బాడ్ టెస్టింగ్ కి ఓ ఉదాహరణ

నాకు మైన్ స్వీపర్ అనే ఆట అంటే భలే ఇష్టం. ఆ ఇష్టం ఐఫోన్ చేతికొచ్చాక కూడా తగ్గలా. ఐస్టోర్ లో వెతికా. మైన్ స్వీపర్ ఉచితంగా దొరికింది. దింపాను.
ఈ మధ్య ఆ ఆట అప్డేట్ వచ్చింది. సరే అని దింపాను. ఈ కొత్త అప్డేట్ తర్వాత చాలా కాలానికి ఈ మధ్యెప్పుడో దులిపా ఆడదాం అని.
బూతు అనిపించింది పై సిచ్యువేషన్
కార్నర్ లో నాలుగు మైన్స్ ఉన్నట్టు చూపింది.
కార్నర్ కి మూడే మైన్స్ ఉండే అవకాశం ఉంది. ఇది బ్యాడ్ టెస్టింగ్ కి ఓ ఉదాహరణ అని చెప్పుకోవచ్చు కదూ?
సరే, నేను మొట్టమొదటా ఈ కార్నర్ ని ఓపెన్ చేసా కాబట్టి నాలుగొచ్చింది అనుకుందాం. నాలుగుపైన నొక్కా ౧ వచ్చింది. అది ఇంకా బూతు.

ఇంకోచిన్న ఉదాహరణ.
అప్పుడెప్పుడో నేను ఓ పోస్టేసా. గంట మీటింగు ఇరవి సెకెండ్లలో పూర్తి అని - http://ramakantharao.blogspot.com/2009/03/blog-post_26.html
మా టోనీగాడి దగ్గర ఓ కెమేరా ఉంది. దాంట్లో ప్రతీ పదినిమిషలకో బరెస్ట్ ని సెట్ చేసి పెడితే అలా తీసూ ఉంటుంది అది. పై మీటింగ్ కి ముందు కెమేరాని ఫిక్స్ చేసాడు. ప్రతీ పది నిమిషాలకోసారి బరెస్ట్ ని సెట్ చాసాడు. మీటింగ్ లో కూర్చున్నాడు. మీటింగ్ అయ్యింది. వచ్చి చూస్తే కెమేరా ఆఫ్ అయి ఉంది. ఎక్కడ సమస్య? ఏమన్నా ఆలోచించగలరా?
కెమేరాలో ఐడిల్ టైం ఉంటుంది. అది రీచ్ కాంగనే ఆటోమేటిగ్గా ఆగిపోతుంది.
మఱ్ఱోజు జరిగిన మీటింగ్లో ఆ ఐడిల్ టైమర్ ని వాయిడ్ చేస్తే సరిగ్గా అనుకున్నట్టు పని చేసింది.
పై సిచ్యువేషన్లో టెస్టింగ్ బ్లండర్ ఏంటీ?
అన్-మాన్న్డ్ బరెస్ట్స్ మోడ్ లో ఉన్నప్పుడు అడిల్ టైం ఫ్లాగ్ ని అన్ సెట్ చేయాలి అనే టెస్ట్ కేస్ ని రాయలేకపోవటం. కాదంటారా?

టెస్టింగ్ - నాకు తెలిసినంతలో ఓ పరిచయం

ఇవ్వాళ్ళ రేపట్లో చాలామంది, ఉత్తినే, ఏంపెద్ద క్నాలడ్జీ లేకుండా ఐ.టీలోకి రావాల్నంటే, బెస్టు *టెస్టింగ్* అనుకుంటుంటారు.
ఆ ఏముంది, టెస్టింగ్ ఈజీనేగా అంటుంటారు.
ఏముందీ రిగ్రెషన్ టెస్టింగ్ చెయ్యటమేగా అంటుంటారు.

నా ఈ చిన్న ప్రయత్నం, టెస్టింగ్ గురించి నిజానిజాలు తెలియజెప్పటమే. నాకు తెలిసిన రెండు ముక్కలు పంచుకునే ప్రయత్నం.
ఇదొక సిరీస్ గా రాద్దామని నా ప్రయత్నం.

