మొదటి రెండు ఖాళీలు ఒకే అక్షరంతో పూరించండి

 వాట్సప్ లో వచ్చిన ఈ పజిల్ కూడా ఆసక్తికరంగా ఉంది 👇.

————————————-
WhatsApp msg :-👇
————————————-
Forwarded
“మొదటి రెండు ఖాళీలు ఒకే అక్షరంతో పూరించండి
> ఉదాహరణకు: - - లీ, సిసిలీ

> 1. ➖➖యి
> 2. ➖➖లు
> 3. ➖➖న
> 4. ➖➖త
> 5. ➖➖జు
> 6.➖➖ రం
> 7. ➖➖న
> 8. ➖➖ధ
> 9. ➖➖గం
> 10. ➖➖యి
> 11. ➖➖లు
> 12.➖➖ కారం
> 13. ➖➖త్సుడు
> 14. ➖➖ఆట
> 15. ➖➖ని
> 16. ➖➖ద్రి
> 17. ➖➖ట
> 18.➖➖పు
> 19. ➖➖లు
> 20. ➖➖మంత్రం
> 21. ➖➖బసవన్న
> 22. ➖➖పట్టు
> 23.➖➖త
> 24.➖➖నం
> 25. ➖➖లు. “
————————————

అందించిన విన్నకోట వారికి కృతజ్ఞతలు

*కుడి-యెడమల ఏకపద సంగమం*

నేను సామాజిక మాధ్యమాల నుంచి నెమ్మదిగా వైతొలుగుతున్నాను. ఫేసుబుక్కు క్లోజు అయ్యింది. ట్విటర్ క్లోజ్ అయ్యింది. వాట్స్‌యాప్ కేవలం మా అమ్మకి కాల్ చేయటం కోసమే ఉంచుకున్నా.

ఇలా సామాజిక మాధ్యమాలను వదలటానికి ఒక ముఖ్యకారణం విరక్తి కలిగింది. చిరాకేసింది.

ఈ చిరాకులో అప్పుడప్పుడు కొన్ని మంచి విస్ధయాలు కొన్ని *పంచుకోబడుతున్నాయి* (forward)

అలాంటి కోవకు చెందింది ఈ #పంచబడ్డటపా

 

*కుడి-యెడమల ఏకపద సంగమం*

క్రింద ఇచ్చిన ప్రతి కుడియెడమ పదాలకు తగినైన రెండక్షరాల పదాన్ని, మొదటి పదానికి చివర, దాన్నే రెండవ పదానికి మొదట జోడించి రెండు క్రొత్త పదాలు పొందగలరు.

*ఉదాహరణ: కంద......పార* 

*జవాబు: కందగడ్డ, గడ్డపార* 

01. వెండి......చాప

02. చేతి........సాము

03. మందు....మల్లె

04. ఉక్క.......పాలు

05. మణి.......కథ

06. పూల......యాత్ర

07. ఇంటి.......గడ

08. బొట్టు.......గోచి

09. సిగ..........చీర

10. అల.........వాన

11. మేక.........రాజు

12. మట్టి........ధారి

13. పాల........గోడ

14. సుడి........పటం

15. పులి........వంక

16. చుర.........పీట

17. చెవి..........గాడు

18. నిండు.......పోత

19. కను..........జాజి

20. నర...........పీఠం

21. ఎగ...........బొట్టు

22. బోడి..........సూది

23. పాము.......వాడు

24. చింత.........బలం

25. నిప్పు.........నిద్ర

26. కుక్క..........చుక్క

27. లెక్క...........బడి

28. గద్ద............చెంబు

29. జన్మ...........దారు

30. నిద్ర............మందు

31. అర............మీను

32. వెన్న...........బంతి

ఎల్లువొచ్చి గోదారమ్మా ఎల్లా కిల్లా పడ్డాదమ్మో

వేటూరి వారి శృంగారం భలే ఉంటుంది. వేటూరి శృంగారాత్మక అలంకారాలుకు శృంగారలంకారం అని పేరు పెట్టొచ్చేమో. ఉదాహరణకు ఈ పాట. రాఘవేంద్ర రావు మార్కు ఫక్తు కమర్షియల్ పాట. ఇందులో ఏమిరాసినా, ప్రేక్షకుడు తెరమీద శ్రీదేవి ఒలికించే శృంగారంలో మునుగిపోతాడేకాని పాటని పట్టించుకోడు. నెగ్లిజిబుల్ అటెన్షన్. శ్రీదేవి వక్షం మీదనే లేక బొడ్డు మీదనే దృష్టి, దర్శకుడి సాక్షిగా.  ప్రేక్షకుడిని అలా కట్టేయగలగడం దర్శకుడి గెలుపు. 

