డింగ్ డాంగ్ డిచ్

మొన్నోరోజు సాయంత్రం 9కి అనుకుంటా ఎవడో ముందు తలుపుని దబాదబా బాది పారిపోయాడు.

నాకు పిచ్చ కోపం వచ్చి, పరిగెత్తుకుంటు వెళ్ళి తలుపు తీసి చూస్తే ముగ్గురు పిల్లలు పరుగెత్తి పోతూ కనిపించారు. ఒకడు దూరంనుంచి మధ్య వెలు చూపిస్తూ Fuck you అనుకుంటూ అరుచుకుంటూ చీకట్లోకి కనుమరుగైపోయారు.

షాక్ కి గురి అయ్యాను. ఒక్కసారి ఏంచేయాలో అర్థం కాలేదు. సూరిగాడు వెనకాలగ వచ్చి కూల్ డౌన్ చిల్ లోపలకి నడువు అంటూ తీసుకెళ్ళాడు నోరు తెరచి చూస్తూ ఉండిపోయిన నన్ను.

భార్య గారు పిల్లలు పిచ్చ లైట్ గా ఉన్నారు సంఘటన గురించి మాట్లాడుతూనే.

నేను మాత్రం షాక్ లో ఉన్నాను ఇంకా. ఎంతకీ ఆలోచనలు తెగలెదు.

సూరిగాడు కూర్చోబెట్టి చెప్పాడు - అలా randomగా  ఇంటి తలుపు కొట్టటాన్ని Ding Dong Ditch అంటారు. ఇందులో పేద్ద విషయం ఉండదు. ఇది కేవలం ఫన్ కోసమే. ఇలా తలుపు కొట్టినప్పుడు మనం రియాక్ట్ అయితే మనల్ని ఎంచుకుని మళ్ళి మళ్ళి కొడతారు అని చెప్పుకొచ్చాడు.

ఆరోజుతో ఆ విషయం మరుగున పడిపోయింది.

మూడో రోజున మళ్ళీ - దబాదబా బాదటం పారిపోవటం దదాపు 9గంటలకే. ఈసారి వెంటబడ్డాను. మొత్తానికి పక్కసందులో ముగ్గురు పిల్లలు సైకిళ్ళ మీద కనిపించారు. నన్ను చూసి బెదిరారు.

హేయ్ ఆగు అన్నాను ఒక టోపీ పెట్టుకున్నవాడ్నిని. 

ఎందుకాగాలి నేనేం చేయలేదే అన్నాడు.

నువ్వు ఏంచేశావని నేనసలు అడగనే లేదుగా ఎందుకు భుజలు తడుముకుంటున్నావ్ అన్నాను.

దూరం దూరం అసలే కోవిడ్ మేము వెళ్ళాలి అనుకుంటూ వెళ్ళిపోబోతుంటే చెప్పాను -

నాదగ్గరున్న సర్వైలెన్స్ కెమేరలో మీరు దొరికారు. టోపీ పెట్టుకున్నవాడే తలుపు కొట్టీంది. నువ్వు అచ్చం కెమేరాలో దొరికినవాడి పోలికలోనే ఉన్నావు.

ఇప్పుడు నేను ఇంటికెళ్ళి పోలీసులతో తో మాట్లాడతాను. కెమేరా ఫుటేజ్ చూపిస్తాని వచ్చాను.

ఒకసారి కెమెరా ఫుటేజ్ చూస్తే ఆ పిల్లాడు తలుపు కొట్టి వెళ్ళలేదు. తలుపు కొట్టి కాలితో డోర్ ని తన్ని మరీ వెళ్ళాడు.

నాకెందుకో ఆడ్ గా అనిపించింది. కలితో తన్నటం అనేది కసిని తెలుపుతున్నది. కక్షని తెలుపుతున్నది. ఇది రెసిజం కేస్ అనిపించింది.

భయం వేసింది కూడా. వీళ్ళ ఇంటి ముందు అనఘ బస్ ఎక్కుతుంది. దీన్ని మనసులో పెట్టుకుని అనఘని ఏడిపిస్తారా? అనిపించింది.

తర్వాత తెలిసిన విషయం - ఈ పిల్లలు కేవలం దేశీ ఇళ్ళను మాత్రమే టార్గెట్ చేస్తున్నారనీ, అందునా ring లాంటివి లేని ఇళ్ళను టార్గెట్ చేస్తున్నారని.

ఏవైనా పోలీస్ మాట ఎత్తినాక మళ్ళీ రాలేదు వీళ్ళు.

ding dong ditch అని యూట్యూబ్ లో వెతికితే ఓ వీడియో నన్ను అసహనానికి గురిచేసింది.

ఎవడో దేశి. వాడి తలుపు మీద ఇలానే ముగ్గురు తెల్లపిల్లలు తలుపు బాదటం మాయం అవ్వటం.

మరి అలా ఎంతకాలం నడిచిందో తెలియదు.

సదరు దేశీ గాడికి ఎక్కడో కాలింది. ఓ రోజు వాళ్ళని కార్లో వెంబడించాడు. వాళ్ళని నిర్దాక్షిణ్యంగా కారుతో గుద్ది వాళ్ళమీద నుంచి పోనిచ్చాడు కారుని.

ముగ్గురు తెల్ల పిల్లల ప్రాణాలు పొయ్యాయి.

సదరు దేశీకి శిక్ష పడింది.

హస్యం అనేది అంతదకా వెళ్ళటం అవసరమా?

