ప్రసూన్ జోషి

ఇతను చాలా చక్కటి పాటలు రాసాడు. ఫనా, తారే జమీన్ పర్, దిల్లీ ఆరు, రంగ్ దె బాసన్తి ఇత్యాది సినిమాలకి కమ్మని పాటలు అందించాడు.

ఐతే, అంతే కమ్మగా పాడగలని ఈ పాట చూసాక అర్ధం అయ్యింది.


అలానే ౯/౨౬ పై ఒక పాట, కవిత -

ఆహార ధాన్యాల ధ్వంసం - జాతి విద్రోహం

అహా!! మొత్తానికి హైకోర్టు వజ్రాల్లాంటి మాటలు పలికింది. ఈ వార్త చూడండి.
http://www.eenadu.net/story.asp?qry1=3&reccount=38
డిశెంబరు ౨౪ బంద్ సందర్భంగా మహబూబ్ నగర్ జుల్లాలో తహసీల్దారు కార్యాలయానికీ, ధాన్య గిడ్డంగికీ నిప్పుపెట్టారు మన *తెలంగాణా* సహోదరులు. దానివల్ల వంటనూనె, బంగారంలాంటి కందిపప్పు, పందార, బియ్యం మొత్తం యాభైలక్షల సరుకు మసి.
"ఇలాంటి సందర్భంలో దేశంలో సంభవిస్తున్న ఆకలి చావులని మరువరాదు: అన్నారు న్యాయమూర్తి. "కొన్ని కోట్లమంది దారిద్యరేఖకి దిగువన ఉన్నార"ని, "ఈ నేపధ్యంలో ధాన్యానికి కానీ, ప్రభుత్వ ఆస్తులకు కానీ నష్టం కలిగించటాన్ని జాతి వ్యతిరేక చర్య"గా న్యాయమూర్తి పేర్కొన్నారు.
"రాజ్యాంగంలోని ౫౧-ఎ అధికరణ మన విధులను తెలియజేసుంది".
"జాతికి చెందిన ఆస్తుల విధ్వంసంలో పాల్గొనే వ్యక్తి..భారతీయుడిగా విధులను ఉల్లంఘించినట్టే"నని స్పష్టం చేసారు.

పై వాటికి కారణాలు సరైన మార్గదర్శకం లేకపోవటం ఒక కారణం.

కొందరు పెద్దలు దీన్ని మార్గదర్శకం లేకపోటమే కాదు, కొవ్వెక్కి, సమాజిక బాథ్య లేక, తిన్నదరక్క అనికూడా అంటుంటారు.
బస్సులు తగలెట్టటం, కార్యాలయాల్ని తగలెట్టటం ఇవీ మనం ముందుతరాలకి నేర్పాల్సిన విద్యలు.
మొత్తానికి మంచి మాట చెప్పెరా సదరు న్యాయమూర్తి గారు.
ఐతే, ఈ నష్టాన్ని ఉద్యమకారులే, ఉద్యమ కర్తలే భరించాలి అని బిల్లు పంపితే బాగుటుంది.

టయోటా!! ఏమైంది నీ మాట

టయోట అ.క.అ టొయొట. ఈపేరు ఈవ్వాల్టి రోజున కొత్తగా పరిచయం చేయ్యాల్సిన పనిలేదు. అత్భుతమైన కార్లు వీడి సొంతం. కామ్రి, కరోలా, హైల్యాండర్, యారిస్, ప్రయస్, యాట యాట యాట.

ఈ మధ్య వార్త -
టయోటా వాడు మొత్తం ఇప్పటికి ఇరవైలక్షల కార్లను వెనక్కి పిలిచాడు. కారణం - గ్యాస్ పెడల్ అనగా యాక్సిలేటర్.
సమస్యేంటంటే, గ్యాస్ పెడల్ ని తొక్కామనుకోండి. దానిపైనుండి కాలు తీసేస్తే అది మళ్ళీ వెనక్కి అనగా యధాస్థానానికి రావటనికి కష్టపడుతోంది. అనగా, గ్యాస్ పెడల్ పైన కాలు తీసేసినా మీ కారు యాక్సెల్ అవుతూనే ఉంటుంది. అది డేంజర్ అపాయం.
అలానే గ్యాస్ పెడల్ ఫ్లోర్ దగ్గర ఇరుక్కుపోతోందనికూడా తెలిపారు టయోటా వారు.

On January 21, Toyota announced its intention to recall approximately 2.3 million select Toyota Division vehicles equipped with a specific pedal assembly and suspended sales of the eight models involved in the recall on January 26.

Toyota vehicles affected by the recall include:
• Certain 2009-2010 RAV4
• Certain 2009-2010 Corolla
• 2009-2010 Matrix
• 2005-2010 Avalon
• Certain 2007-2010 Camry
• Certain 2010 Highlander
• 2007-2010 Tundra
• 2008-2010 Sequoia

కాబట్టి, బాబయా!! జరహుషారుండాలే!!!

బి.టి వంగడాలు - జన్యుమార్పిడి

ఈరోజు వార్తా పుత్రికలో ఓ వార్త -
(యాజ్ యూజువల్గా) ప్రతిపక్షాలు, లెఫ్టిస్టు పార్టీలు, రైతు సంఘాలు, ప్రజాసంఘాలు *బీటీ గో బ్యాక్* అనే నినాదాలు చేసాయి

......

ప్రతీ జన్యుమార్పిడీ అపాయమేనా?
కొన్ని సమరాలనుండి (గత ఇరవైఏళ్ళుగా) ఎండోసల్ఫానో నువక్రానో లేక ఇంకో ఇంకో రసాయన ఎరువో విచ్చలవిడిగా వాడి, వాటర్ టేబుల్ని విచ్చలవిడిగా కలుషితంచేసి, సారాన్ని ఎరువులకర్పితంచేయటం ఒక ఎత్తు.
జన్యుమార్పిడి చేసి, కనీసం కొంతకాలం తెరిపి ఇవ్వటం ఒక ఎత్తు.
నిర్ణయించాల్సింది ప్రజాసంఘాలే, రైతు సంఘాలే.

