వంగ తోట

వంగతోట కాడ ఒళ్ళు జాగర్త
వంగతోట కాడ ఒళ్ళు జాగర్త 

నంగనాచి ముళ్ళు తొంగి తొంగుంటాయ్
నంగనాచి ముళ్ళు తొంగి తొంగుంటాయ్
నాటుకుంటే తీయాలంటే నా తరమా నీ తరమా

కందతోట కాడ కాళ్ళు జాగర్త
కందతోట కాడ కాళ్ళు జాగర్త 

చీలిఉన్న దుంప కాలికంటుకుంటే
చీలిఉన్న దుంప కాలికంటుకుంటే
ఆ దురద ఆపాలంటే నీ తరమా నా తరమా
కందతోట కాడ కాళ్ళు జాగర్త

అన్నాడు సినారే 

వంగ మడిలో నిన్న గమనించాను. నిజమే సుమా అనిపించింద్.

వంగ ముల్లు కోపుగాను ఉందీ పొరపాటున తగిలితే కస్సున దిగేదిలాగనూ ఉంది

ఓ రమా రమణ O rama ramana

Anthony Bourdain

Anthony Bourdain అనే అతను మట్టిలో కలిసిపోయాడనే వార్త నన్ను కాస్త బాధపెట్టింది. నా దృష్టిలో Anthony Bourdain ఒక food philosopher. ఇతను ఒక ఫుడ్ ప్రజెంటరుగా ఖ్యాతిని గాంచాడు. food netwrok లో ఈయన ప్రోగ్రాములు అనేకమార్లు చూశాను.
అన్నిటికన్నా నాకు బానచ్చిన ఇతని కార్యక్రమం Parts Unknown. ఇతని ఇంకో కార్యక్రమం నాకు బాగా నచ్చింది, ఎక్కువగా చూసింది - No Reservations. తిండి మీద ఇంత గొప్పగా ఓ కార్యక్రమాన్ని డిజైన్ చేయటం, తిండి ద్వారా ఓ ప్రాంతపు సాంప్రదాయాలని/ధోరణిని ఆవిష్కరించటం గొప్పవిషయం. ఆరకంగా ఇతను గొప్ప విజయాన్ని సాధించినట్టే.
ఎవరూ వెళ్ళని దేశాలకి, ఎవరూ చూడని వినని సందులు గొందుల్లోకి వెళ్ళి లోకల్ ఫుడ్ ని తెరకెక్కించటం సామాన్యమైన విషయం కాదు.

The show has won 5 Emmy Awards, garnered 11 nominations for writing, sound mixing, editing and cinematography, as well as a 2013 Peabody Award.

Bourdain was working on an episode of the show in Strasbourg, France at the time of his death on June 8, 2018.

Parts Unknown twitter handle

@PartsUnknownCNN

రాజకీయ బురద

అమెరికా లాంటి దేశాల్లో రాజకీయ (వి)నాయకుల చేతిలో అత్యంత ప్రధానమైన పెంపుడు జంతువు *మీడియా*. వీళ్ళు ఆడే పావుల ఆటలో ప్రధానమైన ఎత్తుగడ - ఏంచేసైనా పేపర్లో పెద్దక్షరాలతో మొదటిపేజీలో పడాలి.

అదే సమీకరణాన్ని అనుకరిస్తున్నాడు బాబు.
జనాలు మర్చిపోకూడదని రోజుకోసారి "భా.జ.పా నమ్మక ద్రోహం" అంటాడు. దాన్ని బాజాభజంత్రీల మీడియా పెద్దక్షరాలతో ప్రచురిస్తుంది.

మొన్న జరిగిన ఒక వార్తావి-శ్లే-షణలో తెదేపా నాయకుడు శ్రీ లంక దివాకర్ పాపం ఆవేశ-పడి ఆయాస-పడి విలవిల్లాడితే, సదరు కార్యక్రమం నడిపిన వ్యక్తి విజయ్ అతన్నికి సీరియస్గా చెప్పేడు. మీరు విషయం మాట్టాడండి అని. ఆసందర్భంలో ఓ ప్రశ్న పడింది. మీడియాగానీ మిగతా పక్షాలుగానీ దాన్ని పట్టించుకోకుండా వదిలేశాయి.

భారతదేశలోనే ఆ మాటకొస్తే ప్రపంచంలోనే అత్యంత సీనియర్, నటుడు కాదు కాదు క్షమించాలి, రాజకీయ నాయకుడు చంద్రబాబు అని గుండెలు చరుచుకుని చెప్పుకుంటారే, అట్లాంటిది, ఆయనకి ఒక పార్టీ టోకరావేసిందని తెలియటానికి 4 ఏళ్ళు పట్టిందా?

మోసం దగా కుట్రా బాబుని ఎదగనీయకుండా ప్లాను అదీ ఇదీ అంటూ యాగీ చేసేబదులు - #పిల్ వేయొచ్చుగా సుప్రీం కోర్టులో
ఇదీ చట్టం, ఇలా చేశారు చట్టం, ఇంత రావాలి, రాలేదు. ఇంత ఇవ్వాలి, ఇవ్వలేదు. మరి ఆడబ్బు ఏవనట్టూ? విభజన చట్టం ప్రకారం ఇవి రాలేదు అని కోర్టునాశ్రయించొచ్చుగా?

రాజకీయాలంటే ట్రంపులాగా పొద్దస్తమానం ఒబామా ఓబామా అనటం లేకపోతే పొద్దున్నే మూడుకి లేచి పలానోడు అబ్బో మంచోడనటం రాత్తిరికి అతన్ని తిట్టటం కాదు.
భాజపా మీద తెదేపా, తెదేపా మీద జగన్ పార్టీ, జగన్ మాట లేకుండా ఏవీ మాట్టాడకుండా తెదేపా - చూట్టానికి వినటానికి కంపరంగా అసహ్యంగా ఉంది.

అయ్యా రాజకీయ రాక్షసుల్లరా - రాష్ట్రానికి ఏంకావాలో అది చేయండి. గుంటూరులో కలిసి కాట్ల కుస్తీ పోటీ పెట్టుకోండి. దిల్లీలో కలిసి పోరాడండి.

T-Bone Collision 90 డిగ్రీల కోణంలో యాక్సిడెంట్

Broadside or T-bone collision

Broadside collisions are where the side of one vehicle is impacted by the front or rear of another vehicle, forming a "T". In the United States and Canada this collision type is also known as right-angle collision or T-bone collision; it is also sometimes referred to by the abbreviation "AABS" for "auto accident, broadside".^[1] Vehicle damage and occupant injury are more likely to be severe, but severity varies based on the part of the vehicle that is struck, safety features present, the speeds of both vehicles, and vehicle weight and construction.

 90 డిగ్రీల కోణంలో యాక్సిడెంట్
మొన్నీమధ్య ఓ రోజు సూరిగాణ్ణి క్లాసులో దింపి ఎటో వెళ్తూ ఓ ట్రాఫిక్ సిగ్నల్ దగ్గర ఆగాను రెడ్ పడిందని. అది ఓ నిమిషానికి గ్రీన్ అయ్యింది, స్లోగా స్టార్ట్ అయ్యాను. ఇంతలో ఒకామె నాకు 90 డిగ్రీల కోణంలో సూపర్ ఫాస్టుగా వెళ్ళనే వెళ్ళింది, నేను ఆమె డ్రైవర్ సైడ్ పాసింజర్ డోరుని హిట్ చేయనే చేసేశాను. ఆమె కంట్రోల్ తప్పింది, కారు ఓ డోనట్ వేసింది, రోడ్డెమ్మటే ఉన్న ఓ కాంక్త్రీట్ దిమ్మెని గుద్దేసింది. ఆమెకి డ్రైవర్ సైడ్ ఎయిర్ బ్యాగ్ డిప్లాయ్ అయ్యింది. నేను కారాపేసి, ఆమెని రిస్క్యూ చేయటానికి వెళ్ళాను. ఆమె పాపం వణికిపోతున్నది. ఆమె పక్కనే ఓ పిల్లాడు బహుశా 15 ఏళ్ళు అనుకుంటా ఉన్నాడు. వాడికి ఏమీ కాలేదు. 911 కి కాల్ చేశాను నేనే. నిమిషంలో వచ్చారు నలుగురు పోలీసులు రెండు ఫైర్ ట్రక్కులు ఓ ఫైర్ సూపర్వైజరు.

ఎవరిది తప్పు ఇత్యాది తంతు షరా మామూలే. ఇన్స్యూరెన్స్ మార్పిడులు మామూలే.

నాకారుకి మాత్రం పెద్ద దెబ్బే తగిలింది.

