అటుచూస్తే కొడబండలు,ఇటు చూస్తే రాక్షసి డొంకలు.
కాని ఇది విమల.
అటుచూస్తే పెద్దపులుల కోరలు, ఇటు చూస్తే పడగలెత్తిన పాములు,
కాని ఇది విమల.
అటు చూస్తే సెగలు సెగలు, ఇటు చూస్తే పొగల సుడులు,
కాని ఇది విమల.
అటు చూస్తే దొరికే ఎండలు, ఇటు చూస్తే కొరికే నీడలు,
కాని ఇది విమల.
అవును సరే, కాని ఇది విమల.
అటు చూస్తే ఎత్తుదొరకని మహా పర్వతాలు, ఇటు చూస్తే లోతుచిక్కని చీకటి అగాధాలు లేదా ఒడ్డులేని మహా సముద్రాలు,
అవునవును కాని ఇది విమల.
అటుచూస్తే అన్నలిద్దరూ దూరాలు, ఇటు చూస్తే అక్కలిద్దరికీ యెన్నేన్నో భారాలు.
అటు చూస్తే నాన్న కళ్ళనిండా శూన్యాలు, ఇటు చూస్తే అమ్మ కంటి నిండా శోకాలు.
అటుచూస్తే అద్దెకోసం ఇంటివారి అరుపులు, ఇటు చూస్తే ముద్ద కోసం కడుపంతా పేగుల కేకలు.
కాని ఇది విమల.
Subscribe to:
Post Comments (Atom)
No comments:
Post a Comment