ఒక(కొన్ని) ప్రశ్న(లు). నిజంగా ఎంతమందికి జన్యుమార్పిడి వల్ల జరిగే లాభలు లేక నష్టాలు తెలుసు? తెలిసినవారు ఎంతమందితెలియనివార్కి అర్ధం అయ్యేలా వవివరించారు, వివరిస్తున్నారూ? ప్రభుత్వం ఇలాంటి జన్యుమార్పిడి దిశల వైపు అడుగేయకముందు ప్రజలకు ఏ విధమైన సమాచారాన్ని విజ్ఞానాన్ని అందిస్తోందీ? ఏమైనా ఊరికి ఒక బ్రోషెర్ పంపిందా? అవగాహనా సదస్సులను ఏర్పాటుచేసిందా? ఒక హార్టీకల్చెరల్ అధికారికి దీనిగురించిన పస్టుహ్యాండు ఇన్ఫర్మేషన్ ఉందా?

నా ఉద్దేశంలో, జన్యుమార్పిడిని ఆహ్వానించాలి, వ్యతిరేకించాలి, నిరోధించాలి మరియూ నిషేధించాలి - అవసరాన్నిబట్టి, యాజమాన్యాన్నిబట్టి, అవకాశాన్నిబట్టి, విధివిధానాల్నిబట్టి, టార్గెట్స్ని బట్టి.

సరే ఎక్కడో గెల్కుతుంటే ఈ క్రింది రెండు లింకులు దొరికినయ్.
Genetic Engineering
Pros and Cons
Is Biotechnology Good?
http://aesop.rutgers.edu/~hamilton/lecture11.htm

Cornell helps India's small farmers fight moth larvae with genetically modified eggplant
By Krishna Ramanujan
http://www.news.cornell.edu/stories/Feb09/IndiaEggplant.kr.html

ఐ.ప్యాడ్

ముందుగా,
పొద్దున తెలుగువన్ లో రోజువారీ సినిమాలు ఏమున్నాయా అని చూస్తే పెళ్ళిపుస్తకం కనిపించింది. చూద్దాం అని నొక్కా, గుమ్మడి గురించి ముందు నాలుగు మాటలు వచ్చాయి. అదేంట్రా బాబూ అని ఈనాడు చూస్తే గుమ్మడి స్వర్గస్తులయ్యారనే వార్త. చాలా బాధేసింది. రామారావు నాగేశ్వర్రావు రంగారావు లాంటి మహామహులతో సరితూగగల నటడు.
నా దృష్టిలో అలాంటి నటులకు చావులేదు. తెలుగు సినిమా బతుకున్నంతకాలం వాళ్ళు బతికే ఉంటారు. కేవలం భౌతికంగా మనమధ్యన లేరు. అంతే.

నిన్న సీరియస్ గా దేనిగురించో ఆలోచిస్తూ నా ఐఫోన్ లో గెలుకి సమాధానం రాబడుతుంటే ఇలా అనిపించింది. వాహ్, ఎంత ఫెసిలిటీ ఈ ఐఫోన్ లో, ఇలాంటిదే కొంచెం పెద్దది వస్తే ఇక ల్యాప్టాప్ తో పనేంటి అని.

సాధారణంగా మనకి రోజువారీ పనులకి కావాల్సింది, వై-ఫై కనెక్టివిటీ, ఓ బ్రౌజర్, మెస్సెంజర్, ఫైల్స్ ని దింపుకునేమ్దుకు ఒక టూల్, స్టోరేజి ఆటిని దాచేస్కోటానికి, ఓ డాక్ ఎడిటర్, యాట యాట యాట. ఇక అంతకన్నా ఏంకావాలీ?
ఈరోజూ రేపట్లో గూగుల్ వాడు అన్నీ ఇస్తున్నాడు. గూగుల్ డాక్స్లో వర్డ్ డాక్స్ని తెరవచ్చు, కొత్తది నిర్మించవచ్చు ఏమైన్ చేయవచ్చు. అలానే పోర్టబుల్ డాక్ ఫార్మాట్ ని గూగుల్ డాక్స్ ద్వారా తెరవ వచ్చు. ఎక్సెల్ ఫైల్స్ ని కూడా. కావాల్సిందల్లా వీటిని యాక్సెస్ చేయటానికి ఓ బ్రౌజర్.

ఇలాంటి వసతులు కలిగి, పోర్టబుల్గా ఉన్న కాన్సోల్తో వచ్చిందే ఈ ఐప్యాడ్. దీన్ని టచ్ స్మార్ట్ కంప్యూటర్ అనికూడా అనుకోవచ్చు.

ఐతే, దీని రహస్యం ఏంటంటే, యాపిల్ వాడి ఐట్యూన్స్ స్టోర్, వైడ్ రేజ్ ఆఫ్ అప్లికేషన్స్. ఈరోజున యాపిల్ వాడి స్టోర్లో లక్షల అప్లికేషన్స్ ఉన్నాయ్.

ఉదాహరణ -
నాకు గూగుల్ టాక్, యాహూ, యం.యస్.యన్ లాంటి ఐయంస్లో ఒకోదాంట్లో మూడు ఐడీలతో ఎకౌంట్లున్నాయనుకుందాం.
ఐఫోన్లో ఫ్రింజ్ అని ఒక అప్లికేషన్. ఉచితం. దీతో అన్నీ ఐ.యంస్ ని అనుసంధానించుకోవచ్చు. తర్వాత, సే నా లిస్టులో సూర్య అనే పేరుందనుకుందాం. ఈ అప్లికేషన్లోకి లాగిన్ అయి, సూరిగాడు అన్లైన్లో ఉంటే, నేను వాడికి కాల్ చేయవచ్చు (ఐ.యం టు ఐ.యం - ఫోన్ కాదు) లేక మెసేజీ పెట్టవచ్చు (ఛాట్) లేక ఐఫోన్ ౩-జి యస్ ఐతే వీడియో ఛాట్ చేయవచ్చు.

ఇంకో ఉదాహరణ -
స్కైప్ వాడిది ఉచిత అప్లికేషన్. నేను నా ఐఫోన్లో స్కైప్ లోకి లాగిన్ అయి, ఎక్కడో గుంటూర్లో ఆన్లైన్లో ఉన్న మా బామ్మర్దితో ఛాట్ చేయవచ్చు, కాల్ చేయవచ్చు (స్కైప్ టు స్కైప్) లేక ౩జి యస్ ఫోన్ ఐతే వీడియో కాల్ చేయవచ్చు.

ఇంకో ఉదాహరణ -
ఐపాడ్ టచ్ ఉంటే, సే, నిక్ జూనియర్ అప్లికేషన్ ఉచితంగా దింపుకుంటే, నిక్ జూనియర్ ఛానెల్ చూడవచ్చు. కావాల్సింది వై-ఫై.

