వెన్నెలకంటి

 రాసలీలవేళ రాయబారమేల
మాటే మౌనమై మాయజేయనేలా
రాసలీలవేళ రాయబారమేల
కౌగిలింత వేడిలో కరిగే వన్నె వెన్నలా
తెల్లబోయి వేసవి చల్లె పగటి వెన్నెల
మోజులన్నీ పాడగా జాజిపూల జావళి
కందెనేమో కౌగిట అందమైన జాబిలి
తేనెవానలోన చిలికే తీయనైన స్నేహము
మేని వీణలోన పలికే సోయగాల రాగము
నిదురరాని కుదురులేని ఎదలలోని సొదలుమాని
రాసలీలవేళ రాయబారమేల
మాటే మౌనమై మాయజేయనేలా
రాసలీలవేళ రాయబారమేల
మాయజేసి దాయకు సోయగాల మల్లెలు
మోయలేని తీయని హాయి పూల జల్లులు
చేరదీసి పెంచకు భారమైన యవ్వనం
దోరసిగ్గు తుంచకు ఊరుకోదు ఈ క్షణం
చేపకళ్ళ సాగరాల అలల ఊయలూగనా
చూపు ముళ్ళు ఓపలేను కలల తలుపు తీయనా
చెలువ సోకు కలువ రేకు చలువ సోకి నిలువ నీదు
రాసలీలవేళ రాయబారమేల
మాటే మౌనమై మాయజేయనేలా
రాసలీలవేళ రాయబారమేల
రాసలీలవేళ రాయబారమేల
-వెన్నెలకంటి

మాటరాని మౌనమిది 

మౌనవీణ గానమిది

మాటరాని మౌనమిది 

మౌనవీణ గానమిది

గానమిది నా ధ్యానమిది 

ధ్యానములొ నా ప్రాణమిది 

ప్రాణమైన మూగగుండె రాగమిది

మాటరాని మౌనమిది 

మౌనవీణ గానమిది

మాటరాని మౌనమిది 

మౌనవీణ గానమిది

ముత్యాలపాటల్లొ కోయిలమ్మా 

ముద్దారపోసేది ఎప్పుడమ్మా

ఆ పాలనవ్వుల్లొ వెన్నెలమ్మా

దీపాలు పెట్టేది ఎన్నడమ్మా

ఈ మౌనరాగాల ప్రేమావేశం 

ఏనాడో ఒకరి సొంతం

ఆకాశదీపాలు జాబిలి కోసం 

నీకేల ఇంత పంతం

నింగి నేల కూడేవేళ 

నీకు నాకు దూరాలేలా 

అందరాని కొమ్మ ఇది 

కొమ్మచాటు అందమిది 

మాటరాని మౌనమిది 

మౌనవీణ గానమిది

చైత్రాన కూసేను కోయిలమ్మా 

గ్రీష్మానికాపాట ఎందుకమ్మా

రేయంత నవ్వేను వెన్నేలమ్మా 

నీరెండకానవ్వు దేనికమ్మా

రాగాల తీగల్లో వీణానాదం 

కోరింది ప్రణయ వేదం

వేశారు గుండెల్లొ రేగే గాయం 

పాడింది మధురగేయం

ఆకాశానా తారాతీరం 

అంతేలేనీ ఎంతో దూరం

మాటరాని మౌనమిది 

మౌనవీణ గానమిది

అందరాని కొమ్మ ఇది 

కొమ్మచాటు అందమిది..

కూడనిదీ జతకూడనిదీ 

చూడనిదీ మదిపాడనిదీ 

చెప్పరాని చిక్కుముడి వీడనిదీ

మాటరాని మౌనమిది 

మౌనవీణ గానమిది

అందరాని కొమ్మ ఇది

కొమ్మచాటు అందమిది

-వెన్నెలకంటి

అందిస్తున్నా వగరే చిరుచిగురే తొడిగే

చిందిస్తున్న సిరులే మగసిరులే అడిగే

రమ్మంటున్నా ఎదలో తుమ్మెదలే పలికే

ఝుమ్మంటున్న కలలో వెన్నెలలే చిలికే

గలగలమని తరగల తరగని కల కదిలిన కథలివిలే

కలకలమని కులుకుల అలసులుగని చిలికిన సుధలివిలే

చెలువనిగని కలువల చెలువులు గని నిలువని మనసిదిలే

అలుపెరుగని అలరుల అలలనుగని

తలపులు తెలిపిన వలపుల గెలుపిదిలే

తలపడకిక తప్పదులే

చలి చంపుతున్న చమక్కులో చెలి చెంతకొచ్చింది

-వెన్నెలకంటి

గొప్ప భావుకత
కవికి మరణం ఉండదు అని నా ప్రగాఢ విశ్వాసం.