కానీ పాట కట్టినవాడికో? శృంగారకావ్యాన్ని వండి వడ్డించటానికి ఓ వేదిక.

చేయ్యేస్తే చేమంతి బుగ్గా

చెంగావి గన్నేరు మొగ్గ

ఈడొచ్చి "నీ చోటు ఈడుంది" రమ్మంటే 

ఏడేసుకుంటావు గూడు

కౌగిళ్ళలో నన్ను కూడు

ఆకళ్ళకుంటాది కూడు

గుండెల్లో చోటుంది చూడు

బుగ్గ మీద చేయివేస్తే పచ్చని బుగ్గ చెంగావి రంగులోకి మారి గన్నేరు మొగ్గలా అయ్యిందట. (చెంగావి = చెన్ను కావి - లేత ఎరుపు లేక కెంపు/ కాషాయం)

ఈడు వచ్చి "నీ చోటు ఇక్కడ ఉంది" అని రమ్మంది సరే, వస్తే ఎక్కడ వేసుకుంటావు గూడు?

కౌగిళ్ళలో నన్ను కూడు అంటే చేరుకో

(కూడు - భోజనం కాదు)

అలా చేరితే అది కళ్ళకు మాంచి భోజనం సుమా! 

(ఇక్కడ కూడు - విందు)

నిన్ను నేను నన్నువు నువ్వు జీవితాంతం చూస్కోవచ్చు కళ్ళనిండా

చిత్రం : దేవత (1982)

సంగీతం : చక్రవర్తి 

సాహిత్యం : వేటూరి

గానం : ఎస్.పి.బాలు, పి.సుశీల

ఎల్లువొచ్చి గోదారమ్మా 

ఎల్లా కిల్లా పడ్డాదమ్మో

ఎన్నెలొచ్చి రెల్లూపూలే 

ఎండీ గిన్నేలయ్యేనమ్మో

కొంగుదాటి అందాలన్నీ 

కోలాటాలే వేస్తుంటే

ఓరయ్యో రావయ్యో ఆగడాల  పిల్లోడా నా సోగ్గాడా

మీగడంతా నీదేలేరా బుల్లోడా

 

ఎల్లువొచ్చి గోదారమ్మా 

ఎల్లా కిల్లా పడ్డాదమ్మో

ఎన్నెలొచ్చి రెల్లూపూలే 

ఎండీ గిన్నేలయ్యేనమ్మో

కొంగుచాటు అందాలన్నీ 

పేరంటాలే చేస్తుంటే

ఓలమ్మో..రావమ్మో

ఆగమంటే రేగేనమ్మా  సోగ్గాడు

ఆగడాల పిల్లోడైనా నీవోడు

ఆగమంటే రేగేనమ్మా  సోగ్గాడు

ఆగడాల పిల్లోడైనా నీవోడు

ఈ కళ్ళకున్న ఆకళ్ళలోనా 

అందాల విందమ్మ నువ్వు

వాటేసుకుంటే వందేళ్ళ పంట 

వద్దంటే విందమ్మ నవ్వు

చేయ్యేస్తే చేమంతి బుగ్గా

చెంగావి గన్నేరు మొగ్గ

చేయ్యేస్తే చేమంతి బుగ్గా

చెంగావి గన్నేరు మొగ్గ

ఈడొచ్చి నీ చోటు ఈడుంది 

రమ్మంటే ఏడేసుకుంటావు గూడు

కౌగిళ్ళలో నన్ను కూడు

ఆకళ్ళకుంటాది కూడు

గుండెల్లో చోటుంది చూడు

 

ఎల్లువొచ్చి గోదారమ్మా 

ఎల్లా కిల్లా పడ్డాదమ్మో

ఎన్నెలొచ్చి రెల్లూపూలే 

ఎండీ గిన్నేలయ్యేనమ్మో 

కొంగుచాటు అందాలన్నీ 

పేరంటాలే చేస్తుంటే

ఓరయ్యఓరయ్యో..రావయ్యో

పిల్లోడా నా సోగ్గాడా

మీగడంతా నీదేలేరా బుల్లోడా

ఆగమంటే రేగేనమ్మా సోగ్గాడు

ఆగడాల పిల్లోడైనా నీవోడు

నీ కళ్ళు సోక నా తెల్ల కోక 

అయ్యిందిలే గళ్ళ కోక 

నీ మాట విన్న నా జారు 

పైట పాడిందిలే గాలిపాట 

కళ్ళల్లో ఉన్నాయి ముళ్ళు 

నే కోరిన మూడూ ముళ్ళు 

కళ్ళల్లో ఉన్నాయి ముళ్ళూ

నే కోరిన మూడూ ముళ్ళు

పొద్దుల్లో కుంకాలు బొట్టెట్టి 

పోతుంటే కట్టెయ్యనా తాళిబొట్టు

నా మాటకీ యేరు తోడూ.. 