చేతిలో కంప్యూటర్ ఉన్నట్టే కదా.
ఐప్యాడ్ అనేది ఇలాంటి ఒక పరికరం అన్నమాట. ఇది ఐపోడ్కి ఎక్స్టెన్షన్ అన్నమాట.

ఇదో ఆర్టు

ఏటి!! సావాన్యమనుకున్టన్నావేటి....
ఇలా నువ్వు సేయగలవా? సేయగలవనేనా??

ఓ పళ్ళడాక్టర్ కాడి ఇషయం

బాసూ ఇది విను
ఏంటి
పళ్ళవైద్యుడికాడికి బొయ్యా
ఓహో!! ఏంఇటంటాడు వాడు
అదోపెద్ద గాధ నాయనా
ఇవరంగా సెప్పు -
తలుపులు తీపించినా
ఆశుపత్రి ఊడ్చేవాళ్ళు లైటు పంఖా ఏసిపొయ్యారు
ఇక డకటేరు కోసం కూకొని కూకోని కాళ్ళు లాగేసినై
అయ్యిందా, ఉండు ఉండూ ఇంకా కాలా!! అప్పుడొచ్చాడు డాకటేరు. లోనకి బైటికి లోనకీ బైటికీ తొంగి సూట్టం తలుపులేస్కోటం.
మొత్తానికి పిలిసాడు లోనకి
ఎళ్ళా, కూకున్నా
నోరు తెరు అన్నాడు
తెరిసా
నరుసుని పిలిసాడు
ఏదో సూపించమన్నాడు
సేయిపెట్టిసూపించబోయింది
నీఎంకమ్మ, గ్లౌజులేస్కురా అని అర్చాడు

సరే అయ్యింది, లేచాను, ఇంతలో నెక్స్ట్ పేషంటు, వచ్చి కూకుంది, డాక్టరు అదే గ్లౌజుతో ఆమెకాడికి పొయ్యాడు, నే పారిపొయ్యి వచ్చా.

అదీకధ.....

మరో కేసీఆర్నౌతా - అమర్ సింగ్

మరో కేసీఆర్నౌతా - అమర్ సింగ్!!!
:):)
అబె గధె! ఫిర్ గధ కైకు బన్నాహై?
ఐనా, కేసీఅర్ *ఒకే ఒక్కడు*. మేం ఒప్పుకోం. సెరిత్రలో ఒకే కేసీఆర్ ఉండాలే

*ధరల నియంత్రణ* చర్చిద్దాం రండి -

ఇప్పటివరకూ అన్ని పార్టీలూ చాలా విషయాల్లో మద్దెల దరువు వేసారు, మనం చూసాం. అలాంటివాటిల్లో ఒక ముఖ్యమైనది - *ఆకాశాన్నంటుతున్న ధరలు*.
ట్రాన్స్పోర్టేషన్ ధర పెరిగింది, గిడ్డంగుల అద్దె పెరిగింది, కూలీ ధర పెరిగింది, డ్రైవర్కిచ్చే బేటా పెరిగింది, ఇలా ప్రతీ ఎండ్పాయింట్లో, ఒక డామినో ఎఫెక్టు వల్లా అన్నీ *పుష్* కాబడుతున్నాయి.
ధరలు తగ్గించటంలో ప్రభుత్వం విఫలం అయ్యిందీ అని ప్రతిపక్షాలు ఒక రాయి వేస్తాయ్, వేస్తున్నాయి ప్రతీసారీ. కావచ్చు. అయిఉండవచ్చు కూడా. మొత్తం సిస్టంని దృష్టిలో ఉంచుకుని, ఊకదంపుడు వ్యాఖ్యలు చేసే రాజకీయనాయకులకు, వినాయకులకు, చేతకాని దద్దమ్మల విదేశీనీడన పరిపాలన చేస్తున్న వెన్నెముకలేని ప్రభుత్వాలకు, మనలో ఎవరైనా *ఇదీ ధరలనియంత్రణా విధానం* అని కనీసం బ్లాగులోనైనా ప్రచురించగలిగితే!! అనే ధృక్పదంనుండి -
ధరల నియంత్రణ ఎలా చేయవచ్చి మీరనుకుంటున్నారూ?

ఆంధ్రా వస్తు భహిష్కరణ -

ఆంధ్రా వస్తు భహిష్కరణ -
పొద్దున్నే దందధావనం దేంతో?
కోల్గేట్ పామోలివ్
స్నానం ఏ సబ్బుతోజేస్తా?
డోవ్
తలకి నీళ్ళు ఏ షాంపూతో పోస్కుంటా?
హెడ్ అండ్ షోల్డర్స్
బట్టలు ఏంకట్టుకుంటా?
లోన జాకి
సొక్కా వ్యాన్ హ్యూసన్
పాయింటు అల్లెన్ సాలి
బూట్లేమేస్కుంటా?
నైకి, లేక రీబాక్
ఏబండి నడుపుతా?
హాండా, లేక సుజుకి
ఏ కార్ నడుపుతా?
సుజుకి, లేక హాండా లేక ఫోర్డ్, లేక మిట్సిబిషి
ఏందమ్ముకొడతా?
ఎచ్.డి విల్స్
ఏంకళ్ళజోడు పెడతా?
రేబాన్

ఇప్పుడేందీ గోల, ఆంధ్రా వస్తు బహిష్కరణ
నాకో విషయం అర్ధం కావట్లా ... ఆంధ్రలో కూడా ఇదేకదా తంతు ...
కొత్తగా ఈ బహిష్కరించుడేందో!!! దేన్ని బహిష్కరించాల్నో సంఝైతల్లే....