ప్రతిపక్ష రావణాసురుడు

ప్రతిపక్ష రావణాసురుడు

ప్రతిపక్షం నిర్మాణాత్మక పాత్ర పోషించాలి అనేది ఎక్స్పెక్టేషన్. ఎవరి ఎక్స్పెక్టేషన్ అంటే - సాధారణ పౌరుడి ఎక్స్పెక్టేషన్ అనుకుందాం. నెలబారు మనిషికి ఆమాత్రం కోరికలు ఆమాటకొస్తే హక్కులు ఉండకూడదా?

కానీ 21 శతాబ్దిలో ఏదేశంలో చూసినా ఏప్రాంతంలో చూసినా ప్రభుత్వాన్ని కూలదోసి అధికారాన్ని చేజిక్కించుకుందాం అనే రంధిలో ఉన్న మనిషి/అతను నిర్మించిన రాజకీయ వ్యవస్థ ఎన్ని అక్రుత్యాలకు పాలుపడుతున్నాయో చూస్తే జుగుప్స కలుగుతుంది.

ప్రతిపక్షం పాలకవర్గాన్ని దించటానికి హత్యలు చేయటానికి మారణకాండ చేయటానికి నలుగుదిక్కులా ప్రజల మనోభవాల్ని రెచ్చగొట్టి ఎగదోస్తున్నాయి.

అటుజెసి ఇటుజెసి మధ్యలో జనాల ప్రాణాలే రాలిపోతున్నాయి. ప్రజలు మళ్ళీ మళ్ళీ గొర్ఱెలు కాబడుతున్నారు. రాజకీయ క్రీడలో పావులు కాబడుతున్నారు.

ఆంద్రప్రదేశ్ రాష్ట్రంలో ప్రతిపక్షం కోవిడ్ సమయంలో ఎలా ప్రజల ప్రాణాలతో ఆటాడుతున్నదో ఓసారి చూద్దాం.

ఓ పెద్దాయన

67 ఏళ్ళు

పాపం ఏవో కొన్ని హెల్త్ కాంప్లికేషన్స్

బిపీ సుగర్ లాంటివి వెంటాడాయి నేలబారు మనిషికి నేలబారు రోగాలు

ఇంతలో ఆయన భార్య గారికి కోవిడ్ వ్యాధి లక్షణాలు

ఆయన అల్లుడు ముప్పతిప్పలుపడి ఆశుపత్రిలో ఒక బెడ్ సంపాదించాడు

ఆమెకి ట్రీట్మెంట్ దొరికింది. తగ్గి ఇంటికి వచ్చింది. ఇంతలో ఆయనకి కరోనా లక్షణాలు.

మళ్ళీ అల్లుడు తీవ్రంగా శ్రమించి ఆశుపత్రిలో ఒక మంచాన్ని సాధించాడు.

మామగారు వెళ్ళి ట్రీట్మెంట్ తీసుకోవాలా వద్దా?

నేను వెళ్ళను అంటాడు.

ఎందుకయ్యా అంటే - ఆశుపత్రిలో భోజనం సరిగ్గా పెట్టటంలేదని పలానా ఛానల్లో చెప్పారు, పలానా పార్టీవాళ్ళు చెబుతున్నారు అంటాడు.

ఆశుపత్రికి వెళితే అటునుంచి అటే అట అంటాడు. ఎవరన్నారయ్యా అంటే ప్రతిపక్షం కోడైకూస్తున్నదిగా అంటాడు. పలానీ ఛానల్లో దీనిమీదే నిన్న చర్చ జరిగింది అంటాడు.

ఆశుపత్రిలో చికిస్త అసలు జరగంటంలేదుట అంటాడు.

తగినంత మంది డాక్టర్లు లేరు అంటాడు. వాదన.

ఈ తర్జన భర్జనలో ఆయన పోనేపోయాడు.

ప్రతిపక్షం ఆయన్ని తిరిగితేగలదా?

జనాల్లో అపోహలను నరనరాల్లోకి ఎక్కిస్తున్న ప్రతిపక్షం పోయిన ప్రాణాలను తేగలదా?

జనాలలో బతికే సైకలాజికల్ స్ట్రెంత్ ని ఇవ్వాలన్న కనీస ధర్మాన్ని పాటించని ప్రతిపక్షం ఉండి దేనికి?

ప్రభుత్వం తప్పు చేయచ్చు. దాన్ని కరెక్త్ చేయాల్సిన బాధ్యత ప్రతిపక్షానిది. ఆ పాత్రని ప్రతిపక్షం పోషిస్తున్నదా?

48 గంటలు సమయం ఇస్తున్నా - బాబు

48 గంటలు సమయం ఇస్తున్నా, అసెంబ్లీ రద్దు చేయండి. 

ఎన్నికల మానిఫెస్టోలో మూడు రాజధానులు పెట్టలేదు. 

రాజీనామా చేసి, అసెంబ్లీ రద్దు చేసి మళ్ళీ ఎలక్షన్ కి వెళ్ళి .. 

 2014 ఎన్నికలలో అమరావతి రాజధాని అనీ, 

50 వేల ఎకరాలు సెకరిస్తాం అనీ, 

సింగపురం కంపెనీలకు అప్పగిస్తాం అనీ, 

సింగపూర్ ప్రభుత్వం ఆశీస్సులు ఉన్నాయనీ మానిఫెస్టోలో చెప్పారా?

అమరావతి అని నిర్ణయం ఏ ప్రాతిపదికన తీసుకున్నారూ? 

ఓటింగ్ పెట్టారా? 

ప్రజల అభిప్రాయం తీస్కున్నారా? 

రేపొద్దున పుల్లయ్య ముఖ్యమంత్రి అయితే ప్రతీ జిల్లా హెడ్క్వార్టర్ రాజధాని అంటాడు. 

