2025 లో గాడినపెట్టాల్సిన అభ్యాసం

నిజం చెప్పాలంటే కార్యాలయానికి వెళ్ళే రోజుల్లో కొన్ని విషయాలలో చెప్పలేనంత ప్రగతిని సాధించాను. కొన్ని ముఖ్యమైన సూక్తాలు నేర్చుకున్నాను. అతిముఖ్యమైన ఉపనిషత్తులు నేర్చుకున్నాను. తైత్తిరీయ ఆరణ్యకంలోని ప్రథమ ప్రశ్న - అరుణప్రశ్న నేర్చుకోగలిగాను. నిజం చెప్పాలంటే అరుణ ప్రశ్న చాలా పెద్ద పాఠం. తైత్తిరీయ అరణ్యకంలోని సప్తమ అష్టమ నవమ ప్రశ్నలను తైత్తిరీయ ఉపనిషత్ అంటారు. అవి శీక్షావల్లి బ్రహ్మానందవల్లి భృగువల్లి. తైత్తిర్రియ ఆరణ్యకంలోని పదవ ప్రశ్నని మహా నారాయణ ఉపనిషత్ అంటారు.

విషయంలోకొస్తే కోవిడ్ నా అభ్యాసాన్ని కూల్చివేసింది అని చెప్పక తప్పదు. కోవిడ్ అంతా యూట్యూబ్ చూట్టానికే సరిపోయింది. సగం కారణం సమాజంలో కోవిడ్ కంటే దారుణంగా ప్రబలిన అపోహలు. అమ్మ భారత్ లో చిక్కుకుపోయి ఉండటం. అమ్మ చెప్పే వార్తలు ఉదంతాలు, అవి నిజమా అని మన వెతుకులాట. కనీసం అమ్మకి చెప్పగలగాలి కదా పలానీ వార్త నిజం అనో నిజం కాదనో. ఇంటంచి పనిచెసే రోజుల్లో చేతినిండా గంటలు గంటలు ఖాళీ సమయం ఉన్నా నిమిషం పొల్లుపోకుండా టంచనుగా యూట్యూబ్ చూట్టం. జర్నలిస్టు సాయి జర్నలిస్టు YNR జర్నలిస్టు గొట్టంగాడు జర్నలిస్టు బొంగోడు ఇదే కథ. అలానే రిపబ్లిక్ న్యూస్ NDTV న్యూస్ గాడిద గుడ్డు న్యూస్ జీవితం సరిపోలేదు.

మొత్తానికి కోవిడ్ మొత్తం యూట్యూబ్ కి అలవాటుపట్టం కోవిడ అయ్యాక వ్యసనంగా మారటం ఒక వరుసలో జరిగిపోయాయి. 

వీటితో నేర్చుకునే సమయాన్నంతా నిర్దాక్షిణ్యంగా చంపేస్తూ అస్సలు సమయం లేదు అనే ఓ నెపంతో భజన.

నేర్చుకోవాల్సిన అనేక విలువైన పాఠాలు చాలా ఆగిపోయాయి నా వైపు ఆశగా చూస్తూ ఏమో కదిలిస్తాడేమో అని.

అలా ఆగిపోయినవాటిల్లో ముఖ్యమైనవి:

మహా నారయణ ఉపనిషత్తు మొదలు పెట్టాను, ఆగిపోయింది

అచ్ఛిద్రం మొదలు పెట్టాను, ఆగిపోయింది

అశ్వమేధం మొదలు పెట్టాను, ఆగిపోయింది

రుద్ర క్రమ పాఠం మధ్యలోకి వచ్చాను, ఆగిపోయింది

రుద్ర ఘన పాఠం మొదలు పెట్టాను ఆగిపోయింది

రుద్ర పాఠానికి పదం క్రమం ఘనం చక్కగా నోట్సు రాసుకుందాం అని మొదలుపెట్టాను.... అదీ ఆగిపోయింది...

రుద్ర యంత్రం గీయాలి అనుకున్నా... ముందుకు పడలేదు అడుగు.

కొన్ని పాజిటివ్ ఎనర్జీ యంత్రాలు గీయాలని అనుకున్నా రుద్ర యంత్రం శ్రీ యంత్రం వారాహీ యంత్రం రాజ శ్యామల యంత్రం..

2025లో, ఆగిపోయిన నా అభ్యాసాన్ని తిరిగి మొదలు పెట్టాలని యూట్యూబ్ చట్రంలో ఇరుక్కుపోయిన పుఱ్ఱెని పట్టుకుని ఒక ఊపు ఊపి నిద్ర లేపాలనీ ఒక ధృడమైన నిర్ణయం తీస్కున్నాను.

ఇలా నిర్ణయం తీస్కోటానికి కారణం కూడా ఉంది. పోయినవారం చదివిన సుభాషితంలోని శ్లోకం

శ్లో. ఉద్యమేన హి సిద్ధ్యంతి కార్యాణి న మనోరథైః                                                                                         న హి సుప్తస్య సింహస్య ప్రవిశంతి ముఖే మృగాః

కేవలం కూర్చుని కలగంటే ఏమీ కాదు, లేచి చేస్తేనే ఏదైనా సాధించగలం.

 

सुखार्थिनः कुतो विद्या नास्ति विद्यार्थिनः सुखम्।

सुखार्थी वा त्यजेद्विद्यां विद्यार्थी वा त्यजेत्सुखम्॥

प्रथमे नार्जिता विद्या द्वितीये नार्जितं धनम् ।

तृतीये नार्जितं पुण्यं चतुर्थे किं करिष्यसि ॥

యాపిల్ గుండు

 నా పుట్టినరోజుకి మా అన్నయ్య యాపిల్ వాచ్ బహుమతిగా పంపించాడు

ఇంట్లో శ్రీమతి గారికి సూరిగాడికి యాపిల్ వాచ్ ఎప్పట్నుంచో ఉన్నాయి.2018లో నేను సాంసంగ్ గాలక్సీ కొన్నాను. ఎంటేలుకి వెళ్ళినా పెట్టుకుని వెళ్ళే స్తాయికి ఎదిగాను. 2022లో ఉన్నట్టుండి పాపం నిమిషానికి ఒకసారి క్రాష్ అవ్వటం మొదలైంది. ఇక ఆ వాచ్ కి అంత్యక్రియలు కొత్త వాచ్ ఏది కొందాం అని చూస్తే amezfit అనే వాచ్ నచ్చి కొనుక్కున్నా.

రెండేళ్ళయ్యింది దాన్ని ధరించటం మొదలుపెట్టి, నాకు నచ్చింది. స్యాంసంగ్ అంత వర్సటైల్ కాకపోయినా!

పుట్టినరోజు సందర్భంగా అన్నయ్య ఏరా నీకు యాపిల్ వాచ్ లేదు కదా, యాపిల్ ఎకొ సిస్టంలోని వాచ్ అయితే బాగుంటుంది పింపిస్తా ఉండూ అని పంపించాడు.

శ్రీమతి గారితో యాపిల్ వాచ్ గురించి మాట్లాడుతున్న సందర్భంలో అసలు మనం యాపిల్ ని ఎప్పట్నుంచి మొదలు పెట్టాం అనే దగ్గరకి వెళ్ళింది

2008 అక్టోబర్ లో అనఘ పుట్టిండి. నవంబర్లో iPhone 3 కొన్నాను. iPhone గమ్మత్తు ఏంటంటే రిలీజ్ అయిన ఏడాది ఫోన్ ధర $999. అప్పట్లో యాపిల్ వాడు ATT తో కలసి అమ్మేవాడు.

గత 16 ఏళ్ళలో ఇప్పటికి iPhone 3 4 5 6 6s 7 8 10 10s xs 11 12 12max 12 max pro 13 max 13 max pro 14 max 15 max pro 16 max అయ్యాయి. అవికూడా నాలుగు ఫోన్లు అయ్యాయి. నలుగురికి నాలుగు అన్నమాట. ఒక $25000 అయ్యుండచ్చు కేవలం ఫోన్లకి

iPhone మొదలైనప్పటినుండి గుండు కొట్టించుకోటంలో కొత్తరకం మొదలైంది డేటాప్లాన్ రూపంలో. నెలకి $30. ఇప్పటికి 16 ఏళ్ళు. 16*12*30=5760, కేవలం ఒక ఫోన్ కి. ఎన్ని ఫోన్లు ఉంటే అన్ని గుండ్లు.

దీనెమ్మ జీవితం యాపిల్ వాడికి ఏ జన్మలో ఋణపడ్డామో ఏమో ATT వాడి దగ్గర ఏ జన్మలో అప్పులు కొట్టేశామో ఏమోగానీ.... ఇప్పటికి ఒక $30 $35 వేల డాలర్లు కట్టి ఉంటాం

గెలుపు ఓటమి

 ఆటలో గెలుపు ఓటమి అనేది ముఖ్యం కాదు

ఒక పరిణితిచెందిన క్రీడాకారుడికి

గెలుపునుండి ఏమి నేర్చుకున్నావు

ఏటమి ఏమి నేర్పింది అనేది ముఖ్యం

ఆడిన ప్రతీసారీ ఏదోకటి నేర్చుకోక పోతే ఆడటం అనవసరం

చచ్చిన చేపతో సమానం 

ఇజ్రాయేల్ ని సమర్థిస్తావా?