ఏరెండినా ఊరు తోడు..

నీ తోడులో ఊపిరాడు..

ఎన్నెలొచ్చి రెల్లూపూలే ఎండీ గిన్నేలయ్యేనమ్మో

కొంగుదాటి అందాలన్నీ కోలాటాలే వేస్తుంటే

ఓలమ్మో..రావమ్మో..

ఆగమంటే రేగేనమ్మా సోగ్గాడు..

ఆగడాల పిల్లోడైనా నీవోడు

నాన్న జ్ఞాపకాలు - రావిశాస్త్రి - 3

అటుచూస్తే కొడబండలు,ఇటు చూస్తే రాక్షసి డొంకలు.
కాని ఇది విమల.
అటుచూస్తే పెద్దపులుల కోరలు, ఇటు చూస్తే పడగలెత్తిన పాములు,
కాని ఇది విమల.
అటు చూస్తే సెగలు సెగలు, ఇటు చూస్తే పొగల సుడులు,
కాని ఇది విమల.
అటు చూస్తే దొరికే ఎండలు, ఇటు చూస్తే కొరికే నీడలు,
కాని ఇది విమల.
అవును సరే, కాని ఇది విమల.
అటు చూస్తే ఎత్తుదొరకని మహా పర్వతాలు, ఇటు చూస్తే లోతుచిక్కని చీకటి అగాధాలు లేదా ఒడ్డులేని మహా సముద్రాలు,
అవునవును కాని ఇది విమల.
అటుచూస్తే అన్నలిద్దరూ దూరాలు, ఇటు చూస్తే అక్కలిద్దరికీ యెన్నేన్నో భారాలు.
అటు చూస్తే నాన్న కళ్ళనిండా శూన్యాలు, ఇటు చూస్తే అమ్మ కంటి నిండా శోకాలు.
అటుచూస్తే అద్దెకోసం ఇంటివారి అరుపులు, ఇటు చూస్తే ముద్ద కోసం కడుపంతా పేగుల కేకలు.
కాని ఇది విమల.

సెవ్వాకు లెట్టుకుంది సిరి సిరి మువ్వా

కోక కట్టుకుంది - సె
వ్వాకు లెట్టుకుంది - కొత్త
దాకలంబ లెట్టుకోని
తాళ్ళరేవు వోడమీదా
సిరి సిరి మువ్వా - బల్
తళుకు సీరలంపినానే
సిరి సిరి మువ్వా
అందినట్టు తెలపవేమే
సిరి సిరి మువ్వా - నా
అందగత్తెవీవు గావ
సిరి సిరి మువ్వా
అద్దాల మేడలోన
సిరి సిరి మువ్వా - నీతొ
సద్దులాడ నోచనైతి
సిరి సిరి మువ్వా
కాని కాల మౌటచేత
సిరి సిరి మువ్వా
కడకు నీకు దూరమైతి
సిరి సిరి మువ్వా॥
చల్లని వెన్నెలనాడు
సిరి సిరి మువ్వా - వేయి
కళ్ళా నిన్ను చూడాల
సిరి సిరి మువ్వా
తెల్లని దేహమువాడు
సిరి సిరి మువ్వా
ఎల్ల సిరుల నివ్వాలి
సిరి సిరి మువ్వా॥
జోడు కొయ్యల వోడా మీదా
సిరి సిరి మువ్వా - జోడి
పావురా లంపినానే
సిరి సిరి మువ్వా
అందిందో అందలేదో
సిరి సిరి మువ్వా నాకు
తిరుగు టపా రానేదే
సిరి సిరి మువ్వా

- కళా ప్రపూర్ణ డా॥ అనసూయా దేవి గారి "జానపద గేయాలు" నుండి
http://archive.org/details/janapadagayyaalu020440mbp

మాతృభాషా దినోత్సవం(ట)

మాతృభాషా దినోత్సవమ్
భలే ఉంది కదూ
మాత, భాష, దిన, ఉత్సవం
అంతా సంస్కృతమే.
సరే!! మాతృభాషాదినోత్సవ సందర్భంగా ఏంచేసావ్? అని ఓ ప్రశ్న.
నా ముచ్చట చెబుతా విను.
ఇయ్యాల్నే మొట్టమొదటిసారి ఇంటా ఉన్నా ఈ దినోత్సవాన్ని. ఇంక ఏంజేసినా ఈయ్యాల?
మామూలుగానే లేచినా,
పండ్లు తోమినా
బువ్వ తిన్నా
పిల్కాయల్తో మాట్లాడినా
ఆడినా
పాడినా
పనికొచ్చినా
పనిజేసినా
....
....
.....