నా అనుభవం:

కారుకి దెబ్బ తగిలితే, చచ్చిన జంతువు కళేబరం దగ్గర వాలి పీక్కు తిందాంఅని ఆశగా దింపుడు కళ్ళతో దిగే రాబందుల్లా, వెంటనే వచ్చి వాలతారు టో ట్రక్కర్లు. వాళ్ళని వదిలించుకుని ఇన్స్యూరెన్స్ వాడి చేతుల్లోకి వెళితే త్రిశంఖు లోకంలోకి నెట్టబడతాం.
ముందు ఎంత డ్యామేజీ అయ్యిందో చూట్టానికి ఒకడొస్తాడు.
వాడు ఇదిగిగి ఇంత, అల్లది అంత మొత్తానికి ఇంత అంటాడు. వాడు ఎంత చూసిన భూతద్దం పెట్టి వెతికినా, సముద్రంలోంచి పైకి కనిపించే కొండే, సముద్రంలో ఎంతలోతో వాడేం చెప్తాడూ? ఉజ్జాయింపుగా ఓ లెక్క వేసి ఇన్స్యూరెన్సోడికిస్తే వాడు, అబ్బాయి ఇంతైతుంది అని ఓ నెంబరేసి పంపిస్తాడు బాగుచేయటనికి అయ్యే ఖర్చుని. ఎక్కడ చేయిస్తా? నువ్వే చేయించుకుంటవా? మేము చెప్పిన ఆటో గ్యారేజుకి వెళ్టావా అంటాడు. నా అనుభవంలో - వాళ్ళు వెళ్ళమని చెప్పే గ్యారేజికి వెళ్ళటమే మంచిది.

నేను ఇన్స్యూరెన్స్ వాడు సజెస్ట్ చేసిన గ్యారేజుకే వెళ్ళాను. వాడు మొత్తానికి అవి ఇవి అవి కొత్త పార్ట్ వేసి బాగుచేశాడు.

మన్నెముల్లు

మన్నెముల్లు

సురిగాడి చేతిలో ఏదో గుచ్చుకుని విరిగిపోయింది. బహుశా ఓ పేడో లేకపోతే ఓ ముల్లో అయుండచ్చు. వాళ్ళమ్మ పిన్నీసుతో దాన్ని తీసేసింది. అయినా ముల్లు దిగినచోట చిన్నగా వాము ఉండి ఒక కోణంలో నొప్పి అంటున్నాడు. బహుశా ఆ పేడో ముల్లో మొత్తం బయటకొచ్చేకుండా ఇంకా కొంచెం చేతిలో మిగిలిపోయుండాలి. మొన్నోసారి నాకూ అంతే జరిగింది. చిటికెన వేలు రెండో కణుపు దగ్గర పేడు దిగింది, తీసేసాను. మొత్తంరాలేదు. అబి బొబ్బలావచ్చి, చీముకారి మొత్తానికి ఒక నెల్ల తర్వాత పేడు పేడు బయటకి దానంతట అదే వచ్చేసింది. శరీరం ఎంత తీవ్రప్రయత్నం చేస్తుందో కాదా సెల్ఫ్ హీల్ చేస్కోటానికి?

నా చిన్నప్పుడు పల్లెల్లో తిరుణాళ్ళకి వెళ్ళినప్పుడు *మన్నెముల్లు* అని ఓ మూడు పరికరాల సెట్టు అమ్మేవాళ్ళు. దాంట్లో ఒకటి చిటికెన వేలంత పొడవుతో ఉండే చిన్న చిప్పగంటె. రెండోది థోంగ్స్. ముల్లుని పట్టుకుని పీకటానికి. మూడోది కుట్టుకోటానికన్నట్టుగా ఉండే ఓ సూది. ఆ సూదిని మన్నెముల్లు అంటారు.

మన్నెము [ mannemu ] or మన్యము mannemu. [from Skt. మాన్యము.] n. Land given as a token of respect. సమ్మానించి యిచ్చిన కొంత భూభాగము. High-lands, hilly land, hill-country, uplands. Agency tracts. మన్నెపుజ్వరము jungle fever. మన్నెపుదేశము highlands. లోమన్యము the interior of the hills. "అనయంబు రజతాద్రి యట్టి దుర్గంబు మనకు గల్గన నేల మన్నెముల్." BD. iii. 1093. మన్నెకాడు, మన్నెదొర or మన్నెపుదొరmannckāḍu. n. A highland chieftain. మన్నెపువారు hill people. మన్నెపుగొడ్డలి a broad axe, a woodman's axe, a highlander's axe. మన్నెముల్లు manne-mullu. n. A large needle used to remove thorns from the feet of goats. "మందులపొడిబుర్ర మన్నెముల్లుతోలుకుళ్లాయి." H. ii. 85. మన్నెరికము manne-rika-mu. n. Chieftainship, the state of being a lord among the hill people, మన్నెపుదొరతనము. "వలపుల మన్నెరికంబు" Vijayanti. ii. 66. టీ మోహములయొక్క ప్రభుత్వము.

ఇది ప్రజాస్వామ్య విజయం ఎలా అవుతుంది?

ఇది ప్రజాస్వామ్య విజయం ఎలా అవుతుంది?
యం.యల్.యే లను అక్కడే ఉంచి, *నిర్బంధించకుండా* వదిలేసి, ఎంత ప్రలోభాలు పెట్టినా *మా పార్టిని మేము వీడము* అని చెప్పగలిగిన నాడు - అది ప్రజాస్వామ్య విజయం.
హోటళ్ళలో క్యాండిడేట్లను దాపెట్టే ప్రతోడు ప్రజస్వామ్య విజయం అనేవాడే

I see loopholes in law.

Windshield

మొన్నోరోజు HOV లైన్లో నా మానాన నేను ఇంటికి కారు నడుపుకుంటూ రేడియో వింటూ వెళ్తున్నా. US 290 expansion గత పదేళ్ళుగా నడుస్తున్నది. సూరిగాడికి పెళ్ళై పిల్ల్లు పుట్టేప్పటికి తప్పక రెడీ అవుతుందని నా ప్రగాఢ నమ్మకం. సరే, మొన్న అలా వెళ్తున్న నేను నా పక్కనే ఓ పెద్ద ట్రైలర్ వెళ్ళటం గమనించాను. అది వెళ్ళిన ఒక నిమిషానికి ఓ పెద్ద శబ్దం. బెలూన్ పగిలిన శబ్దం వినిపించింది. ఏదో ట్రైరో ఏదో బ్లాస్ట్ అయుంటుందని అనుకుని నా మాన నేను ఇంటికొచ్చి, కారాపేసి, తాళం తీస్తూ Windshield right corner వైపుకి అనుకోకుండా చూశాను. రెండు అరచేతుల మేర అద్దం పగిలిపోయుంటాన్ని గమనించి గుండె గతుక్కుమంది. అదే అద్దం మొత్తం పగిలి షాటర్ అయి కళ్ళల్లోనో ముఖంమీదనో పడుంటే అనిపించింది.

ఈ దేశంలో క్రాక్ కొట్టిన అద్దాలతో కార్ డ్రైవ్ చేసేవాళ్ళు ఎందరో.

పగిలిపోయినా నెర్రె కొట్టిన అద్దంతో తిరగటం ఏమాత్రమూ మంచిది కాదు. సెక్యూర్ అసలు కాదు.
ఈ దేశంలో ప్రతీదానికి బీమా ఉండాలి. ఇండి తీరాలి. బీమా సర్వ రక్ష అనుకుంటాం. కానీ కాదు. బీమా ప్రతినిధి కాలికేస్తే ఏలుకేస్తాడు. ఏలికేస్తే కాలికేస్తాడు. చివరాకరికి డిడక్టబుల్ అంటాడు. అక్కడే మనకి గొళ్ళెం పడుతుందని తెలియని బీమా గొర్రెలం మనం.

వెంటనే బీమావారికి కాలు చేస్నినాను. అమ్మా అయ్యా ఇదీ పరీస్థితి అని. అయ్యోపాపం ఔనా! అరె! అలా అయ్యిందా? సారీనే! బాధపడకు మరి. ఇవన్నీ సహజం...ఎన్నిమాటలు చెప్పిందో ఆమె. మా పెదనాన్నగారి బాబాయి కూతురు కూడా అంత ఇదిగా మాట్టాడుండదు.

అక్కా! సరేకానీ, ఏవన్నా సహాయం చేస్తావా? అన్నాను చివరికి ఆశతో దింపుడు కళ్ళతో.
తమ్మీ! హనీ! నేనిక్కడుంది ఎందుకనుకున్నా! భలేవాడివే! సేఫ్లైట్ అని ఓ కంపెనీతో మనకి మాంచి రిలేషన్ ఉంది. వాడికి చెప్పి నీ అద్దం బిగించేయిస్తా. అయితే నీ డిడక్టబుల్ #$500 కదా! ఏటి? అలా బేలగా చూడకు. అద్దం ఖరీదు #$299 అవుతుంది. వాడొస్తాడు. ఆడబ్బులిచ్చి చక్కగా వేయించుకో అంది ఆమె హుందాగా గొప్పగా పెద్దగా ఓ అక్కలా ఓదార్చుతూ.

కర్మరా బాబూ అనుకుని వాడితో అపాయింటుమెంటు తీస్కుని నిట్టూర్చాను.