జ్ఞాపకాల దొంతర - జనవరి

ఆరోజుల్లో -
మండుటెండలకి సుప్రసిద్ధమైన పల్నాడ్లో కూడా డిశెంబరు జనవరుల్లో సలిపుట్టేది. సలిమంటేసుకునేవాళ్ళం. పొద్దున్నే మంచుదొంతరలు కప్పేసేవి ఊరుఊరుని, పంటపొలాల్ని. గడ్డిమీన, చెట్లమీన పూరిగుడిశెలమీనా మంచుబిందువులు కప్పుకునుండేవి.
అట్టాంటిరోజుల్లో, జనవరి నెల మొదట్లో -
రెండోమూడో మానికల బియ్యం నానబెట్టి,
నీడపడని కొంచెం సురుక్కుమనే ఎండలో నులకమంచం వాల్చి
పైన దుప్పటిపరిసి
బియ్యం ఆ దుప్పటిమీన పల్సటిపొరలా పోసి,
బాగా ఆరేంతలో
గోడకానోనున్న రోలు సుబ్బనంగా కడిగి,
రోకలి సుబ్బనంగా కడిగి
తడిలేకుండా తుడిసి
మెద్దానం రెంటికో మూడుకో ఇక రంగంలో దిగితే
ఒకపోటు, జూడుపోటు
ఆ బియ్యం రోట్లో ఏసుడు పోటు ఏసుడు
దంచిన్దాన్ని జల్లెళ్ళో పోసి జల్లెడపట్టి కిన్దకి దిగని నూకని మళ్ళీ రోట్లో ఏసి
అట్టా మొత్తం అయినాక, బియ్యప్పిండిని మళ్ళోరోజు ఎండబోసి
పిండిబాగ ఏడెక్కినాక
పొయ్యెట్టి, మంచిబెల్లంతో పాకంపట్టి యాలుకలేసి కమ్మగా చలిమిడి ముద్ద చేస్తే,
ఇక పెద్ద ఇనప భాండిపెట్టి, నూనెపోసి అమ్మ కూర్చుంటే,
నేనూ అన్నయ్య ఇద్దరం బాదం ఆకులమీద చలిమిడి ముద్దపెట్టి గుండ్రంగా అప్పచ్చిలా నొక్కి ఇస్తే బాగా కాల్చి పీటలాంటె ఓ జల్లెడమీద పెడితే దాన్ని నూనెకక్కేలా నొక్కితే -
ఆవచ్చిన అరిశెలు* కరకరలాడుతూ, ఎన్నితిన్నా ఇంకా తినాలనిపించే అరిశెలు.
.....................
జనవరి నాకు అత్యంత ఇష్టమైన నెల. కారణం *రేగ్గాయలు*. :):)
దోర రెగ్గాయలు తినీ తినీ పసరుపడేది.
ఇక పండువి తినీతినీ పళ్ళు పులిసిపొయ్యేవి.
అదొకెత్తైతే రేగి అప్పచ్చులు. రేగిపొట్టుపచ్చడి.

నోరూరుతోంది...ఏంచేయ్యటం??

యావత్ జనులకూ సంక్రాంతి శుభాకాంక్షలు

ఏమో గుఱ్ఱం ఎగరావచ్చు..

నేను రూటుమార్చా. అసలు రూటుకొచ్చా. ఇకపై న్యూఇయర్ చేస్కోను. కొత్తసంవత్సరం అంటే ఉగాది అని మాత్రమే నమ్ముతున్నా ఇకపై.
సరే ఇక న్యూ ఇయర్ చేస్కునే వాళ్ళతో నాకేమీ పగలు ప్రతీకారాలూ లేవు కనుక, వాళ్ళందరికీ ఓ సారి -
నూతన సంవత్సర శుభాకాంక్షలు

2009 ఇంకొన్ని ఘడియల్లో ముగియబోతున్నది. ఇంకో సమచ్చరం కాలగర్భంలోకి జారిపోతుంది. మనంకూడా అయ్యిందోయ్ పోయ్యిందోయ్ అనుకుంటాం, డిశెంబరు ముప్పైఒకటి అర్ధరాత్రి దాకా తాగి తందనాలాడతాం, పన్నెండుకాంగనే ఆవేశంతో ఊగిపోతాం. మర్రోజు అనిపించిన ప్రతీవోడికీ ఆంగ్లంలో ఏప్పీ న్యూ ఇయర్ అనిజెప్పేసి ఆరోజుని ముగించేస్తాం. ఆమర్రోజు, షరా మమూలే తిన్నామా పడుకున్నామా లేచామా....అంతకాడికి రెండ్రోజుల ముందుదాకా నిద్రెగ్గొట్టి అర్ధరాత్రిదాకా ఉండుడెందుకూ, మందుకొట్టుడెందుకూ, ఉన్న నాలుగు డబ్బులూ గుండు గీకించుకోటం ఎందుకూ??

నాకైతే ఈ న్యూ యియర్ ఎందుకుజేస్కోవాలీ అనిపిస్తోంది...కారణం
మన రాజకీయనాయకులు రాజేసి రగిలించిన రావణకాష్టంలో సమిధలైన మూగ పదార్ధాలు, నోరులేని జీవుల విలువ కళ్ళముందు కదులుతోంది. ఆం.ప్ర.రా.రో.ర.సం కి ఇప్పటికి ఐదువందల కోట్లు నష్టం.
మొన్నటి వరద భీభత్సంలో కొన్ని వేలకోట్లు నష్టం. ఇలాచెప్పుకుపోతే బ్లాగు చాలదు.
ఏమైనా గతం గతః..అయ్యిందేదో అయ్యింది. ఈ సమచ్చరాంతం సివరి నిమిషాల్లో ఓ సారి ఏంచేద్దాం అనుకున్నాం ఈ సమచ్చరం మొదట్లో ఓపాల్జూసుకుని, ఆటిని గోడామీద *వచ్చే ఏడు* అనిరాస్కుని, మురిసిపోదాం.
వచ్చే ఏడాదన్నా మనం అనుకున్నవి జరక్కపోతాయా, గుఱ్ఱం ఎగరకపోద్దా...
ఎప్పట్లానే ఉషారుగా కుషీకుషీగా ఉంటానికి, గతాన్ని గమ్మత్తుగా మర్సిపోటానికి ఈ కిందిపాటల్ని అంమృతంలా సేవించండి మరి -
ఏ దివిలో విరిసిన పారిజాతమో
ఏ కవిలో మెరసిన ప్రేమగీతమో
నా మదిలో నీవై నిండిపోయెనే..
నీ రూపమే దివ్య దీపమై నీ నవ్వుల నవ్యతారలై నా కన్నుల వెన్నెల కాంతి నింపెనే. ...
................