శివానంద లహరి

శివానంద లహరి

శివానంద లహరి అంటే శివానంద మహా ప్రవాహం అని.

తన్మయత్వంలో మునిగితేలిన ఆయన అంశ ఆయనతో రమిస్తూ స్రవించిన మహాప్రవాహం శివానంద లహరి. ఆ అంశ శ్రీ ఆదిశంకరాచార్య.

కలాభ్యాం చూడాలంకృత-శశి కలాభ్యాం నిజ తపః-

ఫలాభ్యాం భక్తేశు ప్రకటిత-ఫలాభ్యాం భవతు మే |

శివాభ్యాం-అస్తోక-త్రిభువన శివాభ్యాం హృది పునర్-

భవాభ్యాం ఆనంద స్ఫుర-దనుభవాభ్యాం నతిరియమ్

కలాభ్యాం = (సకల) కళలయొక్క స్వరూపము తామే అయిన వారు (అగు పార్వతీ పరమేశ్వరులు ఇరువురికీ)

చూడాలంకృత శశికలాభ్యాం = శిరస్సుపై చంద్రరేఖను అలంకరించుకున్నవారు

నిజతపః ఫలాభ్యాం = పరస్పరము ఒకరి తపస్సునకు మరియొకరు ఫలముగా లభించినవారు

భక్తేషు ప్రకటిత ఫలాభ్యాం = భక్తులకు విశేషముగా వరములను ప్రసాదించువారు

శివాభ్యాం = పరమ మంగళ స్వరూపులు

అస్తోక త్రిభువన శివాభ్యాం = మూడు భువనములకును విశేషముగా శుభములను కలుగజేయువారు

హృది పునర్భవాభ్యాం = (నా) హృదయమునందు మరలా మరలా దర్శనమిచ్చువారు

ఆనన్ద స్ఫురదనుభవాభ్యాం = ఉప్పొంగుతున్న ఆనంద స్థితిని అనుభవించువారు (అయిన పార్వతీపరమేశ్వరులకు)

మే నతిరియమ్ = ఇవియే నా నమస్కారములు

భవతు = అగుగాక

సకల కళలయొక్క స్వరూపము తామే అయినవారు, శిరస్సున చంద్రరేఖను ధరించినవారు, పరస్పరము ఒకరి తపస్సునకు మరియొకరు ఫలముగా లభించినవారు, భక్తులకు విశేషముగా వరములను ప్రసాదించువారు, పరమ మంగళ స్వరూపులు, త్రిభువనములకును విశేషముగా శుభములను కలుగజేయువారు, నా హృదయమునందు మరలా మరలా దర్శనమిచ్చువారు, నిరంతరమూ ఉప్పొంగుతున్న ఆనంద స్థితిని అనుభవించువారు అయిన పార్వతీ పరమేశ్వరులకు ఇవియే నా నమస్కారములగుగాక.

సినిమా ప్రపంచంలోకి వస్తే -

అతనొక *జగదేకవీరుడు*. అతనికి సవాళ్ళంటే మహా ప్రీతి. అతని జీవిత ప్రవాహంలో ఓ మలుపులో ఒక సవాల్ - 

మహావీరా - అల్లదిగో కనిపించే ఆ జంత్రములను ఏకకాలమున మేళవించి నీ గానామృతముతో ఈ శిలని కరిగించు, నాకు ముక్తిని ప్రసాదించు

సవాల్ స్వీకరిస్తాడు మహావీరుడు. 

  

 -

శివశంకరీ

శివానందలహరి శివశంకరీ

చంద్రకళాధరి ఈశ్వరీ...