ఓ సాయంత్రం వాడొచ్చాడు, సేఫ్లైట్ అని వ్యాన్ వెస్కుని. హహహ! ఏవిటి! హహహ అద్దం పగిలిందే హహహ అంటాడు. అన్నాయ్! నవ్వకు! నీ డబ్బు నాజేబుకి చిల్లు. ఏంచేస్తాం అని వాడికి కారు అప్పగించాను.

కానీ వాడు బాగనే చేసాడని నా అభిప్రాయం.

కలగనే కన్నుల్లో కరగకే కన్నీరా

ఇళయరాజా స్వరంలో ఓ రకమైన మార్దవం ఉంటుందని నాకనిపిస్తుంది. ఈపాట ఓ ఉదాహరణ. రాంగోపాల్ వర్మ తీసిన గాయం అనే సినిమాని అనేకసార్లు చూసానిదివరలో. గాయం సినిమాకి సీక్వెల్ వచ్చిందని విన్నా కానీ చూట్టం పడలేదు. ఈరోజు యూట్యూబులో దొరికితే చూట్టం మొదలెట్టాను.

1993 గాయంలో జగపతి బాబుకీ గాయం 2 లో జగపతి బాబుకీ తేడా ఉంది. వయసులో!

సినిమా మధ్యలో ఈ పాట.

కలగనే కన్నుల్లో కరగకే కన్నీరా
కలసిన గుండెల్లో కలతలే కన్నారా
నిన్న మొన్న నీడల్లేనీతో ఉన్న సందెల్లే
ఈ వెతలుగ చెలరేగేనా
నాతో సాగే స్నేహం... నాలో రేపే శోకం
శాపంలాంటి దూరం... చూపించేనా తీరం
కలగనే కన్నుల్లో కరగకే కన్నీరా

ఏనాటిదో అనురాగం ఈనాడిలా పెనవేసే
పాదం సాగే ప్రతిచోట పాశం తానే అడుగేసే
మనసే మురిసే మలుపులలోన
వెతలే రగిలే ఎద లయలోన
మదిని వీడని మమతిదియని
మరి మరి ముడిపడగా
కలగనే కన్నుల్లో కరగకే కన్నీరా


గాయం మాన్పే చెలిమేదో కాలం ఇలా కలిపేనా
గమ్యం చేరే తరుణాన గాలి వాన ఉరిమేనా
ఒడిని వెతికే సమయములోన
ధరణి కనని మది కుమిలేనా
వలచిన కథ వరము అవ్వనీ
చెరగని గురుతులుగా
కలగనే కన్నుల్లో కరగకే కన్నీరా
కలసిన గుండెల్లో కలతలే కన్నారా
నిన్న మొన్న నీడల్లే నీతో ఉన్న సందెల్లే
ఈ వెతలుగ చెలరేగేనా
నాతో సాగే స్నేహం... నాలో రేపే శోకం
శాపంలాంటి దూరం... చూపించేనా తీరం
కలగనే కన్నుల్లో కరగకే కన్నీరా

ఈ పాట రచయిత *వనమాలి*.
ఎవరయ్యా ఈయన అని సోధిస్తే ఈయన రాసిన ఈ పాట తగిలింది - ఆర్య 2 నుంచి

కరిగేలోగ ఈ క్షణం
గడిపేయాలి జీవితం
శిలగా మిగిలే నా హృదయం సాక్షిగా
కనులై పోయే సాగరం
అలలై పొంగే జ్ఞ్యాపకం
కలలే జారే కన్నీరే చేరగా
గడిచే నిమిషం గాయమై
ప్రతి గాయం ఓ గమ్యమై
ఆ గమ్యం నీ గుర్తు గా నిలిచే నా ప్రేమ


పరుగులు తీస్తూ అలసిన ఓ నది నేను
ఇరు తీరాల్లో దేనికి చేరువ కాను
నిదురను దాటి నడిచిన ఓ కల నేను
ఇరు కన్నుల్లో దేనికి సొంతం కాను
నా ప్రేమే నేస్తం అయిందా
నా సగమే ఓ ప్రశ్న గా మారిందా
నేడీ బంధానికి పేరుందా
ఉంటే విడదీసే వీలుందా

ఈ పాటలో ఈ రచయిత ఆలోచన నాకు బాగా నచ్చింది. గాయం 2 లో పై పాట నాకు బాగా నచ్చింది

సూరిగాడి పుట్టిన్రోజు

నా బ్లాగు టపాలు కొన్నిటికి సూరిగాడే స్పూర్తి. వాడు చేసే అల్లరి పనులు, వాడు పెరగటం, వాడి గోల, వాడి హేల, వాడి బాధ, వాడి ఆనందం, వాడి ఆలోచనలు, వాడి మాటలు, వాడి పాటలు...... ఎన్నో!

అమెరికాలో భారతీయ సంతతి అనే విషయాన్ని ఊహిస్తే - పిల్లల పెంపకం అంత సుళువు కాదు. మనతనం చొప్పించాలి, చప్పించగలగాలి, పిల్లలు ఆ అవకాశాన్ని ఇవ్వాలి. వాళ్ళు దాన్ని తీస్కోగలగాలి

ఏవైనా!

సూరిగాడి పుట్టిన్రోజు ఇవ్వాళ్ళ. వాడికి ఆశీస్సులు

అధికమోతాదులో కార్బన్ మోనాక్సైడ్ పిల్ల్చటం

మొన్నీమధ్య జరిగిన ఒక చిన్న సంఘటన.

నా  మిత్రుడొకతని కమ్యూనీటీలో ఓ దేశీ కుటుంబం. చిన్న కుటుంబం, వాళ్ళిద్దరు, వాళ్ళకిద్దరు. భార్యాభర్తలు ఇద్దరూ ఉద్యోగస్తులు. ఓరోజు మధ్హ్Yఆనం ఆమె నలతఘా ఉంది అని ఇంతికొచ్చిందట. తలుపు తీస్తూ కుప్పకూలి పడి పోయిందట. ఇది మొదట అందిన సమాచారం.

రెండ్రోజుల తర్వాత అటాప్సీ రిపోర్ట్ రిలీజ్ చేసారు పోలీసులూ తదితర సిబ్బంది.

అటాప్సీ రిపోర్ట్ ప్రకారం -
ఆమె నలతగా ఉంది అని ఇంటికొచ్చింది. కారు గరాజులో పార్కు చేసింది. ఇంట్లోకెళ్ళింది. పడుకుంది. రెండు గంటల తర్వాత మెలుకువవచ్చింది. కారు ఆపేయలేదు అని గుర్తుకొచ్చింది. గరాజు తలుపు తీసింది. అక్కడికక్కడే కొలాప్స్ అయ్యింది.

కార్డియాక్ అరెస్ట్ అవటానికికారణం, అధికమోతాదులో కార్బన్ మోనాక్సైడ్ పిల్ల్చటం.

Googled it.

Found this in Quora
https://www.quora.com/If-I-start-my-car-in-a-closed-garage-how-long-before-it-becomes-dangerous

Carbon Monoxide Rate of Emmision for Idling Vehicle Emissions , Light-duty gasoline-fueled vehicles, up to 6000 lb : 6.19 g/min
epa.gov/otaq/consumer/f98014.pdf

CO (ppm: Natural atmosphere level) = 0.1 ppm = 0.1 mg/kg



The acute effects produced by carbon monoxide in relation to ambient concentration in parts per million are listed below

400 ppm (0.04%) Frontal headache within one to two hours

800 ppm (0.08%)Dizziness, nausea, and convulsions within 45 min; insensible within 2 hours
Per wiki
https://en.wikipedia.org/wiki/Carbon_monoxide_poisoning

Effects of carbon monoxide in relation to the concentration in parts per million in the air:^[22][23]

Concentration	Symptoms
35 ppm (0.0035%)	Headache and dizziness within six to eight hours of constant exposure
100 ppm (0.01%)	Slight headache in two to three hours
200 ppm (0.02%)	Slight headache within two to three hours; loss of judgment
400 ppm (0.04%)	Frontal headache within one to two hours
800 ppm (0.08%)	Dizziness, nausea, and convulsions within 45 min; insensible within 2 hours
1,600 ppm (0.16%)	Headache, increased heart rate, dizziness, and nausea within 20 min; death in less than 2 hours
3,200 ppm (0.32%)	Headache, dizziness and nausea in five to ten minutes. Death within 30 minutes.
6,400 ppm (0.64%)	Headache and dizziness in one to two minutes. Convulsions, respiratory arrest, and death in less than 20 minutes.
12,800 ppm (1.28%)	Unconsciousness after 2–3 breaths. Death in less than three minutes.