ఎవడి పాలనా సౌకర్యం వాడిది. 

ఎందుకింత రాద్ధాంతం.

కిన్నెత్ కథ

సాక్షి నాటకం మూడు భాగాలుగా ఆకాశవాణి రేడియోలో ఇప్పటికి అనేక సార్లు ప్రసారం అయ్యింది, అనేక సార్లు విన్నాను కూడా.
ఈ నాటకంలో జంఘాల శాస్త్రిగా కీశే సుత్తివేలు
సాక్షి రంగారావు కూడా నటించారు.
ఎందరో గొప్ప నటులు. వారందరికీ వందనాలు.
వీళ్ళు గొప్ప నటులంటే.
సుత్తివేలు, సాక్షి రంగారావు, పొట్టి ప్రసాదు, గొల్లపూడి, రావు గోపాల రావు, కైకాల, కాకరాల ఇలాంటివాళ్ళు గొప్ప నటులు.


ఏవైనా సాక్షి మూడో భాగంలో కిన్నెత్ కథ ఎంతో ఆసక్తిగా అనిపించింది.
ఇది కథే కావచ్చు. కాని ఒక కోణాన్ని ఆవిష్కరించారు రచయిత పానుగంటి.
ఇందులో షాజహాన్ ముంతాజ్ ల మధ్యలోకి ఇంకోక స్త్రీ భార్యగా రావటాన్ని ముంతాజ్ సహించకపోవటం, అసూయతో ఆమెని అంతమొందించటానికి పరిచారిక అయిన రోషనారతో ఒక పధకం రచించటం, షాజహాన్ ఆ పధకంలోకి లాగబడటం, వెరసి కిన్నెత్ బలి కావటం.

కథని పక్కనపెడితే, షాజహాన్ కి ముంతాజ్ అంటే అంత ప్రేమా? వీడికి బహు భార్యలు. ఇందర్లో ముంతాజ్ కోసం తాజ్ మహల్ కట్టించాడంటే ఎక్కడో ఓ పెద్ద డిస్కనెక్ట్.

PN Oak లాంటి వాళ్ళు ఎన్నో రాసుకొచ్చారు ఈ అంశం మీద.

నిజానిజాలు దేవుడికెరుక.

https://te.wikisource.org/wiki/%E0%B0%B8%E0%B0%BE%E0%B0%95%E0%B1%8D%E0%B0%B7%E0%B0%BF_%E0%B0%AE%E0%B1%82%E0%B0%A1%E0%B0%B5_%E0%B0%B8%E0%B0%82%E0%B0%AA%E0%B1%81%E0%B0%9F%E0%B0%82/%E0%B0%85%E0%B0%A4%E0%B1%8D%E0%B0%AF%E0%B0%A6%E0%B1%8D%E0%B0%AD%E0%B1%81%E0%B0%A4_%E0%B0%B8%E0%B1%8D%E0%B0%B5%E0%B0%AA%E0%B1%8D%E0%B0%A8%E0%B0%AE%E0%B1%81

అనఘ రేడియో జాకీ

మిత్రుడు వెంకట్ Telugu NRI Radio లో guest RJ రోల్ చేయగలదా అనఘా అని అడిగాడు.

మా మంచికోరే మిత్రుడు అడిగిందే తడవు ఆనందంగా నేను ఒప్పేసుకుని అనఘ గారికి వివరించాను రేడియో జాకీ అంటే ఏంటీ దానివల్ల జరిగే మంచి, అలాంటి వేదిక దొరకటం అన్నీ.

"యా చేస్తా" అన్నది అనఘ.

తను ఒప్పుకోవటం కార్యక్రమం తయ్యారు కవటం చకచకా జరిగిపోయాయి

బ్లాగ్ మిత్రులు తన  కార్యక్రమాన్ని తప్పక వినాలని కోరుతున్నా

ఈ అవకాశాన్నిచ్చిన మిత్రుడు వెంకట్ కి కృతజ్ఞతాంజలులు అనఘ తరపునుంచి.

చలం పురూరవ

నేను చలాన్ని చదవలేదు అంతకన్న పూసుకోలేదు

చలాన్ని చలం కళ్ళతో చూసే స్పూర్తి లేదు మత్తి లాంటి వాళ్ళు చలాన్ని మోయటం ఒక కారణం కావచ్చు.

ఈ మధ్య ఆకాశవాణిలో అలనాటి సవ్య  సౌరభాలు నాటకాలు - రేడియో శబ్ద భాండాగారం నుండి అలనాటి నాటకాలు ప్రసారం అవుతున్నాయి.

అందులో విన్నది ఈ నాటకం.

చలం రచించిన పురూరవ.

నన్ను కట్టివేసింది ఊర్వశి పాత్ర. ఈ నాటకంలో రెండే పాత్రలు. ఊర్వశి, పురూరవుడు. 

ఊర్వశిగా నటించినామె శారదా శ్రీనివాసన్. పురూరవుడిగా K చిరంజీవి.

ఊర్వశి:

నీ జ్ఞాపకాన్ని తీసేయనా? పూర్వం వలే సుఖంగా జీవింతువుగాని.

పురూరవుడు:

నీ జ్ఞాపకం లేకుండానా?

వద్దు? ఇట్లానే ఆశతో నీ విరహంతో కాలనీ

ఊర్వశి:

చూశావా మరి ఈ వియోగం, బాధ ఎందుకని ఏడుస్తావు గాని, వాటివల్ల కలిగే అశాంతే లేకపోతే ఏం అందుకో గలరు మీరు? అన్నీ సహించు. విధిని ప్రార్థించు. దిక్కులదిరేట్టు "ఊర్వశీ" అని ప్రణించు. సాధించు, నీ కోసమే కాచుకుని ఉంటాను. నేను చాలా సత్యం. నీదాన్ని. నీజీవితం ఒక్క క్షణం. ఊర్వశితో అనుభవం అనంతం.