కరుణామృతమును కురియుజేయుమా

మనసు కరుగదా మహిమ జూపవా

దీనపాలనము చేయవే

శివశంకరీ

శ్రీ పింగళి నాగేంద్రరావు గారి మహాద్భుత రచన

ఈ రచనకు గాత్రాన్ని ఇచ్చి ప్రాణం పోసింది మాత్రం శ్రీ ఘంటసాల.

ఈ పాటని చూసే జనాలు చూస్తారు, NTR ని జగదేక వీరునిగా ఊహించుకుంటారు. ఆయనకి ఓటేస్తారు గెలిపిస్తారు, ముఖ్యంత్రిగా చేస్తారు. ఆయన కొడుకుని నెత్తిన పెట్టుకుంటారు. ఆ కొడుకు కొడుకుని పెట్టుకుంటారు. రాబోయే తరాల్లో ఆ కొడుకుల కొడుకుల్నీ పెట్టుకుంటారు.

కానీ ఎందరు పింగళిని గుర్తుతెచ్చుకుంటారూ? ఎందరు పాటగాడిని స్మరిస్తారూ?

అది పక్కన పెడితే తెలుగు సినీ సాహిత్యంలో సాంప్రదాయ సంగీత వాసనలతో వచ్చిన పాటలు తక్కువ. అందులో ఎన్నతగ్గ పాట ఇది.

ఇలాంటి పాటని శ్రీ బాలయ్య బాబు గారు ఖూనీ చేయకుండా ఉండాల్సిందని నా అభిప్రాయం.

వాళ్ళ నాయనగారూ స్క్రీన్ మీద అభినయించారేగానీ గాత్రదానం చేయలేదు. అలాంటప్పుడు ఈయన ఈపాటని ఆయనగారి పుట్టినరోజు కానుక అని పాడటం ఏంటో అర్థంకాదు.

ఏ దానవీరసూర కర్ణలోని డైలాగుల్నో బహుమతిగా ఇచ్చుంటే ఇంతగా బాధపడాల్సిన పని లేదు.

పాటని చూస్తే ఒక్క గమకం లేదు. గొంతులో మృదుత్వంలేదు. పాటతో రాళ్ళని కరిగించాలనే ఆర్తి లేదు.

శంకరాభరణం శంకరశాస్త్రి గారి అద్భుతమైన మాటలు ఒక్కసారి స్మరిస్తూ -

"ఆకలేసిన బాబు అమ్మా అని ఒకలా అంటాడు

ఎదురుదెబ్బ తగిలిన బిడ్డ అమ్మా అని మరోలా అంటాడు

నిద్రలో ఉలిక్కిపడి లేచిన పాపడు అమ్మా అని మరొకవిధంగా అంటాడు. 

ఒక్కొక్క అనుభూతికి ఒక్కో నిర్దిష్టమైన నాదం ఉంది, శృతి వుంది, స్వరం ఉంది.

ఆ కీర్తనలోని ప్రతీ అక్షరం వెనక ఆర్ద్రత నిండి ఉంది దాసూ. 

తాదాత్మ్యం చెందిన ఒక మహామనిషి గుండె లోతుల్లోంచి తనకు తానే గంగాజలంలా పెల్లుబికిన గీతమది. రాగమది. మిడిమిడి జ్ఞానంతో ప్రయోగాల పేరిట అమృతతుల్యమైన సంగీతాన్ని అపవిత్రం చేయకయ్యా. మన జాతి గర్వించదగ్గ ఉత్తమోత్తమమైన సంగీతాన్ని అపభ్రంశం చెయ్యకు"

కళ

Artist @ work

కలగనే కన్నుల్లో కరగకే కన్నీరా

ఇళయరాజా స్వరంలో ఓ రకమైన మార్దవం ఉంటుందని నాకనిపిస్తుంది. ఈపాట ఓ ఉదాహరణ. రాంగోపాల్ వర్మ తీసిన గాయం అనే సినిమాని అనేకసార్లు చూసానిదివరలో. గాయం సినిమాకి సీక్వెల్ వచ్చిందని విన్నా కానీ చూట్టం పడలేదు. ఈరోజు యూట్యూబులో దొరికితే చూట్టం మొదలెట్టాను.

