ప-తీవ్రత

సీతకన్నా నేనేం తక్కువా? అని నిన్న ఓహరు కొన్ని ప్రశ్నలు లేవనెత్తారు. ఐతే, సదరు వ్యక్తి లేవనెత్తిన ప్రశ్నలకు ఆ వ్యక్తి టపా శీర్షికకు ఏమాత్రం సంబంధం లేదనుకోండి. అది తర్వాత విషయం. అక్కడి కొందరు వ్యాఖ్యాతలకు ప్రతివ్యాఖ్యలు కుమ్మరిస్తూ ఇలా చాటిచెప్పారు. *సీత కన్నా నేను ఎందులో తక్కువా?* అని. ఆమె ఉద్దేశం, సీతని ఒక్కమాటంటే ఇందరు ఇంతలా ఉలిక్కిపడతున్నారే, మా తల్లి మా అమ్మనే అంటావా అంటున్నారే? నేను మాత్రం ఆడకూతుర్ని కాదా? నన్ను ఎందుకు వేధిస్తున్నారూ? అని కావచ్చు. ఐతే, ఆమె ఎంచుకున్న శీర్షిక భలే గమ్మత్తైన శీర్షిక. రావణుడికి సీతమ్మకు మధ్య ఏం జరిగిందీ? ఏం జరిగుండవచ్చూ? ఇలాంటి వాటికి ఓ పెద్ద శ్రమపడి రీసెర్చులు చేయాల్సిన పనిలేదు. రాముడికీ శూర్పణఖకి మధ్య ఏంజరిగిందీ? ఇత్యాది ప్రశ్నలు వేయటం భలే సుళువు. కృతం కర్మ, ఎవడి కర్మ ఫలితంగా వాడికి జ్ఞానం అబ్బుతుంటుంది. కొందరు రాముడు విల్లు ఎక్కుపెట్టాడ్రా అంటే భక్తితో పూజిస్తారు. వాళ్ళ కర్మ అలా ఉంది. మరి కొందరు ఎక్కుపెట్టాడ్రా అంటే ఎడంచేత్తోనా కుడిచేత్తోనా అడ్డంగానా నిలువుగానా ఎడం కాలు ముందుకేసాడా కుడికాలా గోచీ ఎగతోపా౨డా కిందకే ఉంచాడా బిళ్ళగోచీనా మామూలూదా కాటన్ పంచె కట్టాడా లేక పాలిస్టరా ఇస్త్రీ చేసుందా ఇలాంటివి అడగవచ్చు. వారి కర్మ అలా ఉంది.

ఇంతకీ, సీతకన్నా నేనేం తక్కువా? ఈ ప్రశ్నని వర్చ్యువల్ ప్రపంచంలో ఎలా వేస్తారూ? అథవా వేసినా, మెజరింగ్ స్కేల్ ప్రశ్న వేసిన వారి దృష్టిలో ఏంటీ?

సమాజం, ఒక జీవన విధానం నిరంతరం సాగాలంటే ధర్మం అవసరం. అందుకే మన పోనీ, పురుషాధిక్య సమాజం కాబట్టి, పురుషార్థాల్లో మొదటిది ధర్మం అయ్యి కూర్చుంది. ధర్మం కొనసాగాలంటే కొన్ని అవసరాలు ఉన్నాయి. వాటిల్లో పతివ్రత ఒకటి. ధర్మం నడవాలంటే పతీవ్రతల అవసరం ఎంతైనా ఉంది.
సతి పరమశివుని భార్య. సతి అంటే పతివ్రత. పతిని నమ్ముకున్న స్త్రీ పతివ్రత. సమాజం అధిక భాగం సంతానం మీద ఆధారపడి ఉంది. సంతానమే సమాజపు నిరంతర జీవనం. సంతానం తల్లి మీద స్త్రీ మీద ఆధారపడి ఉంది. కావున స్త్రీయే సమాజం. స్త్రీ ఎంత సౌశీల్యవతి ఐతే సమాజం అంత సుశీలం అవుతుంది. ఇంటికి వచ్చిన కోడలును వేదం సామ్రాజ్ఞీభవ అంటుంది. తన కుటుంబానికి ఆమె మహారాణి.
సీతమ్మకానీ రాముడుకానీ రామాయణంలో వారు సుఖించిన జాడ లేదు. అయినా అందరూ సీతారాముల వంటి దాంపత్యాన్నే కోరుకుంటారు.
దీనివల్ల ఏంతెలిసిందీ? ఏం అర్థం అయ్యిందీ?
పాతివ్రత్యం అంటే అదో డిగ్రీ కాదు, మెడల్ కాదు మెళ్ళో వేస్కుని తిరగటానికి. అది మనసుకి సంబంధించింది. కుటుంబనికి సంబంధించింది. మొగుడూ పెళ్ళానికి సంబంధించింది. కబట్టి దాన్ని మెళ్ళో వేస్కుని, నేను పతీవ్రతనే అని ఎక్కడా చాటి చెప్పుకోవాల్సిన పనిలేదు, భార్యైనా భర్తైనా. భార్యని భర్త, భర్తని భార్యా ఒకరినొకరు ఆదరించుకుంటూ కుటుంబాన్ని పిల్లలనూ ఎక్కదీసుకురావటమే ఆడదానికి పాతివ్రత్రం అంటే, భర్తకైన అంతే. వైవాహిక బంధానికి కట్టుబడి ఉండుట, కుటుంబాన్ని కూర్చుకొనుట, నిరంతరం కుటుంబం కోసం శ్రమించుట అనేవే అండర్లైన్డ్.

నేను సీతకన్నా ఏం తక్కువా అనుకునే వాళ్ళు ఉండచ్చు. తప్పులేదు. ఎవరిని వాళ్ళు ప్రశ్నించుకోవాల్సినవి హౌ ఎక్జంప్లరీ ఆర్ యూ ఫర్ యువర్ కిడ్స్/ఫామిలి/సొసైటి. నీ పిల్లలకు/కుటుంబానికీ/సమాజానికీ నువ్వు ఎంతవరకూ ఉదాహరణగా నిలుస్తున్నావూ అని.

సర్వే జనా శుఖినౌభవంతు.

జై హింద్.