చిన్న వయసులో స్మోకింగ్ చేయటం

యధాప్రకారం స్కూల్ బస్సు దగ్గరకి వెళ్ళిన సూరిగాడు, అయిదునిమిషాల్లోపే మెసేజ్ పెట్టాడు. వాడికీమధ్య ఫోన్ (ఫోన్ అనటం మోటు ఈరోజున తెలుగు అందునా ఈనాడు ప్రపంచంలో. చరవణి అనాలి ట. ఈనాడు తెలుగు విశ్వవిద్యాలయం వారి ఉవాచ. అదికూడ చఱవాణి కాద ట) కొనిపెట్టాను. అవసరం అనిపించింది. లేట్ ఈవెనింగ్ క్లాసులు గట్రా. ఫోన్ చేతిలో ఉంటం మంచిది అనిపించింది. life360 అని ఒక అప్లికేషన్. అది వేస్తే, ఫోన్ ట్రాక్ చేయొచ్చు. ఏవైనా, వీడు బస్ స్టాండుకి వెళ్ళగానే మెసేజ్. అమ్మా! ఇక్కడ ఒకడు సిగరెట్ తాగుతున్నాడు అని. బడికెళ్ళినాక టీచరుకి చెప్పనా అంటాడు. ఏంచెప్పాలో పాలుపోలేదు.
రకరకాల ఆలోచనలు ముసురుకున్నాయి మనసులో.

వద్దన్న పని చేయటం ఒక ఆనందం ఇవ్వచ్చు. ఆ పిల్లాడి తలితండ్రులు ఆ పిల్లాడు ఈక్వేషన్ అతన్ని ప్రేరేపించి ఉండచ్చు.

సిగరెట్టు తాగటం ఒక హీరోయిజం అని  అతన్ని ఎవరో లేక అతను ఆరాధించే ఓ వ్యక్తి ప్రేరేపించి ఉండచ్చు.

తల్లో తండ్రో అతను తాగేలా ప్రేరేపించి ఉండచ్చు.

సూరిగాడు మెసేజ్ చూసినాక బడికి కాల్ చేసినాను. "మీకు ఇలా కంప్లైంట్ చేయొచ్చో లేదో తెలీదు, మీ దృష్టికి తేవటం నా కర్తవ్యం అని మీకు కాల్ చేస్తున్నాను. మా పిల్లాడు బస్సు ఎక్కే దగ్గర ఎవడో ఇలా స్మోక్  చేస్తున్నడట." అని చేబితే ఆమె ఒక పాయింట్ చెప్పింది "బడిలోగానీ, బడి పరిసరాల్లోగానీ, లేక బస్సులోగానీ స్మోక్ చేస్తే అప్పుడు మేమేమన్నా చేయగలుగుతాం."
కరెక్టే
బడివాళ్ళు చెప్పింది కరెక్టే!
ఒక్కసారి నా యంసియే రోజులు గుర్తుకొచ్చాయి. నిజాయితీగా చెప్తే బస్సులో సిగరెట్ తాగిన సందర్భాలు కోకొల్లలు. అవన్నీ హీరోయిజంకోసం అనుకుందాం. కాని ఇంత చిన్నవయసులో తాగటం - అనారోగ్యం అని నా భావన అలా ఉంచితే మిగతా పిల్లల మీద ఆ ప్రభావం పడుతుందేమో అని ఇంకో భయం.

స్లీపోవర్

పిల్లలీమధ్య  పిల్లలున్న వాళ్ళు ఎవరు ఇంటికొచ్చినా స్లీపోవర్కి ఉంటారా అని అడుగుతున్నారు. ముఖ్యంగా అనఘ. తన మిత్రురాళ్ళ బృందంలో ఎవరొచ్చినా స్లీపోవర్కి ఉండండి, ఉండనివ్వండీ అని వచ్చిన తల్లితండ్రుల్ని, ఉండమని చెప్పండి అని మమ్మల్ని పోరుతున్నారు.

బాగనే ఉన్నా ఇది ఎక్కడన్నా వికటిస్తుందేమో ఎక్కడో ఓ భయం. ఆ భయానికి మూలం ఓ మితృడి ద్వారా విన్న ఒక సంఘటన!

ఒక దేశీ తెలుగు కుటుంబం

ఇద్దరే పిల్లలు

పన్నెండేళ్ళ అమ్మాయి
చిన్న పిల్లాడు

ఒకానొక రోజున అమ్మాయి తన స్నేహితురాలింటికి స్లీపోవర్కి వెళ్ళింది. సదరు స్నేహితురాలు తెల్ల వాళ్ళు.

ఎలా జరిగిందో తెలీదు

ఏమైందో తెలీదు

కొంతకాలానికి స్లీపోవర్కి వెళ్ళిన తెలుగమ్మాయి గర్భవతి అయ్యింది... ఎవరు అని ఆరాతీస్తే తెల్లమ్మాయి తండ్రి అని తెలిసింది

తర్వాత ఏవైంది అనేది అనవసరం....

F*** వర్డ్

మొన్నీమధ్య ఏకస్థలబహుళసముదాయంలో ఓ దేశీ పిల్లాడు, సూరిగాడికన్నా ఓ ఏడాది పెద్దవాడు, పిల్లలతో ఆడుతూ ఓ బూతుకూత అలవోకగా కూసినాడు. వెనువెంటనే కొందరు పిల్లలు ఆ పిల్లాడి తల్లికి ఆ విషయాన్ని మోసుకెళ్ళినారు. సదరు తల్లిగారు ఇలా వాక్రుచ్చినారు"ఓహ్! అవునా! తప్పుకదూ! కానీ, కావలని అన్నాడా లేక ఊతపదంలా అన్నాడా? ఓహ్! ఊతపదంలా అన్నాడా! అయితే తేలిగ్గా తీసుకుని వెళ్ళి ఆడుకోండి పోండి".

అదే పిల్లాడు మరోరోజు ఇంకో పెద్ద కార్యక్రమంలో కలిసినప్పుడు ఇంకాస్త ముదిరిపోయి అబ్బాయిలంతా ఓ గదిలో ఆడుకోవాలన్నట్టుగా అబ్బాయిలందర్నీ ఓ గదిలోచి చేర్చి లోపల గడియబెట్టి ఆట్టం మొదలెట్టినారు. ఆడపిల్లలంతాజేరి ఆగదిలోకి వెళ్ళబోతే తలుపు తీయడు, తీసి నెట్టేస్తూ మళ్ళీ బూతికూత కూయనే కూసినాడు. ఈసారి వాడి సహవాసగాడు కూడా అదే పదం వాడట్టంతో ఆడపిల్లలంతా సదరు సహవాసగాడి తల్లికి చెప్పినారు.
సదరు పిల్లవాడి తల్లిగారు ఉత్తరభారతీయ వనితగారు ఇలా వాక్రుచ్చినారు "వాళ్ళు మగపిల్లలు. ఏవైనా అంటారు. ఆడపిల్లలు ఎందుకు అక్కడికి వెళ్ళినట్టూ?"
ఆశ్చర్యపోయాను. అవాక్కయ్యాను. బూతుపదం ఊతపదంగా మారటాన్ని ఆపని తల్లితండ్రులు కూడా ఉన్నారు. అభివృద్ధి చెందిన దేశంలో ఉంటూ ఆడపిల్ల మగపిల్ల అని తేడా చూపించే తల్లితండ్రులు కూడా ఉన్నారు.
నా పక్కన కూర్చునే ఓ తెల్లవాడితో ఈ విషయం చర్చకుతెస్తే, వాడు వాడి పిల్లలు స్టుపిడ్ అనే పదాన్ని కూడా వాడటానికి వీలులేదంటూ చెప్పుకొచ్చాడు.
బూతుమాటని మాట్టాడకూడదని పిల్లవాణ్ణి సరిచేయాల్సిన అవసరం లేదా?

ఉత్కృష్ట సోమయాగం

జనవరి నెలలో ఉత్కృష్ట సోమయాగం జరుగనున్నది. శ్రౌత సంవర్ధనీ సభ వారి ఆధ్వర్యంలో శ్రీ నరేంద్ర కాప్రే గారి అధ్యక్షతన జ్యోతిరప్తోర్యామం - ఉత్కృష్ట సోమయాగం జనవరి ౧౯ నుండి ౨౪ వరకు,  ధర్మపురి లక్ష్మీ నరసింహ స్వామి వారి క్షేత్రంలో జరుగనున్నది. అవకాశం ఉన్నవాళ్ళు, ఇలాంటి కార్యక్రమాలయందు ఆసక్తి ఉన్నవాళ్ళు తప్పక పాల్గొనవలసిన కార్యక్రమం.