1993 గాయంలో జగపతి బాబుకీ గాయం 2 లో జగపతి బాబుకీ తేడా ఉంది. వయసులో!

సినిమా మధ్యలో ఈ పాట.

కలగనే కన్నుల్లో కరగకే కన్నీరా
కలసిన గుండెల్లో కలతలే కన్నారా
నిన్న మొన్న నీడల్లేనీతో ఉన్న సందెల్లే
ఈ వెతలుగ చెలరేగేనా
నాతో సాగే స్నేహం... నాలో రేపే శోకం
శాపంలాంటి దూరం... చూపించేనా తీరం
కలగనే కన్నుల్లో కరగకే కన్నీరా

ఏనాటిదో అనురాగం ఈనాడిలా పెనవేసే
పాదం సాగే ప్రతిచోట పాశం తానే అడుగేసే
మనసే మురిసే మలుపులలోన
వెతలే రగిలే ఎద లయలోన
మదిని వీడని మమతిదియని
మరి మరి ముడిపడగా
కలగనే కన్నుల్లో కరగకే కన్నీరా


గాయం మాన్పే చెలిమేదో కాలం ఇలా కలిపేనా
గమ్యం చేరే తరుణాన గాలి వాన ఉరిమేనా
ఒడిని వెతికే సమయములోన
ధరణి కనని మది కుమిలేనా
వలచిన కథ వరము అవ్వనీ
చెరగని గురుతులుగా
కలగనే కన్నుల్లో కరగకే కన్నీరా
కలసిన గుండెల్లో కలతలే కన్నారా
నిన్న మొన్న నీడల్లే నీతో ఉన్న సందెల్లే
ఈ వెతలుగ చెలరేగేనా
నాతో సాగే స్నేహం... నాలో రేపే శోకం
శాపంలాంటి దూరం... చూపించేనా తీరం
కలగనే కన్నుల్లో కరగకే కన్నీరా

ఈ పాట రచయిత *వనమాలి*.
ఎవరయ్యా ఈయన అని సోధిస్తే ఈయన రాసిన ఈ పాట తగిలింది - ఆర్య 2 నుంచి

కరిగేలోగ ఈ క్షణం
గడిపేయాలి జీవితం
శిలగా మిగిలే నా హృదయం సాక్షిగా
కనులై పోయే సాగరం
అలలై పొంగే జ్ఞ్యాపకం
కలలే జారే కన్నీరే చేరగా
గడిచే నిమిషం గాయమై
ప్రతి గాయం ఓ గమ్యమై
ఆ గమ్యం నీ గుర్తు గా నిలిచే నా ప్రేమ


పరుగులు తీస్తూ అలసిన ఓ నది నేను
ఇరు తీరాల్లో దేనికి చేరువ కాను
నిదురను దాటి నడిచిన ఓ కల నేను
ఇరు కన్నుల్లో దేనికి సొంతం కాను
నా ప్రేమే నేస్తం అయిందా
నా సగమే ఓ ప్రశ్న గా మారిందా
నేడీ బంధానికి పేరుందా
ఉంటే విడదీసే వీలుందా

ఈ పాటలో ఈ రచయిత ఆలోచన నాకు బాగా నచ్చింది. గాయం 2 లో పై పాట నాకు బాగా నచ్చింది

సూరిగాడి పిచ్చి

సూరిగాడికి అనేక పిచ్చులు ఉన్నాయి. వాటిల్లో అత్యంత గొప్ప పిచ్చి పజిల్స్! చిన్నప్పుడు మూడేళ్ళ వయసప్పుడనుకుంటా, మికీ మౌస్ పజిల్ తెచ్చిచ్చాను. ఇరువదినాలుగు పీసులు ఉండే పజిల్ అన్నమాట. మొదలెట్టాడు ఏకాగ్రతతో! మొత్తానికి సాధించినాడు. వాడి ఇంటరెస్ట్ చూసి, వాడి ఇంటరెస్టుని ఉత్సాహపరుద్దాం అనిపించింది. ఓరోజు టాయిస్-స-రస్ కి వెళ్తే మెలీసా అండ్ డగ్ వాళ్ళ పజిల్స్ సేల్లో ఉంటే కొన్నా ఈ బొమ్మలో పజిల్. రెండడుగుల వెడల్పు, మూడడుగుల పొడవు ఉండే అండర్ వాటర్ పజిల్, వంద పీసులు ఉండేది. ఆరు డాలర్లకో ఏమో సేల్లో ఉంటే కొన్నాను.