గొప్ప నాటకం. 

ఆర్కైవ్స్ లో పుస్తకం దొరికింది

https://archive.org/download/in.ernet.dli.2015.328996/2015.328996.Pururvva-Natakamu.pdf

ఆకాశవాణి వారు ఈ నాటకాన్ని యూట్యూబ్ లో ఉంచారు. ఇక్కడ వినవచ్చు

డి వి నరసరాజు

డి వి నరసరాజు


శ్రీ డి.వి నరసరాజు శతజయంతి అని శ్రీ ంభ్ఖ్ ప్రసాద్ గారి వ్యాసం ఒకటి చదివాను.

నరసరాజు గారు గొప్ప వ్యక్తి. ఆయన సినిమా వ్యాసంగం గొప్పది. సంభాషణల రచయితాగా ఎంతో ఆకట్టుకున్నారు. కథారచయితా గొప్ప రచనలు చేశారు.

తెలుగు చలనచిత్ర చరిత్రలో మైలురాయి - రంగులరాట్నం. ఈసినిమకి మాటలు అందించింది రాజుగారే.

ఇక ఈయన ఎన్ని సినిమలకు రాశారు అనే ఊదర కబుర్లు పక్కన పెడితే - ఒక రచయిత మీద అతని సమాజం యొక్క ప్రభావం ఎంతైనా ఉంటుంది. దాన్ని ప్రస్ఫుటంగా బయటపెట్టడానికే రచయిత ప్రయత్నిస్తాడు.

స్వతహాగా రాజుగారు హేతు వాది. ఆ నేపథ్యం నుండి వచ్చిందే పెద్దమనుషులు కథ.
రాజు గారు ంణ్ ఋఒయ్ అనుచరుడు. తప్పులేదు. మనకు తెలిసి ఈ భావజాలంతో ఉన్న వ్యక్తులు అనేకులు మన బ్లాగ్ లోకంలోనే ఉన్నారు. ఇన్నయ్య గారి దగ్గరనుంచి...అలా కిందకు వెళ్తే మత్తి కహేశ్..ప్రవీణ్ శర్మ....ఇత్యాదులు అనేకం.

అయితే ఈయన రాసిన ఒక సినిమా ఈయన మీదనున్న గౌరవభావన్ని కాస్త కదిలించెదే అవుతుంది.
సదరు సినిమా రాజం - యమగోల.

పలానీ వ్యక్తి చిత్రగుప్తుడి తప్పువల్ల పోతాడు.
భటులు స్వర్గానికి తీసుకెళ్ళి వదుల్తారు
"ఎవిటి! నన్ను ఎక్కడికి తీసుకెళ్తున్నారూ?"
"స్వర్గానికి"
"నేనింత పుణ్యం చేశానని నాకే తెలియదు"
"అంత సంతోషించకు. ఇక్కడా - కొన్నళ్లే. తర్వాత మేమె వచ్చి నరకానికి తీసుకెళ్తాం"
"అలా ఎందుకూ? ముందే నరకానికి తీస్కెళ్ళి తర్వాతే ఇక్కడ దింపొచ్చుగా. చెడి బతికినట్టు ఉంటుంది"
"అలా కుదరదు!
పుణ్యం తక్కువవ చెసి పాపం ఎక్కువ చెస్తే - ముంది స్వర్గానికి తర్వాత నరకానికి.
పపం తక్కువ చెసి పుణ్యం ఎక్కువ చేస్తే - ముంది నరకానికి తర్వాత స్వర్గానికి"
"ఓహ్ ఇదొకటుందా"...
స్వర్గంలోకి ఎంట్రీ..
అక్కడ అందరూ అప్సరసల నాట్యాన్ని అనిభవించటనికి సమాయత్తం అవుతుంటారు. అంతలో మాకు హిందుస్తానీ వద్దు అని దక్షిణాది వాళ్ళు, ఎందుకొద్దని ఉత్తరాది వాళ్ళు కొట్టుకుంటుంటారు.
ప్రాంతీయతత్వం కులం - స్వర్గానికి పోయినా పోలేదని
ఇక్కడే దర్శకుడి ప్రతిభ. దర్శకుడు - తాతినేని రామారావు.
దక్షిణ భారతీయులందరూ బేపనోళ్ళే.
అంతలో హీరోగారు - హీరోయిజం. ఆడవె అందాల సురభామిని. సినారె రచన. ఆయన ఆలోచన ఎంత గొప్పదో అనిపిస్తుంది ఈ పాట వింటే. ఈపాట రాసింది వేటూరని కొందరు సినారె అని కొందరు. చరణం మాత్రమే వేటూరిదని కొందరి ప్రతిపాదన.