మేధావులు స్పందించాల్సిన సమయం

ఇంటర్నెట్‌డెస్క్‌, హైదరాబాద్‌: దేశరాజధాని నగరం దిల్లీలో సరి-బేసి సంఖ్య వాహన విధానం నేడు అమలు చేసినప్పటికీ కాలుష్య స్థాయి అధికంగానే ఉందని అధికారులు వెల్లడించారు. విపరీతంగా పెరిగిపోతున్న కాలుష్యాన్ని నియంత్రించడానికి ఈరోజు దిల్లీలో సరి-బేసి వాహన రిజిస్ట్రేషన్‌ సంఖ్య వాహనాలు రోజు మార్చి రోజు తిరగాలనే నిబంధన అమలులోకి వచ్చిన సంగతి తెలిసిందే.
అయితే ఈరోజు కూడా నగరంలో గాలి నాణ్యత చాలా ప్రమాదకర స్థాయిలోనే ఉందని సిస్టమ్‌ ఆఫ్‌ ఎయిర్‌ క్వాలిటీ అండ్‌ వెదర్‌ ఫోర్‌కాస్టింగ్‌ అండ్‌ రీసెర్చ్‌(సఫార్‌) వెల్లడించింది. గాలిలో పర్టిక్యులేట్‌ మాటర్‌ స్థాయి ఎక్కువగా ఉండడం కాలుష్యం తగ్గలేదని చెబుతున్నారు.నిన్నటి నుంచి చెప్పుకోదగ్గ మార్పు కనిపించలేదని తెలిపారు.
అయితే సరి-బేసి విధానంతో సంబంధం లేకుండా సఫార్‌ డిసెంబరు 31న దిల్లీ నగరంలో కాలుష్యంగా అధికంగా పెరిగిందని వెల్లడించింది.నూతన సంవత్సర వేడుకల సంబరాలతో పాటు వాతావరణ పరస్థితుల వల్ల కాలుష్యం స్థాయి ఎక్కువగా ఉంది. ఉష్ణోగ్రతలు పడిపోతున్న కారణంగా గాలిలో కదలిక లేకపోవడంతో గాలిలో పర్టిక్యులేట్‌ మాటర్‌ స్థాయి పెరుగుతోందని దీని వల్ల మరికొద్ది రోజులో నగరంలో కాలుష్య స్థాయి పెరుగుతుందని అధికారులు గురువారం తెలిపారు.
కాలుష్యం తగ్గాలంటే వాహనాల సంఖ్య తగ్గడంతో పాటు వాతావరణం కూడా సహకరించాల్సి ఉంటుంది. ఈరోజు దిల్లీలో కేవలం బేసి సంఖ్య కార్లకు అనుమతి ఇస్తూ నిబంధనలు అమలు చేయడం వల్ల కాలుష్యం మాట అటుంచితే నగరంలో ట్రాఫిక్‌ సమస్య కాస్త తగ్గినట్లు తెలుస్తోంది. అధిక సంఖ్యలో ప్రజలు ప్రజారవాణాపై ఆధారపడుతున్నారు. అలాగే కార్‌పూలింగ్‌ (తాము వెళ్లే దారిలో కారులో ఇతరులను ఎక్కించుకోవడం)కు కూడా డిమాండ్‌ పెరిగింది. కార్‌పూలింగ్‌ యాప్స్‌ను అధికంగా ఉపయోగించుకుంటున్నారు. ఈ విధానానికి దిల్లీ మున్సిపల్‌ కార్పొరేషన్‌ కూడా మద్దతు ఇచ్చింది.
>>>>>>>>>>>>><<<<<<<<<<<<<<<<<

మేధావులు స్పందించాల్సిన సమయం. కాలుష్యరహిత నగరాలను చూడాలని నేను అనటంలేదు. కానీ, రాజధాని ప్రజలలో స్పూర్తి నింపాల్సిన బాధ్యత దేశ ప్రజలపై ఉన్నదనటంలో ఏమాత్రమూ సందేహంలేదు. అటు ప్రభుత్వం ఇటు మేధావి వర్గం కలసి పనిచేసి దేశ రాజధానిని రక్షించాలని కోరుకుంటున్నాను

మాహిష్మతీ ముద్రాక్షర శాల, ముక్త్యాల

మాహిష్మతీ ముద్రాక్షర శాల, ముక్త్యాల

ప్రాజెక్ట్ లైబ్రరి

మీ అందరికీ తెలుసు, కేవలం బళ్లో పాఠ్యపుస్తకాల వల్ల విజ్ఞానం పెరగదూ అని. విజ్ఞానం పెంపొందాలంటే కావాల్సింది చదవడం, చిన్నవయసప్పటినుండే పుస్తకాలు, రకరకాల పుస్తకాలు చదవడం ఒక వ్యసనంలా మారాలి.
నేను ఇక్కడకి వచ్చాక, నా చుట్టుపక్కల ఉన్న కొంతమంది మన దేశీ పిల్లల్ని గమనించే అవకాశం లభించింది. అలాంటివారిలో అజిత్ గారి కూతురు, నాలుగో గ్రేడ్ అనుకుంటా, ఎన్ని పుస్తకాలు చదువుతుందో ఆ అమ్మాయి. దేనికంటే, వాళ్లకి ప్రతీవారమో ఎప్పుడో రీడ్ఔట్ ఉంటుందట, అంటే తరగతిలో అందరిముందు చదవటం. కొన్ని కొన్ని మనం చాలా నిర్లక్ష్యం చేస్తామేమో/చేస్తున్నామేమో/చేసామేమో అనిపిస్తుంటుంది. అలాంటి వాటిల్లో "చదవటం" ఒకటి. రకరకాల అంశాలు, తరగతిలో చదవటం ఇలాంటివి. మా దోస్తు టోనీగానితో మాటల సందర్భంలో మాకు బడిలో లైబ్రరి అనేది ఉందదు అని చెప్తే ఆశ్చర్యపొయ్యాడు. చెప్పాను, లిబ్రరీ అనే వసతి బడి కలిపించాలి అంటే, ఆ బడి ఉన్న కమ్యూనిటీ వాళ్లు బడి యాజమాన్యంతో మాట్లాడి వారు ఆ బడికి పిల్లల్ని పంపాలి అంటే ఏమేమి వసతులు కావాలనుకుంటున్నారో చెప్పాలి. కాని, మనకి, ప్రభుత్వపాఠశాలలు కేవలం విమర్శలని అందుకునేందుకే ఉన్నాయి. ప్రైవేటు పాఠశాలలు నువ్వు పంపితే పంపు లేక పోతే నీ ఖర్మ అనే స్థాయికి ఎదిగిపోయ్యాయి. కాబట్టి లైబ్రరీ ఏ కాదు ఏ వసతైనా ఇచ్చింది తీస్కో, ఎక్కువ అడక్కు అనే చందానికి వచ్చింది మన కధ.
ఇక, జిల్లా గ్రంధాలయాల పరీస్థితి చెప్పాల్సిన పని లేదు. నే ఇంతక ముందు చెప్పినట్టు, మా ఊరి శాఖాగ్రంధాలయం వారి ముద్రని సినిమా టికెట్లపై ముద్రలా వాడుకున్నారు. మా ఊరి శఖాగ్రంధాలయం, ఊరి నడిబొడ్డున, ఓ చిన్న గదిలో, బానే ఉండేది. ఓ మాదిరి పుస్తకాలతో ఉండేది. నాకు బాగా గుర్తు మా అన్న ఎండాకాలం శెలవలకి వచ్చినప్పుడు గ్రవంధాలంనుండి "ఏడుతరాలు" అనే పుస్తకం తెచ్చి చదవటం. కొంతకాలాని, ఆ గ్రంధాలయం సగం అయిపోయింది. కారణం, కొందమంది ఔత్సాహికులు, హ్యాప్పీగా ఆ చిన్న గదికి, బ్రంహాండంగా రంధ్రం పెట్టి, మన దొంగోడు టైపులో ప్రతీ రోజు కొన్ని బొక్కులు లేపుకెళ్ళారు.
శాఖా గ్రంధాలయాలల్లో ఒకటి నుండి పది తరగతులవారికి అందించగలిగే రచనలు పెద్ద ఉండేవి కాదేమో, నాకైతే గుర్తులేదు. కానీ యండమూరి నవలలు గట్రా మాత్రం ఉండేవి.
ఏమైనా, గ్రంధాలయాలు మసిబారిపొయ్యాయి. వాటిలోని విజ్ఞానపు వస్తువులు రకరకాల చేతులు మారి ఎటో వెళ్లిపొయ్యాయి. మిగిలింది "గ్రంధాలయ తెల్ల ఏనుగు" మాత్రమే.
సరే, ఇప్పుడు ఈ సోది దేనికంటే - ప్రాజెక్ట్ లైబ్రరీ గురించి.
పిల్లలకి జ్ఞానాన్ని ఇద్దాం ముందుకు రండి. ప్రతీ సంవత్సరం కొన్ని పుస్తకాలని కొనైనా, లేక మీ పిల్లలకోసం మీరు కొని మీకు అవసరం అనిపించినవైనా, మీరు చదువుకున్న పాఠశాలకి పంపండి.

ఈవేళటి యువతకి నే ఇచ్చే అతి చిన్న క్లాస్ ఇదీ -

ఈవేళటి యువతకి నే ఇచ్చే అతి చిన్న క్లాస్ ఇదీ -

౧. వ్యాయామం ముఖ్యం
౨. మానసిక ఒత్తిడిని తగ్గించుకోటం ముఖ్యం
౩. బరువుని అదుపులో పెట్టుకోటం ముఖ్యం
౪. వేళపట్టున భోజనం ముఖ్యం
౫. కంటి నిండా నిద్ర ముఖ్యం
౬. ఇంటికి వెళ్తూ ఆఫీసుని, ఆఫీసుకి వెళ్తూ ఇంటినీ తీసుకువెళ్ళకుండా ఉంటం ముఖ్యం
౬. గీత గీస్కొని, అది దాటకుండా ఉంటం ముఖ్యం. అనగా, ఒక పెగ్, లేక ఒక బీర్.  అంతే! ఒక చుట్ట. మానేయండి అని చెప్పను. అది ఎవరికి వారు తెలుసుకోవాల్సిన విషయం.