ఈపజిల్ని ఏ వెయ్యిసార్లు పెట్టుంటాడో! భారత్ వెళ్ళేప్పుడు తీసుకెళ్ళి అక్కడా పెట్టినాడు. ఎంత పిచ్చి అంటే, అదే పని. ఇటు పెట్టను, పీకి మళ్ళీ మరోవైపు పెట్టను.

అప్పుడు పట్టిన పజిల్ పీసెస్ పిచ్చి ఇప్పటికీ వదల్లేదు. మొన్న ఇండియా వెళ్ళేప్పుడు అయిదువందల పీసెస్ ఉన్న పజిల్స్ తీసుకెళ్ళాడు, కాలక్షేపానికి.

అనఘా'స్ ఆర్ట్: స్టెగోసరస్

బుల్లి బుల్లి చేతుల్లో ఎంత పవర్ ఉందో, చిన్న పిల్లల్లో ఎంత ఆలోచన ఉందో అనిపిస్తుంటుంది.
అనఘ గీసిన స్టెగోసరస్

గ్రీటింగ్ కార్డ్స్

ఇషయం ఏటంటే
ఇయ్యాల అనఘ  సూరిగాళ్ళ పాద్రీ పుట్టిన్రోజు
ఇట్టా గీసినారు గ్రీటింగు కార్డు ముక్కలు.
సూరిగాడు బుగాతి వైరన్ గీసిచ్చినాడడు. ఏదోనాడు కొనిస్చాళ్ళే అని కలలు కంటా ఉంటి.

అనఘ ఇలా గీసిచ్చింది.

హార్టు ఓపెన్ సేస్తే

అనఘ పుట్టినరోజు

అనఘ పుట్టినప్పటి టపా. http://ramakantharao.blogspot.com/2008/10/blog-post_10.html
హ్మ్! నాలుగేళ్ళు నిండాయి తారీఖుల ప్రకారం ఈనాటికి. ఎన్ని మాటలు నేర్చిందో.
"ఈ రోజు నా బర్త్‌డె కదా! నాన్నా! నా బర్త్‌డే కదా. అందుకే దోసె మొత్తం, అమ్మ తినూ తినూ అని చెప్పకుండానే తినేశా".
ఇక సూరిగాడు వాళ్ళ చెల్లికి గీసిచ్చిన గ్రీటింగు కార్డు.

అనఘకి పుట్టినరోజు శుభాకాంక్షలు దీవెనలూ అందించగోరతాను

కిస్నుడు

అనఘ గీసిన *కిస్నుడు*

అనఘ ఆర్ట్ - గణేశ

అయ్యా
అదన్నమాట
తన ఊహల్లోని గణేశుడిలా ఉన్నాడన్న మాట



పింక్ గణేశ్ అన్నమాట
చెల్లిని చూసి అన్న స్పూర్తిపొంది ఇప్పటికిప్పుడు ఇలా వేసినాడు

 
ఓం ఏకదంష్ట్రాయ విద్మహే వక్రతుండాయ ధీమహి, తన్నోదంతిః ప్రచోదయాత్.