సరే ఏవైన హీరోగారి పాటని నిలువరిస్తారు దక్షిణభారతీయ బేపనోళ్ళు.
"ఎవరు నువ్వు?" అహంకారం
"మీలాగే చచ్చినవాణ్ణి, స్వర్గానికి వచ్చినవాణ్ణి" హాస్యం
"ఛస్తే మాత్రం నీకూ మాకూ పోటీయా!" అదే బెదిరింపు అహంకారంతో, పిలక జుట్టు ముడివేస్తూ
"ఆరి నీ దుంప తెగ! సర్వమానవ సమానత్వాన్ని చచ్చినా ఒప్పుకోవన్న మాట"
"నువ్వెవరో అప్రాచ్యుడివి"
"మరి మీరు నాయనా?"
"మేం పండితులం" పొగరు
"అబ్బా!" వ్యంగ్యం
"వేదాలను అవపోసన పట్టిన ప్రచండులం" "నేను 25 దేవాలయాలను కట్టించాను"
"కమీషను ఎంత కొట్టేశావ్?"
"నేను 12 యజ్ఞాలను చేయించాను"
"దేవాలయాలు కట్టించిందీ, యజ్ఞయాగాదులు చేయించిందీ స్వర్గంలో మేజువాణి చూట్టంకోసమా?"
"యజ్ఞయాగాదుల పరమార్థం - స్వర్గలోక నివాసం అని శాస్త్రాలు ఘోషిస్తున్నాయి"
"ఆరి మీ అహంకారం పొయ్యిలోపెట్టా! మీరు చచ్చినా మీ అహంకారం చావలెదు. స్వర్గనికి వచ్చినా కులతత్వాలూ భాషా భేదాలు పోలేదు"
..

రచయితా వ్యంగ్యం హాస్యం అంతా బాగుంది. కేవలం బ్రాహ్మల్నే ఎంచుకోవటం ఆయన హేతువాద తత్వానికి ప్రతీక అవ్వచ్చు. కాసేపు నవ్వుకోటానికి సామాన్య నేలబారు మనిషికి ఇది బాగనే ఉంటుంది. ఇది పండింది కూడా.

కానీ - తాత్వికంగా చూస్తే - స్వర్గం అనేది ఎక్కడా ఎక్కడా అని ఎతికాట్ట ఒకతను. ఎతుక్కుంటూ ఎతుక్కుంటూ గురువుగారి దగ్గరకెళ్ళి గురువుగారూ - స్వర్గం ఎక్కడా అని వెతికానండీ, ఎక్కడా కనిపించలేదూ అన్నాట్ట. గురువుగారు - అరే బాబూ -స్వర్గం ఎక్కడో లేదు నీలోనే ఉందీ అన్నాట్ట.

స్వర్గం రాగ ద్వేషాలకి అతీతం. ఎప్పుడైతే రాగద్వేషాలు మొదలౌతాయో - స్వర్గం మాయం.
సింపుల్ లాజిక్.

దీన్ని పక్కన పెడితే హేటువాదులు కేవలం బ్రాహ్మణులనే అపహాస్యం చెస్తారు. ఎందుకో తెలియదు. సదరు హేతువాది ఎంత చుదువుకున్నవాడైనా సరే - అదే మూస.

అంతేలే! ఈ చదువులు మనిషిని ఇజానికి బనిసని చేసేవే గానీ జ్ఞానాన్ని  ఇచ్చేవి కావుగా!

ఏవైనా డివి నరసరాజుగారి శతజయంతి సందర్భంగా ఆయన్ని ఒక్కసారి స్మరిద్దాం.

NTR కి భారతరత్న

శ్రీ పీవీ నరసింహారావు గారికి భారతరత్న ఇవ్వాలనే ఓ ఆలోచన రావటానికి ఆయన సుదీర్ఘమైన రాజకీయ/సాహిత్య ప్రయాణం మాత్రమే కాకుండా ఆయన ఆలోచించిన తీరు, సంస్కరణలు మొదలైనవి అనేక కారణాలలో కొన్ని.

NTR కి ఎందుకు ఇవ్వాలి భారతరత్న?

ఆమాటకొస్తే ప్రకాశం పంతులుకి ఎందుకివ్వలేదు?

ఎల్లాప్రగడ సుబ్బారవుకి ఇవ్వొచ్చుగా?

భారతరత్న అనేది కేవలం మోసేవాళ్ళ బలాన్నిబట్టేనా?

క్యాండిడేట్ ప్రతిభకి సంబంధం లేదా?

భారతరత్న - కేవలం ఒక తంతు మాత్రమే. ప్రభుత్వ ప్రాపగాండానే. మోసేవాళ్ళ బలప్రదర్శన మాత్రమే.

అమరావతి నిర్మాణానికి రూపాయి కూడా ఖర్చు చేయక్కరలేదు -చంద్రబాబు

అమరావతికి రు.9000 కోట్లు ఖర్చుచేశాం, మరో లక్షకోట్లు కావాలని చెబుతున్నారు. రూపాయి కూడా ఖర్చు చేయాల్సిన పనిలేదు

-చంద్రబాబు

పైసా ఖరు లేకుండా అమరావతి నిర్మించవచ్చా?

ఎలా?

అలా అయితే తన 5 సంవత్సరాల పాలనలో బాబు రాజధాని నగరానికి పెట్టిందెంతా? how to get that information?

గూగులించాను. వికీపీడియాలో ఈ కొంత సమాచారం దొరికింది. అది నిజం కావచ్చు, కాకపోనూ వచ్చు.

https://en.wikipedia.org/wiki/Amaravati#:~:text=The%20city's%20infrastructure%20was%20to,1%2C500%20crore%20has%20been%20granted.

Economy and infrastructure

The state government originally initiated the Singapore-based Ascendas-Singbridge and Sembcorp Development consortium for the city's construction. The city's infrastructure was to be developed in 7–8 years in phases, at an estimated cost of ₹33,000 crore. ₹7,500 crore from the Housing and Urban Development Corporation Limited (HUDCO), $500 million from the World Bank and ₹2,500 crore from the Indian Government, of which ₹1,500 crore has been granted.

As of July 2019, the World Bank dropped funding for Amaravati. As of September 2019, the Ascendas-Singbridge and Sembcorp Development consortium have also withdrawn from the project. With only state government allocated budget of ₹500 crore in 2019, the Amravati project has substantially slowed, with no deadline in sight.