ఇంకేంజేయాలే?
మాతృభాషాభివృద్ధికి ఏం జేసినా అనా నీ ప్రశ్న. మరట్టాజెప్పు.
కిం.ప.దొ.న.
భాషాభివృద్ధికి మనం ఏంజేయాలా? ఏం జేసేపనిల్యా. తెలుగులో మాట్టాడు, అదే నిల్చిద్ది.
భాషని రక్షించాలంటే
నెట్లో తెలుగులో టైపించినంతమాత్రాన భాష బతకదు. భాష అనేటిది ఓలటైల్. మాట్లాడాల. మాట్లాడకపోతే భాష పోయిద్ది. భాషని నిల్చుకోబెట్టాల్నంటే, ఆ భాషలో మాట్లాడాల. ఆంగ్ల మాధ్యమాన్ని పక్కనపెట్టాల. టింగ్లిష్ బందుజేయాల. టీవీలల్లో తింగరి తెలుగు ఆపేయాల. సినిమల్లో పిచ్చి తెలుగుని ఆపేయాల. పిల్లల్తో తెలుగులోనే మాట్లాడాల. తెలుగు మాట్లాడమని వాళ్ళకి ప్రోత్సహించాల.
నిన్న సూరిగాడి కరాటే క్లాసులో ఓ పెద్ద కుటుంబాన్ని చూసా. వాళ్ళ పిల్లలు నలుగురు కరాటే నేర్చుకుంటుంన్నారు. వాళ్ళంతా కమ్మగా స్పానిష్లో మాట్లాడుకుంటున్నారు. పిల్లల్తో కూడా స్పానిష్లోనే. ఆపిల్లలూ స్పానిష్లోనే జవాబిస్తున్నారు. మిగతా జనాలతో ఆంగ్లంలో జవాబు ఇస్తున్నారు. మన తెలుగువాళ్ళో? పిల్లల్తో ఆంగ్లంలో మాట్లాడతారు.
సమస్య ఎక్కడా?
సమస్య తల్లితండ్రులే. ఎందుకూ?
పిల్లలకు భాష అనేది లెర్నింగ్ బై ఇమిటేషన్ ద్వారా వచ్చేస్తుంది. అంటే విను నేర్చుకో, చూసి నేర్చుకో, అనుకరణ స్వారా నేర్చుకో. భార్యా భర్తా తెలుగులో మాట్లాడుకుంటారు. పిల్లల్తో ఆంగ్లంలో మాట్లాడితే, అది లెర్నింగ్ కర్వ‌ని బ్రేక్ చేయటంలేదా? ఆలోచించండి.
భాషని బ్రతికించుకోవాలంటే ఇలాంటివి మానేసి, చక్కగా తెలుగులోనే మాట్లాడుకోవాలి. పిల్లల్తో తెలుగులోనే మాట్లాడాలి. వారినీ తెలుగులో జవాబివ్వమని చెప్పుకోవాలి.
ప్రింట్ మీడియాలో పుంఖానుపుంఖాలుగా తెలుగు అచ్చువేసినా ఉపయోగం లేదు. భాష మాట్లాడితేనే నిలిచేది. దాని లోతు తెలిసేది. భావాన్ని అర్థవంతంగా చెప్పగలిగేది.

సరే, ఇషయానికొస్తే, ఈయ్యాల రోజుట్లాగనే మా పిల్కాయలతో తెలుగులోనే మాట్లాడినాను. వాళ్ళూ తెలుగులోనే సమాధానం చెప్పినారు. ప్రత్యేకంగా మాతృభాషా దినోత్సవాన్ని నేనేతే ఏం చేస్కోలేదు, చేయలేదు.

చెరుపు (స్పాయిలర్) హెచ్చరిక

కధ
చెరుపు (స్పాయిలర్) హెచ్చరిక: నవల చదవ గోరిన వారు/సినిమా చూద్దామనుకున్న వారు ఈ క్రింది భాగాన్ని చదవ వద్దని మనవి. కథ వివరాలు తెలుపుతూ, ఉత్కంఠ లేకుండా చేసే అవకాశం ఉంది.
http://te.wikipedia.org/wiki/%E0%B0%A6%E0%B1%87%E0%B0%B5%E0%B0%A6%E0%B0%BE%E0%B0%B8%E0%B1%81_%282006_%E0%B0%B8%E0%B0%BF%E0%B0%A8%E0%B0%BF%E0%B0%AE%E0%B0%BE%29

