. సదరు విషయాన్ని మొన్న గమనించాం ఇద్దరం. ఏవైయుండచ్చూ అని ఈనాడు ఆరా విశ్వవిద్యాలయానికి కాల్ చేస్తే, సూరిగాడు అప్పుడెప్పుడో ఓ టెన్నీస్ బంతిని పైకి వెయ్యటం, అదికాస్తా దొర్లుకుంటూ దొర్లుకుంటూ గట్టర్లోకి జారటం ఆగిపోవటం కళ్ళ ముందు మెదిలింది. తీద్దాం తీద్దం అనుకున్నాం.
ఈరోజు సొతంత్ర దినం సందర్భంగా పిచ్చి వాన కుమ్మరిస్తున్నాడు ట్రంపు. గట్టరు బంతి జ్ఞాపకమొచ్చి లేచాను.
మరి మన దగ్గర పెద్ద నిచ్చెన లేదుగా. ఓ 2x4x8 స్టడ్లు రెండు తీసుకుని, మూడోదాన్ని అడుగు ముక్కలకింద కట్ చేసి నిచ్చెన చేసి, తనని ఎక్కించి గట్టర్ని ఓ చూపు చూడమన్నాను. ఓ వైపు వాన. తను నిచ్చెనెక్కి గట్టర్లో చేయిపెట్టి చూస్తే ఒకటి కాదు రెండు కాదు 8 టెన్నీస్ బంతులు ఇరుక్కుని ఉన్నాయి.
ఏరా అని గుడ్లురుమితే నాకు తెలియదు అని భుజాలెగరేసి వెళ్ళిపోయాడు స్టైలుగా!

అక్రమ వలసదారులు/అగ్రదేశాలు/అధికారులు మధ్య పిల్లలు

కాందిశీకులు/చొరబాటుదారులు/అక్రమ వలసదారులు/అగ్రదేశాలు/అధికారులు మధ్య పిల్లలు

అబ్బో అమెరికా అహా అమెరికా We want better life గుడ్డూ గూసూ అని చాలా దేశాల ప్రజలు భారతీఉలతో సహా అనుకుంటారు. నేనూ అలా వచ్చినవాణ్ణే.
అమెరికా దేశంలో ఉద్యోగావకాశాలు మెండు అనుకుంటాం.
ఇక్కడ జీతాలు మెండు అనుకుంటాం.
ఇక్కడ జీవితం బాగుంటుంది అనుకుంటాం.
ఇక్కడ అంతా గొప్పే అనుకుంటాం.

నిజంగానేనా? అని గట్టిగా కళ్ళలో కళ్ళు పెట్టి నిలదీస్తే సమాధానం చెప్పటం కష్టమేమో అనిపిస్తుంది. లేక ఎవరి అనుభవం అభిప్రాయం వారిదీ అనిపిస్తుంది.

కానీ పిల్లల్తో సహా దేశంలో చొరబడటం అనేది తల్లితండ్రుల తప్పే. వాళ్ళు అధికారుల చేతిలో చిక్కారే అనుకుందాం, పిల్లల్ని ఇరికించటం ఎంతవరకు సబబు? పిల్లల్ని తీసుకురాకుండా ఎక్కడ వదిలేసి రాగలరూ? ఇవన్ని ఒకదానికి ఒకటి ముడిపడ్డ ప్రశ్నలు.

అమెరికా దేశాన్ని ఆ దేశపు రాష్ట్రపతి రక్షించుకోవాల్సిందే. సరిహద్దుల్లో మెత్తగా ఉంటే లాభంలేదన్న అతని పిలుపు గొప్పదే కావచ్చు. మెత్తగా ఉంటే సరిహద్దుల్ని వదులుకోవాల్సిందే అన్న అతని పిలుపులోనూ నిజం ఉంది.

కానీ తలితండ్రులనుండి పిల్లల్ని వేరు చేయటం, గిడ్డంగులలో వాళ్ళని బంధించటం, పిల్లల ఆలనా పాలనా చూసే సిబ్బంది కొరత, లోపలి పరీస్థితులు, భాషాబేధాలు వెరసి - నరకప్రాయం చేసేసారు మొత్తాన్ని.

తిలా పాపం తలా పిరికెడులో అధికార యంత్రాంగం చేసే భయంకరమైన పనులు అనగా అసాల్ట్స్. సెక్సువల్ ఎక్స్ప్లాయిటేషన్స్ అవి ఇవి.

మొత్తానికి అమెరికాలోనే రాష్ట్రపతి వైఖరిపై జనాలకు అసహ్యం వేసేస్తాయికి దిగజారింది ట్రంప్ పరీస్థితి.
ఎక్జిక్యూటివ్ ఆర్డరుతో పాపాన్ని కడుక్కోవాలని చూస్తున్నాడు ట్రంప్.

అమెరికా జీవితం - దూరపు కొండలు నునుపు అనే సామెతకి నిలువెత్తు సాఖ్యం అని జనాలు అర్థం చేస్కోరు.

ఏవైనా ఈ మంట తొందరగా చల్లారదు అని నా అభిప్రాయం.