పైవాటిల్లో అనేకం (బొంగు, ఉన్న ఐదు పాయింట్లలో అనేకం ఏవిట్టా అంటావా?) నేను చేయలేకపోయా. కనీసం, ఇప్పటకిన్నా కండ్లు తెరిచా. నన్ను ఫాలోకండీ అని చెప్పను. ఏదోకచోట మొదలుపెట్టుకోండీ అని చెప్తా!

ఎవరైనా ఎవరికైనా స్పూర్తిని రగిలించవచ్చు! చూసే దృష్టిలో ఉంటుంది!!

జై భారత్!!

నాన్న జ్ఞాపకాలు - రావిశాస్త్రి - 2

అలా ఆడి సెంపపేల్సినాక యెడ్డు మమ్మలొందర్ని అదరగొట్టి సెప్పేడు; ఉరే యెదవలఁజాకొడకల్లార, సెంట్రల్జెయిల్దప్ప ఇంకో
యెడ్రసే లేని దొంగలంజాకొడకల్లార, బేచీలకింద సెట్టయిపొయ్యి ఊరుని దోసుకునీ దగుల్బాజీ నా కొడకల్లారా! ఊరంట దిరిగీ
ఎర్రిపీరు నా కొడుకుల్ని దోసుకొమ్మని జెప్పి మీకు ఒవడిచ్చేడ్రా అక్కు? ఏడుకొండల ఎంకటేస్సెర సోవి ఇచ్చేడా, లేక, మాల కొండ
మల్లికార్జునస్సోవి ఇచ్చెడా? ఒవుడిచ్చేడ్రా మీకు ఆ అక్కు లంజాకొడకల్లారా? దేవుడివ్వని అక్కు మేం మీకిస్తే దేవుడితొ సకంవోటా
ఏసుకుంటావురా లంజాకొడకా నువ్వు?! నీకు అస్సలు వోటాయే లెద్దు! ఫో పొమ్మంటాను! పొమ్మంటె నువ్వు నా
పిక్కమీది సొట్ట ఎఒంట్రుక తెంపగలవా నువ్వు?! తెంపగలుగుతావురా నువ్వు?, సెప్పర, సత్తరకాయ సొట్టెంట్రుక లఁజాకొడకా!
నీకు బుస్ కోట్లు, టైటు పేంట్లు, రిస్టోసీలు, బాటా బూట్లు, సెంట్లు పౌడర్లు, పాలకంట ముంక్డ్లు అన్ని నీకెలాగొచ్చాయిరా,
లంజాకొడకా! ఇయ్యన్ని నీకు నీ అక్కు మీద దొరికినయ్యా, లెక్కపోత్తె మా పెర్మిసన్ మీద దొరికినయ్యా?! పో, లజికొడకా! పో, నీకు అస్సలు ఓటయే లెద్దు. ఉరే, సిత్తర్లేక్కా ఇదిగొ నీ రొండొందలు, ఉరే బైరాగి బంగారి నా కొడక, ఇదిగొ నీ రెండొందలు!
ఒట్టుకుపొండి!పొండి!పొయ్యి సెంకరమ్మ కొట్టుకాడ సారాయే తాగుతారో, సందలి సత్రఁకాడికెళ్ళి సిలువే పీలుస్తారో, సింతసెట్ల
తోటకాద సిలకమ్మ కంపెనికెళ్ళి సిపిలెస్సే సంపాయిచ్చుకుంటారో, అదంతా మాకు అనువసురం! మీ సేర్లు మీరు తీసుకుపొయ్యి ఎల్లా
సస్తారో సవ్వండి! ఈ సత్తరకాయ సెత్తాకారిలంజాకొదుకు మట్టుకు మాతొ టేసంకొస్తాడు!

**********

సినిమాస్టారు జీవితం చాలా పవిత్రమైనదని తెలిసిన జనమూ తెలియని జనమూ కూడా ఎలాఐతే నమ్మరో అల్లగే రైల్వే ఇంజనీరు లంచాలు కొట్టలేదంటే యెవ్వరూ నమ్మరు

**********

నలుగురి చెల్లెళ్ళ బరువూ తనమీద పడకుండా ఇద్దరన్నలూ తండ్రితో వేరయిపోయి ఎవరిభార్యతో వారు వేరే వూళ్ళలో ఉద్యొగాలు
చేసుకుంటూ వారున్నారు. ఆ అన్నలిద్దరికీ తమ తండ్రి మిగతా ఇంజనీర్లలాగా లంచాలు పుచుకోకుండా మడికట్టు క్కూర్చున్నాడని చలా కోపం ఉంది. వీలూన్నప్పుడు డబ్బు ఎందుకు తీసుకోకపోవాలి? తీసుకోక, మమ్మల్ని ఎంతోకాలం బీదగా ఉంచి ఎందుకు ఇబ్బంది పెట్టాలి? అనేది వారి అప్పటి వాదన, వారి భార్యల ఇప్పటి వాదన కూడాను.
**********

కధల్లో నాయకుల్లాగా సినెమాల్లో హీరోల్లాగ్గ చిలకదాసు తనే కట్నం లేకుండా పెళ్ళి చేసుకోబోతున్నాడు. "సోదర సోదరీమణులారా,
బంధుమిత్రులారా,ఆర్యులారా, నా భార్యలారా, నీను చిలకదాసుని,సూర్యబింబానికి చినబాబు కొడుకుని, చంద్రబింబానికి చిట్టి
మేనల్లుణ్ని! హిందీ హీరోలకి తెలుగు తమ్ముణ్ని! నేను కట్నం పుచ్చుకోకుండా పెళ్ళి చేసుకోబోతున్నాను! పిల్ల ఎలాగ ఉంటుందంటే: గాజు బొమ్మ, గులాబి పువ్వు, గంధంగిన్నే - అదీపిల్ల! దాని అయ్య దాని అక్కలకి కట్నాలు ఇచ్చుకున్నాడు. దాంతో వాడి
ఇల్లు గుల్లయిపోయింది. కట్నాలు పుచ్చుకొని మా అన్నలకి పెళ్ళిళ్ళుచేసి తెగబలిసాడు మా అయ్య! కానీ నేను గాంధీ మహాత్మాగారి
నీతిసూత్రాలకి కట్టూబడి ఓ బతికిచెడ్డ ఆడపిల్లని కాణీ కట్నం లేకుండా నా భార్యగా స్వీకరించి బాగుచేస్తున్నాను. కొట్టండి జెయ్ కొట్టండి చిలకల ఆంజనేయదాసుగారికి ఛ్చీర్స్ చెప్పండి!"

*********

కడసారి కొడుకు కాబట్టి అతనికి తన తండ్రి తాలూకు పేదరికపు తొలిరోజుల సంగతి తెలియదు. తన తండ్రిపడ్డ కష్టాల గురించి కాని వాటి లోంచి బైటపడాలనే తన తండ్రి పట్టుదల గురించి కాని అతని దీక్షా ధైర్యాల గురించి కాని అతనికి తెలియదు. అలాగే
అతనికి తన అన్నల పిత్రుభక్తి గురించి కూడా తెలియదు. అతనికి జీవితం సరిగా తెలియదు; అతను తెలుగు సినిమాల మీద పెరిగేడు

********

కాని త్వరలోనే దాసుకి తెలిసిపోయింది. సరళ యెడల తనకి ఉన్న ప్రేమ కాంక్షలో నూటికి నూరువంతులు సరళ చీర విప్పిచూడాలనే కాంక్షతప్ప మరేదీలేదని దాసుకి తెలిసిపోయింది

********

నాన్న జ్ఞాపకాలు - రావిశాస్త్రి - 3

అటుచూస్తే కొడబండలు,ఇటు చూస్తే రాక్షసి డొంకలు.
కాని ఇది విమల.
అటుచూస్తే పెద్దపులుల కోరలు, ఇటు చూస్తే పడగలెత్తిన పాములు,
కాని ఇది విమల.
అటు చూస్తే సెగలు సెగలు, ఇటు చూస్తే పొగల సుడులు,
కాని ఇది విమల.
అటు చూస్తే దొరికే ఎండలు, ఇటు చూస్తే కొరికే నీడలు,
కాని ఇది విమల.
అవును సరే, కాని ఇది విమల.
అటు చూస్తే ఎత్తుదొరకని మహా పర్వతాలు, ఇటు చూస్తే లోతుచిక్కని చీకటి అగాధాలు లేదా ఒడ్డులేని మహా సముద్రాలు,
అవునవును కాని ఇది విమల.
అటుచూస్తే అన్నలిద్దరూ దూరాలు, ఇటు చూస్తే అక్కలిద్దరికీ యెన్నేన్నో భారాలు.
అటు చూస్తే నాన్న కళ్ళనిండా శూన్యాలు, ఇటు చూస్తే అమ్మ కంటి నిండా శోకాలు.
అటుచూస్తే అద్దెకోసం ఇంటివారి అరుపులు, ఇటు చూస్తే ముద్ద కోసం కడుపంతా పేగుల కేకలు.
కాని ఇది విమల.