 ఇజ్రాయేల్ ని సమర్థిస్తావా?

నిన్న ఓ రోజున నా కూతురు నన్ను ఒక ప్రశ్న వేసింది

నువ్వు ఎవ్వర్ని సమర్థిస్తావూ ఇస్జ్రాయేల్ నా లేక పాలస్తీనా నా అని

చాలా క్లిష్టమైన ప్రశ్న

ఒక భారతీయుడిగా ఒక్కసారి వెనక్కి తిరిగి చూస్కుంటే భారతదేశానికి ఇజ్రాయేల్ చాలా మిత్ర దేశం. అదే సమయంలో భారత దేశానికి ఎస్సార్ అరాఫత్ మిత్రుడు, భారతదేశ సందర్శనకి రావటం అనేక ఒప్పందాలమీద సంతకాలు.

భారత దేశం కూడా ఇజ్రాయేల్ పాలస్తీనా మధ్య జరుగుతున్న సమస్య లాంటి సమస్యనే అనుభవిస్తున్నది.

ఇలాంటి నేపథ్యంలో నేను ఎవర్ని సపోర్ట్ చెయ్యాలీ? చేస్తానూ?

సూటిగా సమాధానం చెప్పాను.

ఎవరైతే ఉగ్రవాదం మీద పోరాడతారో వాళ్ళని సపోర్ట్ చేస్తాను అని చెప్పాను.

అంటే? అన్నది

ఒక దేశంలోకి చొచ్చ్కువచ్చి వందలమంది మీద కాల్పులు జరిపి వందలమందిని బందీలుగా చేస్కున్న వాళ్ళ మీద దాడి చెయ్యాలి

అలా దాడి చేసే సమయంలో తమ మీద దాడులు జరక్కుండా ప్రపంచ దృష్టిని మరల్చేలా జనవాసాల్లో దాక్కుని ముందు ఆడవాళ్ళని ముసలి ముతకని పిల్లల్ని పెట్టి వాళ్ళ వెనక దాక్కున్న వాళ్ళ మీద ఎక్కు పెట్టాలంటే ఎలా?

జనావాసాల కింద బొరియలు చేస్కుని అందులో దాక్కున్న వాళ్ళాని చంపటం ఎలా?

తప్పదు

కొందరు/అందరు బలి అవ్వాల్సిందే

"కానీ పిల్లల్ని చంపటం ఎలా సమర్థిస్తావూ?" మళ్ళీ ప్రశ్న

"పిల్లల్ని ఎరగా వేస్తున్నవాళ్ళు ఈ ప్రశ్నకి సమాధానం చెప్పాలి" అన్నాను

"ఏవైనా పిల్లల్ని చంపటాన్ని సమర్థించ కూడదు" తన వెర్షన్

"దీనికోసమే ఇలా ప్రపంచాన్ని పోలరైజ్ చేయటం కోసం సానుభూతి కోసమే వాళ్ళు జనావాసాల కింద బొరియలు తవ్వుకున్నది సొరంగాలల్లో దాక్కున్నది" అన్నాను

"ఇదొక గెరిల్లా యుద్ధ తంత్రం" అని చెప్పటానికి ప్రయత్నించాను

"ఇది చాలా చిన్న సమస్య. అయ్యా మీరూ మీరూ పోట్లాడుకోండి కొట్టుకోండి చంపుకోండి. సామాన్యుల ప్రాణాలు బలితీయకండి అని ఎవరూ ముందుకి రాలేదు. అయ్యా మీ దేశం నుండి ఎత్తుకొచ్చిన వాళ్ళు వీళ్ళే తీసుకెళ్ళండి. మా జనావాసాల కింద మీరు దాక్కోకండి.. మా బ్రతుకులు మాకు ముఖ్యం, మా పిల్లల భవిష్యత్తు మాకు ముఖ్యం అని ఎవరూ అనలేదు.... ఈరోజు వరకూ. దీనర్థం ఇది ఒక రాజకీయ సమస్య. రాజకీయ సమస్యలకు పరిష్కారం గొంగట్లో తింటూ వెంట్రుకలు ఏరటం లాంటిది" అని ముగించాను

ఎఱ్ఱ కళ్ళద్దాలు

 శ్రీశ్రీ గారికి రష్యా అంటే ఎంత ప్రేమో చెప్పలేంది. ఆయన కవితల్లో రష్యాని ఎవరెస్ట్ శిఖరం మీద కాదు కాదు ఇంకా పైన కూర్చూబెట్టాడు

తన కళ్ళద్దాలని ఎఱ్ఱ కళ్ళద్దాలుగా మార్చుకునేంత ప్రేమించడు

గర్జించు రష్యా

గాండ్రించు రష్యా

రష్యాలో గని కార్మికుడు

రష్యాలో రిక్షావాలా

రష్యాలో పొగ గొట్టపు ధ్వని

రష్యాలో బందరు లడ్డు

రష్యాలో గాడిద గుడ్డు 

ఇలా చెప్పుకుంటూ పోతే ఎన్నో రష్యా మీద ప్రేమ కవితలు

రష్యా వాసన!

ఖడ్గసృష్టి చివర్న ఫుట్ నోట్స్ సెక్షన్ లో "మళ్ళీ రష్యా వెళ్తున్నాను" అని ఒక నోట్.

1954 లో శ్రీశ్రీ మొదటిసారి రష్యా వెళ్ళాట్ట. తిరిగి రాలేక రాలేక వచ్చాక ఒక ఇష్టాగోష్ఠి సమావేశం జరిగిందట. అందులో మాస్కో విశ్వవిద్యాలయం గురించి ముచ్చటిస్తూ (అంటే కీర్తిస్తూ) "అప్పుడే జన్మించిన శిశువును రోజుకొక గదిలో నిద్రబుచ్చితే, అన్నీ గదులు పూర్తయ్యేప్పటికి శిశువుకి వందేళ్ళు వస్తాయి" అని కవితాత్మకంగా వాక్రుచ్చారట. 100*360=36500 రోజులు. సదరు మాస్కో విశ్వవిద్యాలంలో ఎన్ని రూములున్నాయో మరి. గూగుల్ గారిని అడిగాను, వారి ఆర్టిఫీషియల్ ఇంటలిజెన్సు గారు ఇలా చెప్పుకొచ్చారు The central tower of Moscow State University's main building has over 5,000 rooms. The tower is 36 stories high and 240 meters tall, and it contains 33 kilometers of corridors.

Moscow State University is Russia's largest and oldest university. It has a complex campus with 1,000 buildings and structures, and it also has eight dormitories that house more than 12,000 students.

నిజం చెప్పాలంటే 1954 నాటికి ఒక విశ్వవియాలయంలో 5000 గదులు ఉండటం గొప్పవిషయమే అయుండచ్చు.

విషయంలోకి వస్తే

ఈ ఇష్టాగోస్ఠిని వక్రీకరిస్తూ ఆంధ్రపత్రికలో ఒక వ్యాసం వచ్చిందట, “ఆంధ్ర రచయితల గురుతర బాధ్యత” వ్యాసం శీర్షిక, 04/01/1955 న ముద్రింపబడింది.

ఇందులో మాస్కో విశ్వవిద్యాలయం జార్ చక్రవర్తుల కాలంలో కడితే ఆ కీర్తిని కమ్యూనిష్టు రష్యాకి శ్రీశ్రీ ఆపాదించాడని సారాంశం

శ్రీశ్రీ 04/01/1955 న ఈ వ్యాసాన్ని కువ్యాఖ్యానం అంటూ ప్రతిగా ఒక లేఖ రాశాట్ట, అది 07/01/1955 న అచ్చైయిందట. తాను చెప్పింది మాస్కో విశ్వవిద్యాలయం స్థాపన 1755, పునరుద్ధరణ 1954 గురించి అని. 

ఆంధ్రపత్రిక కువ్యాఖ్యానానికి కారణం ఆంధ్రప్రదేశ్ లో మధ్యంతర ఎన్నికలు ఫిబ్రవరి 1955 జరగవలి ఉంది.

కాంగ్రేస్ కమ్యూనిష్టుల మధ్య నువ్వా నేనా అన్నట్టు ఘాట్టి పోటీ ఉంది.

ఎన్నికల ప్రచారం అప్పటికే ఊపండుకుంది.

సహజంగానే అంధ్రపత్రిక కాంగ్రేసుకి కొమ్ము కాసేది. కాంగ్రేస్ మరియూ ప్రెస్ కమ్యూనిష్టుల మీద అక్కసు వెళ్ళగక్కటమే  పై వ్యాసం లక్ష్యం. అందులో భాగంగానే తన మీద నిందారోపణకి ఒడిగట్టాయంటూ శ్రీశ్రీ భావోద్వేగం.

నిజం చెప్పాలంటే ఆంధ్రా కమ్యూనిష్టులు రాష్ట్రం ఏర్పడ్డప్పటినుండి తమ ఉనికిని చాటుకుంటూనే ఉన్నారు. MLC దగ్గ్రనుండి MLA లదాకా తమ ప్రభావం చూపించారు.