Nine themed cities consisting of Finance, Justice, Health, Sports, Media, and Electronics; including Government buildings designed by Norman Foster, Hafeez Contractor, Reliance Group, and NRDC-India will be built within the city. Pi Data Centre, the fourth largest of its kind in Asia with an investment of ₹600 crore (US$84 million), and Pi Care Services, a healthcare BPO, were inaugurated at Mangalagiri IT park. HCL Technologies, an IT firm would set up one of its centres in Amaravati.

BRS Medicity with an investment of $1.8 billion is to come to Amaravati. Mangalagiri Sarees and Fabrics produced in Mangalagiri mandal, a part of the state capital, were registered as one of the geographical indications from Andhra Pradesh.

దీన్ని ఎలా అర్థం చెస్కోవాలో నాకు అర్థం కావట్లేదా? లేక బాబుకి అర్థం అవ్వలేదా లేక జగన్‌కి అర్థం కావట్లేదా?

ఎవరన్నా సుదీర్ఘంగా వివరణ ఇస్తే బాగుండు.

10k Miles

Happy to share that I completed 10000 recorded miles in more or less 11 years.

పీవీ నరసింహారావు గారికి భారతరత్న

కీ|శే|| శ్రీ పి.వి.నరసింహారావు (28 జూన్ 1921 – 23 డిశెంబర్ 2004) 

పీవీ గారి గురించి రాసేంత గొప్పవాణ్ణి కాదు.

ఆయన గొప్పతనం ఇప్పటికే అనేకులు ప్రచురించారు. నేను కొత్తగా ఇన్‌వెన్‌ట్ చెయ్యటంలేదు.

కానీ పీవీ గారిలో ఓ నాటక కర్త ఉన్నాడనీ, ఆయన రాసిన నాటకం ఒకటి ఎప్పుడో ఎక్కడో విన్నట్లు నాకు జ్ఞాపకం.

ఎవరికైనా పీవీ గారి నాటకాలు కానీ నాటికలు కానీ దొరికితే పంచమని ప్రార్థన.

KCR గారు పీవీ గారి శతజయంతి ఉత్శవాలు జరిపించటం KCR ఔన్నత్యానికి నిదర్శనం.

KCR పీవీ నరసింహారావు గారికి భారతరత్న ఇవ్వాలనే నినదించటం చాలా గొప్ప విషయంగా నేను భావిస్తున్నాను.

ఇప్పటివరకూ ఏ రాజకీయ పార్టీ ఈవిషయాన్ని గట్టిగా ప్రస్తావించలేదు.

అయితే - ఈ ప్రస్తావనని కేవలం KCR మాత్రమే కాకుండా ఉభయ తెలుగు రాష్ట్రాలు ఏక కంఠంతో నినదిస్తే తప్పక నెరవేరుతుందని నా అభిప్రాయం.

పీవీని కేవలం తెలంగాణాకి పరిమితం చేయటం అర్థరహితం. 

దేశప్రధాని అందరికీ ప్రధాని అని గుర్తుంచుకోవాలి.

దేశప్రధానికి ప్రాంతీయతని అంటగట్టటం అవివేకం.

[తెలుగులకు ఉన్న దరిద్రం ఏవిటంటే - గిరిగీసుకుపోయి దాంట్లోనే మగ్గటం.

కూపస్తః మండూకః అని సామెత.

ఎందుకంటే మంగళంపల్లి బాలమురళీకృష్ణ గారు తెలుగు వాడు. ఆయనకి పద్మ విభూషణ్ ఇవ్వాలని కోరింది తమిళ్నాడు ప్రభుత్వం. అంధ్ర ప్రభుత్వం కాదు.

ఇలాంటివి అనేకం.]

ఎల్లువొచ్చి గోదారమ్మా ఎల్లా కిల్లా పడ్డాదమ్మో

వేటూరి వారి శృంగారం భలే ఉంటుంది. వేటూరి శృంగారాత్మక అలంకారాలుకు శృంగారలంకారం అని పేరు పెట్టొచ్చేమో. ఉదాహరణకు ఈ పాట. రాఘవేంద్ర రావు మార్కు ఫక్తు కమర్షియల్ పాట. ఇందులో ఏమిరాసినా, ప్రేక్షకుడు తెరమీద శ్రీదేవి ఒలికించే శృంగారంలో మునుగిపోతాడేకాని పాటని పట్టించుకోడు. నెగ్లిజిబుల్ అటెన్షన్. శ్రీదేవి వక్షం మీదనే లేక బొడ్డు మీదనే దృష్టి, దర్శకుడి సాక్షిగా.  ప్రేక్షకుడిని అలా కట్టేయగలగడం దర్శకుడి గెలుపు. 

కానీ పాట కట్టినవాడికో? శృంగారకావ్యాన్ని వండి వడ్డించటానికి ఓ వేదిక.

చేయ్యేస్తే చేమంతి బుగ్గా

చెంగావి గన్నేరు మొగ్గ

ఈడొచ్చి "నీ చోటు ఈడుంది" రమ్మంటే 

ఏడేసుకుంటావు గూడు

కౌగిళ్ళలో నన్ను కూడు

ఆకళ్ళకుంటాది కూడు

గుండెల్లో చోటుంది చూడు

బుగ్గ మీద చేయివేస్తే పచ్చని బుగ్గ చెంగావి రంగులోకి మారి గన్నేరు మొగ్గలా అయ్యిందట. (చెంగావి = చెన్ను కావి - లేత ఎరుపు లేక కెంపు/ కాషాయం)

ఈడు వచ్చి "నీ చోటు ఇక్కడ ఉంది" అని రమ్మంది సరే, వస్తే ఎక్కడ వేసుకుంటావు గూడు?