డిజిటల్ యస్.యల్.ఆర్ లెన్స్

ఈమధ్య మిత్రులు చాలా మంది డిజిటల్ యస్.యల్.ఆర్ కెమెరాలు కొంటున్నారు లేక కొందామనుకుంటున్నారు.
ఐతే, కెమెరా కొనంగనే సంబడం కాదు, దానికి తగ్గ లెన్స్ కూడా ఉండాలోయ్ అని కామేశ్వర్రావ్ అన్నట్లు, ఔను! నిజమే. దానికి తగ్గ లెన్స్ కూడా ఉండాలి. ఉండి తీరాలి. బాడీ ఓన్లీ కొన్నవారికి ఇంతక ముందరివి కొన్ని లెన్స్ ఉండే అవకాశం ఉన్నది. బండిల్ కొన్నవారికి కొన్ని లెన్స్ వచ్చి కలెక్షనులో చేరే అవకాశం ఉన్నది.
పెద్ద కెమెరాలు కొంటే వాటితో బండిల్ అయి వచ్చే లెన్స్ ఒక కేటగిరీ ఐతే, చిన్న కెమెరాలతో వచ్చే బండిల్ లెన్స్ వేరే.
Canon EF-S 18-55mm f/3.5-5.6 IS SLR Lens చిన్న కెమేరాలతో ఇది బండిల్ లెన్స్గా వస్తుంది.
కొంచెం పెద్ద కెమేరాతో ఐతే 18-135mm f/3.5-5.6 IS UD వస్తుంది బండిల్ లెన్సుగా

ఐతే, సధారణంగా ఒక కెమెరాకి ఏఏ లెన్స్ అవసరం అనేది ఒక ముఖ్యమైన ప్రశ్నే! దీన్ని ఇలా వర్గీకరించవచ్చు
రోజువారి అవసరానికి
ల్యాండ్‌స్కేపింగుకి
పొట్రైట్స్ తీయటనికి
స్పోర్ట్స్ అవసరాలకి

రోజువారీ అవసరాలకీ అంటే? కెమెరా చంకనేస్కుని బయటకి వెళ్ళామనుకుంటే, కసక్కున రోడ్డుమీద ఏదో తీయాలనిపించింది, లేక పార్కుకి వెళ్ళాం, ఓ పూ పొదని తీయలనిపించింది....ఇత్యాదివి రోజువారీ అనుకోచ్చు.
ల్యాండ్స్కేపింగ్ అనేది మనం పనిగట్టుకుని ఏ దుర్గం చెరువు దగ్గరకో వెళ్ళి కొండనెక్కి సూర్యాస్తమయాన్ని తీద్దామనుకున్నపుడు ఇది అవసరం.
పోట్రైట్స్ అంటే ఇంట్లో, పిల్లల్ని లేక టైమర్ పెట్టి కుటుంబాన్ని తీస్కోవాలనుకోటానికి
స్పోర్ట్స్ అవసరాలు అంటే మూవింగ్ ఆబ్జెక్ట్స్ ని కసక్కున లాగాలంటే.


1. Everyday lens - Canon EF-S 17-55 f2.8 IS - Costs $1099

2. Landscape lens - Canon EF-S 10-22mm f/3.5-4.5 USM SLR Lens for EOS Digital SLRs - Costs Price:     $799.00

3. Portrait lens/Prime lens - Canon 85 f1.8; Canon 50mm and so on

4. Sports lens - Canon EF 70-200mm f/2.8L USM Telephoto Zoom Lens costs Price:     $1,329.40

Canon 35mm f/1.4 L USM Lens పిల్లల్ని తీయటానికి పుట్టిన్రోజు పార్టీలకీ బాగుంటుందని చెపుతుంటారు. దీని ధర $1,379.00.

చూడాల్సింది యఫ్-నెంబర్
పైవాటిల్లో కొన్ని f2.8, కొన్ని  f/3.5-4.5  కొన్ని f1.8.
f/number పెరుగుతున్న కొద్ది ధర తగ్గుతుంటుంది.

http://upload.wikimedia.org/wikipedia/commons/8/87/Aperture_diagram.svg

[గమనిక :- ఇవన్నీ నేను అక్కడా ఇక్కడా సంపాదించిన విషయాలు. నాకన్నా బాగా తెలిసిన వారు పైన నే చెప్పిన విషయాలపై అవగాహన ఉన్నవారు సలహాలు ఇవ్వ ప్రార్థన. ఇది కేవలం సమాచారం కొరకే అని గమనించ గలరు.]
లెన్సుల రివ్యూ కొరకు http://www.the-digital-picture.com/Reviews మంచి సైటు

అవర్ ఫ్యామిలీ & ఫ్రెండ్స్ - ఆర్ట్ బై అనఘ

ఇందులో అందరూ ఉన్నారట!!
అనఘ అండ్ ఫ్యామిలీ అనగా, నేనూ, వాళ్ళ అమ్మ, తనూ, అన్న...ఆమ్మ పెదనాన్న అన్న, మిగతా అంతా ఫ్రెండ్స్ ట.