పూచే పూలలోన వీచే గాలిలోన
నీ అందమే దాగెనే .. నీ అందెలే మ్రోగెనే .
.పూచే పూలలోన వీచే గాలిలోన
నీ అందమే దాగెనే .. నీ అందెలే మ్రోగెనే ..
ఓ చెలీ ..... ఓ చెలీ .....
నా ఊహలో నీవు ఉయ్యాలలూగేవు
నా ఊహలో నీవు ఉయ్యాలలూగేవు
నా ఊపిరైనీవు నాలోన సాగెవు
నీవు నా సర్వమే .. నీవు నా స్వర్గమే
నీవు నా సర్వమే .. నీవు నా స్వర్గమే
నీవు లేకున్న ఈ లోకమే శూన్యమే
పూచే పూలలోన వీచే గాలిలోన
నీ అందమే దాగెనే .. నీ అందెలే మ్రోగెనే
ఓ చెలీ ..... ఓ చెలీ .....
ఎన్నో జన్మల బంధము మనది
ఎవ్వరు ఏమన్నా ఇది వీడనిది
నీవు నా గానమె .. నీవు నా ధ్యానమే
నీవు నా గానమె .. నీవు నా ధ్యానమే
నీవు లేకున్న ఈ లోకమే శూన్యమే
పూచే పూలలోన వీచే గాలిలోన
నీ అందమే దాగెనే .. నీ అందెలే మ్రోగెనే
ఓ చెలీ ..... ఓ చెలీ .....

...........
ఓహో చెలీ ఓ నా చెలీ
ఇది తొలి పాట
ఒక చెలి పాట
వినిపించనా ఈ పూట ఆ పాట
ఇది తొలి పాట
ఒక చెలి పాట
వినిపించనా ఈ పూట ఆ పాట
ఎదుట నీవు ఎదలో నీవు ఎదిగి ఒదిగి నాతో ఉంటే
మాటలన్ని పాటలై మధువులొలుకు మమతే పాట
నీలి నీలి నీ కన్నులలో నీడలైన నా కవితలలో
నీ చల్లని చరణాలే నిలుపుకున్న వలపీపాట
పరిమళించు ఆబంధాలే పరవసించి పాడనా పాడనా పాడనా...ఓహో చెలీ ఓ నా చెలీ
ఇది తొలి పాట
ఒక చెలి పాట
వినిపించనా ఈ పూట ఆ పాట

చీకటిలో వాకిట నిలచీ దోసిట సిరిమల్లెలు తొలిచి
నిదురకాచి నీకై వేచీ నిలువెల్లా కవితలు చేసీ
కదలి కదలి నీవొస్తుంటే
కడలిపొంగుననిపిస్తుంటే
వెన్నెలై నీలో అలనై....
................
కలువకు చంద్రుడు ఎంతో దూరం
కమలానికి సూర్యుడు మరీ దూరం
దూరమైన కొలదీ పెరుగును అనురాగం....
........
సిరిమల్లె నీవే విరిజల్లు కావే
వరదల్లె రావే వలపంటె నీవే
ఎన్నెల్లు తేవే ఎదమీటి పోవే //సిరిమల్లె నీవే//

ఎలదేటిపాటా చెలరేగె నాలో
చెలరేగిపోవే మధుమాసమల్లే
ఎలమావి తోటా పలికింది నాలో
పలికించుకోవే మది కోయిలల్లే
నీ పలుకు నాదే నా బ్రతుకు నీదే
తొలిపూత నవ్వే వనదేవతల్లే
పున్నాగపూలే సన్నాయి పాడే
ఎన్నెల్లు తేవే ఎదమీటి పోవే // సిరిమల్లె నీవే //

మరుమల్లె తోటా మారాకు వేసే
మారాకువేసే నీ రాకతోనే
నీపలుకు పాటై బ్రతుకైనవేళా
బ్రతికించుకోవే నీ పదముగానే
నా పదము నీవే నా బ్రతుకు నీవే
అనురాగమల్లే సుమగీతమల్లే
నన్నల్లుకోవే నాఇల్లు నీవే
ఎన్నెల్లు తేవే ఎదమీటి పోవే //సిరిమల్లె నీవే//
..................
నా ప్రేయసీ ఊహలో ఊర్వశి
ఆకాశ వీధిలో అందాల రాశి
(బాల సుబ్రహ్మణ్యం గారు తప్ప ఈపాటని ఇంకెవ్వరూ పాడలేరై నా ఘట్టి నమ్మకం, ముఖ్యంగా పాట మొదలయ్యేప్పటి గమకాలు).
..............
కలహంస నడక దానా
కమలాల కనులదానా
నీకనులు నీలికురులు నను నిలువనీకున్నవే...

.........
మధుమాస వేళలో మరుమల్లె తోటలో
మధుమాస వేళలో మరుమల్లె తోటలో
మనసైన చిన్నదీ లేదేలనో
మధుమాస వేళలో మరుమల్లె తోటలో

ఆడింది పూలకొమ్మ పాడింది కోయిలమ్మా
అనురాగ మందిరంలో కనరాదు పైడిబొమ్మ
ప్రణయాలు పొంగేవేళా ప్రణయాలు పొంగేవేళా
నాలో రగిలే ఏదో జ్వాలా
మధుమాస వేళలో మరుమల్లె తోటలో
మనసైన చిన్నదీ లేదేలనో

ఉదయించె భానుదీపం వికసించలేదు కమలం
నెలరాజు వ్రాతకోసం లేచింది కన్నెకుముదం
వలచింది వేదనకేనా వలచింది వేదనకేనా
జీవితమంతా దూరాలేనా

మధుమాస వేళలో మరుమల్లె తోటలో
మనసైన చిన్నదీ లేదేలనో
మధుమాస వేళలో మరుమల్లె తోటలో
................

మల్లెలు పూసే వెన్నలకాసే ఈ రేయి హాయిగా...

..............
అహో అందాలరాశి ఓహో అలనాటి ఊర్వశి ఆగలేడు నీ మందు ఏ ఋషి
.................
చుట్టూ చెంగావి చీర కట్టాలే చిలకమ్మా
చుట్టూ చెంగావి చీర కట్టాలే చిలకమ్మా
బొట్టూ కాటుక పెట్టీ నే కట్టే పాటను చుట్టీ
ఆశపడే కళ్ళల్లో ఊసులాడు వెన్నెల బొమ్మా
చుట్టూ చెంగావి చీర కట్టాలే చిలకమ్మా
తెల్ల చీరకందం నువ్వే తేవాలే చిట్టెమ్మా
నల్లచీర కట్టుకున్నా నవ్వాలే చిన్నమ్మా
ఎఱ్ఱచీర కట్టుకుంటే సందెపొద్దు నువ్వమ్మా
పచ్చచీర కట్టుకుంటే పంటచేను సిరివమ్మా
చుట్టూ చెంగావి చీర కట్టాలే చిలకమ్మా
నేరేడు పళ్ళరంగు జీరాడే కుచ్చిళ్ళు
ఊరించే ఊహల్లో దోరాడే పరవళ్ళు
వంగపండు రంగులోన పొంగుతాయి సొగస్సుల్లూ
వన్నె వన్నె చీరల్లోన నీ ఒళ్ళే హరివిల్లు
చుట్టూ చెంగావి చీర కట్టాలే చిలకమ్మా
బొట్టూ కాటుక పెట్టీ నే కట్టే పాటను చుట్టీ
ఆశపడే కళ్ళల్లో ఊసులాడు వెన్నెల బొమ్మా
చుట్టూ చెంగావి చీర కట్టాలే చిలకమ్మా
.........................

