ఉగాదికి స్వాగతం

 లేని వసంతాల వెంట
కానరాని వనాల మధ్య
లేని మామిడి చిగుళ్ళుతినే
వినిపించని కోయిలగొంతు కోసం
ఊహల్లో విహరిస్తూ
లేని కలంలో
కనిపించని సిరా నింపి
ఊహాజనిత కాయితం మీద
రాసే కవిత సాక్షిగా
గతేడాది ఇదేరోజున
పంచాగం వెతికి
రాశీఫలాలు శోధించి
ఛీ ఎప్పట్లానేనా అనుకుని
ఉసూరుమన్న జ్ఞాపకానికి
అప్పుడే ఏడాదయ్యిందనుకుంటూ 
కొత్త ఫలాల కోసం శోధిస్తూ
ఆశతో .... 
ఉగాదిగి స్వాగతం చెప్తూ ...