నువ్వు ఉన్యావా ఇందులో?
వెతుక్కో!!

డా॥ రమణ గారి *కోటయ్య కొడుకు*

నిన్నటి మా డాట్రుబాబు రమణ గారి టపా, నాన్న పొదుపు - నా చిన్ని కష్టాలు! సదివినాంక, ఈ కింది పేరా
కోటయ్య కొడుకు వైపు దృష్టి సారించాను. అడుగు బద్దలా బక్కగా, పొట్టిగా ఉన్నాడు. డిప్ప కటింగ్. చీమిడి ముక్కు. మిడి గుడ్లు. తన లూజు నిక్కర్ జారిపోకుండా ఒక చేత్తో పట్టుకుని.. ఇంకో చేత్తో తండ్రి చెయ్యిని గట్టిగా పట్టుకుని బిడియంగా నాకేసి చూస్తున్నాడు. మాసిన తెల్ల చొక్కా మోకాళ్ళ దాకా లూజుగా వేళ్ళాడుతుంది. చొక్కా గుండీలకి బదులు రెండు సేఫ్టీ పిన్నులు. ఇంజెక్షనేమన్నా పొడిచేస్తానేమోనన్న బెదురు చూపులు. ఈ ఆకారాన్ని ఎక్కడో చూశాను. ఎక్కడ? ఎక్కడ? ఎక్కడబ్బా? ఎక్కడో ఏమిటీ! అది నేనే!!

బాగా నచ్చి......శ్రీ అన్వర్ గారికి ఓ మెయిల్ పెట్టాని.
పై డిస్క్రిప్తన్తో అన్వర్ గారు ఓ బొమ్మగీయాలని ప్రార్థన అని. వారు వెంటనే స్పందించి ఇలా గీసి పంపించారు.

అన్వర్ గారికి కృతజ్ఞతలతో
డా॥ రమణగారికి అభినందనలతో

పా౨స్టల్ ఆర్ట్ బై అనఘ

నిన్న మధ్యాహ్నం ఓ అరగంట ఎక్కువ నిద్రపోయినందుకు రాత్రి పదిన్నరదాకా ఆడింది అనఘ. పదింటప్పుడు కార్పెట్ మీద కూర్చుని, ఏదో పాడుకుంటూ సూరిగాడి ఆయిల్ పా౨స్టెల్ తీస్కుని ఇలా గీసింది.
వాటి డిస్క్రిప్షన్స్ గట్రా పక్కనపెడితే, పిల్లల బుల్లి బుల్లిచేతుల్లో ఇంత సృజనాత్మకత ఉంటుందా అనిపిస్తుంది, అలానే ఆ సృజనత్మకతకి మూలమైన వారి చిన్న బుల్లి మైండు. అబ్బురపరుస్తాయ్ ఒక్కోమారు.

అనఘ ఆర్ట్

ఇది అనఘ గీసిన బొమ్మ
ఏం అర్థమైందీ?
సరే సెప్తా ఇనుకో!!
౧. వాడబ్బా!! అర్థం అవ్వలేదా? మబ్బులు
౨. ఇల్లు
౩. గాలి. ఏటి? గాలిని గీసిందా అనుకోమాక. మా ఇష్టం. దేన్నైనా గీస్తాం.
౪. చెట్లు
౫. గడ్డి

ఫాల్ పండగ

సూరిగాడి బళ్ళో ఆకురాలు కాలం సందర్భంగా *రాలే పండగ* అనగా ఫాల్ ఫెస్టివల్ జరిగింది.
హూలా హూప్, గోతాల్లో నడుముదాకా మునుగి గెంతటం అనగా సాక్ రేస్, బక్కెట్లో బంతులు వేయటం, గురిచూసి కొట్టటం, కాలి బంతి, వాలీబాలు ఇత్యాదివి ఎన్నో ఆటలపోటీలు పెట్టారు.
ముఖంపై బొమ్మలు వేయించుకునే వారికి ఒక షామియానా పెట్టారు.
గుమ్మడికాయలకు రంగులద్దే బల్ల ఒకటి వేసారు.
అనఘ సూర్యా తమ తమ గుమ్మళ్ళకు రంగులు పులిమారు