ఫిబ్రవరి 11 1955 శాసనసభ ఎన్నికలు జరిగాయి. 167 స్థానాలకు 581 మంది పోటీ చేశారు. భారత జాతీయ కాంగ్రేసు 119 స్థానాలు గెల్చుకుంటే భారతీయ కమ్యూనిష్టు పార్టీ 15 స్థానాలు గెలుపొందింది.

31.13% ఓటు శాతం. కమ్యూనిస్టు గాలి బాగనే వీచినట్టు లెక్క

ఇక్కడి అసలు విషయం ఎలక్షన్లు కాదు

శ్రీశ్రీ గారి నైజం

అంతగొప్ప అభ్యుదయ వాది

అభ్యుదయ రచయితల సంఘం విప్లవరచయితల సంఘం అది ఇదీ.

ఒక చిన్న బావిలోని కప్ప ఓ రోజు ఓ పెద్ద చెఱువులోకి దూకిందట. అంత పెద్ద చెఱువు దానికి ఆశ్చర్యాన్ని కలిగించిందట. తామరాకులు ఒడ్డెమ్మటి బొక్కలు ఆహా ఓహో..అలా ఉంది శ్రీశ్రీ ధోరణి.

1000 ఏళ్ళ పరాయి పాలనలో మన వనరుల మీద మన సంపద మీద దాడి జరిపి నిష్క్రమిచాడు తురుష్కుడు, మిగిలిందాన్ని పీల్చి పిప్పి అయ్యాక స్వాతంత్రం అనే చిరిగిపోయిన చీకిపోయిన గోచీని దిశమొలమీద లాగి చుట్టి వెళ్ళాడు బ్రిటీషుడు.

కమ్యూనిష్టులు ఈ దోపిడీని గుర్తించారా?

భారతదేశానికి స్వాతంత్రం వచ్చింది, రష్యా దేశానికి జార్ చక్రవర్తి నుండి స్వాతంత్రం రాలేదు. ఆయన్ని చంపి పాలనని తమ చేతుల్లోకి తీస్కున్నారు.

జార్ చక్రవర్తి పోతూ పోతూ సంపదను తీసుకు పోలేదు కానీ బ్రిటీషుడు పోతూ పోతూ భారతదేశ సంపదను దోచుకెళ్ళాడు. ఈనాటి ఆ సంపద లెక్క 5 ట్రిలియన్ డాలర్లు అంటున్నారు కొందరు.

ఏవైనా శ్రీశ్రీ ఎఱ్ఱ కళ్ళద్దాలలో రష్యా ఎంత బాగున్నా ఎంత ఎఱ్ఱగా ఉన్నా భారతదేశపు ఎఱుపు పసుపు నలుపు తెలుపు కనపడకపోవటం కేవలం కళ్ళద్దాల మహిమ మాత్రం కాదు

ఉగాదికి స్వాగతం

 లేని వసంతాల వెంట
కానరాని వనాల మధ్య
లేని మామిడి చిగుళ్ళుతినే
వినిపించని కోయిలగొంతు కోసం
ఊహల్లో విహరిస్తూ
లేని కలంలో
కనిపించని సిరా నింపి
ఊహాజనిత కాయితం మీద
రాసే కవిత సాక్షిగా
గతేడాది ఇదేరోజున
పంచాగం వెతికి
రాశీఫలాలు శోధించి
ఛీ ఎప్పట్లానేనా అనుకుని
ఉసూరుమన్న జ్ఞాపకానికి
అప్పుడే ఏడాదయ్యిందనుకుంటూ 
కొత్త ఫలాల కోసం శోధిస్తూ
ఆశతో .... 
ఉగాదిగి స్వాగతం చెప్తూ ...

మంచి కాలేజీయేనా?

ఆంధ్రా నుంచి వచ్చిన నేను ఒక సగటు ఆంధ్రావాడిలాగనే ఉంటాగానీ ఇంకోలా ఎలా ఉంటా? పుట్టుకతో వచ్చిన, పెరగటంలో కలిగిన జ్ఞానం విజ్ఞానం పరిజ్ఞానం నాది.

సరే! విషయంలోకొస్తే, సూరిగాడు కాలేజీకి వచ్చాడు.

నమ్మలేకపోతున్నారు కదూ? నా బ్లాగులో ఎన్నో పోస్టులు పిల్లల మీద వేశాను. ముఖ్యంగా సూరిగాడి మీద. ఎందరో బ్లాగు మిత్రులు సూరిగాడికి ఫ్యాన్స్ అయ్యారు. వాడి పుట్టినరోజుకి శుభాకాంక్షలు అందించారు ప్రతీ ఏడాది, పెద్దలు అనేకులు దీవించారు.

మహాభారత్ టీవీ serial మొట్టమొదట వచ్చే మాటలు గుర్తుకొస్తున్నాయి

మై సమయ్ హూఁ మై కభీ రుక్తా నహీఁ, హమేషా ఆగె బడ్తా రహ్తా హూఁ, ఔర్ ఠీక్ ఉసీ తరాహ్  కాం హై, హమేషా బడ్థా హీ రహ్తా హై, పర్ సమయ్ కభీ కాం కేలియే నహీఁ రుక్త

కాలం నాకోసమో నీకోసమో ఆగదు...ఎప్పుడూ తన మానాన తాను ప్రవహిస్తూనే ఉంటుంది. నా బ్లాగ్ లో మొదటి పోస్ట్ వేసే నాటికి సూరిగాడు ఏడాది వయసు. ఈ రోజున 18 ఏళ్ళ వయసు.

కాలేజీకి సిద్ధం అవుతున్నాడూ అంటే ... పుత్రోత్సాహము, చెయ్యొదులన్నా, పొంగిపోనీ అన్నా...

సరే విషయంలోకొస్తే, మనోడు ఓ పెద్ద పగలనూకుతాడు భూమి మొత్తాన్ని తలకిందులుగా తిప్పే పైతాన్ కోడ్ రాసి, ఎక్జిక్యూట్ చేస్తే సిస్టంస్ అన్నీ వేడెక్కి పగిలిపోతాయి అని నేను ఏమాత్రమూ ఊహించలా.

అసలు వాడు ఏమి చదువుతున్నాడు అని కూడా నేను పెద్ద పట్టించుకోలా. బడి నుంచి ఇంటికొచ్చేవాడు, బ్యాగ్ ఇస్సిరికొట్టి baskaetball ఆడుతుండేవాడు. నేను దాన్ని ప్రోత్సహించాను. వాడి కన్నా ఏడాదో రెండేళ్ళో ముందున్నవాళ్ళు రాత్రిళ్ళు 1 దాకా హోంవర్కులు చేస్తూ హడావిడీ పడేవాళ్ళు. వీడు మాత్రం పది కల్లా దుప్పటి ముసుగులోకి జారుకునే వాడు. ఏరాబాబూ హోంవర్క్ లేదా అంటే, స్కూల్లోనే చేశా అని చెప్పేవాడు. ఆశ్చర్యం వేసేది. ఇదేంటిది, ఇలాఎలాగా? ఇల్లాక్కూడా అవ్విద్దా అని నోరెల్లబెట్టి ధనా ధనా అని మోగే బాస్కెట్ బాల్ హూప్ వైపు చూస్తూ ఉండేవాణ్ణి. వాడొచ్చి, మూసేయ్ నోట్లోకి దోమలు ఈగలూ కార్లు బస్సులూ ఎల్తన్నయ్యై అని చెప్పేవాడు వెటకారంగా.

మోడీ గారు చెప్పిన మాట, మన అందరికీ తెలిసిన మాట ఒకటి ఉంది - జో ఖేలేఁ వో ఖిలే, ఆడేవాడు వికసిస్తాడు అని. నా అభిప్రాయం - అది అక్షర సత్యం అని.

నేను వాడి చదువులో వేలు పెట్టకుండా ఉంటానికి కారణాలు అనేకం.

ఒక ముఖ్య కారణం - మీవాడు చదువులో వెనకబడి ఉన్నాడు అని బడి నుంచి నాకు నోటిఫికేషన్ రానంత వరకూ నేను వేలు పెట్టాల్సిన అవసరం లేదు అనిపించింది.

ఇంకొక విషయం - ప్రతీవాడు IIT కి వెళ్ళలేడు. వెళ్ళినా మొదటిరోజు నుంచే 20 అడుగులు దూకు కమాన్ పెర్ఫార్మ్ అనే డిమ్యాండ్ ఉంటుంది. ఎందుకు అంత ఒత్తిడి? అనిపించింది

మూడూ విషయం - సూరిగాడి మిత్రబృందంలో ఒకడి నాన్న 1960 లల్లో వచ్చి స్థిరపడ్డ సంతతి. అతను ఒకమాట చెప్పాడు. గురూ పిల్లవాడు MS చేద్దాం అనే అలోచన ఉన్నటైతే BS ఏకాలేజీలో చేసినా దాదాపు ఒక్కటే. అంతేగాక, అమెరికా సిస్టంలో, ప్రతీ వాడికి ఏదోక కాలేజీలో సీటు తప్పక రాసిపెట్టి ఉంటుంది. కొందరు Texas A&M కి వెళ్తారు, కొందరు UT Austin కి వెళ్తారు మిగతావాళ్ళు మిగతా కాలేజుల్లోకి వెళ్తారు. అంతే అన్నాడు.