కౌగిళ్ళలో నన్ను కూడు అంటే చేరుకో

(కూడు - భోజనం కాదు)

అలా చేరితే అది కళ్ళకు మాంచి భోజనం సుమా! 

(ఇక్కడ కూడు - విందు)

నిన్ను నేను నన్నువు నువ్వు జీవితాంతం చూస్కోవచ్చు కళ్ళనిండా

చిత్రం : దేవత (1982)

సంగీతం : చక్రవర్తి 

సాహిత్యం : వేటూరి

గానం : ఎస్.పి.బాలు, పి.సుశీల

ఎల్లువొచ్చి గోదారమ్మా 

ఎల్లా కిల్లా పడ్డాదమ్మో

ఎన్నెలొచ్చి రెల్లూపూలే 

ఎండీ గిన్నేలయ్యేనమ్మో

కొంగుదాటి అందాలన్నీ 

కోలాటాలే వేస్తుంటే

ఓరయ్యో రావయ్యో ఆగడాల  పిల్లోడా నా సోగ్గాడా

మీగడంతా నీదేలేరా బుల్లోడా

 

ఎల్లువొచ్చి గోదారమ్మా 

ఎల్లా కిల్లా పడ్డాదమ్మో

ఎన్నెలొచ్చి రెల్లూపూలే 

ఎండీ గిన్నేలయ్యేనమ్మో

కొంగుచాటు అందాలన్నీ 

పేరంటాలే చేస్తుంటే

ఓలమ్మో..రావమ్మో

ఆగమంటే రేగేనమ్మా  సోగ్గాడు

ఆగడాల పిల్లోడైనా నీవోడు

ఆగమంటే రేగేనమ్మా  సోగ్గాడు

ఆగడాల పిల్లోడైనా నీవోడు

ఈ కళ్ళకున్న ఆకళ్ళలోనా 

అందాల విందమ్మ నువ్వు

వాటేసుకుంటే వందేళ్ళ పంట 

వద్దంటే విందమ్మ నవ్వు

చేయ్యేస్తే చేమంతి బుగ్గా

చెంగావి గన్నేరు మొగ్గ

చేయ్యేస్తే చేమంతి బుగ్గా

చెంగావి గన్నేరు మొగ్గ

ఈడొచ్చి నీ చోటు ఈడుంది 

రమ్మంటే ఏడేసుకుంటావు గూడు

కౌగిళ్ళలో నన్ను కూడు

ఆకళ్ళకుంటాది కూడు

గుండెల్లో చోటుంది చూడు

 

ఎల్లువొచ్చి గోదారమ్మా 

ఎల్లా కిల్లా పడ్డాదమ్మో

ఎన్నెలొచ్చి రెల్లూపూలే 

ఎండీ గిన్నేలయ్యేనమ్మో 

కొంగుచాటు అందాలన్నీ 

పేరంటాలే చేస్తుంటే

ఓరయ్యఓరయ్యో..రావయ్యో

పిల్లోడా నా సోగ్గాడా

మీగడంతా నీదేలేరా బుల్లోడా

ఆగమంటే రేగేనమ్మా సోగ్గాడు

ఆగడాల పిల్లోడైనా నీవోడు

నీ కళ్ళు సోక నా తెల్ల కోక 

అయ్యిందిలే గళ్ళ కోక 

నీ మాట విన్న నా జారు 

పైట పాడిందిలే గాలిపాట 

కళ్ళల్లో ఉన్నాయి ముళ్ళు 

నే కోరిన మూడూ ముళ్ళు 

కళ్ళల్లో ఉన్నాయి ముళ్ళూ

నే కోరిన మూడూ ముళ్ళు

పొద్దుల్లో కుంకాలు బొట్టెట్టి 

పోతుంటే కట్టెయ్యనా తాళిబొట్టు

నా మాటకీ యేరు తోడూ.. 

ఏరెండినా ఊరు తోడు..

నీ తోడులో ఊపిరాడు..

ఎన్నెలొచ్చి రెల్లూపూలే ఎండీ గిన్నేలయ్యేనమ్మో

కొంగుదాటి అందాలన్నీ కోలాటాలే వేస్తుంటే

ఓలమ్మో..రావమ్మో..

ఆగమంటే రేగేనమ్మా సోగ్గాడు..

ఆగడాల పిల్లోడైనా నీవోడు

Oxycontin

అంకం 1 

"ఏంటీ?" 

"పళ్ళు మీద పళ్ళు" 

"రాఘవేంద్ర రావు పూనాడా?" 

"లేదు" 

"మరీ?" 

"పళ్ళు తిక్కిరిబిక్కిరిగా ఉన్నాయి. ఫ్లూటు ఊత్తుంటే నొప్పి"

"అలా చెప్పండి. ఓహ్! గుడ్ న్యూస్. మీవాడు కారణ జన్ముడు. సాధారణంగా పన్ను మీద పన్ను రావటం మీరు చూసుంటారు. మీవాడికి పళ్ళు మీద పళ్ళు. " 

"బాబోయ్! ఏంచేమంటారూ?" 

"పెద్దగా ఏంలేదు. 4 మోలార్స్ పీకించుకురండి. క్లిప్స్ పెడదాం." 