నేనోక ప్రేమ పిపాసిని నీవోక్క ఆశ్రమ వాసివి
నా దాహం తీరనిది నీ హౄదయం కదలనిది
నెనొక ప్రెమ పిపాసిని
తలుపు మూసిన తలవాకిటనే పగలు రేయి నిలుచున్న
పిలిచి పిలిచి బదులేరాక అలసి తిరిగి వేలుతున్న
తలుపు మూసిన తలవాకిటనే పగలు రేయి నిలుచున్న
పిలిచి పిలిచి బదులేరాక అలసి తిరిగి వేలుతున్న
నా దాహం తీరనిది నీ హ్రుదయం కదలనిది
నెనొక ప్రెమ పిపాసిని
పగటికి రేయి రేయికి పగలు పలికే వీడ్కోలు
సేగరేగిన గుండేకు చేబుతున్న నీ చేవిన పడితే చాలు
నీ గ్న్యపకాల నీడలలో నన్నేపుడో చూస్తావ్వు
నను వలచావని తేలిపేలోగ నివురై పోతాను
నెనొక ప్రెమ పిపాసిని
.............................
నవ్వవే నాచెలి చల్ల గాలి పిచేను మల్లు పులు నవ్వేను మమతలు పొంగే వేళలో..

................

సన్నాజాజికి గున్నమామికి పెళ్ళికుదిరింది
నాదేగెలుపని మాలతీలత నాట్యమాడింది..
..............
నికోసం యవ్వనమంతా వేచాను దాచాను మల్లెలలో
నీకోసం జీవితమంతా వేచాను సందెలలో
........
మెరుపులా మెరిసావు వలపులా కలిసావు..కన్నుమూసి తెరిచి చూసేలోగా మిన్నలలో నిలిచావు...
...............
నిన్నుమరచిపోవాలనీ అన్ని విడిచివెళ్ళాలనీ ఎన్నిసార్లు అనుకున్నా మనసురాక మానుకున్నా
......


ఇలారాస్కుంటూపోతే పేజీలు చాలవు...కమ్మని ఈపాటలు ఇక్కడ వింటూ...రాబోయే సమచ్చరం జీవితాల్లో అంమృతాన్ని నింపాలని ఆసిద్దాం....

కన్నడ నటుడు విష్ణువర్ధన్

ఆరోజు పంజాగుట్ట కేఫ్ కాఫీడే దగ్గర, బయట నిల్చుని కాఫీ తాగుదాం అని నేనూ నా మితృడు కౌంటర్ దగ్గరకి వెళ్ళాం. ఒకతను మా కన్నా ముందు కౌంటర్ దగ్గర నిల్చుకోని ఉన్నాడు. కాపీ ఆర్డర్ జెస్తున్నాడు. తెల్ల చొక్క తెల్ల ప్యాంటు, తలకి ఏదో ఓ టోపి పెట్టుకుని ఉన్నాడు. ఉన్నట్టుండి ఎనక్కి తిరిగాడు. అతను విష్ణువర్ధన్. బయట, మామూలు మనిషిలా, నిల్చుని కాఫీ ఆర్డర్ చేయ్యటం నాకు ఆశ్చర్యం వేసింది. మీరు చాలా మంచి నటులండి అని కరచాలనం చేసాం నా మితృడు నేనూ. మాకూ తనే కాఫీ ఆర్డర్ చేసాడు వద్దంటున్నా వినకుండా.
బుధవారం, డిశెంబర్ ముఫైన అయన స్వర్గస్తులయ్యారని వార్త చూసేప్పటికి ధిగ్భ్రాంతికి గురయ్యా.

ఇక ఇంకోవార్త *రుచిక మోలెస్టేషన్ కెసు* -
The school had claimed that Ruchika Girhotra, who was molested by former Harayana top cop S P S Rathore and later committed suicide, was removed on grounds of not paying the school fees in time, but her family was not convinced.

ఛీఛీ...ఇదీ మన భారతం.
http://timesofindia.indiatimes.com/city/chandigarh/Ruchika-molestation-case-PIL-against-school-for-expulsion/articleshow/5387266.cms