ఓరిదీనెమ్మ దీనికోసం చిన్నప్పటి నుంచి ఎన్ని వెషాలు తలితండ్రులు వేస్తారూ, ఎన్ని వేషాలు పిల్లలచేత వేయిస్తారూ? హవర్స్ అని వాలెంటరీంగ్ అని మ్యూజిక్ అని స్పోర్ట్స్ అనీ సాకర్ mom సాకర్ డాడ్ .. అదీ ఇదీ ... 

ఇవన్నీ అవసరమే కాదన్ను కానీ అవసరానికి మించి యాస్పైర్ అవటం మనిషి నైజం అనిపిస్తుంటుంది..

ఏవైనా ఉరుకులు పరుగులు taekwondo లు basketball లు music లు dance లు అవి ఇవి - వీటన్నిట మధ్యలోంచి లేచి నాన్నా కాలేజీకి అప్లై చేస్కుంటున్నా, UT Arlginton UNT UT Dallas UofH Texas Tech లాంటి కాలేజీలల్లో వచ్చింది. కానీ UT Arlginton UNT Texas Tech లో నేను కోరుకున్న మేజర్లో వచ్చింది అన్నాడు.

సరేరా నాయనా, మంచి నిర్ణయం తీస్కో, ఏది బాగుంటుందో తెలుసుకో, ఇండస్ట్రీకి ఏది దగ్గరగా ఉంటుందో ఇండస్ట్రీకి ఏది సుస్పష్టంగా కనిపిస్తుందో కనుక్కుని చేరు అన్నాను.

మా ఇంటి వెనుక ఓ పెద్దాయన MIT లో PhD చేసి ఇక్కడకొచ్చి సెటిల్ అయ్యాడు పెద్ద వయసులో. మా స్కూల్ డిస్ట్రిక్టులో ఆయన అనేక స్కూల్స్ లో సబ్స్టిట్యూట్ టీచర్ గా చేస్తుంటాడు కాలక్షేపానికి. అప్పుడెప్పుడో మాటల మధ్యలో మీ వాడికి కాని అమ్మాయికి కానీ చదువు విషయంలో లెక్కలు కెమిస్ట్రీ ఫిజిక్సుల్లో ఏవైనా సహాయం కావాలంటే ఏమాత్రమూ సందేహించకుండా నా డోఋ కొట్టు, మీ పిల్లలకి ఉచితంగానే చెప్తాలే అని మాటిచ్చాడు.

సూరిగాడు ఒకటి రెండు సందర్భాలల్లో ఆయనదగ్గరకు వెళ్ళొచ్చాడు కూడా.

వీడికి పైన చెప్పిన కాలేజీలల్లో వచ్చింది అని తెలిసిన తర్వాత ఓ రోజు సాయంత్రం ఆయన వాక్ చేసుకుంటూ మా ఇంటి ముందునుంచి వెళ్తూ అగాడు హై అంటూ.

పెద్దాయనా, PhD చేసిన వ్యక్తి, MIT నుంచి వచ్చిన వ్యక్తి, పైగా సూరిగాడికి రెండు ముక్కలు ప్రపంచాగ్నికి సమిధలు ఆహుతొక్కటి ఇచ్చిన వ్యక్తి. బాగున్నారా సార్ అని పలకరించాను.

"యా యా ఏం జరుగుతోంది. మీవాడు కాలేజీలల్లో అప్లికేషన్ పడేస్తున్నాడా? అబ్బే కంగారు పడకు, ఏదోకదాంట్లో వస్తుంది అడ్మిషన్. భలే వాడివే ఊర్క టెన్షన్ పడతావెందుకూ" అన్నాడు

"అంటే ఉంటుంది కదా మాష్టారూ పిల్లాడన్నాక. అందునా చింపి చేట చేసే వాడైతే పేద్ద ఆలోచించం కానీ వాడు నాకొడుకు కదండి, అందుకే భయం" అంటూ ఒక సామాన్య తెలుగు వాడు వదిలే ఓ క్లిష్టమైన సంక్లిష్టమైన అదైన ఇదైన ప్రశ్నని వదిలాను. ఆంధ్రా నుంచి వచ్చిన నేను ఒక సగటు ఆంధ్రావాడిలాగనే ఉంటాగానీ ఇంకోలా ఎలా ఉంటా? పుట్టుకతో వచ్చిన, పెరగటంలో కలిగిన జ్ఞానం విజ్ఞానం పరిజ్ఞానం నాది.

"పై కాలేజీలల్లో ఏకాలేజీ బాగుంటుందీ, ఈ కాలేజీలు మంచివేనా" అని.

ఆయన నావైపు ఓ చూపు విసిరి చిద్విలాసంగా ఓ నవ్వు నవ్వి అర్జునా వినూ అంటూ మొదలుపెట్టాడు

"పై కాలేజీలన్నీ మంచివే. అమెరికాలో మంచి కాలేజీ కాదు అనబడే కాలేజీనే లేదు. నీకో ముఖ్యమైన విషయం చెప్తా సావధానంగా విను, ఏకాలేజీకి వెళ్ళినా, మంచి చెడు చదివే వాడిని బట్టి. విద్యార్థిని బట్టి. కొన్ని కాలేజీలల్లో అవకాశాలు తక్కువ ఉంటాయి. కొన్నిట్లో ఎక్కువ ఉంటాయి. తేడా అంతే. కొన్ని కాలేజీలు ఇండస్ట్రీకి దగ్గరగా ఉండి సంబంధాలు కలిగి ఉంటాయి. కొన్ని ఉండవు. ఏది ఏవైనా కష్టపడి అవకాశాలని అందిపుచ్చుకుంటూ వెళ్ళేవాడే రాణిస్తాడు." అని ముగించాడు.

నాకు కళ్ళు తెరుచుకున్నాయి.

నిజమే అనిపించింది చివరాకరికి.

మా culdesac లో సాయంత్రం అయ్యే సరికి ఓ డజను మంది పిల్లలు రెండేళ్ళ నుంచి పన్నెండేళ్ళవరకూ ఆడటానికి వస్తారు, culdesac safe కాబట్టి. పిల్లలతో పాటు ఒక కేర్ టేకర్ తండ్రో తల్లో నానమ్మో ఎవరోకరు. వాళ్ళలో ఒకతను తెల్లవాడు మనకి బాగా పరిచయం. 

"ఏంటి గురూ" అన్నాడోరోజున. 

"మామూలే" అన్నా ప్రసన్నంగా. 

"మీవాడి కాలేజీ తేలిందా" అన్నాడు కుతూహలంగా. 

పై కాలేజీ పేర్లు చెప్పి, మళ్ళీ వదిలాను - "ఇవి మంచి కాలేజీలేనా" అని.

బట్టనెత్తి అయి, అది కవర్ చేస్కోటానికి నున్నగా గీసేస్కున్న బోడిగుండు మీద ఓ సారి గీక్కుని "అంటే?" అన్నాడు. 

"అదే అదే ఈ కాలేజీలు ఎలా ఉంటాయి" అన్నాను తప్పడిగానా ఏంటి పొరపాటునా అనుకుంటూ.

"మా brother పై చెప్పిన కాలేజీలో పలానీ దాంట్లో చదివాడు, నేను పలానీ దాంట్లో చదివాను. "నీకో విషయం చెప్తా విను, కాలేజీలు అన్నీ బాగనే ఉంటాయి, విషయం అంతా విద్యార్థిలోనే ఉంటుంది అంతా." అంటూ చెప్పుకొచ్చాడు ఆయన కాలేజీలో ఎలాంటి కష్టాలు పడ్డాడో అవన్నీ...

తంగిరాల వారితో అనుబంధం

గుంటూరులో మేము కీశే శ్రీ మిన్నెకంటి గురునాథ శర్మ గారి ఇంట్లో అద్దెకుండే రోజుల్లో మా ఇంటి ముందు తంగిరాల వారు ఉండేవారు. ముగ్గురు అన్నతమ్ములు, ఆస్తి పంపకాలు చేస్కున్నారు, విడిబడ్డారు. 

పెద్ద ఇంటిని మూడు ముక్కలు చేస్కోగా మా ఇంటి ముందున్న వాటా పెద్దాయనకి వచ్చింది. 

ఆ పెద్దాయనకి ముగ్గురు కొడుకులు. 

పెద్దతను హైద్ లో జాబ్ చేసేవాడు. 

రెండోతను నేను ఇంటర్ చదివే రోజుల్లో MSc Physics చేసేవాడు ఆచార్య నాగార్జునా విశ్వవిద్యాలంలో. మూడోతను వాసు. బహుశా నాకన్నా రెండో మూడో ఏళ్ళు పెద్ద అనుకుంటా. 

అప్పట్లో గ్యాంగ్ లీడర్ సినిమా రిలీజ్ అవటం, పెద్ద హిట్ అవ్వటం, చాలామంది కుఱ్ఱకారు చిరంజీవిని కులదేవతలా పూజించటం, ఆయన డ్రస్సులు హైర్ స్టైల్ కాపీకొట్టటం..ఇలాంటివి చెప్పాల్సిన అవసరం లేదు..

వాసు కూడా ఆ తానులో ముక్కే. 

కొంచెం గడ్డం, 

పూల పూల చొక్క 

తెల్ల జీన్స్ 

పవర్ షూస్, 

కాలర్ లేపి...వాసు నా స్మృతిపథంలో అలా ఉండిపోయాడు. 