అంటే అన్నావంటారు గాని!! స్పాయిలర్ అంటే చెరుపు అనా?
నా కారుకి వెనుక స్పాయిలర్ ఉంది. అంటే నాకారుకి వెనుక చెరుపు ఉందనా? బాబోయ్!! అదేదో ఓ నవల గుర్తుకొస్తున్నది. పేరు హ్యూమరాలజి. వ్రాసిన వారు శ్రీ యఱ్ఱంశెట్టి సాయి. అప్పట్లో తెలుగు పుస్తకాల్లోని గందరగోళ తెలుగుపై ఓ కథ ఈ హ్యూమరాలజి నవల్లో వ్రాసుకొచ్చారయన.
ఏరా బడికి ఎలా వెళ్తావూరా అంటే బస్సుని కరచుకుని అంటాడు ఆ కథలోని ఓ పిల్లాడు.
అలా ఉంది కథ

Spoiler is slang for any element of any summary or description of any piece of fiction that reveals any plot element which will give away the outcome of a dramatic episode within the work of fiction, or the conclusion of the entire work. It can also be used to refer to any piece of information regarding any part of a given media. Because enjoyment of fiction sometimes depends upon the dramatic tension and suspense which arises within it, the external revelation of such plot elements can "spoil" the enjoyment that some consumers of the narrative would otherwise have experienced.

A spoiler is a piece of information in an article about a narrative work (such as a book, feature film, television show or video game) that reveals plot events or twists, and thus may "spoil" the experience for any reader who learns details of the plot in this way rather than in the work itself.

తెలుగులో ప్రభుత్వ వెబ్‌సైట్లు

ఇకపై 'అంతర్జాలం'
తెలుగులో ప్రభుత్వ వెబ్‌సైట్లు
ఏక సంకేత లిపిలో సభ్యత్వం!
హైదరాబాద్‌ - న్యూస్‌టుడే
రాష్ట్రంలోని ప్రభుత్వ వెబ్‌సైట్లను తెలుగులోకి అనువదించనున్నారు. ఇక నుంచి ప్రతి వెబ్‌సైట్‌ ఇంగ్లిష్‌తో పాటు తెలుగులోనూ అభివృద్ధి చేయాలని ప్రభుత్వం నిర్ణయం తీసుకుంది. తెలుగు అంతర్జాలం (ఇంటర్నెట్‌) అమలు కోసం ప్రభుత్వం ఒక ఉన్నత స్థాయి కమిటీ నియమించింది. ఈ మేరకు ఐటీ శాఖ ముఖ్యకార్యదర్శి అజయ్‌మిశ్రా సోమవారం ఉత్తర్వులు జారీ చేశారు. ప్రపంచవ్యాప్తంగా ఏక సంకేత లిపి (యూనీకోడ్‌)లో ఇప్పటికే ఎన్నో భాషలు సభ్యత్వం తీసుకున్నాయి. దేశంలో తమిళానికి సభ్యత్వం ఉంది. తాజాగా తెలుగు భాషకు ఏక సంకేత లిపి సమాఖ్య (యూనీకోడ్‌ అథారిటీ)లో సభ్యత్వం తీసుకునేందుకు సర్కారు పచ్చజెండా ఊపింది. దీంతో తెలుగు అక్షర, పదాలు, సంఖ్యలు, అర్థాలకు సంబంధించిన సంకేతాలు(కోడ్‌), అనువర్తనాలు (అప్లికేషన్లు) అభివృద్ధి చేయడానికి వీలు కలుగుతుంది. ఏక సంకేత లిపి సమాఖ్య సమావేశాలకు రాష్ట్రం తరఫున హాజరయ్యే అవకాశం ఏర్పడుతుంది. దీనికి తోడుగా రాష్ట్రంలో వెబ్‌సైట్లకు ఒకే రకమైన ప్రమాణాలు రూపొందించనున్నారు. సెర్చింజన్‌లో తెలుగు భాషలోనూ వెబ్‌సైట్లు సెర్చ్‌ చేయడానికి వీలు కల్పించాలని లక్ష్యంగా పెట్టుకున్నారు.

బాగుంది. అత్భుతమ్. ఆహ్వానించతగ్గది. ఐతే, ఈ తెలుగీకరణ ప్రహసనంలో ఆంగ్లంనుండి తెలుగుని పుట్టించే ప్రమాదం లేకపోలేదు. అలా ఐతే, ఒక్క పదం కూడా అర్థం కాక జనాలు బుర్రలు నేలకేసి కొట్టుకునే ప్రమాదం ఉంది.
తెలుగు పదాలను ఉన్నవి ఉన్నట్టు వాడటం ఒకెత్తు, ఆంగ్లపదాలను తెలుగులోకి మార్చటం మరో ఎత్తు.
అనువర్తనాలు = అప్లికేషనులు.
బ్రౌన్ నిఘంటువులో అనువర్తనము అంటే -
అనువర్తించు (p. 0057) [ anuvartiñcu ] anu-vartinṭsu. [Skt.] v. a. To attend on, serve, follow, court one's favour. అనుసరించి నడచు. అనువర్తనము n. Serving or following another.
గ్విన్ నిఘంటువు ప్రకారం
anuwartanam

anuwartanam n. application

బూదరాజు గారి నిఘంటువులో
అనువర్తనము అంటే అప్లికేషన్ అని ఉన్నది.