అమెరికాలో కోఠి బజార్

అంతా సూరిగాడి మహిమ

జ్ఞాపకాల దొంతర - వైకుంఠ ఏకాదశి

మనం పరమబేవార్సుగా తిరిగే రోజుల్లో, ఇంట్లో అప్పటికి మా నాయన నాస్తికత్వ చొక్కాని ఇంకా ఏసుకుతిరిగే రోజుల్లో, మాయమ్మ హిందూ సనాతన ధర్మాన్ని తూచా తప్పక పాటిస్తూ మహానైవేద్యాలు పెట్టేరోజుల్లో, ఒకానొక రోజున మా సందు సివరాకరున్న శ్రీ బడబానల వీరప్రతాప ఆంజనేయస్వామి వారి భక్తులు కొందరు, మా పక్కింట్లోని వెంకటేశ్వర రావు మాష్టరు *శ్రీ విష్ణుసహస్రనామ అహోరాత్రపారాయణ* ఏర్పాటుచేసారు. ఓ పెద్ద ఏర్పాటు, జనాలు, అట్టఇట్టా అని అందరూ అంటుండగా విన్నా. ఇక రేపు పొద్దున మొదలెడతారనంగా మాష్టారుగారు నన్నోకేకేసి పిలిచి అబ్బాయి, నువ్వు నీమిత్రబృందం అందరూ పాల్గోవాలి అని చెప్పారు. వాకే దాందేముంది అన్నాం అందరం. అప్పటిదాకా విష్ణుసహస్రనామం అనే పేరు ఇనటమేగానీ అదేంది, ఆ కధేంది మనకసలేం తెల్వది.
సరే, వెంకటేశ్వర రావు గారు, అబ్బాయిలూ రేపు అహోరాత్రపారాయణ, అచ్చేయండా అంటే - వాకే అన్నాం. ఆయన అలాక్కాదు బాబూ, ఇదీ ఇదిఇదానం అని ఇవరణ చెప్పారు.
అహోరాత్ర పారాయణ - పొద్దున ఆరుకి మొదలు, ఆపకుండా మర్రోజు పొద్దున ఆరుదాకా సదవాల. బువ్వ తినకూడదీ, సుట్ట బీడీ తాక్కూడదీ, బయటకి పోకూడదీ, నో ఔట్ గోయింగ్, నో ఇన్కమింగ్, నో పార్కింఎటాల్ అనిజెప్పారు.
వోరినాయనో పొద్దుగాలపొద్దుగాల ఆర్కి మొదలెట్టి మర్రోజు పొద్దున ఆరుదాకా సవినమంటే గొంతుకాస్తా బొంతవదా సోవీ అని సందేహం ఎలిబుచ్చాం. ఓరిపిచ్చిసన్నాసి అదా నీ సందేహం అని - నువ్వు మొదలెడతావు, ఇంతలో ఇంకోడందుకుంటాడు, అలా తర్వాత ఇంకోడు..అలా ఆపకన్డా మర్రోజు పొద్దుటిదాకా అనిజెప్పి కళ్ళు తెరిపించాడా మగానుభావుడు.
ఇంకేముంది, మర్రోజు పొద్దుగాల్నే లెగిచేసి బావికాడ ఓ నాలుగు బుంగలు నెత్తినపోస్కుని, ఓ తెల్లపంచ గోచిపెట్టుకుని సలికి గజగజ లాడుకుంటా ఎళ్ళి కూకున్నాం.
హా వచ్చావా ఇంద ఈ బొక్కు తీస్క్కూర్చో, మొదలెట్టు అన్నారాయన. అప్పటికే ఓ పాతికమంది చేరుకున్నారు. హడావిడిగా ఉంది.
ఓం శుక్లాంబరధరం విష్ణుం శశివర్ణం చతుర్భుజం...
ఇంతవరకూ సురిగాడిక్కూడా వచ్చు.
పూర్వపీఠిక మొదలయ్యింది. ఎబ్బే నోరు తిరగట్లా. అందరు పండితుల్లా సదివేస్తున్నారు. మనకేమో నొక్కులు. మన పక్కనకూకున్నాయన ఓ పెద్దమగానుభావుళ్ళా ఉన్నాడు, ఇసుగ్గా సూట్టం మొదలెట్టాడు. అలా అచ్చరం అచ్చరం కూడబలుక్కుని మొత్తానికి ఒకరౌండు లాగించి వెంకటేశ్వర రావుగారి వైపు జూసా అయ్యా ఓపాల్జదివా ఇక ఎళ్ళొచ్చా వల్లోతల్లేమరి, ఏంజెయ్యాలే అని. ఆయన, మొదటి రౌండు మూడుగంటలు తమ్మీ. కూకో, మూడు గంటల్లో ఎన్నిసార్లో సదువతరో అన్నిసార్లు సదువహే అనిసెలవిచ్చారు. మూడుసార్లవరకూ కుంటుతూ నడిచబండి నాలుగోసారికి పర్లేదు, ఐదోసారికి ఇంకాస్తమెరుగైయ్యింది. మొత్తానికి మన మూడుగంటల ప్రహసనం అయ్యింది. ఆరోజు సాయంత్రం మళ్ళీ ఓ మూడుగంటలు కూకున్నాం. మర్రోజు పొద్దున, ఆరుకల్లా వచ్చేమన్నారు. ఎళ్ళాం. ఈసారి నిన్నపొదుణ్ణుండి సదివన అందరూ వచ్చారు. చివర్స్సారి చదివింది అత్భుతంగా అనిపించింది. అయ్యాక అందరికీ ఉల్ల్స్, మిరగాయలు గట్రా ఎయ్యకుడా చేసిన గోధుమఉప్మా భిక్ష పెట్టారు.
అయ్యాక ఒక పెద్దాయన పిలిచాడు, ఆయన సేతిలో ఓ పెద్దనోటుబుక్కు. అబ్బాయి నీపేరు గోత్రం గట్రా చెప్పుకో అన్నాడు. ఎందుకో అనుకుని చూస్తే అప్పుడు కనిపించింది అక్కడో బ్యానరు *శ్రీ విష్ణు సహరనామ పారాయణా సంఘం, బ్రాడీపేట* అని. ఈపెద్దయన దానికి ప్రెసినెంటు. సదవటానికిచ్చిన బొక్కు ఈళ్ళు అచ్చేయ్యించిందే. అబ్బాయి ఈసారి ఏకాదశికి మళ్ళీ అహోరాత్రపారాయణ ఇంకోరింటో. నీకు ఓకార్డుముక్క ఏస్తాం, తప్పకుండా రావాలి అని సెలవిచ్చారా పెద్దాయన.
అలా మొట్టమొదటిసారి శ్రీ విష్ణుసహస్రనామ పరిచయం అయ్యింది.
ఇక తర్వాత యం.యస్ సుబ్బులక్ష్మిగారు *శ్రీ విష్ణుసహస్రనమం* అనేదొకటుంటుందని తెల్సుకుని, క్యాసెట్టు చేయింద్చుకుని అప్పుడప్పుడు సదవటం మొదలెట్టా.
అది అప్పుడప్పుడు నుండి ప్రతీరోజు కి మారింది ఒకానొక సీజనులో.
ఇప్పుడు తప్పులు లేకుండా చదవగలిగేంత రేంజికి వచ్చింది కధ.

అస్సలేందయ్యా అంటే - ఇంతదూరాభారంలో, అహోరాత్రపారాయణలు జరగటం కాదు, కనీసం చదివే భాగ్యం దొరకటమే కష్టం.
ఈ రోజు మా ఊళ్ళో వైకుంఠఏకాదశి చేస్తున్నారు. సాయంత్రం గుళ్ళో శ్రీ విష్ణుసహస్రనామ పారాయణ. గమ్మత్తేంటంటే ఈ పారయణ సామూహికంగా చేస్తే భలే ఉంటుంది.