మొన్న గుంటూర్ వెళ్ళినప్పుడు ఆ సందులోకి వెళ్ళాను. 

తంగిరాల రమేష్ కుమార్ అని నేం ప్లేట్ కనిపించింది. 

తలుపు కొట్టాను. ఓ మధ్యవస్కుడు తలుపు తీసి ఏంటి అని అడిగాడు. ఇలా వాసు, వాళ్ళ అన్నయ్య బాబీ అని విచారించాను. 

వాళ్ళు హైద్ లో ఉంటూన్నారు అని చెప్పి నెంబర్ ఇచ్చాడు

తంగిరాల వారితో అనుబంధం

ఏం పాట వింటున్నా?

ఏం పాట వింటున్నారూ? అని ఇందక ఒక tweet చూసినాను.

మెదదు పొరల్లో ఏవో తెలియని కొన్ని మెదడుకంపనలు ప్రకంపనలు.

ఏం పాట వింటున్నా?

అనేక రకాల సమాధానాల వెల్లువ

తెలుగు పాట వింటున్నా

పొద్దున్నే పొద్దున వినాల్సిన పాటల్ని వింటున్నా

మధ్యాహ్నం మధ్యాహ్నం వినాల్సిన పాటల్ని

మాపటేళ సాయంత్రపు ఆలోచలనఈ ఊహల్నీ ప్రజ్వలింపజేసే ఉసిగొల్పే ఊరటగొల్పే లాలించే పాట్లనే వింటాను వింటున్నాను

ఓ రోజంతా ఉల్లాసంగా ఆనందంగా తట్టిలేపేలా పట్టుకు ఊపేలా సాగాలంటే ఏం పాటలు వినాలో ఆ పాటలే వింటా వింటున్నా

నా మనసుకి నచ్చిన రచయిత కవి రాసిన పాటలు వింటున్నా

ఇలాంటి రకరకాల సమాధానాల పరంపరల నుండి ఓ స్పష్టమయిన సమాధానాన్ని పట్టి బయటకు లాగినాను

ఏం పాట?

నాన్నా! ఏం పాట వింటున్నా?

చెవిలో AirPods 23 గం 59ని ఓట్టుకుని ఏవో పాటలు వింటూ ఊగిపోయే కొడుకుని అడిగాను ఆర్తిగా.

You know Drake? అన్నాడు పొంగిపోయే భావోద్వేగంతో

Drake? వాడెవడు అన్నాను

హా~ ఔన్నానా NBA Player అన్నాడు చిరాకు నిండిన స్వరంతో నీకేం తెలియదు అన్నట్టుగా, "అతనొక పాటగాడు నాన్నా' అన్నాడు నయ యువ రక్తం ఉరకలై పోరుతుండగా పెల్లుబికే ఓ స్వరంతో.

ఈ కాలపు ప్రవాహం ఇదీ, గమనించూ అంటున్న హెచ్చరికతో.

YouTube లో వెతికాను ఎవడూ ఈ డ్రేకుడు అని..

కటింగ్ జటింగ్ ఫిటింగ్ రటింగ్ మధ్యమధ్యలో ఓ పాతిక సార్లు f*** word విరివిగా వాడుతూ వస్తోంది వాడి బాణీ.

తల విద్ల్చి నువ్వు ఏమి వింటున్నావూ అని అడగబోయాను కూతురు గారి గది వద్దకు  వెళ్ళి.

తలుపు తెరచిన తనవాకిట BTS పాటగాళ్ళ/గత్తెల చిత్రపటాలు విరివిగా అంటించి ఉన్నాయి చిందరవందరగా తలుపు నిలువునా

హృదయంతరాలలోంచి చిమ్ముకురాబోయిన ప్రశ్నని నిర్దాక్షిణ్యంగా దిగమింగుతూ garage లోకి నడిచాను భారంగా

మనసంతా ఏందాకాలపు వేడి గాలికి పైకి లేస్తున్న దుమ్ములో చిక్కుకున్న కాగితపు ముక్కలా ఉంది అల్లల్లాడుతూ

youtube playlist లోంచి ఒక పాటను play చెయ్యమన్నాను రిమోటు గాడిని

"తీగనై మల్లెలు

పూచిన వేళా

ఆగనా

అల్లనా

పూజకో మాల

మనసు తెర తీసినా

మోమాటమేనా 

మమత కలబోసినా

మాట కరువేనా"

వేటూరి స్రవంతి ప్రవాహం

భావం నేపథ్యానికి గోడ

భావం పదానికి అల్లికకు వ్యక్తీకరణకూ పునాది

భావం లేక పోతే ఇవేవీ లేవు

భావం భాష అల్లుకు పోయిన రెండు లోహాలు. విడదీయలేం

పాట పదం సాహిత్యం కవిత మనసు పొరల్లోంచి పెల్లుబికే ఓ ఊట.

దాని ప్రవాహానికి ఒడ్డు భావం భాష

"మనసు తెర తీసినా"

మనసు తెర తీయటం ఏంటీ? మనసుకి కూడ తెర ఉంటుందా?

ఇలాంటి ప్రశ్నలు ఉదయించాలంటే స్ఫురించాలంటే భావం తెలియాలి భాష అర్థం కావాలి...

తర్వాతి పాట ప్రవాహం

అభినవ తారవో

నా అభిమాన తారవో

అభినవ తారవో

అభినయ రసమయ కాంతిధారవో

మంజుల

మధుకర

శింజాన

సుమశర

శింజిని

శివరంజనీ

నిజం చెప్పాలంటే ఈ పాటకి ఒక ఆస్కార్ సరిపోదు. ఎన్ని ఆస్కార్లు ఇచ్చినా తక్కువే. అసలు ఈ లాంటి భావన ఏ దేశంలోనూ ఉండదు. కేవలం భారతావనిలో తప్ప. సినారె! అంతే!

నేపథ్యం తెలియకుండా పాట వింటే కలిగే ప్రయోజనం ఏవిటీ?

మనసులో ఏదో అలజడి

ఇంతకీ ఏం పాట వింటున్నానూ?

ఏ పాట వినాలీ?

పదవినోదం #3

 

నిలువు: 

1. పొలానికి కొట్టేది 

2. ఆలోచన 

4. పాలించువాడు 

6. కనుమఱుగైనది, కాలగర్భంలో కలిసినది అని అర్థం 

7. తెలుగులో నీతిచంద్రిక రచించిన ఈయన పేరు చివరి బిరుదు 

8. నేల విడిచి చేయగూడనిది

అడ్డం: 

2. సాంప్రదాయరీతిలో జానపద నృత్య రీతి, భాగవతం చెప్పే విధానం 

3. తెల్లవారు ఝాము 

5. రామాయణంలో సేతువు నిర్మించే అవసరం పడినప్పుడు ఈ వానర ముఖ్యుణ్ణి పిలిపించారు, ఆకాలానికి సివిల్ ఇంజనీరు అనుకోండి.. 

9. ఉత్త/ఖాళీ 

10. కాశీలో దొరికేది

ఈ రాజు లెవరో పేర్లు రాయండి

మొన్నెప్పుడో వాట్స్ యాప్ లో ఓ మిత్రుడు ఇది పంపించాడు. అంత పెద్ద కఠినమైన పరీక్ష కాకపోయినా బాగుందని ఇక్కడ పెడుతున్నా.

1. పది తలల రాజు ఎవరు?

2.  దిన రాజు ఎవరు?

3.  రారాజు ఎవరు?

4. వలరాజు ఎవరు?

5. నగరాజు ఎవరు?

6. ఖగరాజు ఎవరు?

7. గో సేవ చేసి సంతానాన్ని పొందిన రాజు ఎవరు? 

8. ముని శాపవశాత్తూ పుత్రశోకంతో మరణించిన రాజు ఎవరు?

9. నెలరాజు ఎవరు?

10. మృగరాజు ఎవరు?

11. దేవతల రాజు ఎవరు?

12. బొందితో కైలాసానికి చేరాలనుకున్న రాజు ఎవరు?

13. సత్యం కోసం సతినే అమ్మిన రాజు ఎవరు?

14. జూదం లో ఆలిని ఓడిన రాజు ఎవరు?

15. కుమారునిపై ప్రేమతో కానిపనిని కాదనలేకపోయిన గుడ్డి రాజు ఎవరు?

16 .భాగవతం విని మోక్షం పొందిన రాజు ఎవరు?

17. భార్య ఇచ్చిన మాట కోసం ఏడుగురు పుత్రులను పోగొట్టుకున్న రాజు ఎవరు?

18. అష్టదిగ్గజాలనేలిన రాజు ఎవరు?

19. భారతాంధ్రీకరణకు పురికొల్పిన రాజు ఎవరు?

20.  ఒకే మాట ఒకే బాణం ఒకే భామ అన్న రాజు ఎవరు?

ప్రతాపరుద్రీయం, కవిగారి వాంతులూ

ఇది కేవలం బ్రాహ్మణ ద్వేషం కాక మరేవిటీ?

ఈయన గొప్పవాడై ఉండచ్చుగాక!