సాధారణ వాడుకదారు నిఘంటువులను అనుక్షణమూ అందుబాటులో ఉంచుకోలేడు.
వెబ్సైట్లలోని పదాలను ఎవరు ఎలా స్టాండర్డైజ్ చేస్తారు? అనేది పెద్ద ప్రశ్నే అని నా అభిప్రాయం.

తెలుగు అంతర్జాల అమలు కోసం నియమింపబడ్డ కమిటీలో వీవెన్ గారికి చోటు దక్కటం గొప్ప విషయం వీవెన్ గారికి అభినందనలు. వారు శక్తికొద్దీ పనిచేసి చక్కటి ప్రమాణాలతో తెలుగు అంతర్జాలాన్ని అభివృద్ధి చేయాలని మనస్పూర్తిగా ఆకాంక్షిస్తున్నాను. వారికి నాతరఫునుండి పూర్తి మద్దతుని బ్లాగ్ ముఖంగా ప్రకటిస్తున్నాను. వీవెన్ గారూ ఎప్పుడు ఎలాంటి అవసరం వచ్చినా నన్ను సంప్రదింప వలసిందిగా కోఱుతున్నాను.

రాందేవ్‌ ఆస్తి ఎంతా?

రాందేవ్‌ ఆస్తి రూ.1100 కోట్లు
వెల్లడించిన బాబా సహాయకుడు
క్షీణిస్తున్న యోగాగురువు ఆరోగ్యం హరిద్వార్‌: బాబా రాందేవ్‌ నెలకొల్పిన నాలుగు ట్రస్టుల విలువ రూ.1100 కోట్లపైనే ఉంది. వీటిలో దివ్యయోగ మందిర్‌ ట్రస్టు రూ.249.63 కోట్లు, పతంజలి యోగపీఠ్‌ ట్రస్టు రూ.164.80 కోట్లు, భారత్‌ స్వాభిమాన్‌ ట్రస్టు రూ.9.97 కోట్లు, ఆచార్యకుల్‌శిక్ష సంస్థాన్‌ రూ.1.79 కోట్ల మూలధనాన్ని కలిగి ఉన్నాయి. ఈ సంస్థలు ఏర్పాటైనప్పటి నుంచి అయిన వ్యయం రూ.751.02 కోట్లు. మొత్తమ్మీద ఈ నాలుగు ట్రస్టుల విలువ రూ.1100 కోట్ల పైనే. బాబా సహాయకుడు బాలకృష్ణ గురువారం ఈ వివరాలను విలేకరుల సమావేశంలో వెల్లడించారు. 'మేము పనిలోనూ, ఆర్థిక వ్యవహారాల్లోనూ పారదర్శకతను పాటిస్తాం. ఆదాయం ఎంత? ఖర్చు ఎంత అయింది? ఎలా అయింది? వంటి వివరాలన్నీ కచ్చితంగా నమోదు చేస్తాం' అని ఆయన పేర్కొన్నారు. ప్రభుత్వ నిబంధనల ప్రకారం తాము పన్ను కడతామని, తమ అనుబంధ సంస్థల వివరాలను కంపెనీల రిజిస్ట్రార్‌ కార్యాలయం నుంచి తీసుకోవచ్చన్నారు. పన్ను వివరాలు, ట్రస్టుల బ్యాలెన్స్‌ షీట్లను తమ వెబ్‌సైట్‌లో బహిర్గతం చేశామన్నారు. బాబారాందేవ్‌ ఆస్తులపై దర్యాప్తు జరిపించాలంటూ కాంగ్రెస్‌ నేత దిగ్విజయ్‌సింగ్‌ డిమాండ్‌ చేస్తున్న నేపథ్యంలో ఈ వివరాలు వెల్లడించారు.

నాదొక ప్రశ్న -
ఈ వార్తాశీర్షిక *రాందేవ్ ఆస్తి* అని వ్రాసారు. వార్తలోకి వెళ్తే, ఆయన ట్రస్టుల ఆస్తులు అంటున్నారు. ఏవిటీ ఇదీ? ఆయన ఆస్తి వేరే ఆయన ట్రస్టు ఆస్తి వేరే కాదా?