కాని, ఒక పశువుల కొష్టంలో బంధింపబడిన పశువుల్లాగా వేరుహౌసుల్లో ఉన్న పిల్లల రేపు తల్లితండ్రుల్ని కలుసుకున్నా వాళ్ళ మనసుల్లో ఈ బంధికానా రోజులు ఎలాంటి భావాలని ముద్రవేస్తుందో?

ఒక పీడియాట్రీషియన్ పిల్లల్ని ఉంచిన స్థలానికి వెళ్ళాట్ట. పొద్దున వార్తల్లో విన్నాను ఈ కథనాన్ని. అతను గత పాతికేళ్ళుగా పిల్లవైద్యుడిగా సేవలందిస్తున్నాడు. అతను పిల్లల ఏడుపుని బట్టి ఆ ఏడుపు ఏంటో చెప్పగలడట. ఆకలేసినప్పుడు ఏడుపు, మొడి చేసినప్పుడు ఏడుపు, నిద్రలో ఉలిక్కిపడ్డప్పటి ఏడుపు ఇత్యాదివి. అతను చెప్పింది - అక్కడి పిల్లల ఏడుపు పైవాటిల్లో ఏదీ కాదు, అది టెర్రర్తో నిడిపోయున్న ఏడుపు అని.

ఒక జర్నలిస్టు చెప్పుకొచ్చిన కథనం - ముగ్గురు పిల్లలు. పెద్దోడికి 16 ఏళ్ళు, చెల్లికి 10, చిన్న తమ్ముడికి 6. ముగ్గురూ బ్రజిల్ దేశస్తులు. చెల్లి తమ్ముడు అన్నని వాటెస్కుని వదలకుండా ఏడుస్తున్నారు. అధికారులు వచ్చి, స్పానిషులో అలా వాటేస్కోకూడదు ఇక్కడ రూల్ అని చెప్పటం, వాళ్ళకి అర్థంకాకపోవటం. ఒక అధికారిణి సదరు జర్నలిస్టుని పోర్చుగీసులో చెప్పవయ్యా అని అడిందట. అతను పిల్లల్లోని పెద్దోడికి "నువ్వు ధైర్యంగా ఉండాలి ఇలాంటి పరీస్థితుల్లో" అని చెప్తే ఆ పిల్లాడు "ఎలా ధైర్యంగా ఉండమంటారూ" అని సూటిగా అడిగాట్ట. ఇంతలో అధికారిణి కల్పించుకుని "వాటేస్కోకుండా ఉండమని" చెప్పమంటే ఆ జర్నలిస్టు "నేను చెప్పలేకపోతున్నా" అన్నాట్ట.

ఈ పరీస్థితి నుంచి పిల్లలు బయటపడి తొందరగా తల్లితండ్రుల్ని కలుసుకోవాలని ప్రార్థిస్తున్నా!

ఈనాడు అమెరికా వీసా యూనివర్సిటి

ఈనాడులో ఓ ప్రధాన వార్త -
గ్రీన్‌ కార్డు కోసం ఈబీ-2 కేటగిరి చెందిన వారే ఎక్కువగా ఉన్నారు. ప్రస్తుతం ఉన్న అమెరికా నిబంధనల ప్రకారం వీరికి గ్రీన్‌ కార్డ్‌ రావడానికి కనీసం 150 సంవత్సరాలు పట్టే అవకాశముంది. అడ్వాన్స్‌డ్‌ డిగ్రీ అర్హతతో అమెరికాలో ఉద్యోగం చేస్తున్న వారి సంఖ్య నానాటికీ పెరుగుతుండటం కూడా దీనికి ఒక కారణం. యూఎస్‌సీఐఎస్‌ గణన ప్రకారం ఈ కేటగిరి కింద గ్రీన్‌ కార్డ్‌ పొందాలనుకునే వాళ్ల సంఖ్య 2,16,681. వారి భార్యపిల్లలతో కలిపి 4.33,368 మంది గ్రీన్‌కార్డు కోసం దరఖాస్తు చేసుకున్నట్టు తెలుస్తోంది.

ఏమిరాస్తున్నారా నాయనా? ఎందుకిలాంటి పిచ్చిరాతలూ?
గ్రీంకార్డ్ ప్రాసెసింగ్ అనేది రాజకీయాలకు లోబడి నడుస్తుంది.
ప్రస్తుతానికి ప్రోసెసింగ్ సెంటర్లలో పనివేసే జనాభాని తగ్గించారు. అందువల్ల నింపాదిగా నడుస్తున్నది.
ఎప్పటికీ ఇదే తరహా ఉండదు.
రేపొద్దున్న వీసా నెంబర్లను నాలాలోకి విడిచిపెట్టరు. వాటిని వాడుకుని తీరాలి.
ఎన్నో సాంకేతిక విషయాలు ఇందులో ముడిపడి ఉన్నాయి.
ఊరకే జనాకర్షణ వార్తలు రాకయకండి.