From 2011-10-15

పైది సూరిగాడు రంగు పులిమిన గుమ్మడి
ఈ కిందది అనఘ రంగులద్దిన గుమ్మడి

From 2011-10-15

అలా రంగులద్దినాక గోడామీద పెట్టారు.
కొన్ని ఫోటోలు -

From 2011-10-15

From 2011-10-15

From 2011-10-15

From 2011-10-15

సూరిగాడి చెల్లి

అయ్యా
వాడిగోల అయ్యింది. బొమ్మలు గీసీ గీసీ రీములకు రీములు అయ్యాఇ కాయితాలు [వాడింకా గీస్తూనే ఉన్నాడానుకోండి; ఈరోజు రేపట్లో డైనోసార్లు గీసి అవతలేస్తున్నాడు].ఇహ ఇప్పుడు మేడం గారి వంతు.
ఇది లయన్ అట
మీరే చూడండి, అన్నగారికి చెల్లెలు అనిపించుకుంటుందా లేదా?

peter lik photography

పై నిశ్చలన చిత్రాన్ని సంగ్రహించిన వ్యక్తి పేరు పీటర్ లిక్.
అతని నిశ్చలనచిత్రాస్రవంతిని  అతని అంతర్జాల నిలయం http://www.peterlik.com నందు చూడవచ్చును.
ఈమధ్య వెదర్ ఛానల్‌లో మీట్ పీటర్ లిక్ అని ఓ ప్రోగ్రాం వేస్తున్నాడు. బాగుంది. ఆ కార్యక్రమం పేరు from the edge with peter lik. ఇక్కడ చూడచ్చు ఈ కార్యక్రమ వీడియోలు కొన్ని
http://www.weather.com/tv/tvshows/peter-lik/
ఇతను తీసిన కాన్యన్ ఫోటోలు అత్భుతం. మహాత్భుతం.
ఇది చూడండి మచ్చుకి



ఇక నా మిత్రుడు టోనీ కి చిన్ననాటి స్నేహితుడు స్కాట్ షెర్మన్. ఇతని ఔట్ డోర్ ఫోటోగ్రఫీ నన్ను బాగా ఆకట్టుకుంటుంది. ఇంతక ముందు కూడా ఇతని అంతర్జాల నిలయ సమాచారాన్ని అందించాను. మరోమారు ఇదిగో - http://www.rscottsherman.com

ఇక కొన్ని ఫోటో సైట్లు ఇక్కడ ఇస్తున్నా. ఫోటొగ్రఫీ అంటె ఇంటరెస్టు ఉన్నవాళ్ళకు, నేర్చుకుందాం అనుకునేవాళ్ళకు ఈ సైట్లు తరగని స్పూర్తిని ఇవ్వగలవని నా నమ్మకం.
http://www.1x.com
ఇలాంటివి కోకొల్లలు. కొన్ని గుర్తుకి కూడా రావట్లేదు. ప్రస్థుతానికి ఇదొక్కటే
ఆనందించండి

రాకాసి బల్లులు

మా సూరిగాడిచేత ఇదిగో రాకాసి బల్లులు వేయించాను. ఆటిని అట్టే కాయితకం మీద కట్టేసి ఉంచాను. ఎవరైన నాతో పెట్టుకుంటే, ఆటిని వదుల్తా, వచ్చి తినేస్తాయ్.




జాగ్రత్త.

మా నాయన జిమ్ముకెళ్ళినాడహో

సూరిగాడి బళ్ళో ఓ కాయితకం ఇచ్చి ఓ బొమ్మేసి, దాన్ని గూర్చి ఓ రెండు మాటలు సొంతగా ఊహంచి రాయమంటారట.
ఆశ్చర్యంగా అనిపిస్తుంటుంది నాకు. అలా ఎలా చేయగలరూ అని. స్పెల్లింగులు ఏవీ చెప్పరట. పిల్లకాయలే ఊహించుకుని రాయాలట.
నిన్న సూరిగాడు ఇలా తెచ్చాడు.
My dad went to the jim. My dad ran and punched the bean bag.