తెలిసికోర యుగంధరుం డను

తెలుఁగుబ్రాహ్మణమంత్రి లేఁడుర

తెలిసికోర జనార్దనుండను

తెలుఁగుబ్రాహ్మణమంత్రి లేఁడుర

వినర వేంకటరాయశాస్త్రుల

పిచ్చివాఁడునుగూడ లేఁడుర

పేరిగాఁ డను పెద్దచాఁకలి

వెధవ యంతకుమున్నె లేఁడుర

    తెలుఁగుబిడ్డా! తెలుఁగు చరితను

నేఁటికైననుఁ దెలిసికోరా!!

ఢిల్లికేగినమాట యుత్తది

ఢిల్లిసుల్తాన్‌ బట్టు టుత్తది,

ఓరుగంటి ప్రతాపరుద్రుని

నోరుగంటిని జేర్చుటుత్తది

ఆ యుగంధరమంత్రి దీనిని

నంతచేసెను ననుట యుత్తది,

ఔర! ఔర!! ప్రతాపరుద్రుని

నాటకం బదె బూటకంబుర

    తెలుఁగుబిడ్డా! తెలుఁగు చరితను

నేఁటికైననుఁ దెలిసికోరా!!

ఢిల్లిదగ్గర గంగయుండెనొ?

గంగయొడ్డున ఢిల్లియుండెనొ?

గంగమీఁదను బడవయెక్కిన

ఓరుగంటిని జేరఁగలఁడే?

ఔర! వేంకటరాయశాస్త్రీ!

ఔర! వేంకటరాయశాస్త్రీ!!

ఎంత బొంకును బొంకి పోతివి

చచ్చి యెచ్చట నుంటివోకద

    తెలుఁగుబిడ్డా! తెలుఁగు చరితను

నేఁటికైననుఁ దెలిసికోరా!!

ఓరుగంటి ప్రతాపరుద్రుని

యొద్ద బ్రాహ్మణమంత్రియొక్కఁడె;

ఊరు పేరును లేదు వానికి

నూర కాతఁడు మాసిపోయెను;

బ్రాహ్మణేతరమంత్రు లుండిరి,

వారు తీర్చిరి రాచకార్యము,

కార్యఖడ్గములందు చతురులు,

కాని వారల నెఱుఁగ రెవ్వరు!

    తెలుఁగుబిడ్డా! తెలుఁగు చరితను

నేఁటికైననుఁ దెలిసికోరా!!

ముక్కుత్రాళ్ళను బోసి రిపులకు

ముప్పదేడులు రాజ్యమేలెను

సాహసాంకుఁడు చటులవిక్రమ

శాలి మా ముసునూరి కాపయ

ఓరుగంటిని తొలఁగిపోయిన

తెలుఁగువారల ప్రతిభ నిల్పెను

తెలుఁగువారల కత్తిదెబ్బలు

దిక్తటంబుల మరల మ్రోగెను

    తెలుఁగుబిడ్డా! తెలుఁగు చరితను

నేఁటికైననుఁ దెలిసికోరా!!

ఓరుగంటి ప్రతాపరుద్రుఁడు

బందెపోవుట వాస్తవంబే,

బందెతీర్చిన మాసటీఁడొక

బ్రాహ్మణేతర దండనాథుఁడు

"రాయబంది విమోచకుం"డను

రాయబిరుదముదాల్చె నాతఁడు

ప్రజలు నేఁటికి మఱచిపోయిరి

వాని మాటను జెప్ప రొక్కరు

    తెలుఁగుబిడ్డా! తెలుఁగు చరితను

నేఁటికైననుఁ దెలిసికోరా!!

బందె వదలిన పిదప రాజ్యము

నేలలేదు ప్రతాపరుద్రుఁడు,

సిగ్గుచేతను గౌతమీనది

చెంతఁ జేరుచుఁ దపముచేయుచు

బందెవీడెను - బొందె వీడుచు

భూతలేశ్వరుఁ డంతెగానీ

ఓరుగంటిని మరలఁ గంటను

నొక్కనాఁడునుఁ జూడలేదుర

    తెలుఁగుబిడ్డా! తెలుఁగు చరితను

నేఁటికైననుఁ దెలిసికోరా!!

తప్పుపాటలు పాడఁబోకుము

తప్పుమాటలు చెప్పఁబోకుము

తప్పుకథలను జదువఁబోకుము

తప్పుదారులఁ ద్రొక్కఁబోకుము

ప్రాఁతకథలను దెలిసిచదువుచు

పాటఁబాడుము పరులు మెచ్చఁగ

కల్లవ్రాఁతలు తొలఁగ బుచ్చుము

కల్లకథలనుఁ బులిమి పుచ్చుము

    తెలుఁగుబిడ్డా! తెలుఁగు చరితను

నేఁటికైననుఁ దెలిసికోరా!!

-'కవిరాజు' త్రిపురనేని రామస్వామి చౌదరి

ఏం చెప్పదలచాడు కవి ఇందులో?

తప్పు పాట పాడకురా తెలుగువాడా. ఏదిటా తప్పు పాటా?

పలానీ యుగంధరుడు అనే వాడు లేడు. అది ఉత్తుత్తి కబురు.

ఎవరీ యుగంధరుడూ?

ప్రతాపరుద్రీయం అని ఒక నాటకం. ఎవరు రాశారూ? వేదం వేంకటరాయ శాస్త్రి. ఆయన కర్మ ఏవిట్టా? బ్రాహ్మడుగా పుట్టుట. ప్రతాపరుద్రుడు ఎవరటా? ఓరుగల్లు సంస్థానానికి రెండవ ప్రభువుట.  సదరు ప్రతాపరుద్రుని జీవితంలోజరిగిన కొన్ని చారిత్రాత్మక, యధార్థ సంఘటనల ఆధారంగా వ్రాసిన తెలుగు నాటకం ప్రతాపరుద్రీయం. వేంకటరాయశాస్త్రి అండ్ బ్రదర్స్, మదరాసు వారు 1992 సంవత్సరంలో ముద్రించారుట.

యుగంధరుడు అనేవాడు ప్రతాపరుద్రుడికి మంత్రి అని వేంకటరాయ శాస్త్రి రచన.

అయితే? ఏవిట్టా?

ఇందులో వేదం వేంకటరాయ శాస్త్రి పైత్యం ఉండుండవచ్చు. వుండకనూ పోవచ్చు. దానికి కవిరాజుగారి వాంతులు ఎందుకుటా?

రెండు కోణాలు -

వేదం వేంకటరాయ శాస్త్రి రాసింది నాటకం. ఇది కొన్ని కల్పితాలు కొన్ని యదార్థ సంఘటనలూ కలిపిన రచన. ప్రతీనాటకం యదార్థం కాదు. ఆమాటకొస్తే మనం చదివే చరిత్ర యదార్థం కాదు. ఎందుకూ? అని అడగొచ్చు. చరిత్ర వ్రాయబడింది. ఎవరిచేతా? - చెప్పినవాడి తరపునించి రాయంబడింది. అంటే చరిత్ర కూడ ఇజానికి బందీ.కాంగ్రేసు పలకులు చరిత్రను తమవైపుకి రాయించుకున్నారు. తర్వాతి భాజపాలు తమ వైపుకి తిప్పుకున్నారు. రేపొద్దున్న ఎల్లదొరలు తమ ఇచ్ఛకి అనుసారం రాయించుకుంటారు. అది అలా వదిలేస్తే, కవిరాజు గారి ఈ దాడికి నేపథ్యం కేవలం కులమే. 

మహాంధ్ర సామ్రాజ్య పతనము అని మరొక రచన, రాసింది త్రిపురనేని వెంకటేశ్వరరావు. ఈయన మొదటి పేజీలోనే చెప్పుకున్నాడు అతని ఇజాన్ని. కవిరాజు రాసినదాన్నే నెమరు వేశాడు - తెలుఁగుబిడ్డా! తెలుఁగు చరితను

నేఁటికైననుఁ దెలిసికోరా!! అన్నాడు.

ఏది నిజం? ఏది అబద్ధం. వీళ్ళెవరూ నిర్ణయించటానికీ? 

భోగభాగ్యాల భోగి

భోగభాగ్యాల భోగి

ఈదేశం వచ్చాక భోగమూ లేదు భాగ్యము లేదు అని గునిసేవాళ్ళు ఉన్నా

భోగం అంటే మానసిక వై-భోగం అనుకుంటే

అదే మహాభోగం వైభోగం భాగ్యం

ఈవేళ్ళటి రోజున అన్నిటి కన్నా బాగ్యం వైభోగం - ఆరోగ్యం

మీరు ఆరోగ్యంగా ఉండండి

మీ చుట్టుపక్కల వాళ్ళని ఆరోగ్యంగా ఉండనివ్వండి

మిత్రులందరికీ భోగి మేలుతలపులు శుభాకాంక్షలు

కళ్ళం కాడినుంచి బండి నిండా కొత్త బియ్యాన్ని ముందిట్లోకి దింపి

వచ్చే దారిలో కనిపించిన చెఱుకు గడలు నాలుగు కొట్టుకొచ్చి

పొద్దున్నే అడవికి వెళ్ళి అడవిరేగి పండ్ల చెట్టుని దులిపి

రాలిన పండు రేగులు తెచ్చి

అంతలో పనికిరాని చెత్తని ఏరుకొచ్చి

ముంగిట మంటవేసి

అంతలో చిక్కుడు ఆకులతో రెండు బొక్కెనలు నెత్తికి పోసుకుని

అప్పుడే పేడతో అలికిన పొయ్యి మీద

దొడ్లోని గొడ్డుపాలతో పరమాన్నం చేసుకుని

నివేదనలు కరపి

మూడురోజుల సంక్రాంతిని ఆహ్వానించటానికీ

మనమేమీ పల్లెలోనో లేము

ఆసామి తనమూ లేదు

చేయతగ్గదల్లా

సంక్రాంతి లక్ష్మికి చేతనైనకాడికి దండమెట్టుకిని

ఎవురి ల్యాపుటపుల్లోకి ఆళ్ళు తలలు కాళ్ళు చేతులు దూర్చేసి

పనిచేస్కోటమే

ఓ జాత్యహంకారీ

 

Trump supporters imitating the death of George Floyd.