అంకం 2 

 "అయ్యా! తమరు సర్జన్. మావాడికి పళ్ళ మీద పళ్ళు. అవి మీకు తెచ్చి పెట్టును ఇళ్ళ మీద ఇళ్ళు. దయుంచి ఆ నాలుగు మోలార్స్ పీకితే" 

"ఆగండాగండి. ఏదీ నన్ను చూడనీ. ఓయా. బాగుంది బాగుంది. పీకేద్దాం. కానీ గమనించారా? మీవాడికి జ్ఞాన దంతములు కూడా వంకరగా వచ్చుచున్నవి. అవి భీ పీకేస్తాం. మొత్తం ఎంది. ఇప్పుడు పీకితే చిన్నరాయితో పోవును. పెద్దైయ్యాక పీకితే పెద్దరాయి." 

"అయ్యా. మా కుటుంబం కూర్చుని నిర్ణయించి అప్పాయింటుమెంటు తీసుకోగలవారము"  

అంకం 3 

"ఇదిగిదిగో ఇదీ విషయం" 

"ఏరా?" 

"ఏంటీ? 8?" 

"గలవా?" 

"మరొక్కసారి ఆలోచించుకో?" 

"సరే" 

అంకం 4 

"అయ్యా డాక్టరు వర్యా! మావాడు తాయారు. మీరు తాయారా?" 

మొన్న మొత్తానికి 8 పళ్ళు పీకి చేతిలో పెట్టారు. వాడి బాధ వర్ణనాతీతం. బుగ్గలు రెండూ బాగా వాచిపొయ్యాయి. 

గంట ఆపరేషన్. Antibiotics ఇచ్చారు. నొప్పితగ్గటానికి ibuprofen తో పాటు Oxycontin ఇచ్చారు. పెద్ద సందిగ్ధం. 

వెయ్యాలా వద్దా? వేస్తే ఏంటీ? వెయ్యకపోతే ఎలా? 

మొత్తానికి ఈరోజుకి కాస్త వాపు తీసింది. మందులు వేసుకుంటూనే ఉన్నాడు. 

Oxycontin తో సహా...

ఆ రకంగా నేను కూడా అలా

ఆ రకంగా నేను కూడా అలా దుమికానన్న మాట

By the way, I made that plyometrics jump box.

అన్నయ్యకు అభినందనలు.

ఒకానొక రోజున 2012లో మా అమ్మకి రొమ్ము క్యాన్సర్ అనే ఓ స్థితి కలిగింది. ఆమె చాలా భయపడింది. మేము ఇక్కడ తను ఒక్కతే అక్కడ. మాకు బాగా కావాల్సిన ఓ వ్యక్తి మా అమ్మగారిని ఒక సర్జికల్ ఆంకాలజిస్ట్ దగ్గరకి తీసుకువెళ్ళారు. సదరు డాక్టరు ఎంతో అమర్యాదగా ప్రవర్తించాడు. నీడిల్ టెస్ట్ చేయించుకుని రిపోర్ట్ తేండి అన్నాడు. మా అమ్మ ఏదో ప్రశ్న అడగబోతే గెట్ ఔట్ అన్నట్లుగా ప్రవర్తించాడు. కసురుకున్నాడు. విసుక్కున్నాడు.
మా అమ్మ పాపం బిక్కచచ్చిపోయింది. ఇంటికొచ్చి చేలా బాధపడింది. వైద్యో నారాయణో హరిః అన్నది మన సంస్కృతి. మా మాతామహులు ఆయుర్వేద భిషక్.

నేటి డాక్టర్లు ఇలా తయ్యారయ్యారు. రోగికి మనోధైర్యం ఇవ్వాల్సిన వైద్యుడు రోగిని మానసికంగా హత్య చేస్తున్నాడని గమనించటం లేదు.
నేను ఫోన్లో మాట్లాడినప్పుడు ఇలా చెప్పుకొచ్చింది.
నా మిత్రుడికి కాల్ చేసి అతని అన్నగారితో మాట్లాడాను. ఆయన యండి రేడియాలజి చేసి ప్రభుత్వాసుపత్రిలో పనిచేస్తున్నట్టు నాకు జ్ఞాపకం. నాకు గుర్తున్నంతవరకు గుంటూరులో పోస్టింగు. వాడికి ఫోణ్ చేసి ఇదిరా పరీస్థితి అని వివరించాను. వాడు అన్నయ్యతో మాట్లాడి ఆయన నెంబరు నాకిచ్చి మాట్లాడమన్నాడు.
ఆయన నన్ను వెంటనే రిసీవ్ చేస్కుని ఏ ఆసుపత్రీ? ఎవరా డాక్టర్ అని అడిగారు.
పలానా అని చెప్పాను.
అరేయ్ అతను నాకు బాగా తెలుసు, నేను చూసుకుంటాని భరోసా ఇచ్చాడు.
అన్నట్టుగానే మా అమ్మకి ఫోన్ చేసి మాట్లాడి, తన కారులో మా అమ్మని తీసుకుని సదరు డాక్టర్ దగ్గరకి తీసుకెళ్తే అతను అప్పుడు, ఈయన మీకు ఏవైతాడూ ఇంతక ముందు చెప్పలేదే అని చేతిలో చేయివేసి లోపలకి తీసుకెళ్ళి నీడిల్ పరీక్షలు గట్రా చేసి ఏవీ లేదని మొత్తానికి నిర్ణయించి పంపించాడు ఇంటికి క్షేమంగా.

ఈరోజున అన్నయ్య HOD అవ్వటం గొప్ప విషయం.

ఈయన నన్ను సొంత తమ్ముడిలా ఆదరించాడు. ఈయనే కాదు వీళ్ళ కుటుంబం మొత్తం నన్ను కుటుంబంలోని వ్యక్తిగా చూసుకున్నారు.
అన్నయ్యకు కృతజ్ఞతాభినందనలు.