మీ అందరికీ వైకుంఠ ఏకాదశి సందర్భంగా శుభాకాంక్షలు. ఆ భగవానుడు అందరినీ సదా కాపాడుగాక.

మీ సెలవలు ఆనందకరమగుగాక.....

Whether the weather be fine,
Or whether the weather be not,
Whether the weather be cold,
Or whether the weather be hot,
We'll whether the weather
Whatever the weather
Whether we like it or not.


HAPPY HOLIDAYS TO ALL......

శనిభగవానుడు సదా రక్ష్మించుగాక

మొన్న శనివారం, పొద్దున్నపొద్దునే గుడికెళ్ళా. ఇక్కడ పొద్దున్నే గుడి అంటే తొమ్మిది అని అర్ధం, సాధారణ పరీస్థితుల్లో. శనివారం, కాస్త తెల్లజుట్టువచ్చినోళ్ళ దగ్గర్నుండి ముగ్గుబుట్టైన జనులందరూ సాధారణంగా గుడిని విధిగా దర్శిస్తుంటారు. శనివారం పొద్దునే అలా వచ్చి, చక్కగా కూర్చుని, అందరూ కలసి సుప్రభాతం, సూక్తాలు (నారాయణ, శ్రీ, దుర్గా, పురుష), లక్ష్మీ/శ్రీ విష్ణు/లలితా సహస్రనామాల్లో వారానికొకటి చదువుకుని వెళ్తుంటారు. మరి మనకీ జుట్టు తెల్లబడుతోందికదా అందుకే, మరీ ప్రతీవారంకాదుగానీ అప్పుడప్పుడూ వెళ్ళి మనగొంతుని ఆళ్ళతో కలిపి ఆలపించి అదీఇదీజేసి వస్తుంటా. సరే, మొన్న మన సమయంలో వెళ్ళా, హాశ్చర్యం గుడి ఖాళి. నగ్రహాలవద్ద పండిట్ సిమ్మాగారు, మనకి తెలిసిన ఓ పెద్దవారు నవగ్ర్హార్చన చేస్తున్నారు. వెళ్ళి నిలుచున్నా. సిమ్మాజీ చేతులు కలుపు అని నువ్వుల నూనె చేతికిచ్చి అభిశేకం చేయమన్నాడు, మొదలెట్టా. ఆయన, పక్కనున్న వారు ఇద్దరూ మంత్రోఛారణ చేస్తున్నారు. నువ్వు చదవవయ్యా భాస్కరా అన్నారు సిమ్మాజి. అదేంమంత్రం అంటే -
శన్నో దేవీ రభిష్టయే | ఆపో భవంతు పీతయే” | శమ్యో రభిస్ర వంతునః ||.
అనగా - ఆ శనిభగవానుడు, సదా కాపాడుగాక, అభీష్టాలు నెరవేర్చుగాకా అని.
కరెష్టుగా మనం ఎళ్ళిన టయానికి ఆయన అభిషేకం చేస్తూండతం, మనల్నీ భాగస్వామిగా పిలవటం, పై మంత్రం..కొంచెం ఆనందం వేసింది.
ఆటుపిమ్మట, ఏటి సావీ ఈ రోజు గుడి నిశబ్దంగా, ఖాళీగా ఉంది, జనులెరీ అంటే, ఓరీ, బిడ్డా, ఇది ధనుర్మాసం కావున, పొద్దున ఆరుకే గుడి తెరవబడుతోంది, పొద్దున్నే తిరుప్పావై, సుప్రభాతం, అవీవి కార్యక్రమలు ఐపోతున్నాయి అని తెలిపారు.
అదీ కధ

పుత్రోత్సాహం...

మావోడు నిన్న ఏదోబెరికి ఓ కవర్లో పెట్టి నిన్ననే తెరిచ్చూడమని తెరిచిందాకా పీకలమీన కూకున్నాడు. ఏట్రా అంటే ఇదిగో ఇది -
ఇది ముఖపత్రం -


ఇది సివరాకరి పత్రం అనగా ఎనకమాల కాయితకం -



ముఖపత్రం -
అక్వేరియం.
సున్నాలు సున్నాలు రంగురంగుల నీటి బుడగలు. కొన్ని సేపలు సొరసేపలు, కొన్ని ఆక్టోపస్లు, ఓట్రేండు తిమింగళాలు [యాడా సూపీ అనమాక], కింద ఓ ముత్యంసిప్ప, అందులొ ఓ ముత్యం, పక్కనే ట్రేజర్ ఛెస్ట్ అనగా భోషాణం పెట్టె, అడుగున సీవీడ్స్.
ఎనకమాల -
సెట్టు, ఉయ్యలలు సెట్టుకి.
మొట్టమొదట ఆడు, తర్వాద్ది నేను, నాఎమ్మట ఆళ్ళమ్మ, సివరాకర్న సెల్లి.
ఓ పువ్వు...
ఐనాక లైటెనింగ్స్, లైటేనింగ్ మెక్వీన్. నెంబరు తొంబ్బైయ్యైదు.
సివరాకర్న గ్లోబు కాదంటయ్యా, అది కాలి బంతంట. నేనూ ఆడు ఆడుతున్నట్టూహించుకోవాలంట.

నాకూ ఓ బస్సు కావాలి

ఇందాక సూరిగాడు ఓ బొక్కు తెచ్చుక్కూర్చుని సదివి ఇనిపించమన్నాడు.
ఇంతలో సంటిదొచ్చి ఆ బొక్కుని లాగేస్కుళ్ళింది. ఆడు దాన్ని ఇటు గుంజను, పిల్ల అటు గుంజనూ. ఛీఛీ నాకర్జెంటుగా ఓ ఎఱ్ఱబస్సుకవాలి పగల్నూకటానికి.
[సమైక్యాంధ్రా జెయెసి అంట ఇరవై కోట్లకి పగల్నూకితే, ఇట్టాజరగాల్సిందే అనెజెప్పిన తెలంగాణా సవరయ్యలు యాభైకోట్లకి పగల్నూకారు బస్సుల్ని, ఆళ్ళఆళ్ళ బాబుల సొమ్ములు కదా]

లాస్ ఏంజలస్ లో

లాస్ ఏంజలస్ లోని బర్బ్యాంక్ (Burbank) లో ఎవరైనా తెలుగు బ్లాగ్ జనులున్నచో తెలుపగలరు.