యాపిల్ వివాదం

యాపిల్ని తెలుగులో ఏవంటారూ?
ఇదో పెద్ద ప్రశ్న ఏమాత్రమూ కాదు. యాపిల్ని తెలుగులో యాప్లీసు కాయా అంటారు అనుకోవచ్చు.
బ్రౌను నిఘంటువులో ఇలా ఉంది -
http://dsal.uchicago.edu/cgi-bin/romadict.pl?query=apple&table=brown
అనాస (p. 0051) [ anāsa ] anāsa. [Tel.] n. Ananas sativa or the Pine Apple, Or, Bromelia saliva.
ఉమ్మెత్త (p. 0167) [ ummetta ] or ఉమ్మెత ummetta. [Tel.] n. The thorn apple (Datura) a Indian night shade; దుత్తూరము.
కపిత్థము (p. 0244) [ kapitthamu ] kapiththamu. [Skt.] n. The wood apple. Fcronia elephantum (Roxb.) వెలగవండు.
An apple రేగుపండు.
చీకివెలగ (p. 0423) [ cīkivelaga ] chīki-velaga. [Tel.] n. The thorny wood apple tree. వెలగ.
జంబునేరేడు the roseapple
పాపర (p. 0745) [ pāpara ] pāpara. [Tel.] n. The bitter apple, or colocynth (coloquintida), విశాలా, ఇంద్ర వారుణి.
The pineapple, అనాసచెట్టు
రామఫలము or రామాఫలము rāma-phalamu. n. The great red custard apple called Bullock's Heart or Sweet sop, Anona reticulata
కర్పూరవంకాయ the plant called a love apple.
http://dsal.uchicago.edu/cgi-bin/philologic/search3advanced?dbname=gwynn&query=apple&matchtype=exact&display=utf8
gwynn వారి నిఘంటువు ప్రకారం -
వెలక్కాయ అంటే వుడ్ యాపిల్, సీతాఫలము అంటే కస్టర్డ్ యాపిల్ అని ఉంది
ఇక బూదరాజు వారి నిఘంటువు ప్రకారము -
వుడ్ యాపిల్ = వెలక్కాయ
కస్టర్డ్ యాపిల్ = సీతాఫలము
యాపిల్ అంటే మాత్రం దొరకల్యా
లిటిల్ మాష్టర్స్ ఇంగ్లీష్ తెలుగు డిక్షనరి (వెంకటాచార్యులు) వారి ప్రకారం -
apple :(n)  ఆపిల్ పండు అన్నారు, అంతటితో ఆక్కుండా,
ఫ్రూట్స్ అనే ఓ విభాగంలో
Apple: సీమరేగుపండు అన్నారు
నాకు తెలిసినంతలో సీమరేగ్గాయ అంటే పియర్. పియర్ అనేకానేక సార్లు తిన్నాను. దేశంలో సీమరేగ్గాయ అనేకానేక సార్లు తిన్నాను. రోజూ యాపిల్ తింటుంటాను. నా ఎరుకలో యాపిల్ సీమరేగ్గాయ ఒకటి కాదని నా వాదన.

యాపిల్ని కాశ్మీరు ఫలం అంటారని కొందరు సూచించారు.
పియర్ అంటే బేరీపండు అని డా। కౌటిల్య బల్లగుద్దిమరీ చెప్పారు.
నేనైతే బేరీపండు అనే పేరుని మొట్టమొదటిసారి వింటున్నాను.

సీమరేగ్గాయే యాపిలా? బేరీపండు పియరా? పియరే సీమరేగ్గాయా? నా తలకాయా? ఎలా తెలిసేదీ?
పియర్ -



యాపిల్ -

భావం - భాష

భావాన్ని వ్యక్తపరచాలంటే భాష కావాలి.
మన భాష తెలుగు. కాబట్టి మనం మన భావాలని తెలుగులో వ్యక్తపరుస్తాం.
మరి తేడా ఎక్కడా? భావంలోనా భాషలోనా?
ఉదాహరణ -
౧. రేడియో విరిగింది.
మొన్నీ మధ్య టీవీలో ఓ ప్రకటన చూసా. విక్స్ అనుకుంటా. ఒక ముసలాయన కుర్చిలో కూర్చుని రేడియోలో క్రికెట్ కామెంటరీ వింటుంటాడు. రేడియో కిందపట్టమో జరుగుతుంది. అరెరె రేండియో విరిగిందే అంటాడా ముసలాయన, వెంటనే ఓ ఔత్సాహిక కుఱ్ఱాడు కామెంటరీ చెప్పేందుకు ముందికి వస్తాడు...బ్లబ్లబ్ల.
రేడియో విరిగేందేవిట్టా వాడి బొంద.
లక్షలకు లక్షలు ఖర్చుపెట్టి మాస్ కమ్యూనికేషన్స్ చదువాతారు కొందరు. మాస్ తో కమ్యూనికేట్ చేయాలంటే దృశ్యం ఎంత ముఖ్యమో శ్రవణం కూడా అంతే ముఖ్యం అనే ఓ సింపుల్ పాయింటుని సదరు కళాశాల అధ్యాపకులు నేర్పరా ఏవిటి వీళ్ళకి?