ముందుగా - అసలు టెస్టింగ్ అంటే ఏంటీ?
క్వాలిటీ అంటే ఏంటీ?
క్వాలిటీ కంట్రోల్ అంటే ఏంటీ?
క్వాలిటీ ఎస్స్యూరెన్స్ అంటే ఏంటీ?

క్వాలిటీ కంట్రోల్ కీ క్వాలిటీ ఎస్స్యూరెన్స్ కీ సంబంధం ఉందా?

క్వాలిటీ ప్రాసెస్ ఎప్పుడు మొదలౌతుంది?
టెస్ట్ సైకిల్ ఏంటీ?
టెస్ట్ ప్రాసెస్ ఏంటీ?
టెస్ట్ పాయింట్ ఎనాలిసిస్ అంటే ఏంటీ?
వి మరియూ వి అంటే ఏంటి?
వెరిఫికేషన్ ఎప్పుడు చేస్తాం?
వేలిడేషన్ ఎప్పుడు చెస్తాం?
దేనిపై వెరిఫికేషన్ వర్తింప చేస్తాం?
దేనిపై వేలిడెషన్ వర్తింపచెస్తాం?
అన్నిటికన్నా ఒక టెస్టర్ కి ఉండాల్సిన లచ్చనాలేంటీ?
యాట
యాట
యాట

ఒక్కో టపాలో ఒక్కో సంగతి.

ముందుగా -
టెస్టింగ్ అనేది తెలుసుకునే ముందు, సాఫ్ట్వేర్ డెవలప్మెంట్ లైఫ్ సైకిల్ గురించి తెలుసుకోవాలి.
గతంలో, అనగా తెల్లోడు కంప్యూటర్ ని కనిపెట్టి బజ్జీకొట్టాక, పాతికేళ్ళ తర్వాత మన దేశంలో కంప్యూటర్ ఇంజనీరింగ్ కోర్సులు వచ్చిన కొత్తల్లో పుస్తకాల్లో చదివిన సంగతి -
లైఫ్ సైకిల్ అంటే -

[మూలం - వికీపీడియ http://en.wikipedia.org/wiki/File:SDLC-Maintenance-Highlighted.png]

మొదలుపెట్టుట
ప్లాన్ చేయుట
డిజైన్ చేయుట
పరీక్షించుట
విడుదల చేయుట
మేయిన్టెనెన్స్ చేయుట
[మొత్తంగా ఇదే కాదు. ఇందులో ఇంకా చాలా ఫేజ్లు ఉండచ్చు, ఉన్నాయి కూడా. ఇది కేవలం బ్రీఫ్గా మాత్రమేసుమా]
అనే లాంటి అడుగులన్నిటినీ కలిపితే వచ్చేదే లైఫ్ సైకిల్.

వాటర్ఫాల్ మోడల్ ఒక సాఫ్ట్వేర్ డెవలప్మెంట్ లైఫ్ సైకిల్ అని చదువుకున్నాం.
దీని ప్రకారం నీళ్ళు పల్లానికి ఎలా ప్రవహిస్తుందో అలా పై తెలిపిన అడుగులని ఊహించుకోవటం అన్నమాట.
అంటే
ఇదిగో ఇలా -

[మూలం: http://en.wikipedia.org/wiki/File:SDLC-Maintenance-Highlighted.png]
తర్వాత్తర్వాత పెద్దలు కుర్చుని అబ్బాయి ఇది కేవలం కొన్ని రకాల ప్రాజెక్టులకి మాత్రమే బాగుంటుంది అని సమాలోచన చేసి ఐటెరేటివ్ మాడల్ అని ఇంకొక విధానంతో ముందుకొచ్చారు. ఇంకొందరు పెద్దలు స్పైరల్ మాడల్ అనే ఒకదాన్ని లిఖించారు. కొందరు ఫౌన్టైన్ మాడల్ ముందుకి తెస్తే మరికొందరు ర్యాపిడ్ ప్రోటోటైపింగ్ విధానాన్ని వినిపించారు.

ఐతే ఇవన్నీ పాత చింతకాయ విధానాలు.
ఇవ్వాళ్ళా రేపట్లో ప్రఖ్యాతి చెందిన కొన్ని కొత్త పోకడలు ఇవి -
వి విధానం
డబ్ల్యూ విధానం
ఎజైల్ విధానం

మిగతా తర్వాతి టపాలో!!!