Truly the scum of the earth.

pic.twitter.com/6yqyPDXlIe

— Sawyer Hackett (@SawyerHackett) January 6, 2021

ఓ జాత్యహంకారీ -

ఎటూ నీ పయనం?

నేటి నలగగొట్టబడ్డ నల్ల బిడ్డడు

రేపు ఎల్లదొరై నీ దేశాన్ని పాలించవచ్చు

ఒక్కసారి నీ కర్మ ఎలా కాలుతుందో ఆలోచించు ఆనాడు

ఎవరి రోడ్డులూ

ఎవరి దేశం అంటూ విర్రవీగుతున్నావు

ఈ దేశం నీయబ్బ సొమ్ము కాదని నీ అంతరాత్మకు తెలుసు

ఓ జాత్యహంకార-ఇజానికి బానిసా

నీ ఆత్మని అమ్ముకొకిలా

నిజాన్ని తెలుసుకుని బతుకు మనిషిలా

బతకనివ్వు మానవజీతినిలా 

తెలుగు పాటలు Open Project ఆలోచన/అవకాశం

 ఆ మధ్యకాలంలో హిందీ లిరిక్ కోసం smriti.com అనే ఒక వెబ్సైట్ కి వెళ్ళేవాడిని. ఎందుచేతనో ఆ సైట్ మూతపడింది.

ఆ సైట్ తయ్యారు చేసినవారు ఒక మంచి ఆలోచనతో చేశారు.

పాట వెతుక్కోటానికి - మొదటి అక్షరంతో వెతుక్కునేలా లిస్ట్ చేశారు.

పాడిన వారి ద్వార వెతుక్కునే విధమూ ఉంది.

కథానాయకుడి పరంగా వెతుక్కునే విధమూ ఉంది.

సంగీతదర్శకుడి పరంగా వెతుక్కునే విధమూ ఇచ్చారు.

తెలుగులో అలాంటి సైట్ ఉన్నట్లు నాకు ఎక్కడా తగల్లేదు.

అలాంటి సైట్ తయ్యారు చేయటానికి కావాల్సిన ముడి పదార్థాలు నేను స్పాన్సర్ చెస్తాను. ఓపిగ్గా కూర్చుని కోడింగ్ చేసే వాళ్ళు ఎవరన్నా ఉంటే ముందుకి రండి.

సోదరుడు వేణు శ్రీకాంత్ ఎన్నో పాటలు తన బ్లాగులోకి ఎక్కించాడు. సోదరుడి సహాయం తీసుకోవచ్చు పాటల కోసం.

వెన్నెలకంటి

 రాసలీలవేళ రాయబారమేల
మాటే మౌనమై మాయజేయనేలా
రాసలీలవేళ రాయబారమేల
కౌగిలింత వేడిలో కరిగే వన్నె వెన్నలా
తెల్లబోయి వేసవి చల్లె పగటి వెన్నెల
మోజులన్నీ పాడగా జాజిపూల జావళి
కందెనేమో కౌగిట అందమైన జాబిలి
తేనెవానలోన చిలికే తీయనైన స్నేహము
మేని వీణలోన పలికే సోయగాల రాగము
నిదురరాని కుదురులేని ఎదలలోని సొదలుమాని
రాసలీలవేళ రాయబారమేల
మాటే మౌనమై మాయజేయనేలా
రాసలీలవేళ రాయబారమేల
మాయజేసి దాయకు సోయగాల మల్లెలు
మోయలేని తీయని హాయి పూల జల్లులు
చేరదీసి పెంచకు భారమైన యవ్వనం
దోరసిగ్గు తుంచకు ఊరుకోదు ఈ క్షణం
చేపకళ్ళ సాగరాల అలల ఊయలూగనా
చూపు ముళ్ళు ఓపలేను కలల తలుపు తీయనా
చెలువ సోకు కలువ రేకు చలువ సోకి నిలువ నీదు
రాసలీలవేళ రాయబారమేల
మాటే మౌనమై మాయజేయనేలా
రాసలీలవేళ రాయబారమేల
రాసలీలవేళ రాయబారమేల
-వెన్నెలకంటి

మాటరాని మౌనమిది 

మౌనవీణ గానమిది

మాటరాని మౌనమిది 

మౌనవీణ గానమిది

గానమిది నా ధ్యానమిది 

ధ్యానములొ నా ప్రాణమిది 

ప్రాణమైన మూగగుండె రాగమిది

మాటరాని మౌనమిది 

మౌనవీణ గానమిది

మాటరాని మౌనమిది 

మౌనవీణ గానమిది

ముత్యాలపాటల్లొ కోయిలమ్మా 

ముద్దారపోసేది ఎప్పుడమ్మా

ఆ పాలనవ్వుల్లొ వెన్నెలమ్మా

దీపాలు పెట్టేది ఎన్నడమ్మా

ఈ మౌనరాగాల ప్రేమావేశం 

ఏనాడో ఒకరి సొంతం

ఆకాశదీపాలు జాబిలి కోసం 

నీకేల ఇంత పంతం

నింగి నేల కూడేవేళ 

నీకు నాకు దూరాలేలా 

అందరాని కొమ్మ ఇది 

కొమ్మచాటు అందమిది 

మాటరాని మౌనమిది 

మౌనవీణ గానమిది

చైత్రాన కూసేను కోయిలమ్మా 

గ్రీష్మానికాపాట ఎందుకమ్మా

రేయంత నవ్వేను వెన్నేలమ్మా 

నీరెండకానవ్వు దేనికమ్మా

రాగాల తీగల్లో వీణానాదం 

కోరింది ప్రణయ వేదం

వేశారు గుండెల్లొ రేగే గాయం 

పాడింది మధురగేయం

ఆకాశానా తారాతీరం 

అంతేలేనీ ఎంతో దూరం

మాటరాని మౌనమిది 

మౌనవీణ గానమిది

అందరాని కొమ్మ ఇది 

కొమ్మచాటు అందమిది..

కూడనిదీ జతకూడనిదీ 

చూడనిదీ మదిపాడనిదీ 

చెప్పరాని చిక్కుముడి వీడనిదీ

మాటరాని మౌనమిది 

మౌనవీణ గానమిది

అందరాని కొమ్మ ఇది

కొమ్మచాటు అందమిది

-వెన్నెలకంటి

అందిస్తున్నా వగరే చిరుచిగురే తొడిగే

చిందిస్తున్న సిరులే మగసిరులే అడిగే

రమ్మంటున్నా ఎదలో తుమ్మెదలే పలికే

ఝుమ్మంటున్న కలలో వెన్నెలలే చిలికే

గలగలమని తరగల తరగని కల కదిలిన కథలివిలే

కలకలమని కులుకుల అలసులుగని చిలికిన సుధలివిలే

చెలువనిగని కలువల చెలువులు గని నిలువని మనసిదిలే

అలుపెరుగని అలరుల అలలనుగని

తలపులు తెలిపిన వలపుల గెలుపిదిలే

తలపడకిక తప్పదులే

చలి చంపుతున్న చమక్కులో చెలి చెంతకొచ్చింది

-వెన్నెలకంటి

గొప్ప భావుకత
కవికి మరణం ఉండదు అని నా ప్రగాఢ విశ్వాసం.

మూర్తుల విధ్వంసం

మూర్తుల విధ్వంసం కొత్తేమీ కాదు. సూటిగా ఒక మాట చెప్పుకుందాం. మా ఊళ్ళవైపు అనగా పల్నాటి వైపు ఎన్నో దేవాలయాలు శతాబ్దాల చరిత్ర కలవి - విధ్వంసం అయిపోయాయి. నా కళ్ళ ముందు - మా ఊరికి దగ్గర్లో ఉన్న బుగ్గ మల్లయ్య దేవాలయం, మూడు వేల సంవత్సరాల చరిత్ర గల దేవాలయం. మల్లయ్య నిల్చుని ఉంటాడు పంచలోహంతో చేయబడి. కాళ్ళ వరకు విరగ్గొట్టబడ్డాడు. విగ్రహం మాయం. ఇలాంటివి ఎన్నో. మా ఉరికి దగ్గర్లోని రేగులగడ్డ దగ్గర్లో కల ఒక కోటలో దేవాలయంలో మూర్తులు మాయం, మూర్తులని ప్రతిస్థాపించిన గద్దెలు తొవ్వబడ్డాయి.