కూడలి

కూడలిని మూసివేయటం బాధగా అనిపించింది. ఎందరో తెలుగు బ్లాగులోకపు బావిలో కప్పలకు దొరికిన ఒక పెద్ద తామరాకు కూడలి. నా బ్లాగుగుకి ఇన్ని హిట్స్ తెచ్చిపెట్టిన కూడలిని మూసివేయటం కన్నా ప్రజలకు అంకింతమిచ్చి మీరే మేనేజ్ చేస్కోండర్రా అనుంటే బాగుండేది. నాబోటి కప్పలు కొన్ని కాస్తోకూస్తో విత్తసహాయం కూడా చేసే అవకాశం ఉంది. ఏవైనా - గూగుల్ లాంటి వాళ్ళే ఈరోజు టెక్నాలజీని రేపు మింగేస్తున్న తరుణంలో కూడలి ఎన్ని కష్టాలొచ్చినా కలకాలం బతకాలని కోరుకోవటం సమంజసం కాదని నాకు తెలుసు.
ఏవైనా తెలుగు బ్లాగులోకానికి కూడలి సేవలు శ్లాఘనీయం.

దీప ఆవళి

నీలోని చీకట్లను
జ్ఞానపు దీప ఆవళులతో
పారద్రోలుకో
నిన్ను నమ్ముకున్న వారి మనసున
దీప ఆవళులను వెలుగించు
కుల దీపకుడివై ప్రజ్వరిల్లు
సత్ సమాజ నిర్మాణానికి
దారులు వేస్తూ
ఆ దారుల వెంట
దీప ఆవళులని జ్వలింపజేయు
అదే నేటి సమాజం
రాబోయే తరానికి

నీవందించే
నిజమైన దీపావళి
దీప ఆవళి

జై హింద్

హ్యూస్టన్ డౌన్టౌన్

హ్యూస్టన్ డౌన్ టౌనుకి దగ్గర్లో మిత్రులు ఎవరన్నా ఉంటే admin.websphere@gmail.com కి మెయిల్ ఇవ్వగోరతాను

మీరేవంటారూ?

ప్రవాసభారతీయుల మనసుల్లో  ఎన్ని ప్రశ్నలో. సరిగ్గా సమాధానం దొరక్కా, మింగలేక కక్కలేక లాక్కోలేకా పీక్కోలేక మానసికంగా  ఎన్ని అవస్థలుపడతారో. అసలు అమెరికా  ఎందుకెళ్ళాలటా అంటారు కొందరు, అది వాళ్ళు వెళ్ళనంతవరకే. అదే  అవకాశం వారికొస్తే వెళ్ళటానికి వెనుకాడరు. అదలా ఉంచితే ఒకతని ప్రశ్నలు దానికి మరొకతని సమాధానం ఇక్కడ పెడుతున్నా. మీరేవంటారో చెప్పండి?
Question by someone
Sorry to post this here, but since there are many knowledgeable people here wanted to get some honest feedback. I am planning to move back to india by next year (no hope of GC anytime soon) and with one salary (Wife doesn't work) it is getting pretty tough to get by. I also have one daughter who is 2 yrs old. I have around 30 lakhs in savings which i plan to save in an indian bank and settle down with the interest i receive for monthly expenses. I do not plan to work a 9 - 6 job in india but open up some kind of small business and work part time. The point being to spend more time with my daughter and parents who are getting old.

My questions are

1) Is 30 lakhs savings in a bank enough initially to survive for 6 - 12 months without work. I have my own house in india so rent will not be an issue. What kind of average monthly expenses can i expect including education fees etc.
2) What kind of small business would you recommend opening in india. I am thinking of something like a travel agency or a taxi service. At some point if business does well i can employ some people to run it.
3) In future if i plan to return back to US, and if the dates are beyond my PD would i be able to apply for my GC even though i had left my employer?
4) Will education expenses be a problem for my kid since she is a US citizen?
5) Can i withdraw all the money from my 401k before leaving and should i close all my bank accounts and credit cards before i leave or is it ok if i just leave them as it is after clearing all balances and dues?

This is a big decision for me and i have given myself one year to clear out any issues before leaving for good. Are there any other things i need to do before i leave?

Thanks

ANSWER from someone
I completely agree with other about all the factors of going back to India is practically impossible. I am not saying you can't do it, but Maybe only 1 in 1000 can do that. I also would like to add few things:

1. getting things done like license, bank stuffs etc is so inconvenient, you will start missing US.
2. If you are from bombay, pune, banglore, you will end up spending 3-4 hours in commute only. How will you spend your time with family?
3. Trust me I am not exaggerating but if you have already spend enough years here, you will hate summer in India.

The only key factor for which I will support " the questioner" is his aging parents. There is no better pleasure in life then staying with your aging parents specially when they need you. If this is the case never think twice of going back to India, just go with open mind. If that was not the case, I would have never recommend to go back

Also people always have bad attitude about India (unfortunately includes me also ;)) but I want to point out some good sides also.
1. If you have a big family in India and you are social person, India is the place.
2. Who doesn't miss food of India :)
3. If you work in IT company, you will enjoy the food whole day. I remember one of my friend mentioned, he gets served hot tea and biscuits in the morning, ;) then the lunch and snacks ;) wowww. better than crapy subs and sandwiches here ;)
4. Things are expensive thee days but at the same time you get good pay also. One of my friends has a package of 22 lakhs which be believes is good enough specially he doesn't have any PMI ;)
5. You get maid to do everything ;) Here we fking spend our weekends on grocery, laundry, etc ;)

Bottom-line, if your parents are old and sick and needs you, just go.
If not think twice, thrice before going ;)

వెయ్యిమైళ్ళ నడక

జస్ట్ టు ఇన్స్పైర్!
నేను వెయ్యి మైళ్ళు నడిచినానని గొప్పగా చెప్పటంలేదు కానీ, ఆనందంగా చెప్పుకుంటున్నా. ఈ వెయ్యిమైళ్ళ నడక కేవలం బయట నడుస్తూ రికార్డ్ చేసినవి మాత్రమే. మధ్యలో అనేకం ట్రెడ్ మిల్ మీద నడిచినవి ఉన్నాయి.
ఈ సొద ఎందుకంటే, నడవండి!

నడక మంచిది!!

తల్లీతండ్రీ తర్వాత గురువే అన్న సంస్కృతి మనది

తల్లీతండ్రీ తర్వాత గురువే అన్న సంస్కృతి మనది. తల్లీతండ్రులు దేవుళ్ళు అని అంతటితో ఆగలేదు, గురువుకూడా దేవుడితో సమానం అన్నారు. గురువుకి అంతటి గొప్ప స్థానాన్ని ఇవ్వగలిగిన, ఇచ్చిన సంస్కృతులు ఇతరదేశాలలో ఉన్నాయోలేదో  మరి నాకైతే తెలియదు. గురువుకి శుశ్రూష చేసి గురువు చల్లని చూపులద్వారా  తృప్తిపొందిన రోజులు ఈకాలంలో లేకపోయినా, ఒక మంచి ఉపాధ్యాయుడు బజారులో వస్తుంటే ఊరి అరుగుల మీద కూర్చున్న చిన్నా పెద్దా  అందరూ  లేని నిలబడి గౌరవమివ్వటం నాకింకా గుర్తుంది. అసలు పల్లెల్లో  ఆనాడు చదువుకున్న, జ్ఞానాన్ని మూటగట్టుకుని మోసిన, నలుగురికీ మంచిని పంచిన, విప్లవాత్మక ఆలోచనలను చేసినవారెవరయ్యా అంటే  ఉపాధ్యాయుడే అని చెప్పకతప్పదు.
గురుపూజా  దినోత్సవంసందర్భంగా ఆకాలంలో మా పాఠశాలలో పావలాకి ఒక టికెట్ అమ్మేవారు. దానిమీద డా॥ సర్వేపల్లి గారి బొమ్మ ముద్రించి ఉండేడి. అలా  వచ్చిన డబ్బుని ఏంచేసేవారోమరి నాకైతే  గుర్తులేదు కానీ, మంచిపనికే వాడేవాళ్ళనుకుంటాను. ఎంత బీదరికంలో  ఉండావాళ్ళో  ఉపాధ్యాయులానాడు. తొంభైలదాకా స్కూల్ అసిస్టెంట్ అయినా  స్వర్గీయ మా నాన్నగారికి వెయ్యి వచ్చేదనుకుంటా  జీతం. మారుమూల గ్రామాలకు ట్రాన్సఫర్లు అవి ఇవీ, ఎన్ని కష్టాలో. అన్ని కష్టాల్లోనూ తమ బాధ్యతలను తాము నిర్వర్తించేవాడే  ఉపాధ్యాయుడంటే. కానీ! కాలం మారుతున్నదన్న నెపంతో ప్రైవేటు పాఠశాలలమత్తులో ఉపాధ్యాయవృత్తి కేవలం  ఓ వృత్తిలా మిగిలిపోయింది ఈనాడు. ఉపాధ్యాయులకూ విద్యార్థులకూ  మధ్య ఉండాలసిన బంధం ఏర్పడాల్సిన అనుబంధం బ్రొకెన్ అయ్యింది అని నాకనిపిస్తున్నది.
అటు ఉపాధ్యాయులూ  అంతే  ఉన్నారు ఇటు విద్యార్థులూ  అంతే  తయ్యారౌతున్నారు.
ఏవైనా, ఒక ప్రభుత్వ పాఠశాలలో చదువుకున్నవాడిగా  ఒక ఉపాధ్యాయకుటుంబం నుండి వచ్చినవాడిగా ఉపాధ్యాయులంటే  ఎంతో గౌరవం ఉన్నవాడిగా, ఈవేళ్ళటి పరీస్థితిని చూసి బాధపడకుండా ఉండలేకపోతున్నాను.