ఈనాడు ప్రభు భక్తి

ఈనాడు ప్రభు భక్తి

*ముగిసిన నీతిఆయోగ్‌ భేటీ: ఏమేం చర్చించారంటే..?* అంటూ ఓ పేజీడు వార్త రాసుకొచ్చాడు రామోజీ తాత. అందులో *
ప్రత్యేక హోదా ఇవ్వాల్సిందేనన్న చంద్రబాబు* అని ఒక ఉప శీర్షిక. తన గోడు వెళబోశుకున్నాడు బాబు. తప్పులేదు. చెప్పి మాట్టాడాల్సిన విషయాలు అతని పర్స్పెక్టివ్ నుంచి.

తర్వాతి ఉపశీర్షిక
*జాతీయ అంశాలపైనా చంద్రబాబు సూచనలు

ప్రత్యేక హోదా తాము కొత్తగా అడుగుతున్నది కాదని, విభజన చట్టంలో పేర్కొన్నదేనన్నారు. పోలవరం నిధుల విడుదలలో జాప్యం జరుగుతోందన్నారు. 2019 లోపు పూర్తి చేయాలంటే కేంద్రం నిధులు ఇవ్వాలన్నారు. కడపలో ఏర్పాటు చేస్తామన్న ఉక్కు కర్మాగారం, విశాఖలో రైల్వేజోన్‌ అంశాలను కూడా చంద్రబాబు ప్రత్యేకంగా ప్రస్తావించారు. రాష్ట్రంలోని ఏడు వెనుకబడిన ప్రాంతాలకు నిధులు ఇచ్చి వాటిని వెనక్కి తీసుకోవడాన్ని కూడా చంద్రబాబు ప్రస్తావించినట్టు సమాచారం. రాష్ట్రానికి సంబంధించిన అంశాలకు ప్రాధాన్యమిస్తూనే.. జాతీయ స్థాయి ప్రాధాన్యతాంశాలైన ఉపాధి హామీ పథకాన్ని వ్యవసాయంతో అనుసంధానం, ఆరోగ్యానికి సంబంధించి కేంద్రం తీసుకొచ్చిన మిషన్‌ ఇంద్రధనస్సు పథకాన్ని ఎలా సమర్థంగా అమలుచేయాలనే దానిపైనా పలు సూచనలు చేశారు. స్వాతంత్య్రపోరాటానికి సంబంధించిన విషయాలను ప్రజల్లోకి ఎలా తీసుకెళ్లాలనే దానిపై సూచనలు చేశారు. మహాత్మాగాంధీ ఆశయాలను, ఆయన స్వచ్ఛభారత్‌ కలను సాకారం చేసేందుకు దేశంలో అందరికన్నా ముందుభాగాన ఏపీ ఉంటుందని స్పష్టంచేశారు. స్వచ్ఛభారత్‌ కలను సాకారం చేయడం ద్వారా గాంధీజీకి ఘన నివాళులర్పించేందుకు ఆంధ్రప్రదేశ్‌ ప్రజలు సిద్ధంగా ఉన్నారని ప్రకటించారు. అనంతరం మాట్లాడిన ముఖ్యమంత్రులు మమతా బెనర్జీ, నితీశ్‌కుమార్‌లతో పాటు పలువురు సీఎంలు చంద్రబాబు లేవనెత్తిన అంశాలకు బహిరంగంగానే మద్దతు ప్రకటించారు. ఆయన చేసిన సూచనల్ని సమర్ధించారు.*

దీంట్లో తాత హైలైట్ ఏంటయ్యా అంటే బాబు దేశస్థాయి నాయకుడు, ఆయన కేంద్రప్రభుత్వానికే సూచనలు ఇచ్చాడు అని. తర్వాతి ఉపశీర్షికల్లో బాబు సూచనలని మోదీ అనుసరిస్తున్నట్టుగా రాసుకొచ్చాడు.

చివర్లో కెసీఆర్ కూడా మాట్టాడినట్టు రాసిన తాత, మరి కేసీఆర్ ఏవీ సూచనలు ఇచ్చినట్టుగానీ వాటిని ప్రధాని విన్నట్టుగానీ విని ఆచరించినట్టుగానీ ఎక్కడా రాయలేదు మరి.

వంగ తోట

వంగతోట కాడ ఒళ్ళు జాగర్త
వంగతోట కాడ ఒళ్ళు జాగర్త 

నంగనాచి ముళ్ళు తొంగి తొంగుంటాయ్
నంగనాచి ముళ్ళు తొంగి తొంగుంటాయ్
నాటుకుంటే తీయాలంటే నా తరమా నీ తరమా

కందతోట కాడ కాళ్ళు జాగర్త
కందతోట కాడ కాళ్ళు జాగర్త 

చీలిఉన్న దుంప కాలికంటుకుంటే
చీలిఉన్న దుంప కాలికంటుకుంటే
ఆ దురద ఆపాలంటే నీ తరమా నా తరమా
కందతోట కాడ కాళ్ళు జాగర్త

అన్నాడు సినారే 

వంగ మడిలో నిన్న గమనించాను. నిజమే సుమా అనిపించింద్.

వంగ ముల్లు కోపుగాను ఉందీ పొరపాటున తగిలితే కస్సున దిగేదిలాగనూ ఉంది