కారణాలు? మంచలోహ విగ్రహాలు అవటం ఒకకారణం. విగ్రహప్రతిష్ఠలో నవరత్నాలను వాడతారనేది ఇంకోకారణం.

ప్రస్తుతంలోకొస్తే - జగన్ వచ్చాక హిందూమతం మీద, గుళ్ళమీద దాడులు ఎక్కువయ్యయనేది వార్త.

క్రైస్తవీకరణ ఎక్కువైంది - ఇందులో ఏమాత్రమూ సంశయం లేదు.

ప్రభుత్వం ఈరకంగా మెజారిటీల మనోభావాలని దెబ్బతీస్తుందని నేననుకోవట్లేదు. హిందువుల ఓట్లను కోల్పోయే ఆలోచన ఏ పార్టీ కూడా చేయదు అని నా అభిప్రాయం.

ఇది రాజకీయ లబ్ది కోసం చేస్తున్నదే అని నా అభిప్రాయం.

ఏవైనా - ఈ సంఘటనలపై ప్రభుత్వం కఠినంగా వ్యవహరించాలి. అలాగే ప్రభుత్వ ఉదాసీన వైఖరిని ఖండించి తీరాలి.

పొంత లేని స్టేట్మెంట్స్ మానేయాలి

గ్రేట్ వాల్ ఆఫ్ అమెరికా

ఒక వైపు కోవిడ్ విఝృంభణ
మరోవైపు మృత్యుహేల

పిట్టల్లా రాలిపోతున్న జనం

కిం అనని ప్రభుత

అలా పక్కన పెడితే

మాస్క్ పెట్టుకోం అని వాదించే మూర్ఖులు

అలా పక్కనపెడితే

రోజురోజుకీ పెరుగుతున్న నిరుద్యోగం

ఉద్యోగాలు కోల్పోతున్న కార్మికులు

నెలాకరుకి అద్దె కట్టలేక రోడ్డున పడనున్న బతుకులు

ఇప్పుడే ఇలా చేయాలా అనిపించేలా వణికిస్తున్న చలి తీవ్రత

అబ్బెబ్బే కోవిడ్ అంతా ఉత్తిదే అంటు జనాన్ని చీకట్లోకి నెట్టి

టికా రాంగనే సేనని పక్కకి నెట్టి పొడిపించుకుంటున్న రాజకీయ రాబందులు 

పక్కనపెడితే 

జనానికి అండగా నిలవాల్సిన ప్రభుత్వం ప్రతిపక్షంతో *స్టిమ్యులస్ డీల్*

ఒక పక్కన జనాలు ఫుడ్ సెంటర్స్ దగ్గర గంటలు గంటలు బారులుతీరి నిల్చుంటున్నారు

జనాలు నీ ముఖాన్ని గెలిపించలేదంటే

కోర్టుల్లో కల్లబొల్లి కబుర్లు చెప్పటానికి $207 బిలియన్ డాలర్లు సేకరించిన అధ్యక్షుడు

అన్నార్తుల ముఖాన $600 స్టిమ్యులస్ చెక్ కొట్టటనికి డీల్

మరోవైపు తుమ్మితే ఊడిపోయే ముక్కులాంటి ఇనుప గోడకి $1.375 బిలియన్ డాలర్ల ఉద్దీపన

ఎవరి కన్నీళ్ళు తుడవటానికీ?

ఎవరి జేబులు నింపుకోటానికీ?

NEW VIDEO: #TrumpsGreatWall *TURN SOUND UP*

Dear @realDonaldTrump

This video short highlights the complete failure of your border wall. Listen to your own words as you sell the BIGGEST FAILED PROMISE IN POLITICAL HISTORY!

Watch as people easily climb your fake "great" wall. pic.twitter.com/0R13zYTNp8

— Don Winslow (@donwinslow) December 21, 2020

మాస్క్ పెట్టుకోవటం అనేది హక్కు

ముఖానికి మాస్క్  పెట్టుకుంటే కోవిడ్ సంక్రమించ కుండా ఆపలేమేమో కానీ కనీస జగ్రత్తకీ ఉపయోగపడచ్చు. ఈవిషయాన్ని చెప్పటానికి పి.హెచ్.డి చెయ్యాల్సినా పని లేదు. చిన్న చిన్న జాగ్రత్తలు మనల్ని మనం కపాడుకోటానికి ఉపయోగపడతాయి అని చెప్పటానికి డా||ఫౌచి ఇంటింటికి వెళ్ళో లేక ప్రతీ మనిషికీ ఫోన్ చేసో చెప్పల్సిన పనిలేదు.

ముఖానికి మాస్క్ వేసుకోటం అనేది ఒక మనిషి తనకు తనుగా స్వచ్ఛందంగా చేయ్యాల్సిన ఆచరించాల్సిన సమాజిక బాధ్యత కనీసం ఈ రోజుల్లో.

మాస్క్ పెట్టుకోవటం అనేది హక్కు.

ఘోరం ఏవిటంటే మాస్క్ పెట్టుకోవటాన్ని పెట్టుకోండని చెప్పటాన్ని పెట్టుకోకపోతే ఏదోలా పెట్టుకునేలా చేసే ఆలోచననీ రాజకీయం చేసేశారు కొందరు. దానికి కొన్ని వార్తా సంస్థలు వత్తాసు.

నిన్న రాత్రి వాషింగ్‌టన్ లో జరిగిన సంఘటన - కార్లో వెళుతూ మాస్క్ పెట్టుకున్నారని ఆపారు ప్రౌడ్ బాయిస్ అనే ఒక ట్రంప్‌ని మోసే గుంపు. వీళ్ళ దృష్టిలో మాస్క్ పెట్టుకున్నవాళ్ళు ట్రంప్ ని వ్యతిరేకించేవాళ్ళు.

భయంగొలిపే సంఘటన.

Trump supporters surround this car at Thomas Circle, accusing the driver and front-seat passenger of being liberals because they were wearing face masks inside of the vehicle.

One Trump supporter slapped the car's side window as it sped away. pic.twitter.com/GmQFQToFrA

— Kevin Lewis (@ABC7Kevin) December 13, 2020

ట్రంపిజం

ఆనాడు డ్యూటీలో ఉన్న ఒక ప్రభుత్వ ఉద్యోగి అందునా ఒక స్త్రీ మీద చేయిచేసుకుని పదవని కోల్పోయి తన ఉనికినే కోల్పాయాడు ఒక మంత్రి. 

ఈనాడు తన బాధ్యతను తాను నిర్వర్తించినందుకు ఈమె ఇంటి మీదకు తుపాకులతో వేళ్ళారు దుర్మార్గులైన కొందరు.

ఒక దొంగ పుట్టుకతో దొంగ కాడు, ఒక దొంగ తయ్యారు కాబడతాడు.

ఒక దేశాధ్యక్షుడు పుట్టడు, తయ్యారుకాబడతాడు ప్రజాస్వామ్య వ్యవస్థలో. (మన కర్మ మనదేశంలో ఇంకా కుటుంబ పాలనలో మగ్గుతున్న రాజకీయ కుటుంబాలున్నాయనుకోండి)

ఈమె పేరు జోసిలిన్ బెన్‌సన్, మిషిగన్ రాష్ట్రానికి సెక్రెటరి. రాష్ట్ర సెక్రెటరి ఇంటి మీదకే వేళ్ళారంటే వీళ్ళు ఎంతలా ప్రేరేపితం కాబడ్డారో?

వీళ్ళు ట్రంపిజాన్ని మోస్తున్న సైనికులు అని వేరేగా చెప్పాల్సిన పనిలేదు. తప్పు వీళ్ళదా? వీళ్ళని ప్రేరేపిస్తున్న వ్యవస్థదా?

తప్పు చేసేవాడిదే చేయించేవాడిదా?

తప్పు గొఱ్ఱెదా కాసేవాడిదా? 

ఇంత జరిగినా రిపబ్లికన్ పార్టీ నుంచి గానీ, దేశాధ్యక్షుడి నుంచి గానీ దీన్ని ఖండిస్తూ ఎక్కడా ఒక్క స్టేట్మెంట్ లేదు.

Jocelyn Benson just released a statement: “As my four year old son and I were finishing up decorating the house for Christmas on Saturday night ... dozens of armed individuals stood outside my home shouting obscenities and chanting into bullhorns in the dark of night.”

“Dozens of armed individuals” showed up to Michigan Secretary of State Jocelyn Benson’s home last night, shouting “Stop The Steal!” pic.twitter.com/rZhPK5hbsv

— philip lewis (@Phil_Lewis_) December 7, 2020

 

The individuals gathered outside my home targeted me as Michigan’s Chief Election officer. But their threats were actually aimed at the 5.5million Michigan citizens who voted in this fall’s election, seeking to overturn their will. They will not succeed in doing so. My statement: pic.twitter.com/RSUnPSN4Aa

— Jocelyn Benson (@JocelynBenson) December 7, 2020

.@MIAttyGen @dananessel and Wayne County Prosecutor @KymLWorthy issued the following joint statement regarding the protest in front of Secretary of State Jocelyn Benson’s home Saturday night: pic.twitter.com/RTTO5F2JEu

— Michigan Attorney General Dana Nessel (@MIAttyGen) December 7, 2020