యావత్ ఉపాధ్యాయులందరికీ *ఉపాధ్యాయ దినోత్సవ శుభాకాంక్షలు*

భారతీయ ఉత్సవం 2013

మొన్న శనివారం మా ఊళ్ళో భారతీయ ఉత్సవం జరిగింది. ఇది పదొవ వార్షికోత్సవం అన్నమాట.

ప్రతీఏటా భారతీయ ఉత్సవం జరిపి, భారతీయ భోజనం, గోరింటాకు, చీరలు, ఇలాంటి తతంగం నిర్వహించటం జరుగుతూ వస్తున్నది. ఇంతక మునుపు నేను పెద్దగా పాల్గొనకపోయినా ఈఏడు మిత్రుల ఆహ్వానం నెల ముందే అందింది. భాస్కర్/హరిత దోశలు పోసే లిస్టులోకి చేరుకున్నారు దోశాస్టాల్లో. దోశ స్టాల్, స్నాక్ స్టాల్, పూరి స్టాల్, స్వీట్స్ స్టాల్, డిజర్ట్ స్టాల్, మాంసాహర స్టాల్, ఛాట్ స్టాల్, బజ్జీల స్టాల్ ఇలా అనేక స్టాల్స్ పెట్టి కొనుగోలుదారులను ఆకర్షించినారన్న మాట.

నెలముందు దక్షిణభారత ఉత్సవం చేసినప్పుడు మా మేడంగారూ నేనూ వంటగదిలోకి దూరి వీరావేశంతో దోశలు పోస్తుంటే కొందరు పెద్ద తలకాయలు గమనించి ఓహ్! భాస్కర్/హరిత భారతీయ ఉత్సవంలో దోశలు పోయగలరు అనేస్కుని మన నెంబర్లు గట్రా తీస్కున్నారు. ఈ భారతీయ ఉత్సవానికి ఓ వారం ముందు మనకి కాల్. అయ్యా! ఓ నాలుగు యల్.బి ల గాజరగడ్డ హల్వా, ఓ పెద్ద ట్రే నిండా దోశల్లోకి పచ్చడి చేసి ఇవ్వండి, అలానే, ఉత్సవంరోజున పీక్ అవర్లో ఓ గంట శ్రమదానం చేయండి అని. సదరు దోశ స్టాల్ నిర్వాహకురాలు గారికి నా సలహా, అమ్మా! భాస్కర్/హరిత అని ఇద్దర్నీ ఒకే స్లాట్లో వేశారు. భాస్కర్ ఒక్కడే కూడా అట్లు వేయగలడు, దోశలు పోయగలడు అని. వారు ఓహో! అలాగయితే హరిత గారు పీక్ అవర్లో ఓ గంట వేస్తే, మీరు తర్వాత జాయిన్ అవ్వండి అన్నారు.

అదన్నమాట! అలా మొత్తానికి ఓ గంటా గంటన్నర దోశలు పోసి అట్లు వేసి సేవచేసి, అయ్యాక పందిళ్ళన్నీ పీకి సర్ది భారతీయ ఉత్సవాన్ని సుసంపన్నం చేశాం.

ఇలా భోజనాన్ని తదితర సేవలని అమ్మగా వచ్చిన ధనాన్ని ఒక్కోఏడు ఒక్కో చారిటబుల్ ట్రస్ట్ కి అందివ్వటం పరిపాటి. ఈ ఏడు రెండు ఛారిటబుల్ ట్రస్టులకు అందివ్వనున్నారు. మంచి విషయం కదూ?

కొషర్ జిలాటిన్

యొప్లైట్ లాంటి యోగర్ట్ కొనేప్పుడు కంటెంట్స్ చూసి కొనుక్కోటం మంచిది. యోప్లైట్ యోగర్ట్ లో కొషర్ జిలాటిన్ ఉంటుంది. యొప్లైట్ వాడి సైట్లో ఇలా ఉంది -

Why does Yoplait use gelatin?

Gelatin gives consistency and texture to yogurt and Yoplait uses kosher gelatin that's beef-derived. Yoplait yogurt carries KD (Kosher Dairy) Certification, certified by Rabbi Barnett Hasden.

అనగా! సదరు జిలాటిన్ అనేది ఆవు మాంసం నుండి రాబడినది.

యోప్లైట్ వాడిదగ్గరే ఈ కింది సమాచారం కూడా ఉన్నది -

Yoplait Greek 100 is a great option for those looking for a gelatin-free Yoplait option.

శాకాహారులకు ఇది చిన్న హెచ్చరిక! కొనుక్కునేప్పుడు గమనించి కొనుక్కుంటే మంచిది.

జై హింద్

రాహు త్యాగరాజు స్టేట్

_వంశపారంపర్య పాలనకు చెక్ చెప్పేందుకు రాహుల్ పెళ్లి చేసుకోవద్దని నిర్ణయించుకున్నారని ఏఐసిసి కార్యదర్శి జీవన్ వాల్మీకి చెప్పార #ట_

రాహు పేరు త్యాగరాజు అనిపెట్టుంటె ఎంత బాగుండేడ్చేదో
వాళ్ళ అమ్మ సాని'యా త్యాగాలు
వాళ్ళ సిస్టరు త్యాగాలు
వాళ్ళ నాన్న త్యాగాలు
వాళ్ళ బావ త్యాగాలు
బాబోయ్
సివరాకరికి వీడు *స్టేటు త్యాగాలు* లేక *త్యాగం అనే  స్టేట్* లో మునిగిపోయాడు.
వయసు గోలపెడుతున్నా
మనసు ప్రేమకోసం మూలుగుతున్నా
సాయంత్రం ఓద్కా గొంతులోకి గదిగుతూ  కోర్కిలను రేపుతున్నా
పక్కనోళ్ళు పెండ్లిళ్ళు సేస్కుని పిల్లల్ని కంటున్నా
సెదరకుంటా
బెదరకుంటా
ఆ  త్యాగం అనే  ఓ  స్టేట్లోకి ఎల్లిపోయి
దేశంకోసం
తన దేశం అనే స్టేట్ కోసం
తన ఎస్టేట్ కోసం
తన స్టేట్ అనే దేశంకోసం
పెండ్లికూడక చేస్కోకుంటా
జీవితాన్ని ధారపోసినాడంటే
అడ్డెడ్డెడ్డెడ్డే!!!!

మాచర్ల పాలనా రాజధానిగా చేయాలి

మాచర్ల పాలనా రాజధానిగా చేయాలి అని నా ప్రపోజల్.

అన్నిటికీ దూరంగా ఉంటుంది. రైల్ మార్గం ఉంది. దగ్గర్లో నాగార్జున సాగర్ ఉంది. ఐసొలెటెడ్ ప్లేస్. ప్లెంటీ ఆఫ్ అడవి. ఎలాగూ కబ్జాకి గురైయ్యెదే. అదేదో ప్రభుత్వమే కబ్జాచేస్తే బెటర్.

ఓట్లకోసం

ఓట్లకోసం రాజ్యాన్ని చీల్చే

దరిద్రపు రాజకీయ రాబందులు

రేపొద్దున నరుణ్ణి చీల్చరనీ

మాంసాన్ని కొట్టి ఇటలీకో చీనాకో అమ్మరనీ

నమ్మకం ఏంటీ?

జాతి నరాలతో ఇటలీలో వీణలు అమ్ముకునే

బేహారులను తరిమికొట్టకుండా

నెత్తినపెట్టుకు పూజించే మనం!

మరోమారు బలౌదాం

మరోమారు వారినే గెలిపిద్దాం

మనల్ని మనం పాతాళానికి తొక్కుకుందాం