సరే పరాయి భాషనుండి దిగుమతి చేస్కున్న ప్రకటన, తెలుగీకరించారనుకుందాం. ఇంతక మునుపట్లో కూడా ఇలా జరిగిందే మరి. ఇదేమీ కొత్త కాదుగా. విక్స్ కి గోలీలో ఖిచ్ ఖిచ్ దూర్ కరో. గొంతులో గుర గురా విక్స్ తీస్కో అనే ఓ వాక్యాన్ని తెలుగులో చెప్పించటానికి ఓ పెద్ద భాషమీద పట్టు, భాషాపాండిత్యం ఏం అక్కర్లేదుగా.
౨. మరక మంచిదే. మరకవల్ల ఏమన్నా లాభం కలిగితే మరక మంచిదే.
ఈ ప్రకటన ఓ దౌర్భాగ్యపు నీచ నికృష్టపు విలువలకు నిదర్శనం. ఇందులో భాషా ప్రయోగమే కాదు దృశ్య ప్రయోగం కూడా ఘోరం. చదువు మనిషికి ఆలోచలని రేకెత్తించేలా ఉండాలి. ఇది తీసిన వాడేవడోగానీ వాడికి కనీస లాజిక్కు లేదు.
పిల్లాడు బడికెళ్ళాడు.
స్నేహితుణ్ణి అడుగుతాడు రోజీ మిస్ రాలేదేం అని.
వాళ్ళ కుక్క పిల్ల సచ్చిందిగా అందుకే రాలేదు అని చెప్తాడా సదరు మితృడు.
కట్ చేస్తే రోజీ మిస్ ఇల్లు
పిల్లాడు, కుక్క సచ్చిందని బాధపడకు రోజీమిస్ నేనున్నాగా అని కుక్కలా ప్రవర్తిస్తాడు.
మిస్ అయిన లాజిక్కు -
పిల్లాడికి రోజీ మిస్ ఇల్లు ఎలా తెలుసు?
పిల్లాడు బడి ఎగ్గొట్టి రోజి మిస్ ఇంటికి ఎలా వెళ్ళాడు?
ఆ వయసు పిల్లాడు ఒక్కడే ఎలా వెళ్ళగలడూ?
మరక మంచిదే, మరక వల్ల లాభం కలిగితే వాడి పిండాకూడు కలిగితే మరక మంచిదే? ఏం మరకా? వాడి బొంద మరకా?
బడి ఎగ్గొట్టి రోడ్లెమ్మట తిరిగితే పడే మరక సంగతేవిట్టా?
[బడీ అయ్యాక, ఇంట్లో చెప్పి, వాళ్ళా నాన్న దింపితే....నాకు కొంచెం అకల్ ఉంది బట్]

ఇలా ప్రకటనల్లో వచ్చే తెలుగు, లేక మన యాం౨కరు అమ్మాయిల ముద్దు ముద్దు (ఆపాట పట్టుకుని ముక్కు మీద గుద్దు గుద్దు) తెలుగు గురించి ఎంత తక్కువ చెప్పుకుంటే అంత మంచిది ఆరోగ్యానికి. అదలా ఉంచితే, మనలోనే కొందరు ఖూనీ చేసేస్తున్నారు తెలుగుని, తమ మాతృభాషని.
వీపు ఇరగ్గొడతా అంటాడు ఓ మితృడు
నెయ్యి గుప్పెడు తింటే అత్భుతం ఈ పచ్చడితో అంటాడు ఇంకో మితృడు
చేయి పగిలిందంటాడు ఇంకొకడు
తల విరిగింది అంటాడు మరొకడు

ఎక్కడా లోపం?

ఏంటో ఈ అర్ధం లేని ప్రకటనలు

ఒక నల్ల హిట్ తెచ్చుకోండి

హిట్ తో దోమల్ని కొడితే ఒక్కటి కూడా మిగలదు

ఇదో ప్రకటన. ఐతే బాసూ -

హిట్ ఎక్కువగా కొడితే మనం మిగలం.

బాబుగారూ
రెండు వివెల్ సబ్బులివ్వండి

అరేయ్ మూడు వీవెల్ తీసుకురా

రెండు సబ్బులే ఇవ్వండి

ఇప్పుడు రెంటికి మూడు వస్తాయ్

తేడా ఏంటి?

తోంది కి తుంది కి తేడా ఏంటి?
ఉదాహరణకి
వస్తోంది, పోతోంది, వెల్తోది
వస్తుంది, పోతుంది, వెల్తుంది